Ambalama - සැබැ සමාජ කතිකාවක සොඳුරු නවාතැන්පල

October 2010

ස්වර්ණවාහිනියේ විලි ලැජ්ජා නැති අභිමානය

ස්වර්ණවාහිනියේ මේගා තරු තේරීම අවසන් ය . අවසන්ය කිවාට මට නම් ෂුවර්ම නැත. මොකද මෙතෙක් පැවති රියලිටි වැඩසටහන් අවසන් වූයේ ප්‍රීති ගෝෂා මධ්‍යයේ වුවත් මෙගා තරු තෙරීම අවසන් වුයේ "Megastar වැඩසටහන අවසන් බව කරුනාවෙන් සලකන්න " කියමින්ය . ගුටි කෙලියක් යන බව පෙනුනත් මොකා කොයිකාට ගහනවාද කියාවත් බලාගන්න හැකියාවක් ලැබුනේ නැත
ඇතැම් විට අවසන් තීරණයෙන් උද්දාමයට පත් ප්‍රේක්ෂක ජනතාව කැමරා පොල්ලට 2 ක් වැඩැම්මවූවාද විය හැක නැතිනම් ගුටි කෙලිය බලන්න බැරි තරම් කැත වූවාද විය හැකිය.
කොයිහැටි වෙතත් ලාංකීය රියලිටි වැඩසටහන් ඉතිහාසයේ පලමු වරට ජයග්‍රාහකයාට තම ත්‍යාග හරි හැටි ලබාගන්නටත් ඒවා ලබාගෙන ජනතාවට ආචාර කරන්නටත්  නොහැකි වූ පලමු වැඩසටහන මෙයය . අනික් අතට එහෙම වීම සාධාරණය . මොකද සමස්ථ විනිශ්චය මණ්ඩලයත්, (කණ ඇහෙන ) ඕනිම පුද්ගලයෙකුත් අනුමත කරන්නාවු තීරණය ක් වෙනස් වූ පලමු අවස්ථාවත් මෙයය.


 කෙසේ නමුත් ශ්‍රි ලාංකීය අභිමානය යැයි කියා ගන්නා ස්වර්ණවාහිනිය ලාංකීය ප්‍රේක්ෂකයාට කල අවමානය නම්  සුලු පටු නැත ඒ සමඟම තමන්ට කරගත් " චාටර" ය  එසේමය. එනිසා ඔවුන් වැඩ සටහන අවසන් කිරීමට යොදා ගත් වාක්‍ය කණ්ඩයට යටින්


"මෙතෙක් කල් megastar  වැඩසටහන බැලු ඔබ ගොනාට ඇන්දුන බවත් වැඩසටහන කල අපි නප්පියටම "කිච" වූ බවත් කරුණාවෙන් සලකන්න"


යන වාක්‍ය කණ්ඩයත් විකාශය කලා නම් ඉතා අගනේය.


නමුත් මීට වසර කිහිපයකට පෙර යම් තාක් දුරකට මධ්‍යස්ථ හා කැතක් නැතුව බැලිය හැකිව තිබු ස්වර්ණවාහිනිය මේ තරම් පහත් තත්වයට ඇද දැමු වර්ථමාන  වැඩසටහන් අධ්‍යක්ෂක වරයාට හක්කට පහරක් එල්ල කරගන්නට ප්‍රේක්ෂකයෙකුට අද අවස්තාවක් ලැබී තිබුන හොත් නම් රටේ ප්‍රේක්ෂක ජනතාවගේ අභිමානය  යන්තම් හෝ බේරෙන බව නම් කිව යුතුමය.


අවසන් වශයෙන් සැබැ දක්ෂයා වු දයාසිරිටත්,වේදිකාව අරක් ගත් ප්‍රභල හඩක් වු සුරෙශ් ටත් . ගායනයේ දුර්වලතා ඇතත් අපූරු කටහඩක් හිමි උපේක්ෂාටත් සුභ පතන්නට බුවා කැමතිය ! .

ජාවා මගඩි ,IT සහ තරුණ පරපුර

IJTS ආයතනයේ හිමිකරු විසින් කරගෙන යනු ලබන්නේ යැයි කියනු ලබන වංචනික ක්‍රියාමාර්ග පිලිබඳව සිංහල බ්ලොග් අවකාශය තුල මේ දිනවල බහුලව දක්නට ලැබේ.බුවාට මේ ආයතනය ගැන දැනගන්නට ලැබෙන්නේ මීට වසර 1 1/2 කට පමණ පෙර තොරතුරු තාක්ෂණ අධ්‍යාපනයට පිවිසීමට සූදානම් වන විටයි.වාසනාවකට කේෂෙත්‍රයේ පලපුරුදු කිහිප දෙනෙකු ගෙන් ලැබුනු උපදෙස් නිසා බුවා IJTS යන්නේ නැත . නමුත් අදාල ආයතනය කතන්දරයෙන් සම්පූර්ණයෙන්ම ඉවත්ව යන්නේත් නැත . බෝහෝ දිනවල ඉරිදා පුවත් පත් වල රු50,000 වැටුප් ගැනීමට කල යුතු යැයි කියන ඔවුන්ගේ පාඨමාලාව පිලිබඳ දැනිවීම ඊට එක් හේතුවකි,අනික් හේතුව නම් IJTS හි ඉගෙන ගත් අය නොයෙකුත් අවස්ථාවල විවිධ ස්ථාන වලදී මුන ගැසීමයි.මේ හමුවීම් නිසා බුවා තුල මුලින්ම ඇතිවන්නේ අදාල ආයතනය ගැන දැඩි අප්‍රසාදයකි. ඒ ඔවුන් විසින් සිසුන් තුලට ඔබ්බවා ඇති සම්පූර්ණයෙන්ම වැරදි මතවාද නිසාවෙනි .කාලයත් සමඟ IJTS  හි සිදුවු අලුත් වෙනස් කම් ද සමඟ ආයතනය පිලිබඳ සැකයක්ද බුවා තුල ඇතිවේ .මේ ගැන බ්ලොග් සටහනක් දමන්නට බොහෝ සේ සිත් වුවත් කාරණා දෙකක් නිසා එය සිදු නොවේ
පලමුවැන්න නම් ජාවා පමණක් දත් අදාල ආයතනයේ අති පණ්ඩිත සිසුන් විසින් නැගිය හැකිව තිබු ජාවා තර්ක වලට ජාවා වලින්ම පිලිතුරු දීමට තරම් ජාවා දැනුමක් බුවා තුල නොවීමයි දෙවැන්න යම් වංචාවක් සිදුවන බව දැනුනත් එය ඔප්පු කිරීමේ සාධක බුවා සතුව නොවීමයි.
උක්ත කාරණා දෙකම සපුරාලන බ්ලොග් අඩවියක් බුවා විසින් අහම්ඹකින් මෙන් දකින ලද්දේ අතරතුරයි .පහත සබැඳියෙන් දැක්වෙනනේ එම බ්ලොගයයි




http://ranarala.blogspot.com/


එහි රචකයා ජාවා පිලිබඳ හසල දැනුමක් ඇත්තෙක් බව පෙනෙන අතර ආයතනයේ වංචනික ක්‍රියා පිලිබඳව මැනවින් සාධක සහිතව හෙලිදරව් කර ඇත.
මේ ගැන කතා කිරීමේ ඇති ප්‍රයෝජනය කුමක්දැයි ඇතමෙකුට සිතෙනු ඇත . සැබවිනම දැනටමත් අදාල ආයතනයේ මුලාවට අසුවී ඇති අයට නම් Sorry  කියනවට වඩා දෙයක් අපට කියන්නට නැත .නමුත් තොරතුරු තාක්ෂණ ක්ෂෙත්‍රයට යොමු වන්නට සිටින තරුණ පරපුර මේ මගඩි වලින් බේරා ගත යුතුය 

අප රටට තොරතුරු තාක්ෂණ ක්ෂෙත්‍රයේ හොඳ ඉදිරි ගමනක් පෙනෙන්නට තිබෙන අතර රජයේ ඉලක්කගත වැඩ පිලිවෙලවල් තුලත් මේ ක්ෂෙත්‍රය ඉදිරියෙන් තිබෙන පෙනිගොස් තිබේ . එහි වාසිය හිමිවිය යුත්තේ අසරණ දරුවන් දෙමව්පියන් මුලාකරන මෙවැනි හොරුන්ට නොව රටේ අනාගත පරපුරටයි.රටේ තොරතුරු තාක්ෂණ ක්ෂෙත්‍රෙයේ උන්නතියත් , වංචනිකයන්ට මුලාවූවන් වෙනුවට සැබෑ වෘත්තීය ශිල්පීන් බිහිවනු දැකීමත් ඔබගේ බලාපොරොත්තුව නම් කරුණාකර ඉහත සබැඳියේ අති ලිපි කියවා බලන්න ඒවා සත්‍යය යැයි හැඟෙන්නේ නම් ඒ පිලිබඳ    ඔබගේ මිතුරන් දැනුවත් කරන්න ඒ සඳහා පහත Facebook pages දෙකද ඔබට භාවිතා කල හැක
අදාල ආයතනය විසින් සිසුන් මත පටවා ඇති මතවාද වල සාවද්‍ය බාවයත් ක්ෂේත්‍රයට එන්නට සිටින අයට උපදෙස් ටිකකුත් ඊලඟ ලිපියෙන් ඉදිරිපත්  කිරීමට බලාපොරොත්තු වෙමි 



01) http://www.facebook.com/ijts.scam
02) http://www.facebook.com/pages/It-Force-against-IJTS-Hora-Degree/153428271363283?v=wall

[ Disclaimer - 

This article is written based on common sense regarding to the relevant scenario and there is No intend of insulting a   specific person or institution But to give some information to younger IT generation of Sri lanka

මෙම ලිපිය අදාල කාරණය පිලිබඳ පොදු ඥානය පදනම් කරගෙන රචනා කොට ඇති අතර යම් ආයතනයකට හෝ පුද්ගලයෙකුට අපහාස කිරීමක් අදහස් නොකරන අතර තරුණ පරපුරට තොරතුරු ලබාදීම පමණක් අදහස් කෙරේ ]

මංජුගේ ජයග්‍රනය ගැන එක එක අය කියන්න ඉඩ ඇති කතා

මංජු වන්නිආරච්චි සහෝදරයාගේ රන් පදක්කම් ජයග්‍රනය ගැන බුවා මුලු හදවතින්ම සතුටු වෙනව වගේම මංජු සහෝදරයට මුලු හදවතින්ම සුභ පතනවා!...
මේ ජයග්‍රහනය අපේ රටේ ලොකු ලොකු කට්ටිය කියන්න ඉඩ තියන කතා ගැනයි මේ සටහන


අතිගරු ජනාධිපතිතුමා - 30 වසරක යුධ ශාපය අවසන්ව අප මවුබිම ආසියාවේ ආශ්චර්යය බවට පත් වෙමින් තිබෙන්නාවූ බවට කදිම නිදසුනක් ලෙස මේ ජයග්‍රහනය දකින්න පුලුවන්


ගරු අග්‍රාමාත්‍යතුමා - 30 වසරක යුධ ශාපය අවසන් අප ශ්‍රේෂඨ මවුබිමේ බෞද්ධ සංස්කෘතියෙන් පෝෂණය වූ අතීත අභිමානය යලි සිහි ගන්වන්නට මේ ජයග්‍රහනය සමත්ව ඇත...........


අමාත්‍ය විමල් වීරවන්ශ - 30 වසරක යුධ ශාපයෙන් මිදී සංවර්ධනයේ අරුණලු දකිමින් තිබෙන අප මාතෘ භූමිය අධිරාජ්‍යවාදී ඊනියා කුමන්ත්‍රන වලින් බේරා ගැනීමේ පලමු වෙඩි මුරය අද නව දිල්ලියේදී සටහන් වුණා


අමාත්‍ය පාඨලී චම්පික රණවක - දක්ෂින ආසියා භුමිය තුලදිම බටහිර බලවේග විසින් මේ ලැබූ පරාජය චීනය හා ඉන්දියාව මුල් කරගත් අනාගත ලෝක ආර්ථික සංග්‍රාමයේ ශ්‍රි ලාංකිය සලකුන සනිටුහක් කරවන්නකි


ගරු විපක්ෂ නායක - ප්‍රජාතාන්ත්‍රවදය උදෙසා සටනේදී මංජුල තේ බිව්වේ නැ, බිව්වෙ කලු කෝපි විතරයි. එකත් සීනිත් නැතුව. කොළඹ නගර සභාව අධිකාරියක් කරවීම ගැන ජනතාව දැනුවත් විය යුතුයි , එහිදී අපි මංජුල වෙනුවෙන් 18 වන සංශෝධනයෙන් අහිමි කල ජනත පරමාධිපත්‍යය නැවත ස්ථාපනය කල යුතු වෙනවා


ජනතා විමුක්ති පෙරමුන - ශ්‍රේෂ්ට යුධ විරුවා සිරගත කරමින් රජපක්ෂ සහෝදර සමාගම කැලැ නිතිය රට තුල ක්‍රියාත්මක කරමින් සිටිනා මොහොතක ජනතාවට මෙවැනි ජයග්‍රහනයන් ගැන සතුටුවීමේ හැකියාවක් නැහැ .අපි ඊට විරුද්ධ සියලු  බලවේග ඒක රාශි කරගත් පුලුල් ජනතා ව්‍යාපාරයකට යැමට බලාපොරොත්තු වෙනවා


සරත් ෆොන්සේකා -  මේ ජයග්‍රහ _ _ _ _මම _ _ _ මේ ගාඩ් එක කියල බූරුවො ටිකක් දාලා_ _ _ _ හරක්_ _ _


පා.ම සජිත් ප්‍රේමදාස - ලංකාවේ පලාත් 9 ක ,දිස්ත්‍රික 22 ක ,ප්‍රාදේශීය ලේකම් කොට්ටාශ ........... ක,ග්‍රාම සේවා වසම් ............ක ,ජීවත් වන ලක්ෂ 200 ක් වූ ජනතාව සතුටුවන මේ මොහොතේ රෙද්ද බැනියම අදින  ජනතාවට සැමදා මෙලෙස සතුටු විය හැකි යුගයක් උදා කල හැක්කේ රණසිංහ ප්‍රේමදාස ප්‍රතිපත්තියෙන් පමණක් බවත් කියන්න කැමතියි


වික්‍රම බාහු කරුණාරත්න - ගෝලීය අධිරාජ්‍ය වාදය තුල බටහිර හාම්පුතුන් විසින් බලහත් කාරයෙන් අප වෙත පටවන ලද ක්‍රිඩා වලින් ජයග්‍රහනය කිරීම සැබැ ජයග්‍රහනයක් නොවේ

( මේවා අදාල පුද්ගලයින් විසින් සත්‍ය වශයෙන් ප්‍රකාශ කරන්නට යෙදුනු ප්‍රකාශ නොවන අතර .සාහිත්‍යමය අවශ්‍යතාවයන් මත නිර්මාණය කෙරුන එවා බව කරුණාවෙන් සලකන්න)

Related Posts Plugin for WordPress, Blogger...
Back to Top