Ambalama - සැබැ සමාජ කතිකාවක සොඳුරු නවාතැන්පල

January 2011

"Smart "වෙලා වඩේ හපන් එන්න!! ... අත උස්සලා " උපහාරය " දෙන්න.!!.අනේ මෙහෙව් නිල ගීත.

ක්‍රිකට් ලෝක කුසලානය අත ලඟය. ශ්‍රි ලංකාව ඇතුලු දකුණු ආසියානු කලාපයෙ තරඟ පැවැත්වෙන නිසාත්, ශ්‍රි ලංකාව කලින් කුසලානය දිනා ගත්තේ මේ කලාපය තුල පැවැත්වූ තරඟාවලියකදි නිසාත් ශ්‍රි ලාංකිකයින් බොහෝ දෙනෙක් මෙවර තරඟාවලිය ගැන උනන්දුය . ඒ නිසා රූපවාහිනි තරඟ , ක්‍රිකට් බෝල වල අත් සලකුණු කිරීම්, ක්‍රිකට් ගීත නිකුත් කිරීම් වැනි කතන්දර ගොඩකි . ඒ අතරේ පහත ආකාරයේ ක්‍රිකට් නිල ගීතයක්ද නිකුත් විය .

" පලමුව විසිල් පාරකි..ඊලඟට හූවකි . වඩේ හපන්, චට්නි හදන්, කනුත් වහන් මැච් බැලීමට ආරාධනයකි .එතනින් එහාට කරටි කැඩේ, බඩු පෙරලේ , හිම දියවේ , හකු පැන්වේ, බජිරි කැවේ වැඩ ගොඩකි..".

සින්දුවේ ආතල් එකක් නම් ඇත , පොඩි ගතියකුත් ඇත නමුත් ගැටලුව ඇත්තේ "නිල ගීතය" කියන්නේත් මේකට වීමය .

බජව් තාලයට ගැයෙන අහුලාගත් වචන වලින් ලියැවුන ගීතයක් "නිල ගීතය" වේ  නම් නොනිල ගීත යා යුත්තේ කොතනටද?

ඇඟට දැනෙන නිල ගීතයක් හැදීමට ඇත්තේ බජව් තාලයක් විතරමද?
පද මාලාවේ හිස් තැන් පුරවන්න තියෙන්නේ වඩේ , ටොනික්, හෝ චට්නිද පමණද ?

මෙහෙව් මගුලකට නිල ගීතය කියන්නට ලැජ්ජා නැතිද?

අඩුම තරමේ "නිල ගීතයේ පද මාලාවට අනුග්‍රාහක සමාගමේ පැකේජ වල නම් නොදා සිටීමටවත් මොලයක් නැතිද?

ලංකාවේ තලෙයිබාන් ආශ්චර්යය ඇතිකරන ආකාරය

සන්ධාන ආණ්ඩුව මෙවර බලයට ආවේ ලංකාව ආශ්චර්යක් කොරන්න කියාය.මුහුදෙන් වටවූ දූපතේ පොල් ගෙඩිය රු 60 ත් පනින විට ආශ්චර්යය ඉහින් කනින් මෝදු වන බවද පෙනෙන්න්ට තිබුනි.
ඒ වැනි දෙකයි පනහේ සිල්ලර වැඩ වලින් පමණක් ආශ්චර්යය කොරන්න බැරි නිසාදෝ ආණ්ඩුවේ ඇමැත්තෙක් ගැහැනුන්ගේ ඇඳුම නිසා රටට දැයට ආගමට වන හානිය වැලැක්වීමේ කර්ත්‍යවයට අත ගසා ඇත . වටින් ගොඩින්  ඇහෙනා කාරණා වලට අනුව මේ ඇමැත්තාට මේ උදාරතර සිතුවිල්ල පහල වන්නට ඇත්තේ ලිබර්ටි ප්ලාසා ගොඩනැගිල්ලේ දී වීමටද බොහෝ දුරට ඉඩ ඇත . හොර පොට් එකකදී ඇති උනත් අදහස නම් මරුය

 අශිලාචාර මුස්ලිමුන් ගේ දැඩි පාලනයේ පවතින  රටවල් හැරුණු විට ශිෂ්ටාචාරයට පත් මිනිසුන් මනුෂ්‍යාගේ වස්ත්‍රයට නීති පනවන්නේ නැත . කාන්තාව හා පුරුෂය වෙනස් කොට සැලකිම ශිෂ්ටාචාරී මිනිසුන් විසින් අතහැර දමන ලද්දේ මීට දශක ගණනාවකට පෙරය .ඉතින්  ලෝකයම ඉස්සරහට යද්දී රටක් පිටුපසට ඇදගෙන යාමත් අවිහිංසාව හා මානව අයිතීන් මුල් කරගත් බෞද්ධ දර්ශනය ඉදිරියට දමා එය සිදු කිරීමත් ආශ්චර්යය දනවන කරුණු කාරණාමය  .

 කාන්තාවගේ අසභ්‍ය තැන් නිර්ණය කිරීමට කමිටුවක්ද පත් කර ඇත උන්ට අසභ්‍ය කුමක්ද යන්න අපි දන්නේ නැත කොහොම උනත් දැනට කියවෙන හැටියට නම් කොට සායවල්  , කෙටි අත් සහිත හැට්ට අදිය තහනම් වනු ඇත . ඉන් පසු රටේ උදා වන තත්වය කෙබදුද ?

පලමුව අසභ්‍ය ඇඳුම් වැටලීමේ බලකායක් නිර්මාණය කර ඔවුනට අවශ්‍යකර ටේප් පටි, අතිරේක රෙදි , ඉඳිකටු ආදිය සැපයිය යුතුය . මෙම කණ්ඩායම් ප්‍රසිද්ධයයි සැලකෙන සැම තැනකම ( අමාත්‍යාංශ ගොඩනැගිලි , ජිනා මැඩම්ගේ පොට් එක වැනි තැන්ද ඇතුලුව ) පැය 24 පුරා රාජකාරියට යෙදිය යුතුය

මීට අමතරව ප්‍රසිද්ධ ස්ථාන වන කලා මාධ්‍යන්ට පහත කාරණා ගැන සැලකිල්ලට ගැනීම සිදුවනු ඇත

සියලුම රියලිටි වැඩසටහන්,සංගීත විඩියෝ, මෙගා නාට්‍ය ෆැෂන් ශෝ ආදි වැඩසටහන් බොහොමයක් සංශෝධනය කිරීමට සිදුවනු ඇත( කඩේ යන නොයන සියලු චැනල වල ) .අබා චිත්‍රපටය ටීවී එකේ දැමීමට පෙර සැහෙන දුරට සංස්කරණය කිරීමට සිදුවනු ඇත . බොහෝ විට කුම්භක බූතාගෙ චරිතය වෙනුවට කලු කොටු කැබැල්ලක් පෙන්වීමට සිදුවිය හැක

හින්දි, දෙමල , ඉංග්‍රීසි චිත්‍රපට පෙන්වීම තහනම් වන අතර සුපර් සික්ස් වැනි ඉස්සරහට එන්න තිබෙන චිත්‍රපට තිරගත නොකරම තිස්ස නාගොඩවිතානට භාර දිය හැක
ෆැෂන් ශෝ , සංගීත විඩියෝ , ටෙලි නාට්‍ය , චිත්‍රපට නියාමනයට වෙනම ඒකකයක් ස්ථාපිත කල යුතුය එහිදී කලු කොටු දමා කාන්තාවගේ වැහිය යුතු තැන් ඇමතිගේ කමිටුවේ නිර්දේශයන්ට අනුකූලව විය යුතුය . සියලුම ස්විමින් පූල් ලඟ දියරෙදි සැපයීමේ ඒකකයක් පිහිටවිය යුතු අතර හැකිනම් උරහිස කොටසත් වැසෙන සේ නව දිය රෙද්දක් නිර්මාණය කල හැක . මිස් ශ්‍රී ලංකා තරඟයේ නාන ඇදුම් වටයටත් මෙම දිය රෙද්දම භාවිතා කල හැක. ඇමතිගේ කමිටුව විසින් දණ හිසින් පහල කොටසත් අසභ්‍ය යැයි තීරණය කලහොත් පාසල් , පොලිස් .හෙද නිල ඇදුම්ද සංශෝධනය කල යුතුය .

මෙකි හා අදාල තවත් කරණා ඉටු කර ගැනීමට ඉරාන රජයේ පූර්න අනුග්‍රාහකත්වය ලබා ගත හැකි අතර අවශ්‍ය වුවහොත් ලිබියාවෙන් වුවත් උදව් ලබා ගත හැක .මෙම දේශප්‍රේමි යෝජනාව ක්‍රියාත්මක කිරිමේ අවසන් තීරණය ජනපතිවරයාගේය එතනින් වැඩේ නතර උනහොත් එහෙමය නැති උනොත් අනර්කලී නඟාට සාරිය ඇන්දවීමේ සුභ නැකතින්ම වැඩේ පටන් ගත හැක

Related Posts Plugin for WordPress, Blogger...
Back to Top