Ambalama - සැබැ සමාජ කතිකාවක සොඳුරු නවාතැන්පල

November 2010

රටේ ඊලඟ ජනපති කව්ද?

මහින්ද රාජපක්ෂ ජනපතිවරයා ජනපති පුටුවෙන් ඉවත් වූ දිනක ( තව වසර විසි පහකින් හෝ ) වෙනත් අයෙක් ජනපති වනු ඇත . ඒ කවුරුන් විය හැකිද 


සන්ධානය


01) බැසිල් රාජපක්ෂ මහතා
සන්ධානය තුල සිටිනා වඩාත් සුදුසුම පුද්ගලයාය . බොරු දේශප්‍රේමීත්වය හෝ සංස්කෘතිය හෝ ජාතිකත්වය පසු පස යන්නෙක් නොවන නිසා බොහෝ විට සිය සහෝදරයාටත් වඩා සාර්ථක විය හැක . දැනට පෙනෙන ආකාරයට නිදහස් පක්ෂයේ ප්‍රභලයින්ගේ විස්වාශයත් දිනා ඇති නිසා . විමල් වැනි හැකරැල්ලන් හලා දමා වුවත් වැඩේ කරගෙන යා හැකිය . නමුත් චන්දයකට ඉදිරිපත් වීමෙදී පොඩි පරහක් ඇති වීමට ඉඩක් ඇත්තේ ඇමරිකන් පුරවැසි භාවය නිසාය.


02) නාමල් රාජපක්ෂ මහතා 



බොහෝ දෙනෙකු කියන ආකාරයට මහින්දගෙන් පසු ජනපති නාමල්ය . නමුත් මංගල සමරවීර වැන්නවුන් දකින ආකරයේ ජුන්ටාවක් තවමත් අප රටේ නැති නිසා තාත්තා යනවිට පුතාට ඔටුනු පැලඳවිය නොහැක . එවැන්නක් සිදුවීමට නම් මහින්ද ජනපති තුමා තව චිරාත් කාලයක් රට පාලනය කර රට පලමු ලෝකයේ රටක් බවට පත් කල යුතුය . (ඇත්තටම එහෙම වනවා නම් එවන් ජනපති කෙනෙකුගේ පුතා ජනප්ති වනවාට බුවත් අකමැති නැත )
නැතිනම් නාමල් සුවිශේෂි, මින් පෙර කිසි අයෙකු තුල නොවු ගුණාංග වලින් සමන්විත යුතුය . එසේත් නොමැති නම් නිදහස් පක්ෂයේ සියලු ජේෂ්ටයන් පක්ෂය හැරගොස් සජිත් මහත්තයාට ලැබුන ආකාරයේ පිනා චාන්ස් එකක් ලැබිය යුතුය . නමුත් මේ එකක් වත් සිදු වෙතැයි සිතිය නොහැකි නිසා මහින්ද ජනපතිගෙන් පසු නාමල් පත්වීම සිදුවීමට ඉඩකඩ අඩුය.
තම පියා රටේ ජනප්‍රියතම ජනපතිවරයා වීම හැර වෙනත් කිසිදු සුදුසු කමක්( එය සුදුසු කමක් නම් ) හෝ නුසුදුසු කමක් නාමල් මන්ත්‍රිතුමා පෙන්වා නැතත් වැඩ පෙන්වනවා නම් වැඩ පෙන්වීමට අවශ්‍ය කරන කාලයත් , බලයත් ඔහුට නොඅඩුවම ලැබී ඇත


03)මෛත්‍රිපාල සිරිසේන මහතා
පසු ගිය සමයේ අගමැති ධූරයට නම් කියැවුනු එක් අයෙක් නිසාත් නිදහස් පක්ෂයේ මහ ලේකම් නිසාත් සැලකිල්ලට ගන්නා ලද මුත් ඊලඟ ජනපති වීමට ඇති හැකියාව නම් අල්පය. පතෝල ප්‍රතිපත්තියෙන් ඉවත්ව සෞඛ්‍ය ක්ෂෙත්‍රයේ ජනතාවට තදින් දැනෙන වෙනසක් කිරීමට සමත් උනොත් නම් අපේක්ෂක කමට් වත් ට්‍රයි එකක් දිය හැක   


04) නිමල් සිරිපාලද සිල්වා මහතා 
මෙතන ලිවීමට කිසිසෙත් සුදුසු පුද්ගලයෙකු නොවන මුත් පසු ගිය කාලේ අගමැති කමට නම් ලියවුන නිසා සඳහන් කල යුතුව ඇත.කොයි හැටි වෙතත් ශ්‍රි ලාංකිකයින් එතරම්ම අවාසනවන්තයැයි මට හිතෙන්නේ නැත


05) ගරු අග්‍රාමාත්‍ය තුමා
රටේ දෙවන පුරවැසියා නිසා නිල වශයෙන් ජනපති වීමෙ අවස්ථාවක් ඇත. (මහින්ද හා ප්‍රේමදාස කලාක් මෙන්) නමුත් අගමැතිතුමාගේ තුන් හිතකවත් එවන් බලාපොරොත්තුවක් ඇතැයි බුවාට නොසිතේ


එජාපය


01) රනිල් වික්‍රමසිංහ මහතා


රටේ විපක්ෂ නායකයා නිසාත් , එජාපයේ වත්මන් නායකයා නිසාත් තර්කානුකූලව රටේ ඊලඟ නායකත්වයට පත් වීමට අවස්ථාවක් ඇත . යම් යම් අංශයන් සැලකූවිට රටේ අන් කිසිදු දේශපාලන නායකයෙකුට නොමැති ශක්‍යතාවක්ද මෙතුමාට ඇත . නමුත් කණගාටුවට කාරණය නම් ඊලඟ චන්දය වන තෙක් පක්ෂ නායක කම රැක ගැනීමට හෝ පක්ෂ නායකයාව සිටිය හොත් එජාපය රැක ගැනීමට හෝ   මෙතුමාට නොහැකිවීමයි . එජාපයේ ඇතැම් පුද්ගලයින් විසින්ම කිච කරනු ලැබ ඇති නිසා පොලොන්නරුවට වරායක් ලැබුනත් රනිල් මහත්තයා ජනපති වේයැයි නම් සිතිය නොහැක  


02) සජිත් ප්‍රේමදාස මහතා


රණසිංහ ප්‍රේමදාස ජනපති වරයගේ පුතා වීමත්, මහන මැෂින් ඇතුලු ආධාර බෙදමින් යාමත් , ගිරිය කඩාගෙන කැගැහීමත් ඇරුන විට යමක් කර නැති වුවත් එජාපයට ඇති එකම( දැනට ) විකල්පයයි . ග්‍රාමීය එජාප පාක්ෂිකයා තුලින් හොඳ සහයෝගයක් ලැබුනත් සුලු ජාතික චන්ද , නාගරික මධ්‍යම පාන්තික චන්ද ඇතුලු අනෙකුත් එජාප කොටස් ආකර්ෂණය කරගැනීමට සජිත්ට හැකිද යන්නත් . පවතින රජයට වඩා හොඳ විකල්පයක් වීමට හැකිද යන්නත් ඉදිරි කාලයේදී තීරණය වනු ඇති අතර වත්මන් රජයේ සාර්ථක අසාර්ථක බාවය මත සජිත් මහත්තයාගේ ජනපති සිහිනය තීරණය වනු ඇත 


03) කරූ ජයසූරිය මහතා


සැහෙන තරම් වැදගත් ලෙසත්, රනිල් මෙන් චාටර් නොවෙන ලෙසත් ගමේ මිනිහට දැනෙන ලෙසත් හැසිරිය හැකි මෙතුමා රටේ නායකත්වය්ට සැබවින්ම සුදුස්සෙක් වුවත් පක්ෂ මාරුව නිසා තම අවස්ථාවන් අහිමි කරගෙන ඇත . රනිල් නායකත්වයෙන් ඉවත් වුවහොත් මෙතුමාත් ගෙදර යන්නට ඉඩ ඇති නිසා ජනපති කමකට ඉඩ කඩ අඩුය . කෙසේ වුවත් රනිල් මහත්තයාට නම් වඩා චන්ද ප්‍රමාණයක් ලබාගැනීමට හැකි වනු 
ඇත


04)දයාසිරි ජයසේකර මහතා  


මා කලින් සඳන් කල එජාපයේ සියලුම චන්ද පදනම් සුරක්ෂිත කරගත හැකි . ඉතා හොඳ දේශපාලන දැක්මක් ඇති මා හිතනා විදිහට වර්ථමානයේ එජාපයේ ජනප්‍රියම මන්ත්‍රි වරයාය . නමුත් සජිත් මහත්තයා නිසා අවස්ථාවක් නොලැබෙනු ඇත . එසේ වුවත් පසු කලෙක හෝ රටේ නායකත්වයට පත්වීමට ඉඩ ඇත  


05)රවි කරුණානායක මහතා 


සජිත්ට එරෙහිව නායකත්වයට ඉදිරිපත් වන බව කියා යම් සනිටුහන්ක් තැබුවත් ජනපති වීමෙ කිසිදු අවස්ථාවක් නැත . රනිල් මහත්තයා තරම් වත් චන්ද ගත නොහැක


කුසලානය


සරත් ෆොන්සේකා මහතා


කලින් ජනපතිවරණයේ දෙවෙනියා නිසා නොලියා බැරි වුවත් ජනපති වීමේ අවස්ථාවක් නැත .සුදු කොඩි කථාවටත් වරද කරු වුවහොත් අවුරුදු 2.5 අවුරුදු 25 දක්වා වුවත් දික්විය හැක


ජවිපේ


අපේ රටේ ජනතාවට එතරම්ම පිස්සු නැත !




අනාගත නායකයින් ගැන කියන අතරේම වත්මන් ජනපති මහින්ද රාජපක්ෂ මහතාගේ පදවි ප්‍රාප්තියට සුභ පැතුම් එක් කරන්නටත් , එතුමාට නිරෝගී සුවය ප්‍රාර්ථනා කරන්නටත් බුවා කැමතිය . ඒ පැල සිටුවීම් හා සංදර්ශන වලට පමණක් සීමා නොවී අප රටේ අනාගතය යහපත් කිරීමටය . ඒ සඳහා පලමුවම කලයුත්තේ  ගතානුගතික මතවාද වලින් හා එවන් මතවාද දරන්නන්ගෙන් දුරස් වීම බවද පැවසීමට කැමතිය .

ඔක්කොම කණපිට

අපේ රටේ බොහෝ දෙවල් කෙරුනේ කණපිටට හෙවත් වෙන කොහේවත් සිදු නොවන අකාරයටය . වැඩ පමණක් නොව මිනිසුන්ගේ මතවාදයන්ද එලෙසමය මේ පසු ගිය කාලයේ එවන් සිදුවීම් කිහිපයකි
----------------------------------------------------------------------------------
ඊයේ සූදු පනත කියා එකක් සම්මත විය . එය කැසිනෝ සඳහා ඉඩ කඩ ලබාදෙන්නක් බව පැවසේ . ලිබරල් ආර්ථික ප්‍රතිපත්ති අනුගමනය කරන රනිල් වික්‍රමසිංහ  එයට විරුද්ධ වෙත්දී ධර්ම රාජ්‍යක් හදන්නෙයි කියා පැමිණි රණවක ත් . පර සුද්දාට එරෙහි බෙලෙක් හඩ, විමල් මැතිඳුත් එයට පක්ෂය


ඇත්තටම විමල් මැතිඳු කණපිට ගැසුවේ මීට ටික කලකට පෙරය . O/L වලින් පසු විප්ලවයට කියා කැලේ පනින  ඔහු රජතුමාගේ ඔඩොක්කුවට පැන්න දා සිට කණපිටය


විමල් එලෙස හැසිරෙන විට දේශපාලන උරුමයක් හා ජනතා ප්‍රසාදයක් සහිත අර්ජුන ෆොන්සේකාගෙ පස්සේ වැටි අනාත වී ඇත


කෝටි ගණනින් මුදල් සංසරණයවූ යුද්ධයක් කල හමුදාපති වරයා බැටරි කෑලි කිහිපයක් හා රේඩාර් වගයක් හොරා කැමට හිරබත් කන අතර නැව් ගණන් අවි ජාවාරම් කල කොටි නායකයින්ට නඩුවක් වත් නැත

විජේවීරව පණ පිටින් පිච්චුවෙත් , සිරිසේනගේ රෙද්ද අස්සේ රිංගූ සෝමවංශ හැර අනික් ජවිප නායකයින්ට බැටේ දුන්නේත් යුධ හමුදාවෙන් වුවත් විශ්‍රමික හමුදාපති පස්සේ යනු ඇර වෙන යමක් අද ජවිපෙට බැරිය

ලංකාවේ පලමු පෞද්ගලික විශ්ව විද්‍යාලය දමන්නේත් ඊට විරුද්ධ වෙන්නන් හට ඇට්ටි හැලෙන්න දෙන්නෙත් එජාපය යි . නමුත් එජාපය අද සිසු අයිතීන් ගැන කතා කරනවා පමණක් නොව උඳුලයා නිදහස් අධ්‍යාපනය බේරා ගැනීමට යන්නේත් සිරිකොතටය


පක්ෂය ගමට ගෙනියන්න යැයි කිය එජාපය ග්‍රාම චාරිකා ගියත් ග්‍රාමීය ජනතාව අතර වඩාත්ම ජනප්‍රිය සජිත් හෝ අඩුතරමින් දයාසිරිවත් එක්ක යන්නේ නැත
ෆොන්සේකාව දේශපාලන ලෝකයේ අතරමං කල රනිල් අද සෙත් කවියක් කියනවාට වඩා යමත් නොකලත් . ෆොන්සේකා ට තදබල ලෙස විරෝදය පෑ සජිත් ඔහු බේරා ගැනීමට මහ පාරේය 

එජාපයේ අනාගත නායක සජිත් ගේ ලොකුම හතුරා මහින්ද හෝ රජය නොව රනිල් වන අතර රනිල්ගේ ලොකුම හතුරා සජිත්ය

එජාපයේ ධනවාදයට විරුද්ධව ගොඩ නැගු නිදහස් පක්ෂය මුල් වූ රජය එජාප ප්‍රතිපත්ති ක්‍රියාත්මක කරන විට එජාපයේ අනාගත නායකයින් එජාපය වාමාංශික කිරීමට සැරසේ 

ඕනැම රටක නලු නිලියන් යනු මිල මුදල් යහමින් ඇති   , විලාසිතා සඳහා ලක්ශ ගණනින් වැය කරන අය වේ නමුත් අපෙ රටේ නිලියන් රු 12 500 ක ඇදුම් හොරෙන් ගෙනගොස් මාට්ටු වන අතර ඇතමුන් හොර වීසා සාදා මාට්ටුවේ
----------------------------------------------------------------------------------
තවත් බොහෝ කණපිට ගැසීම් තිබුනත් මට මතකයට අවේ මේ ටික විතරයි , මට් මේ ලිපිය ලියන්න හිතුනෙ එජාපය සූදු පනතට විරුද්ධ වෙනව දැක්කාම . ඔබට මතක තව ඒව තියනව නම් කමෙන්ටුවක් 
විදිහට දාන්න    ආ......... තව එකක් ලෝකෙ අනික් රටවල යට පැත්ත උල් වෙත්දි අපෙ රටේ විතරක්  උඩ පැත්ත උල් ..හි හි හි

ගල් වෙනුවට මල්! .......බුවාගෙන් දෙරණට මල් මිටක්

දේශපාලන හෝ සමාජීය බ්ලොග් ලියන බොහෝ දෙනා , බොහෝ විට ලියන්නේ අඩු පාඩු හෝ විවේචනයි සැබවින්ම බොහෝ දේවල් කණපිට ගසා ඇති රටක වෙන ලියන්නට දෙයක්ද නොමැත . බුවාගේ කෙටි කාලීන බ්ලොග් ජීවිතය තුලත් එක් පෝස්ටයක් හැරුණු විට සියල්ලම ලියා ඇත්තේ විවේචනයි.


නමුත් අද ලියන්නට යන්නේ නම් එවැන්නක් නොවේ . මිට කලින් පෝස්ටය ලියුවේ මාධ්‍ය ආයතනයක තකතීරු කමක් ගැනයි අද ලියන්නට යන්නේ මාධ්‍ය ආයතනයක් විසින් පැවැත්වූ අපූරු වැඩසටහනක් ගැනයි


ඒ Derana Music Video Awards 2010 වැඩසටහනයි.සරලම කතන්දරය නම් ප්‍රේක්ෂකයින්ගේ ඇස කණ  පිනවීමේ කාර්ය්‍යය ඉතා මැනවින්  ඉටු කිරීමට දෙරණට හැකිවු බවයි. සැබවින්ම රූපවාහිනි වැඩසටහනක කාර්යය ද එය වන අතර කලාව අනුභව නොකර හා ප්‍රේක්ෂක බුද්ධියට නිගා නොකර එය සිදු කිරීමද ඉතා වැදගත්ය . ඒ අයුරින් බලන විට මේ වැඩසටන අතිශයින් සාර්ථක වුවක් බව මගේ හැඟීමයි . රතු පලස් වැඩසටහනේ ආරම්භක අවස්ථාවේ නිවේදිකාව දැක්වූ දුර්වලතාවයන් හා ඇතැම් සුලු තාක්ෂණික දෝශත් වේදිකාවේ ප්‍රමාණයත් හැරුණු විට ජාත්‍යන්තර මට්ටමේ සම්මාන ප්‍රධානෝත්සවයක දක්නට ලැබෙන අංග රාශියක් මෙහි විය . වේදිකාව තරමක් ප්‍රමාණයෙන් කුඩා වුවත් විශිෂ්ට නිර්මාණයක් වූ අතර ආලෝකකරණයද සුවිශේෂීය . විනිශ්චය මණ්ඩලය සැබවින්ම ඒ සඳහා වඩාත්ම සුදුස්සන් වු බව ඔවුනගේ නිර්මාණ හා ක්ෂේත්‍රයේ අත්දැකීම වලින් පමණක් නොව මෙහිදි ලබා දුන් විනිශ්චයන්ගෙන්ද මනාව පැහැදිලිවේ.වරින් වර එකතුව තිබු නාට්‍යමය අංග ( ආරම්භයේ ගැටුම , ඉරාජ් ගෙ ගීතය අතර සිද්ධිය .....ආදී) ත් , තීරණ ප්‍රකාශයට පත් කිරීමට පැමිනි අයගේ භූමිකාවනුත් වැඩසටහනට අපූර්වත්වයක් එක් කලේය .
ජනප්‍රියම වීඩියෝව සඳහා කවුරුත් ගල් මුල් නොගැසූ අතර වැඩසටහන හොදින් නිමා විය .සිතට මිහිරක් ගෙනදුන් වැඩසටහනක් වෙනුවෙන් දෙරණ ස්තුතිවන්ත වන අතරම අනාගතය සඳහා සුභ පතන්නටද බුවා කැමතිය . නමුත් කණගාටුවට කරුණක් ඇත ඒ මිට වඩා බොහෝ අලංකාරවත්ව කල හැකි ලංකාවේ සිනමා හා ටෙලි සම්මාන උලෙල වල් මෙහි අහලකටවත් ගත හැකි තත්වයක නොපැවතීමයි . අවසාන වශයෙන් අනර්කලි ආකර්ෂා ගේ භූමිකාවක් තැනට ගැලපෙන ලෙස යෙදුනු මා දුටු පලමු අවස්ථාව මෙය බවද කිව යුතුමය

Related Posts Plugin for WordPress, Blogger...
Back to Top