Ambalama - සැබැ සමාජ කතිකාවක සොඳුරු නවාතැන්පල

May 2011

ත්‍රස්තාවාදය නිමා කර වසර දෙකකට පසු ආපහු හැරී බලමු !

දශක තුනක් තිස්සේ දිගහැරුණු කොටි ත්‍රස්තවාදය විනාශ කරල අදට අවුරුදු 2යි . ජනවාර්ගික ප්‍රශ්නයකින් පටන් අරගෙන ලෝකයේ දරුණුතම ත්‍රස්තවාදියා හා ත්‍රස්තවාදී සංවිධානය   දක්වා ගිය  එල්ටිටියෙ විනාශය සනිටුහන් කරල අවුරුදු දෙකක් ගතවෙන වෙලාවෙ ඒ ගැන පොඩ්ඩක් කතා කලොත් හොඳයි කියල මම හිතුව . මොකද මම යුද්ධය පැවතුණු කාලේ බ්ලොග් කරනයේ සිටියෙ නැති  නිසා මේ ගැන  මීට කලින් කතා කරලාත් නැහැ

කොටි සංවිධානය විනාශ කරන්න වගේම ප්‍රශ්නයෙ මූලික ගැටලුව විසඳන්න සාකච්ඡාමය ක්‍රියාමාර්ගයක් තමයි " හොඳම " ක්‍රමය විදිහට මම දැක්කේ . ජවිපයත් චන්ද්‍රිකාත් එකතුවෙලා  එජාප රජය බිඳ නොවැට්ටුවා නම් සටන් විරාමය හරහා උපක්‍රම ශීලිව එල්ටිටිය බිඳ දාන්නත් , ජනවාර්ගික අර්බුදයට විසඳුමක් ගේන්නත් හැකියාව තිබුනයි කියන  එකයි මගේ පුද්ගලික මතය

(Note - මම මෙහෙම කිව්වාම බොහොම දෙනෙක් මට විරෝධය පල කරන්න ඉඩ තියනව . ඒත් මේ වෙන කොට පිලිණු වෙච්ච මාතෘකාවක්  වන  " සටන් විරාමය "  හෝ ඒ ගැන මගේ මතය සම්බඳයෙන් නොනවතින විවාදයකට පැටලෙන්න නම් මගේ බලාපොරොත්තුවක් නැහැ )


කොහොම උනත් චන්ද්‍රිකා නෝන  වගේම මහින්ද මහත්තයත් සටන් විරාමය දිගටම පවත්වාගෙන ගියා (  අකමැත්තෙන් උනත් ජාත්‍යන්තර බලපැම් නිසා කල දෙයක් වෙන්නත් පුලුවන් ) . මහින්ද මහත්තය අත්හිටල තිබුන සාකච්ඡාවත් ආරම්බ කලා . නමුත් උත්සාහය හරි ගියේ නැ . තමන්ව ජාත්‍යන්තර උගුලක පටලන්න හදනවාය කියන විශ්වාසයෙන් රනිල් මහත්තයව පරාද වෙන තැනට කටයුතු කරපු  ප්‍රභාකරන් නැවත වරක් සිවිල් වැසියන්  ඉලක්ක කරගෙන බෝම්බ ප්‍රහාර එල්ල කරන්න පටන් ගන්නෙ කදිරගාමර් මහත්තයත් නැති සන්ධාන රජයට ජාත්‍යන්තර බලවේග කලමනාකරනය කරගන්න බැ කියන විශ්වාසයෙන් . ඒ කාරණයේදී ප්‍රභාකරන් නිවැරැදි උනත් ඔහු තමන්ගේ ජීවිතයේ කරපු දෙවැනි ලොකුම වරද කරගන්නෙත් මෙතනදි

සිවිල් වැසියන් , ප්‍රභූවරුන් දිගින් දිගටම ඉලක්ක කරත්දි සැහෙන ඉවසීමකින් කටයුතු කරපු සංධාන රජය මාවිල් ආරු සොරොව්වෙන් යුධ ක්‍රියා මාර්ගය අරඹන කොට ප්‍රභාකරන් බොහොම සතුටු වෙන්න ඇති  ,  දෙමල ජනතාව හා එල්ටිටියි නායකයින් ඇතුලු සමාජිකයින් වෙතින් ගිලිහෙමින් තිබුන තම්න්ගේ ප්‍රතිරූපය යුධයත් , රජයට සම්බන්ධ අන්තවාදී කණ්ඩායමුත් පෙන්නල නැවත ලඟා කරගැනීමේ තමන්ගෙ උපක්‍රමය සාර්ථක උනා කියල . එ වගේම යූද්ධය පෙන්නල විදේශ රටවලඉන් වාසි ලබා ගන්නත් ,  වෙනද වගේම තමන්ට කෙලවේගන  එන කොට යුද්ධය නතර කරගන්න ඒ අයගෙ උදව් උපකාර ලබා ගන්නත් බලා පොරොත්තු වෙන්න ඇති .  ප්‍රභාකරන්ට වැරදුන තැන අන්න ඒක


මහින්ද මහත්තයට කලින් ලංකාවේ හිටපු සියලුම ජනාධිපති වරු , කොටි සංවිධානයට එරෙහිව යුධ ක්‍රියාමාර්ග ආරම්ඹ කලා , නමුත් නොයෙකුත් බලපැම් , හේතු ආදිය නිසා ඒවා අතර මඟදි නතර කරල්ත් දැමුව , අන්තිමේදි සිද්ද වුනේ  රටේ වටිනා තරුණ ජිවිත සමඟ ( සිංහල|දෙමල ) දහස් ගානකුත් කෝටි ගනන්ක  මුදල් නාස්තියකුත් විතරයි .

මහින්ද මහත්තයගෙ මම දකින  ශ්‍රේෂ්ටම ලක්ෂනය  මතුවෙන්නෙ මේ කාර්ණයෙදි . ඒ මොන තරම් බලපැම් , දුෂකරතා තිබුනත් පටන් ගත්ත යුද්ධය අවසානයක් දක්වා අරගෙන යැමට ගත්ත තීරණය . යුද්ධයෙන් සම්පූර්ණ ගැටලුවට විසඳුමක් නොලැබුනත් මීනීමරු ත්‍රස්තවාදය අතුගාල දාපු එකෙන් යුද්ධයේදි දිවි පුදපු අපේ රණවිරුවන්ගේ ජීවිත වලට වටිනා කමක් එකතු කරන්න එතුමා කටයුතු කලා , ඇත්තෙන්ම ඒක අතිශයින්ම ප්‍රශංසනීයයි (ඉදිරි තත්ව යහපත් උනොත් , අවුරුදු ගානක් තම්න්ව පාගාගෙන හිටපු ත්‍රස්තවාදයෙ නිමාව වෙනුවෙන්  දිවිපිදූවන් විදිහට  මියගිය දෙමල තරුන තරුනියන්ගෙ ජීවිත වලටත් වටිනා කමක් එකතු වෙයි )

මේ කාරනයේදී ගෞරවය හිමිවිය යුතුවූවන් රාශියක් ඉන්නවා (අතීතයේ සිටි අය පවා ) කොහොම උනත් මූලික වශයෙන් දේශපාලන නායකත්වය දුන්න ජනාධිපති තුමාත් , ආරක්ෂක ලේකම් තුමාත් , තිවිධ හමුදා පතිවරුන් ඇතුලු සියලුම රනවිරුවන් වගේම ඒ අයගේ පවුල් වල අයත් මේ ගෞරවයට හිමිකම් ලබනව .

ප්‍රභාකරන්ගේ මිනිමරු ත්‍රස්ත වාදය අවසන් වෙලා අවුරුදු 2ක් ගත වෙත්දි අපි  ඉන්නෙ කොතන්ද ? මූලික ගැටලුවට විසඳුම් ලැබිලාද ?

සමාජයේ ඇති වූ සුභ දායි තත්වයන් හා ආර්ථිකයට ඇතිවුන යහපත් තත්වය රටට පලදායක උනත් වර්ථමාන තත්වය ගැන 100%ක් සතුටු වෙන්න පුලුවන්ද ?

 අවසනාවන්ත තත්වය ආරමබ වෙන්නෙ සරත් ෆොන්සේක මහතාගේ දේශපාලන ආගමනයත් එක්ක . එතුමාගේ අයිතිය ප්‍රශ්න කරන්න අපිට අයිතියක් නැතත් රනිල් මහත්තයගෙ සහ ජවිපේ දේශපාලන අවශ්‍යතා අනුව රටේ ප්‍රධාන තනතුරට තරඟ කරන්න ඒ සඳහා සුදුසුකම් නැතුව ඉදිරි පත් වීම දේශපාලනිකව අනුමත කරන්න පුලුවන් දෙයක් නෙවෙයි . මහින්ද - සරත් ගැටුමට මුල් උන කාරනය කුමක් උනත් යුද්ධය අවසන් වෙලා මාස ගානක් ඇතුලත් යුද්ධයේ දේශපාලන නායකත්වයට එරෙහිව හමුදා නායකත්වය දේශපාලනයට  පිවිසීම සදාචාරාත්මකවත් එච්චර යහපත් දෙයක් නෙවෙයි .දේශපාලන මඩගොහොරුවට ආපු සරත් මහත්තය තමන්ගෙ වෘත්තීය ගෞරවයත් විනාශ වෙන විදිහෙ හැසිරීමක් දක්වපු එකත් බොහොම කණගාටුදායකයි . ඒ වගේම චන්දයෙන් පස්සේ සරත් ෆොන්සේක මහත්තය කෙරේ රජය අනුගමනය කරපු ක්‍රියාමාර්ගත් කිසිසේත්ම සදාචාරාත්මක නැහැ . රජය දිගින් දිගටම ජාත්‍යන්තර කටයුතු වලදී දැක්වූ දුර්වලතා , සංවර්ධන ක්‍රියා වලියේ ඵලදායිබාවය පිලිබඳ ගැටලු,රජයේ ආර්ථික ප්‍රතිපත්ති ,ඇතැම් තීරණ , විවිධ අමාත්‍යවරුන්ගේ ක්‍රියා මාර්ග . සාමාන්‍ය ජනතාවට බලපාන ආර්ථික කාරනා වගේ දේවලුත්  යුද්ධයෙන් පසුව ඇතිවිය යුතු තත්වයේ සුභ දායි බව අඩු කරන  කාරණා.


අපේ තත්වය මෙහෙම තිබියදී උතුරේ තත්වය  දිහා බැලුවොත් ඒ ගැනත් සතුටු වීමෙ හැකියාවක් නැ . දරුණු යුද්දෙකට පස්සෙ ඇතිවන තත්වය සමනය කරගන්න කාලාන්තරයක් ගතවුනත් අවශ්‍යන්ම ඉක්මනින් සිදුවිය යුතු කාරනාත් තියනව , ජනතාව නැවත් පදිංචි කිරීම , එ ප්‍රදේශවල සිවිල් තත්වයන් ඇති කිරීම , මූලික ගැටලුවට විසඳුම් ක්‍රියාවලයික සෙවීමට ප්‍රවෙශයක් ලබා ගැනීම , ජාතීන් අතර සංහිදියාවක් ඇති කිරීමෙ ප්‍රවේශයක ලබා ගැනීම වගේ දේවල් මේ අතරින් ප්‍රධානයි . නමුත් මේ දේවල් ක්‍රියාත්මක කිරීමෙදී සතුටු දායක බවක් නම් පෙන්න නැ . ජාත්‍යන්තරව එල්ල උන අභියෝගත් එක්ක රජය දේශපාලන විසඳුම් ක්‍රියාවලියකට ගිහින් හිටියත් රජයට සම්බඳ ඇතැම් පාර්ශවයන්ම ඒ දේවල් කඩා කප්පල් කරන්න සූදානම් බවක් තමයි පේන්න තියෙන්නෙ (පහත සබැඳිය කියවන්න )

Link

එනිසා අවසාන වශයෙන් කියන්න තියෙන්නෙ යුධ ජයග්‍රහනය සමරන්න හොඳම ක්‍රමය ඒ හරහා  දකුණේ  හා උතුරේ ජනතාවට ලැබිය යුතු  වරප්‍රසාද නියම ආකාරය ට ලැබෙන්න සැලැස්වීමෙන් කියලයි .ඒ වෙනුවෙන් ජාතිකවත් ජාත්‍යන්තරවත් කල යුතු දැ බොහොමයි

යුධ ජයග්‍රහනයේ දෙවර්ශ පූර්ණය වෙනුවෙන් , ජනපති තුමාට , රජයට , ආරක්ෂක ලේකම් තුමාට මෙන්ම හිරේ සිටින ෆෝන්සේකා මහතාටත් කරන්නාගොඩ , ගුණතිලක මහත්වරුන් ඇතුලු සමස්ත රණවිරුවන්ටත් බුවාගේ සුබ පැතුම් !!!   

කැම්පස් යන උන්ට දෙන්න යන පුහුණුව ගැලපෙන්නේ දේශපාලක තුමන්ලාටමය

එස්. බී ඇමතිතුමා විශ්ව විද්‍යාලෙට තේරෙන කොල්ලො කෙල්ලනට හමුදා පුහුණුවක් දෙන්නට සූදානම් කර ඇත . උන්නැහෙ කියන විදිහට මේ පුහුණුව දෙන්නෙ කන බොන අඳින පලදින හැටි දත්මදින මූණ හෝදන හැටි කියා දෙන්නටය සරලව කියනවා නම් හොඳ සිරිත් කියා දෙන්නය . එතුමා කියන චාරිත්‍ර වාරිත්‍ර  දිහා බැලුවාම හිතෙන්නෙ ඒවා උගන්නන්න ඕනි කොල්ලනට නොව එතුමාත් ඇතුලු දේශපාලකයින්ට කියාය . මේ  කරන්ට හදන්නේ ඒ ගැන පොඩි සංසන්දනයක්ය .

නියම වෙලාවට නැඟිටීම  (නින්දෙන් අවදිවීම )


උසස් පෙල පාස් වි කැමපස් යන්නට එන්නෙ කොහොමටත් නියම වෙලාවට නැගිට්ට උන්ය. නැගිටල පාඩම් කරපු උන්ය . පාඩම් කලෙ නැතත් උදේ 6.30 ට විතර පටන් ගන්නා ටියුෂන් වලට යැමට කොහොමටත් වෙලාවට නැගිට්ට උන්ය , ඒ නිසා කැම්පස් එන උන්ට ඒවා අමුතුවෙන් උගන්වන්න ඕනැ නැත  


දේශපාලක තුමන්ලා නම් කොයිවෙලෙත් නිදාගත්ත ගමන්ය (රටට කෙලවෙලා තියෙන්නෙත් ඒක නිසාමය ) සමහර තුමන්ලා පාර්ලිමේන්තුවෙත් බුදිය , ජනාධිපති තුමා මහ දවල් කෝල් කරන විට නිදා ගන්නා  ඇමතිලා මාට්ටුවෙලාත්  ඉන්නවාය . අස්ප වේගෙන් යන වාහන වලදිත් සැපටම නිදිය , ඒ විතරක් නෙවේ  මේ තුමන්ලා ඕනැ නැති තැන් වලත් නිදාගන්න යනවාය (ඒ තැන් වල නම් නිදාගන්නවා කිව්වාට එහෙම කරන්නෙ නැය ) . මේ ලඟකදිත් එහෙම තැනක් වටලලා තිබුනාය . වැටලීම කලේ ගෝඨා මහත්තයා නෙවේ නම් බුදිය ගත්ත කට්ටිය ගේමට බහිනවාය . මේ නිසා හමුදාවේ මහත්තුරුන්ගෙන් හරියට නිදා ගන්න හැටි , හරි තැන නිදා ගන්න හැටි වගේම හරියට වෙලාවට ඇහැරෙන හැටි ඉගන ගන්න එක වටින්නෙ මෙයාලාටය


දත් මැදීම හා මුහුණ සේදීම


තරුණ වයසෙ කොල්ලො මේ දෙකම කරනවාය , අඩු තරමේ කෙල්ලො බලන නිසා වත් කරනවාය . අනික දත් නොමැද ගිහින්  කට කපල සෙනඟ පිරුන හෝල් ක්ලාස් වල ඉන්නත් බැය (අමු චාටර් එකය ) . කැම්පස් එන්නේ දත් මැදලා මුහුන හෝදල ගිහින් මේ ක්ලාස් වල පිලිවෙලකට ඉගෙනගත්ත උන්ය 


සමහර තුමන්ලාට නම් මදින්න දත් නැය (එච්චරටම වයසය ) අනික් අය අතරත් දත් මදින බවක් , මූන හෝදන බවක් පේන්නෙ නැති හඩු පාට තුමන්ලා ඉන්නවාය . මේ අයට නම් හමුදා පුහුනුව හොඳය . හැබැයි ඉතින් දත් මදින්නැති පොරවල් වලට පුහුණු දෙන්න යන හමුදාවෙ මහත්තුරු නම් පව් ය 


කන්න බොන්න ඉගැන්නීම


මේ වයසේ කොල්ලන්ට කන්න බොන්න අමුතුවෙන් කියා දෙන්න ඕනි නැය . (කන්න නැතුව කොල්ලන් බටපතුරු වගෙ වෙන්නෙ කැම්පස් ගියාට පස්සේය ) . ඕනි මල ජරාවක් කා ශේප් වෙන්න කොල්ලන්ට පුලුවනය  වැඩිම උනොත් දෙතුන් පාරක් වැසිකිලි යන්න සිදුවෙයිය . සීනි , තේ කොල , පිටි, තෙල් ඕනැ මගුලක් කොල්ලන්ට කැ  හැකිය 

තුමන්ලාට නම් මෙහෙම කන්න බැය . පෙලක් ඇයින්ට සීනි කන්න බැය , තවත් කෙනෙක්ට තෙල් බැය , සමහර අයට දෙකම බැය . තවත් කෙනෙක්ට පිත්තාශයේ බ්ලොග් ගල්ය , තවත් කෙනෙකුට  අමාශයේ කුඩු ගල්ය .... මේ නිසා එහෙම හිතු මනාපේට කන්න බැය ( එහෙම කැවොත් රාජ්‍ය ගෞරව සහිතවම වල පල්ලේය ) , ඒ නිසා පිලිවෙලකට කන්න ඉගෙන ගන්න එක මේ අයට වටිනවාය


කතා කරන්න ඉගෙන ගැනීම


කට නිසා නහින කොල්ලන් දෙතුන් දෙනෙක් හිටියත් හැමෝම එහෙම නැය , චාටර් නොවී තැනට ගැලපෙන්න කතා කරගන්න පුලුවනය , කතික සංගම් , විවාද කරලා තියන උන්ට නම් ඕවා නතින්ය . කොහොමත් කැම්පස් යන තේරෙන එකෙක් කතා නොකර නිකා හිටියත් ඕනි නැති මගුල් කිය්වා හත් පොලේ ගාගන්නේ නම් නැය

තුමන්ලා නම් කතා ව නිසා නාගන්නවාමය , ලංකට් කතා කියනවාය , බලු තීන්දු ගැන කියනවාය , බ්‍රේස්ලට් රින්ගින් ටෝන් ගැන කියනවාය , වරාය වල ගල්ගැන කියනවාය . මේවා කියල හත් පොලේම ගා ගන්නවාය . මේ අයට නම් කතා කරන විදිහ උගන්වන්නම ඕනැය . සමහර අයට ක්‍රැශ් කෝස් එකක් දුන්නත් හොඳය 

ශාරිරික යෝග්‍යතාවය


කතාවට කියන්නෙත් කොල්ලන්ට ගස් ගල් කුඩු කරන්න පුලුවන් කියලාය , ක්‍රිකට් ෆුට්බොල් රගර් ගහපු කොල්ලන්ගේ යෝග්‍ය තාවය උපරිමය . හමුදාවෙ මහත්තුරු තරම් නම් නෑය ඒත් කැම්පස් මිසක් යුද්ධෙකට යන්නෙ නැති අයට ඒ යෝග්‍ය තාව හොඳටම ඇතිය 

තුමන්ලා ගොඩකගේ යෝග්‍ය තාව අන්තිමය , සමහරුන්ගෙ බඩ නිසා  නැමෙනවා තියා පහල හැරී බලන්නත් බැය , සමහරුන්ට පෙලපාලියක පැය කාලක් ඇවිද්දත් නහිතෙට හතිය . සමහරුන්ට ඇවිදගන්නවත් බැය, සමහර තුමන්ලා බිම වැටුනොත් නැගිට්ටුවනට 20ක් විතර ඕනැය . ජන්ද කාලෙකදී මිස කිසිම ව්‍යායාමයක් ගොඩ දෙනෙකුට නැය , ඒ නිසා තුමන්ලා බහුතරයකට  ශාරීරික යෝග්‍ය තාව කියා ලහටුවක්වත් නැය (ඇත්තේ දඩාර ශරීරය විතරයිය ) . මේ අයට යෝග්‍ය තා පුහුනව දෙන්න ඕනිත් පරස්සමෙන්ය නැත්නම් රාජ‍ය ගෞරව දෙන්නෙ එන්න වෙන්නෙත් හමුදාවෙ මහත්තුරුන්ටමය

මාච් පාස්ට් 


මෙව්වා නම් දෙන බවක් කියා නැය ඒත් ට්‍රෙනින් එකේ තියෙන්න ඉඩ තියනවාය . කැඩෙටින් ,බැන්ඩ් , ස්කෞට් , ස්පොට් මීට් එකේ මාච් කරපු කොල්ලන්ට නම් මාච් එක  ගේමක් නැය , හමුදාවෙ මට්ටමට නැතත් කැත නැතුව කරගන්න පුලුවන්ය . අනික දකුනට වමට හැරෙන්  ගේමක් නැතුව කරගන්න කොල්ලන්ට පුලුවන්ය  

දේශපාලක තුමන්ලාට අනෙක් අය මාච් පුදකරනවා මිසක් ඒ අය මාච් යන්නෙ නැති නිසා මේ ට්‍රේනින් එක නම් වැඩක් නැති වෙයිය . කොහොමත් ගොඩක් තුමන්ලාට සරුවාංගයම හෙල්ලෙන්නේ නැතුව කකුල් දෙක බිම ගහග්න්න බැය . අනික  වමේ තුමන්ලාට කොච්චර කිව්වත් දකුනෙන් පෙලෙ හැදෙන්නේ නැය . දකුනෙන් තුමලාත් මලාට වමෙන් පෙල හැදෙන්නෙ නැය . ඒත් වැඩිය ඉන්නෙ ඔය දෙකටම නැති තුමන්ලාය එහෙම  දෙපැත්තටම නැතුව මාච් කොරන්න කොහොමත් බැමය


-------------------------------------------------------------------------------------------------


මේ විදිහට බැලුවාම මේ හමුදා ට්‍රේනින් එක ගැලපෙන්නේ දේශපාලන තුමන්ලාටමය .  කෙල්ලන් ගැන මේතන ලියා නැය , ඒ කතන්දරය වඩා බරපතල වෙන්න පුලුවන්ය  ඒක මෙහෙම සරල්ව ලියන්න බැය . එස් බී ඇමති තුමා ඉංග්‍රිසි උගන්වනවාට ම් ජෙප්පො එලවනවාට , පාඨමාලා වෙනස් කරනවාට , පිටරට විස්ස විද්‍යාල ගේනවාට බුවා විරුද්ධ නැය (ඇත්තම කියනවා නම් සපෝට්ය ) හැමවෙලේම ලෝකෙ විදිහට වැඩකරන්න කතා කරන එස් බී තුමා කරන මේ ලොකෙ කොහෙවත් නැති බහුබූතයට නම් බුවා විරුද්ධය

මේ ඔක්කොම රජයේ විශ්ව විද්‍යාලවලට  විතරය , පිටරට ගොස් ඉගෙන ගන්නා අයට , ලක්ෂ ගනන් ගෙවා පෞද්ගලිකව ඉගෙන ගන්නා අයට   මේව නැත !!

වෙසක් එකට ආතල් ගැනීම සහ බුදු දහම සමඟින් පිස්සු නැටීම

බෞද්ධයන්ගේ ප්‍රධානතම ආගමික උත්සවය වුන වෙසක්  පොහොය අතලඟටම ඇවිත්. 2600 වෙනි සම්බුද්ධත්ව ජයන්තිය නිස මේ පාර වෙනදාට වඩා බොහොම ලොකු සැමරුමක් තමයි රට පුරාම දකින්න තියෙන්නෙ. මේ නොයෙකුත් උත්සව , සැමරුම් අතරතුරෙ නිරන්තරයෙන්ම කතා බහට ලක්වෙන මාතෘකාවක් තමයි වර්ථාමාන බෞද්ධයින්ගෙ ක්‍රියා පටිපාටියේ වැරැද්ද සහ අතීතයේදී හා වර්ථමානයේ වෙසක් සැමරුමේ දකින්න තියන වෙනස .

වෙසක් උත්සවයත් එක්ක එලියට එන වෙසක් කූඩු, දන්සැල් , තොරන් , කැරකෙන පහන් කූඩු , හොල්මන් ගුහා , ඔලු බක්කො  වගේ ගොඩක් දේවල් තියනව . ගම් නගර සිසාරා දිවෙන මේ හැමදෙයක්ම බොහොම් ආසාවෙන් කරන අය වගේම විවේචනය කරන අයත් ඕනි තරම්  .


කැලේට ගිහින් බටපතුරු කපාගෙන , තම්න්ගේ අතින්ම නිර්මානය කරල , හැඩ දාල වෙසක් දවසට ගෙදර අයත් එක්ක මිදුල පුරා එල්ලපු වෙසක් කූඩුව අද වෙනකොට සමහර අය රු 300 / 400 වගේ මුදලකට මිලදී ගන්නව . තවත් සමහර අය ප්ලාස්ටික් හො පොලිතින් හෝ කාඩ් බෝඩ් වලින් හදපු කූඩු මිලදීල ගන්නව . ඉස්සර ගමේ තරුන පිරිස් වල එකතුවෙන් හදපු තොරණ් කැරකෙන පහන් කූඩු අද බොහෝ වෙලාවට  කාගෙ හරි ව්‍යාපාරයක් බවට පත්වෙලා . ගමේ අයගේ දායකත්වයෙන් සහයෝගයෙන් කරපු දන්සැල් බකයා ගැහීමේ උල්පත්, හවසට පාටි දැමීමේ මාර්ග බවට පත්වෙලා .ඇට සැකිලි නැටුම් ඔලු බක්කො සංදර්ශන , ගැනුන්ගේ  ඇඟට පනින්නම බලාගෙන හදපු හොල්මන් ගුහා හැම තැනම .වෙසක් උත්සවේ තනිකරම වෙලඳාමක් වෙලා . වෙසක් දවසට ආගමික කටයුතු වල නිරත වෙන්නෙ නැ වෙන වෙන වැඩවලට යොදා ගන්නව........

ඔන්න ඕව තමයි වෙසක් අශ්‍රිතව එල්ල වෙන චෝදනා . මේ චෝදනා බොහෝ දුරට ඇත්ත . ඉතින් ඇයි මේ දේවල් මෙහෙම සිද්ධ වෙන්නෙ ??

මගේ අදහසේ හැටියට මේකට මූලිකම හේතු 2 ක් තියනව. පලවෙනි කාරනය අපේ විකෘත්ති උන ජීවන රටාව . මම මෙතන විකෘත්ති වෙලාය කිව්වේ ගොඩක් අය කියන විදිහට අතීතයේ ජීවන ක්‍රමය වඩා යහපත් අපිත් ඒ අතීතයේ විදිහට ජීවත් වෙන්න ඕනිය කියන අදහසින් නම් නෙවෙයි . මම දකින සමාජ විකෘත්තිය නුතනත්වය නෙවෙයි , නූතනත්වය බාගෙට අතපත ගැමත් , රටේ ආර්ථික හා දේශපාලනික ක්‍රියාවලියත් තමයි මම දකින මේ සමාජ ව්කෘත්තිය ට හේතුව

අපි පලවෙනි චෝදනාවෙන් පටන් ගමු . මීට අවුරුදු කිහිපෙකට කලින් බට වලින් හදපු වෙසක් කූඩු මිලට ගන්න තියනව මම දැක්කෙ කොළ්ඹදි විතරයි . බටපතුරක් හොයා ගන්න ලේසි පසු නැති කොලඹ නගරයේ , අතිශයින් තරඟ කාරී ජීවිත වලට කොටුවුන මිනිස්සුන්ට වෙසක් කූඩුවක් අරන් අඩු තරමේ දරුවන්ට පෙන්නන්න. අසම්පූර්ණ කූඩුවක් අරගෙන දරුවොත් එක්ක එකතුවෙලා ඒක සම්පූර්ණ කරන්නත් ඉඩ ලැබීම ඇත්තෙන්ම හොඳ දෙයක් , ඒත් මේ වෙන කොට මේ වෙසක් කූඩු අපේ නගරයටත් ඇවිත්. නගර සිමාව අහල පහලින් උනත් බට පඳුරක් , උණ පඳුරක් හොයා ගන්න පුලුවන් අපේ නගරයේ ජීවත්වෙන ජනතාව පැය ගණන් මහමග තදබද වලට අහුවෙලා ඉන්නෙවත් , මහ රැ වෙනකන් වැඩ තියන ආයතනවල වැඩ කරන්නෙවත්, මහ පොලොවෙන් උඩ තට්ටු නිවාස වල ජීවත් වෙන්නෙවත් නැ . ඇත්තටම කියනවා නම් හිතෙන් මවා ගත් කාර්යබහුල කමක් මිසක් සැබවින්ම කාර්යබහුල අය ඉන්නේ ඉතාම අල්ප වශයෙන් , ඒත් මේ අය අතරෙත් කඩේ විකුණන්න තියන වෙසක් කූඩු වලට මුදල් වියදම් කරන අය නැතුවා නෙවෙයි . වෙසක් කූඩුව මිලදී ගන්න මොහොතෙදි වට පිට බැලුවත් උණ පඳුරක අග්ගිස්සක් දකින්න පුලුවන් පරිසරයක ඉන්න , වෙසක් කුඩුවක් හදන්න අවශ්‍ය කරන කාලයත් සතු මිනිසුන්ගේ මේ හැසිරීමට හේතුව මං අර කිව්ව විකෘත්තිතාවය

වෙසක් දිනයේ අනෙන්‍යතාවයන් අපි අතරින් ගිලිහි යන අනෙක් ප්‍රධානතම කාරණය තමයි විකාර රූපී (තව දුරටත් විකාරයක් බවට පත් කරමින් තියන ) අපේ රටේ අධ්‍යාපනය . උසස් පෙල , සාමාන්‍ය පෙල ජීවිතයේ එකම අරමුණ කරගත්ත තරුනයින්(යෞවනයින්) පිරිසකට , ඒ සඳහා බලකෙරුණ යෞවනයින් පිරිසකට වෙසක් දිනය තවත් එක් දවසක් විතරයි . වෙසක් කූඩු කතන්දරේ විතරක් නෙවෙයි ඒතනින් එහාට වෙසක් අශ්‍රිත හැම කටයුත්තකම ජවය වෙන්න පුලුවන් මේ යෞවනයින් පොතට කොටුවුනාට පස්සේ අපබ්‍රංශ දන්සැල්, ඔලු බක්කො වගේ දේවල් දකින්න වෙන එක අනිවාර්‍ය කාර්ණයක් . මොකද යෞවනත්වය මෙතනින් ඇත්වෙන කොට ඒ දේවල් භාරගැනෙන්නෙ(බොහෝ වෙලාවට ) කාලකණ්නි අධ්‍යාපන ක්‍රමය නිසාම සමාජයේ අසරණු වුන තරුණ කොට්ටාශයක් අතට , රෝග වැලදුන ගහකින් හොඳ ඵල නෙල්න්න බැ වගේම මේඅය අතින් කෙරෙන වැඩ වලිනුත් පූර්ණ යහපතක් බලාපොරොත්තු වෙන්න බැ . වෙසක් දිනයේ කෙරෙනවාය කියල චෝදනා වලට ලක්වෙන බොහෝ විගඩම් වලට මේක ප්‍රධාන හේතු කාරකයක්

මෙතනින් එහාට ගියාම නැඟෙන ප්‍රධාන චෝදනාව වෙසක් දවස ආගමික කටයුතු වලට නැතුව වෙනත් "ආතල්" ගන්න යොදා ගන්නවාය කියන එක . මේ කාරණයත් බොරුවක් නෙවෙයි . පරණ යාලුවො එක්ක සෙට් වෙන්න , බයිසිකල් වලින් කොහේ හරි යන්න , දන්සැල් වන්දනාවෙ යන්න . ක්‍රිකට් මැච් එකක් ගහන්න වගේම මේ පාර වගේ දිග නිවාඩුවක් සෙට් වෙනව නම්  කට්ටියක් එක්ක ට්‍රිප් එකක් යන්නත් සැලසුම් කරන අය ඉන්නව . මම කලින් කිව්ව අකාරයේ සමාජ ක්‍රමය නිසා වැඩිදුර ඉගෙන ගන්න අය , රස්සාවල් කරන අය කාටත් එකතු වෙන්න දිනයක් ලැබෙන්නෙ වෙසක් උත්සවය තමයඔ බොහෝ වෙලාවට . ඉතින් පාසලෙන් සමු ගත්තට පස්සෙ මුණ ගැහෙන්න තියන අවස්ථාවන් ආතල් එකක් ගන්න භාවිතා කරන එක බොහොම සාමාන්‍යයි . එකට රැකියාව කරන අයට උනත් තරඟකාරීත්වයෙන් මිදිල සුහද හමුවකට එකතු වෙන්න ලැබෙන අවස්ථාවක් තමයි වෙසක් . මේ වගේ තත්වයකදි හැම ආතල් එකකම අනිවාර්ය අංගය මත්පැන් කියල හිතන පිරිසක් "ආතල්" ගන්නවාය කියන්නෙ බාර් වහන දවසට කලින් දවස් දෙක තුනේ බාර් ලගින් පාරෙ යන්නත් බැරි තත්වයක් උදා කරනවා කියන එකම තමයි

කෙටියෙන් සරලව කතා කලත් මේ අතර සැඟවිච්ච කාරණා බොහොමයක් තියනව ඒ දේවල් තියල මම එනව දෙවෙනි මූලික කරුණට , ඒ කියන්නේ මුලින්ම සඳහන් කල චෝදනාවලට අදාල තත්වයන් ඇතිවෙන්න හෙතුන්ය කියල මම දකින දෙවෙනි කාරනයට

"බුද්ධාගම සමඟින් පිස්සු නැටීම " කියල මාතෘවට යෙදුනෙ මේ කාරනය . බහුතර බෞද්ධයන් ඉන්න රටක ආගමත් එක්ක පිස්සු නටන අය දෙතුන් දෙනෙක් ඉන්නවාය කියන එක ගැටලුවක් නොවුනත් ලංකාවෙ   මේ වෙනකොට නම් මේ  පිස්සු නටන්නන්  බුදු දහමටටත් බෞද්ධයන්ගේ ක්‍රියා පටි පාටින්වලටත් සැහෙන තරමේ බලපැමක් කරමින් ඉන්නව  කියලයි මම දකින්නේ .

පන්සලේ ඇඳයට ගහගෙන අඩි ගහන  ,ගිහියන්ටත් නොගැලපෙන ලිංගික ක්‍රියාවල යෙදෙන , ෂාරුක් බාන් ඒකෝන් ලංකාවට එන කොට පාරට  බහින , පාර්ලිමේන්තුවේ පලාත් සභාවේ දේශපාලනය කොරන්ට යන ,  කුණු හරුප බන කියන , තමන් හදා ගත් එක එක වැන්දීම් ක්‍රම( බෝධිසත්ව වන්දනා ආදිය ) මිනිස්සුන්ට පුරුදු කරන ,සල්ලි වලට බණ විකුණන, එක එක දේ ගැන අනාවැකි පල කරන( ලෝක විනාසය වැනි ) , ඉගන ගන්නකන් විතරක් සිවුර දාගෙන ඉඳල සිවුර අත්හරින ,මන්තර ගුරුකම් විකුනන් කන.....චීවර ධාරීන්  මේකෙදී වැඩියෙන්ම වගකිව යුතු වෙනව .

ඒ වගේම හැම මගුලකටම ආගම ගාව ගන්න , ලවක් දෙවක් නැතුව මහ නායක හිමියන් බැහැ දැකීමට අටපිරිකර උස්සන් යන (ඒත් උන්වහන්සේලා දෙන අවවාද _ ඩේකටවත් මායිම් නොකරන ) , මල් වට්ටි උස්සන් පන්සල් ගානෙ බඩගාන , පන්සල් වලට සල්ලි බෙද බෙදා පොර වෙන්න හදන ,ජීවිත කාලෙම අන්තවාදය වපුරන (බුද්ධාගමෙ නමින්) හා තමන්ගේ නිල කටයුතු බල්ලට දාල බොරුවට සිල් ගන්න .. ආදි වු දේශාපාලකයොත් මේ පිස්සු නටන්නන් අතර ඉදිරියෙන්ම ඉන්නව


ඒ විතරක් නෙවෙයි උදේ පාන්දර 3 නේ ඉඳන් පිරිත් /ගාථා විකුණන ,දලදා මාලිගාවෙ රුවන් වැලි සැයේ නිධන් කරල තිබුන ගාථවල් කරඩුවේ හෝ රුවන්වැලි සැයේ රූපයක් එක්ක්ම රෝල් කරල පේමන්ට් එකේ විකුණන තැනට පත් කරපු ගුවන් විදුලි නාලිකාත් , සමහර පිස්සු සාකච්ඡා (සියල්ලම නෙවෙයි ) මණ්ඩප පවත්වන රූපවාහිනි නාලිකාත් , ඒවට පැමිනෙන විද්වතුනුත් මේ පිස්සුවෙ කොටස් කාරයින්

මේ පිස්සු කෙලින්නන් අතරට එකතු වෙන තවත් ජාතියක් ඉන්නව ඒ පහලින් තියන ලිපියෙ තියන අකාරයේ තලෙයිබාන් පන්නයේ වැඩ කරන අය සහ බටහිර ක්‍රිස්තියානි අභියෝග ගැන කතා කරමින් මේ අන්තවාදී ගොන් පාට් අනුමත කරන අය

http://www.gossip9.com/2011/05/blog-post_5458.html?utm_source=BP_recent

මේ හැමෝගෙම පිස්සුවේ ප්‍රතිපලය බෞද්ධ ජනතාව ආගමික චාරිත්‍ර වලින් ඇත් වීම ,  නැත්නම් අන්ධානුකරන වන්දනා වලට වහල් වීම , එහෙමත් නැත්නම්  මොකක් හරි රැල්ලකට වහල් වීම . එහෙම වට පිටාවක් ඇතුලෙ වෙසක් දිනයේ චාරිත්‍ර කටයුතු ගිලිහෙන එක  බොහොම සාමාන්‍යයි .


මම මෙතනදි බොහොම මතුපිට අදහසක් තමයි කතා කලේ විශේෂයෙන්ම ලංකාවේ කිසිම සැලකිල්ලක් නොදක්වන බුදු දහමේ දර්ශනාත්ම කාරණා ගොඩක් තියෙයි මෙතනදි කතාවට ගන්න පුලුවන් . ඒත් ඉතාම සරල තැනදිත් අපි ඉන්නෙ වැරදි තැනක නම් එතනින් එහාට තව මොනවද

මේ දේවල් සම්පූර්ණයෙන්නිවැරදි වෙන්න පූර්ණ සමාජ විපර්යාසයක් වෙන්න ඕනි තමයි ඒත් අපිටත් යමක් කරන්න පුලුවන් . අඩු තරමේ පොඩි ආරම්ඹයක් දෙන්න පුලුවන් . ඒක සමහර විට හෙට දවසෙදි හදල ඉවර කරන වෙසක් කූඩුවක් , රැට පත්තු කරන  මැටි පහන් වැටියක් වෙන්න පුලුවන් , එහෙම නැත්නම් හෙට දෙන්න ලැස්ති කරල තියන දන්සැලෙන් පස්සෙ ගන්න ආතල් එක සිමා කිරීමක් වෙන්න පුලුවන් , ඒ වගෙම මීට පස්සෙ ගන්න මත්වතුර ප්‍රමාණයේ අඩු කිර්‍රිමක් කරන්න , මස් මාංශ කන එක අඩු කරන්න ගත්ත ප්‍රතිපත්තිමය තීරනයක් වෙන්නත් පුලුවන් . මේ මොකවත් නැතුව අඩුම තරමේ හවසට පන්සලට ගිහින් එන්න  ගත්ත තීරනයක් වුනත් ඉතා වැදගත් .





අවසාන වශයෙන් බුදුදහම ,වෙසක්, පොසොන් කියන්නෙ අපේ ආගමික වගේම ලාංකීය අනෙන්‍යතාවය . දියුණුව කියන්නෙ මේ දේවල සදහටම අමතක කරල  දාන එක නම් නෙවෙයි . අමතක කරල දාල ඉදිරියට යන්න ඕනි ගොඩක් දේවල් තියෙනව . ඒත් මේ අපි අනිවාර්යයෙන්ම රැකගත යුතු දේවල් කියන එකත් කියන්නම ඕනි

මේ හැමදේම ඔබට වගේම මටත් පොදුයි

ප්‍රිති වෙසක් !!!!

සායි බාබට බබා හම්බු වීම , බාබා තුමාගේ බබා පාට් සමඟින් අපේ රටේ බබා ලා

අධ්‍යාත්මික නායක (එහෙම්ය කියල කියා ගන්න ) සායි බාබට බබා හම්බ උනා නෙව පහුගිය දවසක . . මේ ලිපිය ලියන්න හිටියෙත් ඒ දවස් වල හැබයි කාර්ය බහුල කම නිසා බැරි උනා . කොහොම උනත් ඒ කාරණා අදටත් වලංගු නිසා ලියල දාන්න හිතුනා .

සත්‍ය ශ්‍රි සායි බාබා කියන්නේ අපේ අසල්වැසි රටේ ජිවත් උන  ආගමික නායකයෙක්ය කියන ක්වුරුත් දන්නව නේ . මෙයා කියන විදිහට එයා මීට කලින් ජීවත් උන තවත් සායි බබා කෙනෙක්ගේ පුනර්බවය  , ඒක ඇත්ත උනත් නැතත් විවිධ හාස්කම් නිසා මෙයා ලෝකය පුරාම ප්‍රචලිත උනා . මෙයාගේ මේ හාස්කම් අතර මූලික තැනක් ගත්තෙ ලෙඩ සුවපත් කරන්න පුලුවන්ය කියන විභූති අලු.  සායි බබාම මවල දෙන මේ අලු වලට ලෙස රෝග සුවපත් කිරීමේ මහා අනුහස් බලයක් තියනවාලු. හැබැයි ඉතින් ලෙඩ සනීප කරන්න මෙච්චර බලයක් තියන මනුස්සය අවසාන කාලෙදි (අවසන් මාසය ) ජීවත් උනේ වෛද්‍ය විද්‍යාවෙ අනුහසින් . දොස්තර මහත්තුරු ගණනාවක්ගෙ උත්සාහය වගේම යන්ත්‍ර සූත්‍ර ගණනාවක පිහිටෙන් . අර රෝග සුවකරන්න බලයක් තියනවාය කිව්ව අලු ජාතියෙන් නම් වැඩක් උනේ නැති පාටයි . අසනීප වෙච්ච වෙලාවට මවා ගන්න බැරි උනාද දන්නෙ නැ . හැබැයි ඉතින් අනාගතය කලින් දකින්න පුලුවන්  නිසා ඔය අලු ටිකක් බෝතලේකට දාලා අරන් තියා ගත්ත නම් දොස්තරලගේ පස්සෙ යන්න වෙන්නෙ නැනේ .

ඒ විතරක් නෙවෙයි එකපාරටම බඩු පැකට් වෙන්න කලින් මෙයා අපේ ජනාධිපති තුමාගේ  ඒලියන්ත දොස්තර මහත්තය හම්බවෙන්න එන්න ලු හිටියෙ (මට නම් ඔය දොස්තර ගැනත් එච්චර සුවර් එකක් නැ ) අපරාදේ , මිලියන ගානක අනුගාමිකයින්ගෙ නායකය අපේ එලියන්ත මහත්තයගෙන් බේත් අරගෙන සනීප උනා නම්  අපිටත් ඒක කොච්චර ආඩම්බරයක්ද ? අනික ඒලියන්ත මහත්තයටත් බබාගෙත් බබාය කියල අනුගාමිකයො පිරිසක් හදාගන්නත් තිබුනා


බබා තුමාගේ ඒලියන්ත ප්‍රතිකාරය ගැන අදහසක් දෙන්න ඇත්තේ මෙයා වෙන්න ඕනි .

 දන්නවනෙ කව්ද කියල ලෝකයේ මෙතෙක් බිහිවෙච්ච දක්ෂතම පිතිකරුවා සචින් . සචින් කියන්නෙ බාබා තුමාගේ හොඳම අනුගාමිකයෙක් , හැබැයි ඉතින් සචින්ගේ සනීප කරන්න බැරිව තිබුන අසනීපේ බබාතුමාටත් සනීප කරගන්න බැරුව අන්තිමේදි ගොඩ දාගත්තේ එලියන්ත මහත්තයගෙන් , ඉතින් බබාතුමාටත් එලියන්ත මහත්තයව නිර්දේශ කරන එක අහන්නත් දෙයක්ද ?

තම්න්ගෙ  වත් , තමන්ගේ ප්‍රභල අනුගාමිකයෙක්ගෙ වත් ලෙඩ හොඳ කරගන්න් බැරි උන බබා තුමාගේ වෙන වෙන සෙල්ලම් නම් ඕනි තරම් තිබිල තියනව . මේ දේවල් අඩංගු වෙන්නෙ බිබිසි නාලිකාවෙන් කරපු පරීෂනාත්මක ලිපියක ( බිබිසි කියන්නෙ අධිරාජ්‍ය වාදී නාලිකාවක් කිය්ල බනින අයට නම් මෙවා පිලිගන්න බැරුව ඇති ) . පහල තියනව ලිපියට ලින්ක් එක ගිහින් බලන්න . මේ ලිපියට අනුව බබාතුමා ලිංගික අපචාර වලට වගේම මිනීමැරුම් වලටත් සම්බන්ඳයි . මරු බබා නේ !

http://www.bbc.co.uk/news/world-south-asia-13153536


බබාතුමාගෙ කොලු කතන්දර ගොඩක් මේ ඔය පහලින් තියන ලිපියේ ත් අඩංගුයි කියවල බලන්න , ඒ විතරක් නෙවෙයි ඔය ලිපියට අදාල බ්ලොග් අඩවිය සම්පූර්ණයෙන්ම වෙන්වෙලා තියෙන්නේ බබාගෙ බබා පාට් හෙලි කරන්න තමයි .

http://saibabaexposed.blogspot.com/2006/08/sai-baba-sex-files.html

හැබැයි මේ එක කාරනයකටවත් බබා තුමාට නීතිය ඉදිරියට යන්න වුනේ නැ ඒ ඇයි කියල පහල රූපෙ දැක්කාම තේරෙයි







 .මෙයා විතරක් නෙවෙයි ඉන්දියාවෙ ලොකුම ලොක්කො ගොඩ දෙනෙක්ගෙ ආරක්ෂාව නිසා බබාගෙ බබා පාට් ඔක්කොම කිසිම කරදරයක් නැතුව කරගෙන යන්න ඉඩ කඩ ලැබිල තිබුනා( ඉන්දියාවෙ අය විතරක් නම් මදැ අපේ රනිල් මහත්තයත්  කිසිම කල් මැරිල්ලක් නැතිව බබා තුමා වල කජු ගහපු එකට  ශෝකය පල කරල තිබුනේ ) .



අවුරුදු ගානක් තිස්සෙ මිනිස්සු රවට්ටගෙන ජීවත් උන බබා තුමාට අන්තිමේදි ස්වභාව ධර්මයේ නීතියට යටත් වෙන්න සිද්ද උනා . ඒ තමන් වල කජු ගහන වයස කියල බබා තුමා පාරම් බාපු වයසට අවුරුදු 12 කටත් කලින්

ඉන්ටර්නැශනල් මට්ටමට නැතත් මේ වගේ බබා පාට් කාරයො ලංකාවෙත් ඕනි තරම් ඉන්නව . දේශපාලකයෙක්ගේ හා ව්‍යාපාරිකයෙක්ගේ අනුග්‍රහයෙන් බබා පාට් දාන රත්තරන් පෙරෝ ගත්ත උන්නැහේ එයින් එක්කෙනෙක් විතරයි . උන්නැහෙගේ වැඩ කැල්ල මාධ්‍ය ආයතනයක් ලස්සනට එලි කරලත් ඔය යස අගේට ඉන්නෙ . මේ තමයි ඔය බබා පාට් කාරයින්ගේ හැටි . මෙයා විතරක් නෙවෙයි මතකනෙ අර මොකක්ද කන්දෙ උන්නාන්සේ , අර එක පිරිත් වතුර බෝතලෙන් වැවි පිටින් පිරිත් කරපු පොර , එතකොට පත්තර පිටු ගනන් ඇඩ් දාන සාස්තර උන්නාන්සේ, දේව බලයෙන් ලෙඩ සුව කරනවාය කිව්ව ෆාදර් පොර , විශ්ව ශකිතියෙන් ලෙඩ සුව කරපු අය මේ ඔක්කොම එක ගොඩට වැටෙන අය තමා . ඒ විතරක් නෙවෙයි මැච් දිනන්න බොරු සාස්තර කියපු , දැන් ලැජ්ජ නැතුව පෝන් එකෙනුත් සාස්තර කියන අයත් එක්තරා විදිහක බබාල තමයි !

බබාල ගේ බබා පාට් අලට අහුනොවී ජීවත් වෙන එක අපිට බාරයි

මේ බ්ලොග් ලියන්න පටන් ගත්තට පස්සෙ ලිපි දෙකක් එකම දවසෙ ලියපු පලවෙනි වතාව . කලින් ලිපිය ගොඩදෙනෙක්ගෙ අවධානයට ලක්වෙලා තිබුනේ නැ .. මෙතනින් ගිහින් ඒකත් කියවල බලන්න

අවි ගත්තෝ අවියෙන්ම නසිති!!!! - බින් ලාඩනුත් සෙත්තපෝච්චි

දෙමල ජනතාවගෙ එකම නියෝජිතයා තමා යැයි කියාගත්  , දෙමල ජනතාවටම වින කැටි ඝාතකයා මකබැවී ගොස් අදට වසර දෙකකට ආසන්නය . අල්ලාගෙ පණිවුඩය ක්‍රියාත්මක කොරන්ටය කියා මිනිමැරු ඝාතකයාටද බඩු පැකට් වී ඇත . මිනිසත්කමට නිගා දෙන ත්‍රස්තවාදය ලොව කොතනක තිබුනත් පරාජය කල යුතුය . සාකච්ඡාවෙන් සම්මුතියෙන් උප්ක්‍රමයෙන් නම් එහෙමය , එයට ඉඩක් නොමැත්තේ නම් ත්‍රස්තයින්ගෙ භාෂාවෙන්ම හෝ පිලිතුරු දිය යුතුය ,


එල්ටිටිය බොහෝ දුරට අවසානය . අල් - කයිඩා , තලෙයිබාන් , හමාස් ,කාශීමිරයේ විවිධ නමින් පෙනී සිටින කණ්ඩායම් ඇතුලු මුස්ලිම් ත්‍රස්තවාදයද නුදරකදී අවසන් විය යුතුව ඇත . 






අවි ගත්තෝ අවියෙන්ම නසිති!!!! 






බින්ලාඩන්ට සුදු හුණු ගැ , මෙරට ඇතැම් මුස්ලිම් ජාතිකයින්ගෙ වීරයා වූ ශකීර් නායක් කුමක් හිතනවා ඇතිද ?  ඔහු හිතන්නේ කුමක් වුවත් අල්ලාට කල හැකි මගුලක් නැති බව දැන් වත් තේරුම් ගත්තා නම් හොඳය 

Related Posts Plugin for WordPress, Blogger...
Back to Top