Ambalama - සැබැ සමාජ කතිකාවක සොඳුරු නවාතැන්පල

August 2011

ආදරණීය ගඩාෆි අන්කල්

ආදරණීය ගඩාෆි අන්කල් ,

අන්කල්ට බඩු පැකට් වෙන්න ඔන්න මෙන්න නිසා මං අන්කල් ගේ සුව දුක් අහන්නෙ නෑය , මම නම්  සුවෙන් ඉන්නවාය . අන්කල් මාව දන්නේ නැතිවුනත්   මම නම් අන්කල් ගැන හොඳට දන්නවාය . මම අපේ "ආඩම්බර කාර පියා  අන්කල්" ට ගොඩා...ක් ආදරෙයිය . ඒ අන්කල්ට ලොකේ ලොක්කොය කියන අන්කල්ලා බාල්දි පෙරලත්දිත් අන්කල් නම් බය නැතුව කරට අතදාගෙන හිටි නිසා මම අන්කල්ටත් ගොඩක් ආදරෙයිය ,අන්කල්ට කෙලවෙන්න කලින් මේ ලිපිය ලියන්න   හිතුවෙත් ඒ ආදරය නිසාමය

අපේ තාත්තා නම් අන්කල්ට කැමතිම නැය ,  එයා කියන්නේ ඕනිවට වඩා බෝ කරන්න යන හැතිකරයට සුභාව ධර්මයෙන්ද මොකෙන්ද ඔහොම එව්වා කරනවා කියාය .  ඒ කියන්නෙ මොකක්ද කියා මට තේරෙන්නේ නැය , තේරුණත් මම ගනන් ගන්නෙත් නැය . මොක්ද අපේ තාත්තා "ආඩම්බර කාර පියා අන්කල්ටත් " කැමතිම නැය .

"තොගේ මහ එකාට තොපිට කන්න අඳින්න දීගන්නත් බැරුව තියෙන්නේ , තොගේ ඔය මහ ලොකු ආඩම්බර කාර පියා නිසා "

කියා අපේ තාත්තා මට නිතරම කියනවාය . මම නම් ඒවට සැලෙන්නේ නැය .මොකද අපේ  අම්මා කියන විදිහට නම් තාත්තා උපන් ගෙයිම අලි පක්ෂයේය , ඒ කියන්නේ දේශද්‍රෝහියෙක්ය . දේශ ද්‍රෝහීන් කියන එව්වාට අපි නම් සැලෙන්නේ නැය . අපේ වංශ අන්කලුත් කියන්නෙ එහෙමය . මං එයාටත් හරිම කැමතිය . හැබැයි අපේ තාත්තා නම් එයාට කියන්නෙ විකාරවංශ කියලාය . ඒ දේශප්‍රේමී , දේශමාමක බලවේග වල  නායකයින්ට විරුද්ධව කියන අවලං කථා නිසා මම ඒවාද ගනන් ගන්නේ නැය

අපේ අම්මා නම් අන්කල්ට හරිම කැමතිය . අන්කල්ගේ පුතා මැරුණාය කියා  ඇහුව දවසේ හොඳටම ඇඬුවාය . අම්මා කොහොමත් දේශප්‍රේමීය . වැඩියක්ම ඒ මතට තිත නිසාය , මතට තිත නිසා තාත්තා වැඩට යන්න බස් එක එනකන් බස් හෝල්ට් එකේ ඉඳන් සිගරැට් බීම නැවතුණාය . අම්මාට ඒ ගැන පුල් හැපිය. ඒ වුනත් අම්මා මෙගා නාට්‍ය බලන වෙලාවට , තාත්තා ලැට් එකේ ඉඳන් සිගරට් බොනවාය .මෙගා සිහිය නිසා අම්මා ඒවා දන්නේ නැය . රැ දහයට නාට්‍ය ඉවරවෙන කොට කටේ ගඳත් ගිහිල්ලා නිසා තාත්තා ගොඩය

"ඒකත් හොඳයි බන් , නැත්නම් මම හෝල්ට් එකේ ඉඳන් බට ගහනව දැකල ඉන්කම්ටැක්ස් එකෙනුත් එයි "

 කියා තාත්තා කිවේ පෙරේරා අන්කල්ටය , පෙරේරා අන්කල්ට නම් ඕවා ගානක් නැය .මතට තිත තිබුනත් නැතත් අගිදා  ඇන්ටිගේ පොට් එකෙන් හවසට දෙක තුනක් නවා ගැනිල්ල පෙරේරා අන්කල අතාරින්නේ නැය
අපේ අය්යා නම් මං වගේම අන්කල්ට ආදරේය . අය්යා කියන්නේ ධනවාදී බටහිර ඒජන්තයින්ගේ ආධිපත්‍යට එරෙහිව අන්කල් නැගු හඬ නිසා උන් අන්කල්ට ගහනවා කියාය .ආ..තව අන්කලාගේ තෙල් සම්ප්ත  කොල්ල කැමේ  දුෂ්ට ඊනියා අරමුණත් උනට තියනවාලුය . මට අය්යා කියන්නේ මොකක්ද කියලාත් හරියට තේරෙන්නේ නැය ,  ඌ කැම්පස් ගියපු දවසේ ඉඳන් කියන එව්වා වැඩි හරියක් ගෙදර කාටවත් තේරෙන්නේ නෑය . ඒ කොහොම උනත් අය්යා  අන්කල්ට  ගොඩා...ක්   කැමතියි කියා නම් මට හොඳටම ශුවර්ය
මෙහෙත් හරියට අන්කල් ගැන කථාවෙනවාය . රතු තොප්පි අන්කල් ලා නම් කියන්නේ  ඒකාධිපති මාවතේ යන ආඩම්බර කාර පියා අන්කල්ටත් අන්කල්ට වෙච්ච දේම වෙනවා කියලාය . ඒ උනාට රතු තොප්පි අන්කල්ලාට  කොරන්න පුලුවන් කෙමනක් නැය කියා  අපේ තාත්තා කියනවාය . දේශද්‍රෝහී උනත් තාත්තා කියන ඒ කථාව නම් ඇත්තය . පන්සල් දාස අන්කලුත් අන්කල්ලාගේ රට ආදර්ශයට අරන්ය . ඒ  ආඩම්බර කාර පියා අන්කල් එලවන්න නම් නෙමේය , පරාක්‍රම අන්කල් එලවන්නය . අනේ.. පරාක්‍රම අන්කලුත් හරි චෝයිය . කථා කරන කොට  අපේ මොන්ටිසෝරි යන  චූටී මල්ලි වගේ හුරතල්ය . ඒ වුනාට පරාක්‍රම අන්කල්ව එලවගන්න පන්සල් දාස අන්කල්ට තාමත් බැරි උනාය . හැමදාම කිච වෙන්නේ පන්සල් දාස අන්කල්මය

තාත්තා නම් කියන්නේ පොඩි එකා වගේ හිටියාට පරාක්‍රම අන්කල් කපටියා කියලාය . කොච්චර  දැඟලුවත් එලව ගන්න බැරි ඒකලුය . අපේ තාත්තා උපන්ගෙයි අලි පක්ෂෙ උනත් කාලෙකින් ඡන්දය දාන්න  ගිහින් නැත්තේත් මේ අන්කල්ලා දෙන්නාගේ වලිය නිසාමය.

වල් පල් ලිවා ඇති වගේය . මට වගේ නෙවේ අන්කල්ට වැඩ තියනවාය .  අන්කල්ට චූටි උපදෙසක් දෙන්න තියනවාය . ඒ කලුගල්වල ඔලුව ගහගන්න එපා කියාය,  දැන් නම් අන්කල්ට ඔව්වා පිලිපදින්න පරක්කු වැඩිය , අනේ .. ඒ නිසා පුලුවන් නම් අහමදි නෙජාඩ් අන්කල්ටවත් මගේ උපදෙස පිලිගන්න කිවොත් ලොකු උදව්වක්ය . අන්කල්ලා ඔහොම පිස්සු කෙලියාම අපේ ආඩම්බර කාර පියා අන්කල් යාලුවො කවුර්ත් නැතුව තනිවේය කියා මට බයය . එහෙනම් අන්කල් මම නවතිනවාය . අන්කල්ට බුදු සරණය . මේ පාර රාමසාන් එකට බුරියානි පාරක් කන්න ලැබෙන කන්වත් ජීවත් වෙන්නට අන්කල් ශක්තිය  ධෛර්යය ලැබේවා කියා මා ප්‍රාර්ථනා කරනවාය . බැරි උනොත් අල්ලා දෙවියන් එක්කම රාමසාන් සමරන්නට ලැබේවිය .

          මීට
          තණමල්විල හිච්චි එකා


මර්ඩර් , බහු භාර්යා , එක මත් එක රටක සමඟින් දකුණු ආසියානු සිනමාවේ ශෘංගාරාත්මක රසවින්ඳනය

මාතෘකාවේ තියන චිත්‍රපටි නම් හොඳට අහල පුරුදු ඇති . මර්ඩර් 2 ගැන ඇතිවුනු ආන්දෝලනයත් එක්ක ඒ ගැනත් ඉන්දියානු සිනමාව හා අපේ සිනමාවේ ශෘංගාරාත්මක භාවිතාව ගැනත් මම කලින් වතාවක  ලිපියක් ලියුවා . ප්‍රතිචාර අඩු වුනත් ගොඩ දෙනෙක් බලපු ලිපියක් වුනු ඒ ලිපිය නොබලපු කෙනෙකුට මෙතනින් ගිහින් බලන්න පුලුවන් . ඒ ලිපියේ දිගුවක් විදිහට නොවුනත් ඒ කාරණාත් එකතු කරගෙන වඩාත් පුලුල්ව ශෘංගාරය හා  සිනමාවේ භාවිතාව  පිලිබඳ කථා කරන්නයි මේ සූදානම


ශෘංගාරාත්මක රසය කලාවේ මූලාරාම්භයේ  ඉඳන්ම පැවතගෙන එන අංගයක් . දීර්ඝ ශිෂ්ඨාචාරයකට උරුම කම් කියන ඕනැම තැනකදි පෙරදිග අපරදිග  බේදයකින් තොරව ශෘංගාරය භාවිතාවේ තිබුනාය කියන එක රෝම - ග්‍රීක  ශිෂ්ඨාචාර වල විතරක් නෙවෙයි ඉන්දියාවෙන් පවා හමුවෙලා තියන ඉපැරණි චිත්‍ර හා මුර්ති වලින් පැහැදිලියි . අතීත කලා මාධ්‍යන් වල තත්වය එහෙම උනත් සජීවී රූප රාමු සහිත සිනමාවේදී නම්  අදාල සංස්කෘතීන්ට අනුගතව ශෘංගාරයේ භාවිතාව වෙනස් වුනු බව දකින්න තියෙයි (ඉන්දියානු සිනමාව සම්බන්ධයෙන් කතන්දරේ කලින් ලිපියෙදි  විස්තර කරල තියනව )

 වැඩිහිටියන්ට පමනක් සීමා වුනු නිර්මාන ලාංකීය සිනමා ඉතිහාසයේ විටින් විට මුණ ගැහුනත් , ඒ සම්බන්ධ විශාල ආන්දෝලනයක් රටේ ඇති කරපු චිත්‍රපටිය තමයි බහු භාර්යා . ජනප්‍රිය නිලි සංගීතා වීරරත්න චිත්‍රපටියට රංගනයෙන් දායක වීමත් , ඇය චිත්‍රපටියේ අධ්‍යක්ෂවරයා සමඟ ගැටුමක් ඇති කරගැනීමත්  තමයි ඒකට මූලිකම හෙතුව වුනේ . ලාංකීය සිනමා ඉතිහාසයේ වැඩිම ආදායමක් ලබපු වැඩිහි චිත්‍රපටිය උනත් බහුභාර්යා සමස්ත චිත්‍රපටයමත් , අදාල ශෘංගාරාත්මක දර්ශනත් සිනමාත්මක වශයෙන් පැවතුනේ ඉතාම ප්‍රාථමික තත්වයකය කිව්වොත් නිවැරදියි .නමුත්  බහු භාර්යාවල අධි සාර්ථකත්වයත් එක්ක ඇතිවුනු වැඩිහිටියන්ට පමණයි රැල්ලේ " මස් කඩ " වලට නම් වඩා  බහු භාර්යා යම් තැනක ඉන්නවාය කියල කියන්න පුලුවන්

ලාංකික සිනමාවේ මම  දැකපු කලාත්මකම වැඩිහිටි ගණයෙ නිර්මානය තමයි සුලඟ එනු පිනිස  චිත්‍රපටිය , සමස්ථ චිත්‍රපටිය වගේම අදාල දර්ශනත් අපුරු සිනමාත්මක ගුණයක් සහිතව නිර්මාණය වෙලා තිබුනත්  "සුලඟ එනු පිණිස " චිත්‍රපටිය ශෘංගාරය භාවිතා කරන්නේ සුන්දරත්වයත් එක්ක නොවෙයි(චිත්‍රපටියේ කථාවට අනුව )  . ඒ නිසා  ලාංකීය නිර්මාණයකින් ශෘංගාරයේ සුන්දරත්වයක් විඳීමට අපට තවමත් හැකියාවක් ලැබුනේ නැය කියලයි මම හිතන්නේ . එකමත් එක රටක චිත්‍රපටියේ කථා වස්තුවට ඒ හැකියාව තිබුනත් සමාජීය කාරණා නිසා අධ්‍යක්ෂක වරයා ඉන් මෙහා තැනක නතර වී තිබෙන බවක් තමයි දකින්න තියෙන්නෙ , ඒ ඇයි ? ඒක තමයි වැදගත් කාරණාව . අපි ඒ ගැන පසුවට කථා කරන්න ඉඩ තියල මර්ඩර් 2 චිත්‍රපටිය දිහාවට හැරෙමු

මම කලින් ලිපියෙදි විස්තර කලා වගේ ඉන්දියානු සිනමාව (බොලිවුඩ් ) ශෘංගාරය  තමන්ගෙ නිර්මාණ තුල භාවිතා කිරීම පැත්තේන් ආවේ ඉතාම දුෂ්කර ගමනක . වර්ථමානයේදි එතනින් එලියට  එබිකම් කිරීම ට පටන් අරගෙන තිබුනත් තවමත් ඉන්දීය සමාජය  තියා නිර්මාණ කරුවන්වත් ඒ සඳහා 100%ක් සුදානම්ද කියන සැකය මතුවෙනව , ඇත්තටම මර්ඩර් 2 කීයන්නෙත් ඒකට ඉතාම හොඳ උදාහරණයක් . චිත්‍රපටිය තිරගත වෙන්න කලින් සම්පූර්ණ නිරුවත් දර්ශන ඇතුලු බරපතල සරාගී දර්ශන ගැන මතවාදයක්  ගෙනිච්චත් ඒක  හුදු වෙලඳ උපක්‍රමයක්  පමණක් බව හොඳින්ම පැහැදිලියි . ඔය එකතු කරල තියන විඩියෝ පටියේ තියන දර්ශනය මට්ටමෙන් එහාට ගිය දෙයක් ශෘංගාරය පැත්තෙන් නැතුවා වගේම සමස්ථ චිත්‍රපටියම සැලකුවාමත් සත පහකට වැඩක් නැති මර්ඩර් 2  චිත්‍රපටිය ඉන්දියාවේ blockbuster ගනයට අයත් චිත්‍රපටියක් විදිහට වර්ග  වීමෙන් පෙන්නේ ඉන්දියානු සමාජය තවමත් ශෘංගාරය "රස විදීමේ "මට්ටමට පැමිනෙමින් පවතිනවාය කියන එකයි . අධ්‍යක්ෂක වරයා හෝ මාධ්‍ය විසින් පතුරවපු  උපක්‍රම ශිලි කටකථා නිසා  වගේම   මර්ඩර් 2 හි දකින්න තියන ශෘංගාරය සමහර බොලිවුඩ් රසිකයින්ට ආගන්තුක නිසාත් කථාවේ කිසිම  හරයක් නැතිවත් චිත්‍රපටිය සාර්ථකත්වයට ගියාය කියල හිතන්න පුලුවන් (මේ කැමරා කොපි විඩියෝවේ දකින්න නැතත් , ඒ දර්ශන වලදි වර්ණ , කැමරා කෝණ ආදියේ මෙන්ම සංගීතයෙ භාවිතාව නම්  හොඳ මට්ටමක තියනව කියල කියන්න පුලුවන් ) .

මෙච්චර ලොකු ටෝක් නොදැම්මත්  ශෘංගාරාත්මක වශයෙන් , සිනමාත්මක වශයෙන් වගේම සමස්ථ නිර්මාණයම වශයෙනුත් Kurbaan චිත්‍රපටිය ඉදිරියෙන් ඉන්නව මර්ඩර් 2 ට වඩා

Murder 2



Kurbaan



සමහර අංශ වලින් හොලිවුඩ් සිනමාවේ මානයන්ට සමීප වෙමින් ඉන්න බොලිවුඩ් සිනමාව ශෘංගාරය භාවිතාව අතින් නම් තවමත් ඉන්නේ ඉතාම අඩු තැනක . ඔවුන්ට සුපුරුදු  සිනමාත්මක බව ඒ දර්ශන වල ගැබ් නොවුනා නම් ශෘංගාරාත්මක රසවිඳිමක් කියා අල්පමාත්‍ර දෙයක්වත්  , ඒ ලේබල් ගසා ගත් ගොඩක් බොලිවුඩ් නිර්මාන වල නැහැය කිව්වොත් වඩාත් හරි (මම කථාව ප්‍රිය නොකලත්  මල්ලිකා ශෙරාවට් රඟපාපු  Hiss චිත්‍රපටිය නම් ඒ අතින් සාර්ථකයි ටිකක් විතර )

American Pie  වගේ චිත්‍රපටි වලදි ඉතාම සරල වින්දනාත්මක වත් , Jude , Reader , Original Sin වැනි නිර්මාණ වලදි ඉතාම කලාත්මකවත් , තවත් සමහර නිර්මාණ වලදි කටුක ලෙසත් ශෘංගාරය තමන්ගේ නිර්මාන වලට එකතු කරගන්න බටහිර සිනමා කරුවාට නම් හැකියාව තියනව , ඒ සමාජ වටපිටාව නිසා . නමුත්  ඉන්දියාවේ හෝ ලංකාවෙ සිනමා කරුවාට ඒ අවස්ථාව නැත්තේ ඇයි ??

ලෝකයේ  කොතනක හිටියත් මිනිසා හෝ මිනිසගෙ හැඟීම් දැනීම් හෝ වෙනස් වෙන්නේ නැ ,  මිනිසාගෙ හැඟීම් නිරූපනය කරන කලා මාධ්‍යන් තුලදි මිනිසාගෙ මූලිකම හැඟීමක් වුනු ශෘංගාරය රසවිඳින්නත් දේශ සීමා බාධක  ඇත්තේ නැ . නමුත් සංස්කෘතිය , සාම්ප්‍රදායික විශ්වාස  වගේ මිනිස්සුම මතුපිටින්  පෙරවාගෙන ඉන්න කඩතුරාවන්  නිසා තමන්ගෙ සත්‍ය හැඟීම් වලට ඉඩක් දෙන්න අපේ රටවල බහුතරයක් දෙනා තවමත් බයයි , ඒ විතරක් නෙවෙයි ඒ වෙනුවෙන් තරුන පරම්පරාවට ඉඩක් ලබාදෙන්නත් කැමැත්තක් නැහැ .  මේ වගේ පටු පරමාර්ථ වගේම සමහරක් ඇයින්ගේ කුහක දේශපාලනික අරමුණුත්  (උදා - ඉන්දියාවෙ සිව සේනා පක්ෂය , ලංකාවේ හෙල උරුමය, ජානිපේ , ) වැඩිහිටි පරම්පරාව තියා තාරුණ්‍යටවත් තමන්ගේ හැඟිම් කලාව තුලින්වත් විඳීමේ  අවස්ථාව උදා කරන්නේ නැ . මේ අය කියන විදිහට මේ නිසා සමාජය යහපත්විය යුතුව තිබුනත් අවසානයේ බිහිවෙලා තියෙන්නේ කාන්තාවකට බස් රථයක වත් යන්න නොදෙන මානසික රෝගීන් පිරිසක් , ස්ත්‍රි දූෂන , අඩත්තේට්ටම් බහුලව සිදුවන සමාජයක් විතරයි . ඉන්දියානු සිනමා කරුවා ඉතාම සුලු සරාගී දර්ශනය ලොකුවට මාකට්  කරන්නෙත් , ප්‍රේක්ෂකය උඩ පැන පැන ඒවා නරඹන්නේත් , කථා තේමාව අතේ තියාගෙන සනත් ගුණතිලක මග නතර වෙන්නේත් (එක මත් එක රටක හිදී )ඒකේ ප්‍රතිඵලයක් හැටියට  තමයි


මර්ඩර් 2 චිත්‍රපටියට හූ තබමින් බලන තත්වයක් තුල වුනත් ( මර්ඩර් 2 යූ ටියුබ් විඩියෝ කිහිපයකම ඔය හූ පාරවල් හොඳ ඇහෙනව , ඒව අඩුම එකක් තමයි මම දාල තියෙන්නෙ ) ඉන්දියානු සිනමා කරුවා ටිකෙන් ටික හෝ ඉදිරි පියවරක් තබන බවත් සමහර  රංගන ශිල්පිනියන් අදාල කැප කිරීම් කරන්න සුදානම් බවත් පෙන්න තියනව . ඒක තරමකට හෝ සුභ ලකුනක් (එහෙම වෙන්න හෙතු කාරණා කලින් ලිපියෙ විස්තර කරල තියනව )  , නමුත් අපේ රටේ නම් එහෙම තත්වයක් නැය කියල තමයි අපිට පෙන්න තියෙන්නෙ , ආසන්නතම උදාහරණය තමයි බහු භාර්යා දෙක චිත්‍රපටිය ගැන කට කථාව

. පහුගිය කාලයේ අන්තර්ජාලය හර්හා ඉතා වේගයෙන් පැතිර ගිය කට කථාවක් වුනේ බහු භාර්යා 2 කොටස්ක් නිපදවෙන බවත් ජන්ප්‍රිය නිලියක් ඒකේ රඟපාන බවත් . කිසිම හෙතුවක් නැතුව චිත්‍රපටියක් හදනවා වගේ කට කථා හැදෙන්නේ නැති නිසා මේකට යම් පදනමක් තිබේය කියල හිතන්න පුලුවන් . කොහොම උනත් අදාල නිලිය වහාම ප්‍රකාශයක් කලේ තමන් එහෙම චිත්‍රපටියක රඟ නොපාන බව කියල .  කට කථාවේ කියවුන විදිහේ සැබැවින්ම 2 කොටසක සැලසුමක්   තිබියදි ඇය කට ක්ථාවටම බියෙන් ඉවත් වුනා නම් ඒක ඉතාම කණගාටු දායක තත්වයක් . ජැකොලයින් මර්ඩර් 2 ගැන කට කථාවලට අනුබල  දීල ඒව දිරිමත් කරත්දි අපේ නිලියක් ඒවට බයේ පැන යන්නත්    සිදුවෙනවාය කියන්නේ මේ කාරණයේදි අපි ඉන්න තැන වටහා ගන්න හොඳම නිමිත්තක්, ඒ සිදුවීම සම්පූර්නයෙන් අතහැරියත් වැඩිහිටියන්ට පමනයි චිත්‍රපට තනහම් කරන්න පවා ගිය රටක , ප්‍රවීන සිනමා කරුවන් පවා මඟ නතර වෙනා තත්වයක සිනමාව තුලින් ශෘංගාරාත්මක වින්දනයක් සඳහා ශ්‍රි ලාංකිකයින්ට තියන විකල්පය විදෙස් සිනමා නිර්මාන   පමණක්  බව පැහැදිලියි .

අපේ  සමාජ වටපිටාව සැකසෙමින් තියෙන්නේ රිවස් එකට නිසා දෙතොල් සිප ගැනීමත් වැඩිහිටි ගනයට දාන අපේ රටේ සිනමාවේ කම්මුල සිප ගැනීමත් එතනටම තල්ලුවෙලා  ගියත්  පුදුමයක් නැ

පහතින් දැක්වෙන්නේ මා කලින් ලිපිය අවසන් කල ආකාරයයි , බහු භාර්යා 2 සිද්දිය සත්‍යක් නම්   මා එදා කියු දෙය නිවැරදි නොවේද ?


මේ සිද්දිය සම්බන්ඳව ගොසිප් ලංකා හි මෙන්ම තවත් පුවත් වෙබ් අඩවි තුලත් පල වූ පාඨක අදහස් බොහෝය , සැලකිය යුතු පිරිසක් ජැකොලයින්ව  අනුමත කර තිබූ අතර, ඇතමුන් අස්භ‍ය වීඩියෝවක ජැකොලයින් දකින්නට කැමති යැයිද පවසා ඇත, ඇතමුන්ට අනුව ඇය ශ්‍රි ලාංකිකයෙක් නොවුනා නම්  ඕනි මඟුලක රඟපැවාට කමක් නැත, තවත් සමහරු කියන්නෙ ඇයට නමට් පමනක් ශ්‍රි ලාංකික නිසා අවුලක් නැත කියාය . සමහරෙක්ට අනුව ඇය සිංහල බෞද්ධ නොවේ ඒ නිසා කමක් නැත ......

මේ අදහස් දක්වන්නේ ලංකාවේ අන්තර්ජාල සාක්ෂරතාවය ඇති අයය , මෙය ලංකාවෙ ජීවත් වන් නිලියකගෙ කතාවක් නොවන නිසා අනෙක් මහජනතාවතත් "දේශප්‍රේමි" කණ්ඩායමුත් තවමත් නිහඩය . ඉතින් අනර්කලි, නෙහාරා , ශලනි තාරකා වැනි ජනප්‍රිය රංගන ශිල්පිනියක් ලාංකීය නිර්මානයක නිරුවත් දර්ශනයකට දායක උනා නම් මොනවගෙ තත්වයක් ඇති වෙයි ද? ඒ නිර්මානයේ නිර්මාන කරුවාට කුමක් වේවිද ? ඉතා ඉහල කලාත්මක නිර්මානයක් උදෙසාවත් අපේ රංගන ශිල්පිනියක් මෙවන් දර්ශනයකට පෙනී ඉඳියිද? ඔවුන් ඒ කැප කිරීමට සූදානම් ද? ඔවුන් කැමති වුවත් අපේ සමාජය එයට ඉඩ දෙනවාද ????? ඔබම සිතා බලන්න ..

Blog Promo අඩවියට වෙනස් කම් කිහිපයක්

අලුතෙන් බ්ලොග් කරණයට එන අයට සහ අලුත් බ්ලොග් වලට  උදව්වක් වශයෙන් මම පටන් ගත්ත "Blog Promo  අඩවිය ගැන මම කලින් ලිපියෙදි කිව්වා . හොඳ  නරක ප්‍රතිචාර දෙකම ලැබුනා . නොබලපු කෙනෙක් ඉන්නව නම් මෙතනින් ගිහින් බලන්න පුලුවන් . කොහොම උනත් ඒකට වෙනස් කම් කිහිපයක් සිදු කලා ඒ තමා සියලුම  කැටගරි වලට අයත් බ්ලොග්  එකම මට්ටමකට ගේන එක , අලුත් බ්ලොග් අඩවි අනික්වායින් වෙන් කරල වම් පස කෙරවලට ගන්න එක සහ ඒ ඒ තීරු වලට වර්ණ ලබාදිලා කියවන අයගෙ පහසුව ඇති කරන එක . මේ වෙනස් කම් ටික බලාගන්න මෙතනින් පිවිසිල පුලුවන් ,

නවක බ්ලොග් කරුවන් වෙනුවෙන් බුවාගේ අතහිත සමඟින් දේශපානික/මතවාදීමය බ්ලොග් සඳහා ප්‍රමුඛතාවය දෙන සින්ඩියක් වගේ එකක්

මාතෘකාව දැක්කාම කෙනෙකුගේ හිතට එන්න පුලුවන් කාරණා දෙකක් තියෙයි 01) උඹ බ්ලොග් කරණයේ නවකයින් ගැන කථා කරන්න තරම් ප්‍රවීනයෙක්ද  02) අනේ ..නිකන් පොරක් වෙන්න දඟලන්නෙ නැතුව නිකා ඉඳහන්

තමයි ඒ දෙක , ඒහෙම  හිතුනත් ඒ දේවල් පොඩ්ඩකට හිතේ තියාගෙනම සම්පූර්න ලිපියම කියවන්නය කියල මම ආරාධනා කර සිටිනව


මොකක්ද මේ වැඩේ

වැඩේ තමයි මම අලුතෙන් අරඹපු බ්ලොග් අඩවිය . මෙතනින් හරි දකුණු පැත්තේ තීරුවේ තියන "Blog promo" විජට්ටුවෙන් හරි ඒකට යන්න පුලුවන් .මේ බ්ලොග් අඩවියේ නම Blog Promo


 මොනවද කෙරෙන්නේ


මූලිකම පරමාර්ථය තමයි අලුතෙන් බ්ලොග් කරනයට බ්ලොග් කරුවන්ට වගේම අලුතෙන් එන බ්ලොග් වලට ප්‍රචාරණයක් ලබා දීම . මේ සඳහා අලුත් බ්ලොග් වලටම වෙන් කරපු තීරුවක ඒවායේ ලිපි  සින්ඩිකේට් වෙත්දි , ඒ හැම එකක් ගැන කෙටි හැඳින්වීමක් ලිපියක් වශයෙන් පල කරන්නයි බලාපොරොත්තුව . අමුතුවෙන් ප්‍රචාරණ ඔනි නොවුනත් ඔබ්සර්වර් මහත්තයගේ අලුතෙන් බ්ලොග් අඩවිය සටහන් කරල තියෙන්නේ සාම්පලයක් විදිහට .වැඩෙ කොහොමද කෙරෙන්නෙ කියල බලාගන්න

කොහොමද කෙරෙන්නේ

දැනට එක සාම්පලයක් විතරක් තියන "අලුත් බ්ලොග් අඩවි" තීරුවට අලුත් බ්ලොග් අඩවි එකතු කරන එකත් ඒවා ගැන ලිපි ලියන එකත් තමයි කරන්න තියෙන්නෙ . මෙතනදි මම බ්ලොග් අවකාශයෙදි දකින අලුත් බ්ලොග් අඩවි ගැන සඳහන් කරන්නත් , අලුත් බ්ලොග් අඩවි වල කතුවරුන්ට ඒ සඳහා ඉල්ලීමත් කරන්න පුලුවන් . තමන්ගේ බ්ලොග් අඩවිය ඇතුල් කරගන්න අවශ්‍ය  කෙනෙකුට කරන්න තියෙන්නේ buwa74@yahoo.com කියන ඊමෙල් ලිපිනයට ලිපියක් දාන එක හරි දැනට පල වෙලා තියෙන  ලිපියක කමෙන්ටුවක් විදිහට හරි තමන්ගේ බ්ලොග් අඩවියේ ලිපිනය පල කරන එකයි



සුදුසුකම්

අලුත් බ්ලොග් අඩවියක් විදිහට වර්ගීකරණය වෙන්න නම් , අදාල බ්ලොග් අඩවිය පටන අරගෙන (පලමු ලිපිය ලියල ) මාස 6 කට වඩා අඩුවෙන්න හෝ මාස 6කට වඩා වැඩි උනත් ලියපු ලිපි ගාන 15 කට වඩා අඩුවෙන්න හෝ ඕනි . මේ සුදුසු කම් සපුරන ඕනිම බ්ලොගයක් "අලුත් බ්ලොග් අඩවි " තීරයට ඇතුලත් කරගන්නවා වගේම ඒ සැම එකක් ගැනම වෙන වෙනම ලිපිත් පලවෙනව


කොන්දේසී

අනුන්ගේ ලිපි කොපි නොකරන සහ ඇඩ් ක්ලික් කිරීම වගේ වැඩකට නැති  දේවල් නොලියන ඕනිම බ්ලොග් අඩවියක් ඇතුල් කරගන්නව වගේම , මම ඒ ගැන හඳුන්වාදීමත් සිදු කරනව (තමන් ලියන දේවල් නිසා සුදු වැන් එහෙම ගෙදරට ආවට මම නම් වගකියන්නෙ නැ :D  ). ඒ ඇර වෙන කිසිම කොන්දේසියක් නැහැ

ඔබගේ දායකත්වය

ඔබගේ දායකත්වය මේ වැඩේට ඉතාම වැදගත් . මොකද වැඩෙ කරගෙන යන්න මට ධෛර්යයක් ලැබෙන්න වගේම මම හඳුන්වාදෙන අලුත් බ්ලොග් අඩවි , හඳුනාගන්නත් පිරිසක් ඉන්න ඕනි නේ . අලුත් බ්ලොග් අඩවි වලට අත දෙන්න කැමති ප්‍රවීනයින්ට පුලුවන් දැන් මේ බ්ලොග් අඩවියට ඇවිත්  අලුත් බ්ලොග් අඩවි මොනවද කියල පහසුවෙන් සොයා ගන්නත් ඒවට තමන්ගේ දායකත්වය සපයන්නත් . දැනට එක සාම්පලයක් විතරක් දාල තියෙන්නේ වැඩෙ තේරුම් ගැනීමේ පහසුවට . ඉල්ලුම කරන විදිහට සහ මම දකින බ්ලොග් එකතු කිරීමේ වැඩ පිලිවෙලට අනුව ලබන සතිය වෙනකොට හොඳ අලුත් බ්ලොග් එකතුවක් දැක ගන්න ඔබට ඉඩ කඩ ලැබෙනවාය කියල මම සහතික වෙනවා . මේ කට සහයෝගය පල කිරීම වෙනුවෙන් පහත කෝඩ් කැල්ල ඔබගේ බ්ලොග් අඩවියට එකතු කරගෙන , ෆලෝ පාරක් එහෙම දීල  යන්නය කියල මම ඉල්ලා සිටිනව (කෝඩ් එකෙන් එන රූපය තමයි මගේ බ්ලොග්ගෙ දකුණු පැත්තේ තීරුවෙ තාගෝර් මහත්තයට යටින් තියෙන්නෙ )


<a href="http://buwa-blogpromo.blogspot.com/" ><img src="http://1.bp.blogspot.com/-FkF1__-smj8/TlB3esfQQuI/AAAAAAAAAPg/ncn2C6_3Z_s/s1600/Untitled-1.gif" alt="Blog Promo" title="Blog Promo" width="200" height="120" border="0" /></a>



ආ ... තව දෙයක් අලුත් බ්ලොග් කරුවන්ට කියල වෙන් කරල තිබුනත් ප්‍රවීනයෙක් අලුත් ඉන් පටන් ගන්න බ්ලොග් අඩවියක් ඇතු කරන්නත් කිසිම ප්‍රශ්නයක් නෑ  කැමති නම් 


සින්ඩිය වගේ එක 

මේ ඉතුරු ඉඩ කඩ ඵ්ලදායකව භාවිතා කරන්න වගේම , ඒ ඒ පුද්ගලයගේ රසවින්දනයට අනුව බ්ලොග් අඩවි  කැටගරි තුනකට දාන්න කරපු උත්සහයක් . එතන්දි දේශපාලනික හෝ මතවාදීමය බ්ලොග් කරුවන් සඳහා මුල් තැන දීල තියෙන්නෙ මගේ ප්‍රියතම කැටගරිය නිසා වගේම සමහර තැන්වලින් ඒ අයට අසාධාරණයක් සිද්ධ වෙලා තියන නිසා .(අනෙක් අය ඒ ගැන තරහා වෙන්න එපා  හොඳේ )

 අනෙකුත් බ්ලොග් අඩවි අතරින් ගද්‍ය පද්‍ය නිර්මාණ සහ විෂයානු බද්ධ දේවල් න්(වෙදකම , සිනමාව,  ජෝතිශ්‍යය වගේ ) එක ගොඩකටත්  අනෙක් පුද්ගලික  බ්ලොග් අඩවි සියල්ලම එකටත් දාල තියනව . මේ කැටගරි තුනට අනුව වෙන් කරල බ්ලොග් කියවන්න කැමති අයට සින්ඩියක් විදිහටත් මේ බ්ලොග් අඩවිය භාවිතා කරන්න පුලුවන් . (තවමත් අඩංගු වෙන්නේ බ්ලොග් අඩවි කිහිපයක් විතරයි , ඒ මගේ බ්ලොග් රෝලේ තිබුන ඒවා . ප්‍රවීනයිනුත්  තරහ නැතුව ඊමෙලය්කින් තමන්ගෙ බ්ලොග් අඩවිය එව්වොත් ලොකු උද්ව්වක් )

අජිත් පැරකුම් මහත්තයගේ(W3LANKA ) Feeds බ්ලොගර් වලින් ප්‍රතික්ෂේප කරන නිසා නම විතරයි අඩංගු වෙන්නේ . අනෙකුත් දේශපාලනික/ මතවාදීමය බ්ලොග් සැහෙන ප්‍රමාණයක් ඇතුලත් කරලයි  තියෙන්නේ මට මඟ ඇරිච්ච යමක් තියනව නම් මතක් කරන ලෙස ඉල්ලා සිටිනව . ඕනි කෙනෙක් ගැන ඕනි කුණුහරුපයක් ලියන බ්ලොග් මේ කාණ්ඩය යටතට දානව . ආගමක් ගැන වුනත් තර්කානූකුල විවේචනයක් නම් /සත්‍ය විවේචනයක් නම්  ඇතුලත් කරනව

ඒ වගේම මේ සින්ඩිය වගේ එක දැනට තියන කිසිම සින්ඩියක් එක්ක ගේමට කරන එකක් නොවේය කියලත් කියන්න ඕනි

එහෙම නම් දැනට ඔච්චරයි ... මාත් එක්ක මේ වැඩේට එකතු වෙන්නය කියල හැමෝගෙන්ම නැවතත් ඉල්ලා සිටිනව

ගොන් සිරසෙ.. ගොන් ආතල් !!

කලින් ලිපියේ  කථා බහට ලක් කල කාරණා අතර්ද සිරස නාලිකාව හා රනිල් වික්‍රම සිංහ මහතා අතර හටගත්  ගැටුම පිලිබඳ ද සඳහන් කර තිබුනත් ඒ පිලිබඳව තවදුරටත් කතා කලයුතුයැයි  හැඟේ . රනිල් වික්‍රමසිංහ මහතා සිරස නාලිකාව අධිපතිවරයා ට කල චෝදනාව සම්බන්ධයෙන් කිසිදු පිලිතුරක් නොදෙන සිරස නාලිකාව රනිල් වික්‍රමසිංහ මහතාට පුද්ගලිකව මඩ ගැසීමේ ව්‍යාපාරයක නිරත වී සිටින බව පැහැදිලිය . පසුගිය මාස කිහිපය පුරාවට  රනිල් වික්‍රමසිංහ මහතා එජාපයෙන් එලවීමේ කොන්ත්‍රාත්තුව බාරගෙන සිටි සිරස සැම ප්‍රවෘත්ති විකාශයකදීම ඒ වෙනුවෙන් කාලයක් වෙන් කරන්නටද අමතක කලේ නැත . එජාපයේ නායකයා වෙනස් වීම පිලිබඳ තීරණය අදාල පක්ෂයේ පාක්ෂිකයා සතුවන අතර මාධ්‍යකට ඒ පිලිබඳ වාර්ථා කිරීම විනා අනවශ්‍ය ලෙස ඇඟිලි ගැහීමේ අයිතියක් නැත . ඒ පිලිබඳ සාකච්ඡාවකට යන්නේ නම් එය නිශ්චිත අවස්ථාවකට (හෝ කිහිපයකට ) සීමා විය යුතු අතර ඒ ගැන අවසන් නිගමන දීමට හෝ දිගින් දිගටම පස්සෙන් පැන්නීමට  සදාචාරාත්මක අයිතියක් නොමැත  .

සිරසෙන් තමාට විරුද්ධ දිගට හරහට ගසත්දිත් තමාට සුපුරුදු නිහැඬියාව අනුගමනය කල  වික්‍රමසිංහ මහතා සිරසට විරුද්ධව යුධ ප්‍රකාශ කරන්නේ තමාට එරෙහිව නැඟුනු ආසන්තම (වඩාත් සාධාරණම )  අරගලය තුලය . එහිදී සජිත් පාර්ශවය වෙනුවෙන් කොන්දේසි විරහිතව පෙනී සිටි සිරස නාලිකාවට , හිමි කරුවාටත් වික්‍රමසිංහ මහතා එල්ල කරන්නේ  ලාංකීය ඉතිහාසයේ මාධ්‍ය ආයතනයකට එල්ල කල බරපතලම චෝදනාවය . ජනතා පරමාධිපත්‍යයේ උත්තරීතර නිරූපණය වූ පාර්ලිමේන්තුව නියෝජනය කිරීම සඳහා ව්‍යාපාරිකයෙකු විසින් "ජාතික ලයිස්තු මන්ත්‍රි ධූර " ඉල්ලා සිටීම සැබැවින්ම  බරපතල  ලෙස සැලකිය යුතු කාරණාවක් වන අතර ,  එවැන්නකට විරෝධය පල කිරීම වෙනුවෙන් පක්ෂ නායකයෙකුට එරෙහිව ගෙනියන මඩ ප්‍රහාරයක්ද දැඩිසේ හෙලා දැකිය යුතුය . කෙසේ වුවත් අදාල කාරණාව පිලිබඳ වැඩි දුර විස්තර නොකියූ වික්‍රමසිංහ මහතා සුපුරුදු සිනා මුසු මුහුණින් කිලී මහරාජා ට පිලිතුරු දීමේ වගකීම බාර කරන්නේ සත්‍ය  , අසත්‍යතාව කිරා බැලීමේ අවස්ථාව තවත් වටයක් හරහා ජනතාවටත්  අනෙකුත් මාධ්‍යන්ටත් ලබා දෙමිනි

රනිල්ගේ සිනාව කෙසේ වුවත් ප්‍රකාශයේ ඇති බරපතල බව සැලකූ විට ඒ සඳහා සිරසේ හිමි කරුවන් විසින් අත්‍යාවශ්‍යයෙන්ම මාධ්‍ය හමුවක් තබා පිලිතුරු සැපයිය යුතුව තිබුනි . නමුත් මේ දක්වාත් එවැන්නක් සිදු කර නොමැති අතර ඉතා පහත් " දෙකයි පනහේ " මඩ ප්‍රහාරයක් රනිල් වික්‍රමසිංහ මහතාට එරෙහිව ක්‍රියාත්මක  කර ඇත . තිස්ස අත්තනායක මහතාගේ ග්‍රන්ථය එලිදැක්වීම වෙනුවෙන් පැවැති උත්සවයේදී වික්‍රමසිංහ මහතා කල කථාවේ වචනයක්   උපුටාගෙන එය අසභ්‍ය යැයි ලේබල් ගැසීමට පමණක් නොව ඒ ගැන මත විමසුම් හා  SMS ගැසීමේ නාඩගමක්ද පටන්ගෙන ඇත .

http://www.gossip9.com/2011/08/blog-post_21.html

තමාට එල්ලවූ චෝදනාවන්ට නිසි පිලිතුරු ලබා නොදී රටේ විපක්ෂ නායකයාට එරෙහිව සිරස ගන්නා "ගොන් ආතලය " ඔවුන් වටා ඉතිරිව සිටිනා (දේශපාලනිකව ) ප්‍රේක්ෂකයින්ගෙන් කොටසක්ද අහිමි කරගැනීමට හේතුවක් බව වත් සිරස පාලකයින් විසින් තේරුම් ගන්නා  බවක් නොපෙනේ . අසික්කිත දේශපාලන කෙරුවාවෙන් ගොන් ආතල් ගන්නා සිරස තමාට එල්ලවූ චෝදනා වලට පිලිතුරු දීමට අසමත් වුවහොත් රනිල් වික්‍රමසිංහ මහතා  එල්ල කල චෝදනා පිලිගැනීමට සිදුවෙනවා  පමණක් නොව එවන් අයථා හේතුවක් මත රනිල්ට මඩ ගසන්නට තරම් නින්දිත වූ සිරසට එරෙහිව ඇති අනෙකුත් චෝදනා වලටද පදනමක් ඇති බව පිලිගැනීමට සිදුවේ . එමෙන්ම එසේවුවහොත් එවන් නීච මාධ්‍ය ආයතනයක් හරහා පක්ෂයේ නායකත්වයට අර අඳින පුද්ගලයින්ට වඩා සැමදා පැරදෙන වික්‍රමසිංහ මහතා වුවත් දහස් ගුණයකින් යහපත් බව එජාප පාක්ෂිකයින් කෙසේ වෙතත් සාමාන්‍ය රටවැසියාවත් තේරුම් ගත යුතුය

මේ   ගැන අජිත් පැරකුම් මහතා කරන ලද පහත  ප්‍රකාශය (W3lanka ලිපියට මෙතනින් ) ,   ඉතාම සරලව සිරසේ ක්‍රියා කලාපය පැහැදිලි  කරනා බව මාගේ විශ්වාසයයි

"එය පුන පුනා ප්‍රචාරය කරමින් ඒක හොඳ ද කියා ඇසීම අපට නම් පෙනෙන්නේ කිරි පණු ගාය ඇති අය පස්ස පැත්ත කස, කසා ඇඟිල්ල නහයට ළං කර බලමින් විඳින ආතල් එක වැනි දෙයක් ය කියා ය. 




ඕං මමත් කට්ටියගේ අදහස් දැන ගන්න මත විමසුමක් දැම්මා .. ලිපිය කියනව අය කරුණාකරල තමන්ගේ මතයත් ප්‍රකාශ කරල  ගියොත් ලොකු උදව්වක් 

පහුගිය සතියේ සිදුවුනු දෑ සමහරක් පිලිබඳ මගේ විග්‍රහය

පහුගිය සතියෙදි අපේ රටේ සිදුවුන සිදුවීම සහ අහපු දැකපු දේවල් කිහිපයක් ගැනල ලියන්න/කතාකරන්න යමක් තියනවාය කියලයි මට හිතෙන්නේ . ඒ එක  එකක් වෙනුවෙන් සම්පූර්න ලිපියක් ලිවීම එතරම් ඵලදායක නොවන නිසා ඒ සියල්ලම ගැන මගේ අදහස කෙටියෙන්  පවසන්න තමයි මේ ලිපිය ලියන්නේ

01) එජාප අර්බුදය

එජාපය කල බැගැනි වලින් පිරුණු මල විකාරයක් බවට පත්වෙලා දැනට සැහෙන්න කාලයක් . ඒ අතර දකින්න ලැබුනු සුවිශේෂීම සතියක් තමයි පහුගිය සතිය , නායකත්වය ලබාගැනීමේ උත්සාහයෙන් නින්දා සහගතව  පසු බැසපු සජිත් ප්‍රේමදාස මහත්තය තවත් වටයකින් තමන්ගේ වාසියට හේතුවන යෝජනාවක් වුනු කරු ජයසූරිය මහතා නායකත්වයට පත්කිරීමේ යෝජනාව අරගෙන ඒම තමයි මේකට  පසුබිම් කාරණය . ( කරු ජයසූරිය මහතා නායකත්වයට පතිවීම ගැන මගේ අදහස සවිස්තරාත්මකව මෙතනින් ගිහින් බලන්න පුලුවන් ). මේ ඇතිවෙච්ච තත්වය අනු කොටස් කිහිපයක් යටතට අරන් කථා කරන්න පුලුවන්


  • සජිත්ගේ සත්‍යග්‍රහය 
          රනිල් වික්‍රමසිංහ මහතාව නායකතවයෙන් ඉවත් කිරීම වෙනුවෙන් ජනතා මතය  එතුමාට එරෙහි බව පෙන්නන්න සිරිකොත ඉදිරිපිටට විශාල ජනකායක් රැස් කිරීම තමයි සජිත් පාර්ශවයේ බලාපොරොත්තුව වුනේ . මාධ්‍ය වාර්ථා පලවුනු විදිහට නම් මේ සංඛ්‍යාව 10,000ක්  . නමුත් රනිල් පාර්ශවයේ උත්සාහයන් නිසා මේ සත්‍ය ග්‍රහය සිරිකොත ගාවින් ඉවත් කරගන්න සිදු වුනා වගේම  බලාපොරොත්තු වුන සංඛ්‍යාවෙන් අඩකවත් සෙනඟක් ගෙන්න හැකියාවක්  ලැබුනේත් නැ . ස්ථානය මොකක් උනත් අඩුම තරමේ දහ පහලොස් දාහක්වත් එකතු  කරගන්න බැරුව කරපු සත්‍ය ග්‍රහයත් , ඒකෙදි සජිත් මහතා ඇතුලු ඇවිත් හිටපු විදිහ හැසිරුන විදිහත් , කරු ජයසූරිය එක්ක  නැවතත් එන බවක් කියල ගිහින් තමන්වත් ආපහුආවෙ නැති එකත් දිහා බැලුවාම මට නම් හිතෙන්නේ සජිත් මහත්තයා නැවත වතාවක් කිච උනා කියල තමයි 

  • ආණ්ඩුවෙන් රනිල්ට උදව් ?????
        සජිත් ප්‍රේමදාස මහතාගෙ පාර්ශවයෙන් එල්ල වුනු ප්‍රධාන චෝදනාවක් වුනේ රජය රනිල් වික්‍රමසිංහ මහතාගෙ නායකත්වය  දිගටම තියා ගැනීමට උද්ව් කරනවාය කියන එක  . සිරිකොත විරෝධතාවට එරෙහිව  අධිකරන නියෝගයක් ලබා ගැනීමත් , හිටි අඩියේ මග නැගුමේන් සිරිකොත ඉදිරිපිට පාර කාපට් කිරීමත් තමයි ඒකට මූලික පදනම , අධිකරණ තීන්දුව කෙසේ වෙතත්  මඟ නැගුමෙන් පාර කාපට් කිරීම නම් සාධාරන සැකයක් මතු කරන කාරනාවක් .  පාක්ෂිකයින්ගේ විශ්වාසය පලුදු කරගත්ත රනිල් වික්‍රමසිංහ මහතා  තමන්ට පහසුවෙන් පාරජය කල හැකි පුද්ගලයෙක් නිසා ඔහුව දිගටම නායකත්වය වෙනුවෙන් රජය ස්වේච්ඡාවෙන් ම උදව්වක් කලාද , රනිල් වික්‍රමසිංහ මහතාගේ ඉල්ලීමක් මත එහෙම කලාද . එහෙමත් නැත්නම් එජාප අර්බුධය තව දුරටත් වැඩි කරවීමේ අරමුණින් එහෙම කලාද  කියන ප්‍රශ්නය මෙතනදි මතුවෙනව . මම නම් හිතන්නේ අවසාන කාරණය වඩාත් විය හැකි කාරනාව කියලයි . මේ ගැන W3lankaත් , ඇට මැස්සාත් අදහස් පල කරල තිබුනා


  • රනිල් Vs කිලී මහරාජා
         සැහෙන කාලයක් පුරාවට එජාපය වෙනුවෙන් පෙනී හිටපු මහරාජා ආයතනයට විරුද්ධව රනිල් වික්‍රමසිංහ මහතා යුධ ප්‍රකාශ කරන්නේත් මේ අතරේ . පහුගිය මාස කිහිපය පුරාවටම රනිල් විරෝධි ප්‍රතිපත්තියක් අනුගමනය කරපු සිරස මාධ්‍ය ජාලය වෙනුවෙන් එවන් විරෝධයක් පලවීම සාධාරණයි . විශේෂයෙන්ම සිරසෙන් කරන පහත ලිපියේ සඳහන් ආකරයේ අනවශ්‍ය වැඩත් , පක්ෂයේ අභ්‍යන්තර කටයුතු වෙනුවෙන් දක්වපු අනවශ්‍ය උනන්දුවත් නිසා සිරසට එජාප නායකයාගේ විරෝධය පල කීරීම පිලිගන්න පුලුවන් , නමුත් එජාප නායකතුමා  මේ තත්වයට හේතුව විදිහට දක්වන ජාතික ලයිස්තු මන්ත්‍රි දූර දෙකේ කථාව නම් ඉතාම බරපතලයි . ව්‍යාපාරිකයෙක් නිකන්ම ඉඳගෙන එහෙම මන්ත්‍රි  ධූර  ඉල්ලන්නේ කොහොමද ? ඒ අතර සැඟවුන වෙනත් ගණුදෙනුවක් තිබුනද ? ඇයි මේ ගැන කලින් නොකිව්වෙ වගේ ප්‍රශ්න ගොඩක් පැන නැගුනත් රනිල් වික්‍රමසිංහ මහතාත් තමන්ගේ පැහැදිලි කීරීමට මහරාජගෙන් පිලිතුරක් ලැබෙන කම් ඊට වඩා යමක් නොකියන බවත් , සිරස තමන් ඒවා නොසලකා හරින බව පමණක්  පැවසීම නිසාත් ඒ ප්‍රශ්න වලට පිලිතුරක් ලැබෙන පාඨක් නම් නැ . කොහොම උනත් සිරසට වැදිලා තියන කොටි ලේබලත් එක්ක සජිත් පාර්ශවයට   සිරසේ සහය හිමිවීම  ඔවුනගේම අවාසියට හේතු කරවන්න නම් රනිල්  මහත්තයගේ ප්‍රකාශයට හැකියාවක් ලැබුනා


සිරසේ විකාර සහ සජිත් ප්‍රේමදාස මහතාගේ (විශේෂයෙන්ම වටේ සිටින කැපීපේන්න දඟලන්නන්ගේ ) සමයම් කෙසේ වෙතත් , එජාපය ශක්තිමත් වීම සහා ඒ සඳහා එජාප නායකත්වයේ වෙනසක්  බොහෝ දුරට අවශ්‍ය  වෙනවාය කියන එක තමයි මගේ මතය .  මේ දක්වා සැහෙන තරම් දුරට මහත්මා දේශපාලනයක් පෙන්වපු , එජාප පාක්ෂිකයින්ගේ විශේෂයෙන්ම මන්ත්‍රිවරුන්ගේ යම් පිලිගැනීමකට ලක්වුනු කරු ජයසූරිය මහතාට  නායකත්වය ලැබීම මේ මොහොතේ  සිදුවිය යුතු දෙයක් හැටියට තමයි මම හිතන්නේ , කොහොම උනත් ඒ දේ එකිනෙකා මරාගෙන සිදුනොවී එකඟතාවයකින් කරගන්න පුලුවන් නම් තමයි හොඳ . පාර්ලිමෙන්තු මන්ත්‍රි වරුන් බහුතරයක් ඇතුලුව , තමන්ගෙ පාක්ෂිකයින් සැහෙන ප්‍රමාණයක් තමන්ව ප්‍රතික්ෂේප කරත්දිත් ගානක් නැතුව ඉන්න එක රනිල් වික්‍රමසිංහ මහත්තයගේ හිතේ හය්යද  , ලැජ්ජා නැති කමද ? නැතනම් ඒ  දෙකමද ?



02)ග්‍රිස් යකා නාඩඟම

පහුගිය සතියට පමණක් සිමා වුනු දෙයක් නොවුනත් , ග්‍රිස් යකා නාඩගම සතිය පුරාම පැවතුනා සහ තවමත් පවතිනවාය කිව්වොත් වඩා නිවැරදියි . අත්බූත දේවල් , දෙවියෝ , භූතයො යක්කු ගැන අන්ධ විශ්වාස වල ඉන්න ජනතාවක් සහ තවදුරටත් එම මිත්‍යාවන්ම ජනතාව මත පතුරවන සමාජයක  මේ වගේ සිද්දීන් පිලිබඳ ජනතාව අනියත බියකින් පසුවීම ස්වාභාවිකයි. ඒ වගෙම කිසිම වගකීමක් නැතුව තමන්ගේ ජන්ප්‍රියතාව ගැන විතරක් හිතල  වාර්ථාකරනයේ යෙදෙන ඇතැම් මාධ්‍ය ආයතනත් මේ තත්වයට වග කියන්න ඕනි .වර්ථමාන තත්වය මැඩ පැවැත්වීමට රජය ක්‍රියා මාර්ග ගන්න අතරෙම ඉදිරියේදි මෙවන් සිදුවීම් ඇති නොවීමට වග බලා ගැනීමත් ඉතාම වැදගත් . ඒ සඳහා මිත්‍යා විශ්වාස වලින් ජනයා මුදාගැනීම අත්‍යාවශ්‍යයි . හොර සාස්තර කාරයෝ වෙනුවෙන් පෙනී සිටින් රාජ්‍ය මාධ්ය ප්‍රධානීන් ඉන්න රටක එහෙම සිදුවේද  කියන එකයි ගැටලුව
භීතියෙන් ආතල් ගැනීම ගැන ලියන පොඩි ගමය , අනෙක් මිත්‍යා විශ්වාස වලට පහර ගහන කොට අඬන හැටි බලන්න කැමති නම් මෙතනින් යන්න පුලුවන්
         
03) විද්‍යුත් හැඳුනුම් පත්‍රය

පහුගිය සතියේ කැබිනට් මණ්ඩල අනුමැතිය ලැබුනු වැඩ පිලිවෙලක් මේක . ඇත්තටම ඉතාම හොඳ වැඩක් කියල මේක හඳුන්වන්න පුලුවන් . මොකද තොරතුරු තාක්ෂන්යේ භාවිතාවත් එක්ක ජනතාවට  සම්බන්ධ තොරතුරු පරිඝ්නක ආශ්‍රිත දත්ත පද්දති හරහා  ගබඩා කරල තියන්නත් නැවත ලබා ගන්නත් , සංශෝධනයන් ඉතා පහසුවෙන් කරන්නත් මූලික පිවිසුමක් හැටියට මේ විද්‍ය්ත් හැඳුනුම් පත භාවිතා කරන්න පුලුවන් . විශේෂයෙන්ම රජය විසින් ජනතාවට ලබා දෙන  පහසුකම් ලබා ගන්න , තමන්ගෙ තොරතුරු රහසිගතව තබා ගන්න , අපරාධ කරුවන් නීතියේ රැහැනට කොටු කරගන්න  සහ තවත් වැඩ ගොඩක් මෙවන් හැඳුනුම් පතක් භාවිතයෙන් කරන්න පුලුවන් . කොල කැලි පුරවන්න යන කාලය , ශ්‍රමය ආදිය ඉතුරු කරගැනීමේ වාසියත් මෙතන් තියනව . මේ ගැන විරෝධතා එල්ල වෙන්න ඉඩ තියෙයි . ය  ජංගම දුරකථන වෙනුවෙන් දාපු නීතයත් (මෙරටට ගෙන්වීමේදී ලියා පදිංචි කිරීම ) කෝල් ට්‍රේස් කරන්න කරපු දෙයක්ය කීව අය මේ ගැන මොනව නොකියාවිද . කොහොම උනත් අනා ගන්නෙ නැතුව පිලිවෙලකට හැඳුනුම් පත් බෙදා හැරීම නම් ඉතාම වැදගත් 

04)  කොටු වෙනුවට පණිවුඩ
මතට තිත තිබීමේ වැඩ පිලිවෙලත් එක්ක රූපවාහිනියට එකතුවුන දෙයක් තමයි , මත් පැන් , දුම් වැටි දර්ශන වලට උඩින් කොටු දාන එක . දුම් බොන වීර චරිත පාදක කරගත් කථා(චිත්‍රපට ) හැරුණාම මේ කිසි එකකින් පොඩි ලමයෙක් වත් මත්ද්‍රව්‍ය වලට යොමු නොවුනත් (බොන එකා කොහොමත් බොනවනේ )  මේ විකාර කොටු දැමිල්ල ජයටම කෙරීගෙන ගියා . බෝතලෙන් වීදුරුවට වක් කරල කට ලඟට ගන්න තැන  වෙනකන් පෙන්නල , බොන ඩිංගට විතරක් කොටු දාලා ඊට උඩින් "රස නොමරා රස විඳින්න" කියල සෝඩ ඇඩ් දාන එකෙන් වැඩක් වෙන්නේ නැය කියල දැන් නම් ඕං තේරුම් අරගෙන . සැප්තැම්බර් ඉඳන් අදාල දර්ශන වලට යටින් ලේබලයක මත් ද්‍රව‍ය  භාවිතයේ  අහිතකර ඵල විපාක සඳහන් කිරීම විතරක් කරනව ලු .ලොකු දෙයක් කියල තමයි කියන්න තියෙන්නේ

05)කොලඹ නගරාධිපති අපේක්ෂක ධූරය
පලාත් පාලන ආයතන විසි තුනකම මැතිවරනය තිබුනත් ගොඩක් දෙනෙක්ගෙ අවධානය යොමු වෙලා තියෙන්නේ කොළඹ මහ නගර සභාව ගැන . එජාපයේ සාම්ප්‍රදායික බලකොටුව වෙච්ච් කොලඹ ගැන මේ පාර රජයත් බලාපොරොත්තු තියාගෙන ඉන්න නිසයි  වැඩියෙන්ම අවධානය යොමු වෙන්න හේතුව . මැතිවරණය ප්‍රකාශ වීමත් එක්ක සංගක්කාර , අනෝමා , දුමින්ද , තිලංග , මුසම්මිල් , ස්වාමිනාදන් ,මොරගොඩ , ඉමිටියාස් ආදි නම් ගොඩක් කියවුනා . ඒ අතරින් රජය  තමන්ගේ අපේක්ෂකය විදිහට මොරගොඩ මහතාව තෝරගෙන තියනව , කොලඹට වැඩක් කල හැකි පුද්ගලයෙක් වශයෙන්  බැලුවාම  ඉතාම හොඳ තේරීමක් කියල කියන්න පුලුවන් , ඒත් ඉතින් ජිල්මාට් එකක් නොදැම්මොත් නම්  කොලඹ දිනා ගන්න නම් මොරගොඩ මහත්තයට හැකිවෙයි කියල මම හිතන්නේ නැ .එජාපයේ අපේක්ෂකය විදිහට මුසම්මිල් මහතාගෙ නමත් , ඉමිටියාස් මාකර් මහතාගේ නමත් යෝජනාවෙලාය කියලයි කියන්නේ .ජාතික  දේශපාලනයේ දීත් ඉතා හොඳ මහත්මා ගති ගුණ වලින් හැසිරුණු පුදගලයෙක් වුනි ඉමිටියාස් මහතාට  සිංහල දෙමල  ඡ්න්ද එකතු කරගන්න  සහ සන්ධාන රජයත් එක්ක වැඩ කරල කොලඹට  අවශ්‍ය කරන දේවල් කරගන්නත් (එජාපයේ අයකු  වුනත් ) හැකියාව තියනව . ඒ වුනත් රනිල් මහත්තයට විරුද්ධ නිසා අපේක්ෂ කම නම් ලැබෙන එකක් නැහැ .  කොහොම උනත් සංගක්කාර හෝ අනෝමා වගේ අහක යන චරිත වෙනුවට හොඳ යුඇන්පී කාරයෙක් වෙච්ච මුසම්මිල් ව දාන එකත් නරකම නැ 

06)පෞද්ගලික වෛද්‍ය විද්‍යාලයට UGC අනුමැතිය
පෞද්ගලික වෛද්‍ය විද්‍යාල කියන්නේ දශක තුනක් පරන මාතෘකාවක් . දැන් ආයෙමත් කථා බහට් ඇවිත් තියෙන්නේ මාලබේ පෞද්ගලික වෛද්‍ය විද්‍යාලය සම්බන්ධ ගැටලුව නිසා . අද (සෙනසුරාදා ) දිවයින  වාර්ථා කරන විදිහට නම් විශ්ව විද්‍යාල ප්‍රතිපාදන කොමිසම ඒ වෛද්‍ය උපාධිය නිල වශයෙන් පිලිගන්න සුදානම් . මෙතනින් ඒ ලිපියට යන්න 

ලෝකයේ හැම රටකම වගේ දකින්න තියන පෞද්ගලික උසස් අධ්‍යාපනය (හෝ බ්‍රිතන්‍යයේ විදිහට රාජ්‍ය අංශය වානිජ වශයෙන් සිදු කරන උසස් අධ්‍යාපනය )  අපේ රටටත් අත්‍යාවශ්‍ය දෙයක් විදිහටයි මම නම් දකින්නේ . අවුරුදු 30කට විතර කලින් ජේ . ආර් ලොක්කා කරන්න හදත්දි විරුද්ධ වුනු අයම දැන් ඒ දේම කරන එක  නිකන් කැතයි වගේ උනත් වැඩේ නරක නැහැ . දැනටමත් කලමණාකරන , තොරතුරු තාක්ෂන , ඉංජිනේරු ආදි බොහෝ උපාධි  පෞද්ගලිකව පවත්වන එකේ වෛද්‍ය උපාධියත් එහෙම කලාට එතරම් ගැටලුවක් නැ . හැබැයි ගුණාත්මක භාවය රැකගෙන .

 විශේෂයෙන්ම   වෛද්‍ය උපාධියකදි මේ  ගුණාත්මක භාවය වඩාත් වැදගත් . පෞද්ගලික අංශය මගින් පැවැත්වුවත් ගුණාත්මක භාවය සම්බන්ධයෙන් රජයට වග කියන තත්වයක් අනිවාර්යයෙන්ම ඇති වෙන්න ඕනි , නැත්නම් වෙන්නේ ඉන්දියාවෙ වගෙ සත පහකට වැඩක් නැති උපාධි කඩ බිහි වෙන එක . උදා විදිහට SLIIT, NIBM , APIIT, IIT වගේ ආයතන ඉතාම හොඳ ගුණාත්මක භාවයකින් යුතුව තොරතුරු තාක්ෂන පාඨමාලා කරගෙන යත්දි (SLIIT එක ගැන නම් සමහර අය ගුණාත්මක නැය කියලත් කියනව මම අහල තියෙයි ) කිසිම වැඩකට නැති උපාධි ලබාදෙන ආයතනත් සැහෙන්න තියනව . මෙන්න  දේවල් පිලිබඳ නියාමනය  රජය නිවැරදිව කරන ගමන් ලබා දෙන පෞද්ගලික විශ්ව විද්‍යාල උපාධි වලින් රටට  නිසි ප්‍රයෝජනය ගන්න පුලුවන් 


මේ හැම කාරණාවක් ගැනම හරි , එක දෙයක් ගැන හරි ඔබගේ අදහසත් පහලින් එකතු කරන්න . ඵලදායි සංවාදයකට/කතිකාවකට  යන්න අපිට පුලුවන් 

ආශ්චර්යය අතහැර දමා කොරියාවේ යැමට දඟලන ලාංකීය තාරුණ්‍යය

කොරියානු රැකියා සඳහා මූලික භාෂා පරීක්ෂණ විභාගයේ අයදුම් පත්‍ර නිකුත් කරත්දි සිදු වෙච්ච කලබැගැනි පහුසිය දවස් වල මාධ්‍ය හරහා දකින්න ලැබුනා . කරන කොයි වැඩෙත් අනාගැනීමේ "අපේ අනෙන්‍යතාවට " අමතරව මේ සඳහා තිබුන අධික ඉල්ලුමත් මේ කලබලකාරීත්වයට හේතු වෙච්ච බව තමයි පේන්න තිබුනෙ .  ලංකාවේ විවිධ තරාතිරම් වල තරුණයින් විදේශ රැකියාවලට යාම කාලයක් ඉඳන් සිදුවන දෙයක් නිසා ඒ පිලිබඳ අමුත්තක් නැති වුනත් .  කොරියානු රැකියා කතන්දරයේ තියන ආවෙනීක ලක්ෂනත් වර්ථ්මාන ලංකාවෙ තත්වයත් පිලිබඳව සැලකුවාම මේ ගැන කථා කරන්න යමක් තියන බව  දකින්න ලැබෙනව .

බුද්ධි ගලනය හා ශ්‍රම ගලනය

බුද්ධි ගලනය කියන වචනය නම් අපි වගේ දියුණු වෙමින් පවතින රටවලට  අමුතු දෙයක් නෙවෙයි . උගත් වෘත්තිකයින්ගෙ අධ්‍යාපනික , වෘත්තිමය , සමාජීය හා ආර්ථික අවශ්‍යතාවයන් ඉටු කරන්න අපි  වගෙ රටවලට තියන නොහැකියාව නිසා සිද්ධ වෙන බුද්ධි ගලනය වලක්වන්න චින්තන විපර්යාසකට මිසක්  හැකියාවක් නැ . මොකද අදාල අවශ්‍යතා සම්පූර්ණ කරන්න නම් රටකට තිබිය යුතු   සංවර්ධන තත්වය බුද්ධි ගලනය සිදුවන රටවලට නැති නිසා . ඒ  අය හැරුණාම අනෙකුත් රැකියා සඳහා විදේශ ගත වෙන්නන් ශ්‍රම ගලනය කියන කාණ්ඩයට ඇතුලත් කරන්න පුලුවන්ය කියලයි මම විශ්වාස කරන්නේ .මේ ශ්‍රම ගලනය වර්ග කිහිපයකට බෙදන්න පුලුවන් . මැද පෙරදිග රටවල් මූලිකව ගෘහ සේවිකා ඇබැර්තු සඳහා විදෙස් ගත වන කාන්තාවන් , මැද පෙරදිග රටවල රියදුරු , කාර්මික හා සුලු සේවක් ඇබැර්තු සඳහා විදේශ ගත වන පිරිස් , මැද පෙරදිග නොවන රටවල්  විවිධ රැකියා සඳහා විදේශ ගත වන්නන් තමයි මම දකින කාණ්ඩ තුන . මේ අතරින් කාන්තාවන් ගෘහ සේවිකාවන් විදිහට විදේශ ගත වීම වෙනමම කථා කල යුතු පුලුල් මාතෘකාවක් . ඒ නිසා ඒ අය ගැන මෙතනදි කථා කරන්න බලාපොරොත්තුවක් නැ .

මැද පෙරදිග රැකියා

මැද පෙර දිග රැකියා වඩාත් ප්‍රචලිත  වෙලා තියෙන්නෙ කාන්තාවන් අතර උනත් . පුරුෂයෙන් සැලකිය යුතු ප්‍රමාණයකුත් මැද පෙරදිග සේවය කරනව. මේ සඳහා වැඩි වශයෙන්ම යොමු වෙන්නේ ආර්ථික අපහසුතා  නිසා පිඩාවට පත්වෙලා ඉන්න විවාහක පුද්ගලයින්  . සුලු සුලු පෙදරේරු , වඩු වගේ වැඩ වල නිරත වෙලා ඉන්න අය . රියදුරු බලපත්‍ර තිබුනත් හොඳ ආදායමක් නැති කම නිසා පිඩාවට පත්වෙලා ඉන්න අය  මේ කාණ්ඩයට අයත් . පවුල් වගකීම් එක්ක ආර්ථික අමාරුකම් වල ඉන්න අයට අමතරව හොඳ මුදලක් හොයාගෙන ඇවිත් මොනව හරි ව්‍යාපාරයක් පටන් ගන්නවා වගේ අරමුණු තියන තරුණ පිරිසුත් මැද පෙරදිග රැකියා සඳහා යොමුවෙනවා . මැද පෙරදිග ගියාට පස්සෙ සමහර වෙලාවට දුෂ්කරතා , අතරමංවීම් ආදිය සිද්ධ වුනත් මේ අය  යන්නේ නිශ්චිත තමන්ට යම් පූහුණුවක් තියන රැකියාවකට තමයි බොහෝ වෙලාවට . ඒ අතර වෙලඳ සේවක ඇබැර්තු වගේ විශේෂ වෘත්තිමය අත්දැකීම් අවශ්‍ය නැති රැකියා සඳහා යන අයත් නැතුවාම නොවෙයි . කොහොම උනත්  මේ සියලු දෙනාටම පොදු ලක්ෂනය වෙන්නේ හොඳ ආර්ථික ස්ථාවරත්වය පමනක් මුල් කරගෙන විදේශ ගත වීම.

මැද පෙරදිග නොවන රැකියා

මගේ මාතෘකාව වෙච්ච කොරියානු රැකියාත් ඇතුලත් වෙන්නේ මේ කාන්ඩයට . මීට කාලයකට කලින් ඉතාලිය ඇතුලු යුරෝපා රටවල රැකියා වලට ගිය අයත වර්ථමානයේ කොරියානු රැකියා සඳහා උත්සහ දරන් අයත් අයිති වෙන මේ කාණ්ඩයේ අයගේ විශේෂත්වය අරාබි රටවලට යන අය වගේ  ආර්ථික  ස්ථාවරත්වය විතරක් අරමුණු කර නොගන්න එක . ඒත් එක්කම මේ අයගෙන් සාතිශය බහුතරයක් විදේශ ගත වෙන්නේ(විදේශ ගත වෙන්න උත්සහ කරන්නෙ )  නිශ්චිත වෘත්තියක් අරමුණු කරගෙන නොවෙන එක . කොහොම හරි රටකට පැන ගැනීමේ අරමුනින් ඉන්න අයත්, ලංකාවේදි නොලබන තම අවශ්‍යතාවයන් සපුරා ගෙන ජීවීතය හොඳින් විදීම අරමුණු කරගත් අයත් තමයි මැදපෙරදිග රැකියා වෙනුවට මේ කැටගරිය තෝරගන්නේ . සාමාන්‍ය වශයෙන් බැලුවාම මේ අය අතර  බොහෝ දෙනෙක් මැද පෙරදිග ය්න අයට වඩා  වයසින් බාල අය . විශේෂයෙන්ම යුරෝපා රටවලට යාමේදී අනුම්ගමනය  කරපු අන්තරාදායක ක්‍රියා මාර්ග විවාහක්යින්ට වඩා ගැලපුනේ අවිවාහක වගකීම් අඩු තරුණයින්ට .මැදපෙරදිග යන අය සහ මේ අය අතර දකින්න ලැබෙන ප්‍රධානතම වෙනසක් තමයි ඒ අයගේ ලංකාවේ ආර්ථික  හෝ සමාජ තත්වය . මැද පෙරදිග සුලු රැකියා වලට යන බොහෝ දෙනා දැඩි ආර්ථික අමාරු කම් වලින් පෙලෙන අය උනත් මේ අය අතර නම් එහෙම නොවෙන බොහෝ දෙනෙක් ඉන්නව . තමන්ගෙම කියල කුඩා ව්‍යාපාරයක් කරගෙන හිටපු අය , ත්‍රිවීලරයකින් සැලකිය යුතු මට්ටමේ ආදයමක් ලබපු අය විතරක් නෙවෙයි සාර්ථක ටියුෂන්  ගුරු වෘත්තියක නියලුණු අයත් මේ කාණ්ඩයට අයත් වුනු සිද්දීන් මම අත් දැකල තියනව . ඒ කියන්නෙ ලංකාවෙදිත් යම් ආර්ථික ස්ථාවරත්වයක් තිබුන අයත් විදේශ ගත  වීම  තෝරා ගැනීම බහුලව මෙතනදි දකින්න ලැබෙනව . යුරෝපා රටවලට ගිය අය  සහ කොරියානු රැකියා සඳහා ගිය අය අතර දකින්න තියන ප්‍රධාන වෙනස්කම තමයි යුරෝපා රටවලට ගිය අය ඒ රටවල  ස්ථීරව පදිංචි වීමත් කොරියානු අය දිගු කාලයකට පස්සේ හරි නැවත ල්ංකාවට පැමිනීමත්

සල්ලිම නෙවෙයි නම් මොකක්ද හේතුව

ආර්ථික සාධකය මේ කාරණයෙදි ඉතා ප්‍රභල තැනක් අරගත්තත් මම සඳහන් කරපු දෙවෙනි කැටගරියේ අයට ඒක ඒ විදිහටම අදාලයි කියන්න බැ . මොකද ඉතාම හොඳ මුදලක් අතට ලැබෙන සහ නීත්‍යානුකූලව  පහසුවෙන් යා හැකි මැදපෙරදිග රැකියා ඕනි තරම් තිබුනත් ජීවිත අවධානමට ලක් කරගෙන නිති  විරෝධිව යුරෝපයට සංක්‍රමනය වූවන් ඕනැ තරම් සිටිය නිසා . මේ අයගේ බලාපොරොත්තු ගොන්න ඇතුලට හොඳ ආදායමක් , වගේම සුව පහසු ජීවන රටාවක් , සමාජ පිලිගැනීමක් වගේ දේවලුත් අන්තර්ගතයි . ලංකාවෙදි එක සමාජ පැලැන්තියකට විතරක් සිමා වෙලා තියන පහසු කම් ලබා ගන්න , ලංකාවෙදි අත්දකින්න තියන කුහක පන්ති බේදයෙන් මිදෙන්න වගේ අරමුණු මේ අය තුල තිබුන බව පැහැදිලියි . ඒවා කොයි තරම් දුරකට ඉටුවුනාද කියන දේ දන්නේ ඒ අයම උනත් , ඒ ගියපු අයගේ අදහස් (අතිශෝක්තීන්ද විය හැක ) වලට ආස කරපු පසු පරම්පරා ගනනාවකුත් ඒ මඟම ගියපු නිසා යම් තාක් දුරකට හෝ ඉටුවෙන්න ඇතිය කියල හිතන්න පුලුවන් . අවම වශෙයෙන් අරාබි රටවලදි මුහුණ දෙන්න සිදුවෙනවාය කියන හිංසා කාරී තත්වයන් හෝ අවදානම් වලින් තොරව තමන්ගේ ආර්ථිකය සකස්කරගැනීමේ හැකියාව මේ අයට ලැබිල තියෙන්නේ ඔනිය කියලයි මම හිතන්නේ . මොකද යුරෝපා රටක පිරිසිදු කිරීම් කටයුතු කරල ආපු කෙනෙක්වත් ඊට වඩා ඉහල රස්සාවකටවත් අරාබි රටකට නොයන නිසා . කාලයත් එක්ක යුරෝපයට නීත්‍යානුකුලව හෝ නිති විරෝධීව ඇතුල් වීම එතරම් පහසු දෙයක් නොවුන නිසා බලාපොරොත්තු ඉටු කරගන්න බැරි උන පිරිසගේ ඊලඟ ඉලක්කය වුනේ කොරියාව . අරාබි රටවල් වල කාලයක් වැඩ කරල කොරියාවට ගිය දක්වන අදහස් අනුවත් , මේ වෙනකොට කොරියාවට යන්න උත්සහ කරන අය දිහා බැලුවාමත් අර මම කලින් කිව්ව ආර්ථික නොවන  අවශ්‍යතාවයන් යම් තරමකට හෝ ඉටු කරගන්න  කොරියානු රැකියා ඉඩ හසර විවර කරල දීල තියන බව පේනවා . තමන්ට සම්පූර්නයෙන්ම ආගන්තුක භාෂාවකුත් ඉගෙන ගෙන , දැනට යම් තරමකට හෝ ගොඩ නගා ගත්ත ස්ථාරයත් අතැරල දාල ජීවිතේට නොකරපු රස්සාවක් කරන්න යන්න අපි  පහුගිය දවස් වල දැක්ක විදිහේ  දැඩි වෙහෙසක් ගන්නේ ඒ නිසා විය යුතුයි .

ඉගෙන ගත්ත උන්ට පුලුවන් නම් අනෙක් උනුත් ගියාම මක් වෙනවද ?

කෙනෙකුට මෙහෙම හිතෙන්න බැරි කමකුත් නැ . ඇත්තටම උගත් වුනත්  ශ්‍රමිකයින් උනත් විදේශ ගත වීම රටට අහිතකර තත්වයක් තමයි . ඒ උනත් ඒ ඒ අයගේ අවශ්‍යතා සම්පූර්ණ කිරීමේ රටට ඇති හැකියාවත් , ඒ ඒ අයගේ දායකත්වයන් රටේ වර්ථමාන තත්වයට අනුරූප වෙන විදිහ අනුව ශ්‍රම  ගලනය පිලිබඳ වැඩි අවදානයක් දැක්විය යුතුයි කියලයි මම හිතන්නේ . උදාහරණයක් විදිහට ඉංජිනේරුවෙක් ලංකාවෙදි ලබන වැටුප හා විදේශ රටකදි ලබන වැටුප අතර වෙනස පියවන්නවත් , ගුවන් යානා තාක්ෂනය , නැනෝ තාක්ෂණය වගේ දෙයක පර්යේෂන හෝ උසස් අධ්‍යාපනයක නිරත වෙන්න කැමති කෙනෙකුට ඒ අවස්ථාව ලබා දෙන්නවත් ශ්‍රි ලංකාවට මේ මොහොතේදී හැකියාවක් නැහැ .

මොනවද කරන්න ඕනි

01) ශ්‍රම ගලනය විතරක් නෙවෙයි බුද්ධි ගලනයත් වැලැක්වීමට තියන මූලිකම  අඩිතාලම වෙන්නේ ආකල්පමය වෙනස . පාසල් අධ්‍යාපනයත් එක්කම රට ගැන හැඟිමක් , තමන් ලබපු ජීවිතයට  ලබපු සම්පත්වලට අදාලව මවුබිම වෙනුවෙන් කලයුතු වගකීමක්  හැමකෙනාටම තියනවාය කියන එක ඒත්තු ගැන්වීම ඉතා වැදගත් . දෙමලාව රටෙන් පන්නන්න හරි බටහිරට පලු යන්න බනින්න හරි විතරක් භාවිතා කරන  බොරු දේශප්‍රේමයට එහා ගිය හදවතින්ම එන හැඟිමක් ඇති කරන්න පුලුවන් නම් ශ්‍රම ගලනය විතරක් නෙවෙයි බුද්ධි ගලනයටත් සැහෙන්න සාර්ථක පිලියමක් ලබාගන්න පුලුවන්

02) උසස් අධ්‍යාපන අවස්ථා හිමිවන පිරිස වැඩි කිරීම 
ලංකාවෙ තරුණ පරපුර මුහුණ දෙන ප්‍රධානම ගැටලුවක් තමයි ප්‍රමාණවත් තරම් උසස් අධ්‍යාපන අවස්ථා නැති එක . සුලු  ලකුණු ගානක එහා මෙහාවක් නිසා  අනික් අයට පිටු පසින් ඉන්න වීමත් ,සමහර වෙලාවට තමන්ගේ ට් ප්‍රතිඵලම තියන කෙනෙක් ආර්ථික ශක්තිය නිසා ඉදිරියට යාමත් වගේ දේවල් මේ ක්‍රමය ඇතුලේ නිරන්තරයෙන් සිද්ද වෙන එක  තරුණයින්ගේ ආත්ම විශ්වාසයත් , රට ගැන තියන විශ්වාසයත් අවම කරන්න තද බල විදිහට බල පානව. මේ ගැටලුවට විතටක් නෙවෙයි තවත් ගොඩක් ප්‍රශ්න වලට හේතුවෙලා තියන ලංකාවේ උසස් අධ්‍යාපන ක්‍රමයට සාර්ථක වෙනසක් අත්‍යාවශ්‍යමයි

03)ක්‍රමානුකූල වෘත්තීය අධ්‍යාපනය 
ශ්‍රම ගලනය වලක්වා ගන්න වගේම තරුණ ශ්‍රමය ඵලදායකව රටේ සංවර්ධනයට යොදා ගන්න ඵලදායක වෘත්තීය පුහුණුව අත්‍යාවශ්‍ය අංගයක් . වෘත්තීය පුහුණුව කියල මම අදහස් කලේ දැනට කරන විදිහට මොනව හරි ශිල්පයක් උඩින් පල්ලෙන් උගන්නල දාල සහතිකයක් දෙන එක නම් නෙවෙයි . අලුත් ව්‍යාපාර අවස්ථා වලට , නිෂ්පාදන වලට අනුකූලව නව පාඨ්මාලා ඇති කරන්නත් . අදාල ශිල්පයට අමතරව මූලික පරිඝනක , ඉංග්‍රිසි හා ගණාධිකරණ දැනුමත් මේ පාඨමාලාවලට අන්තර්ගත කරන්නත් මෙහිදී කටයුතු කරන්න ඕනි  . රැකියාවලට යොමු කිරීමේ වැඩ පිලිවෙලක්  වගේම අවශ්‍යතාවය අනුව ස්වයං රැකියා ආරම්ඹ  කරන්න අවශ්‍ය  පහසු කම් සැලසීමේ වැඩපිලිවෙලකුත් අන්තර්ගත වෙන එක වැදගත්

04)සුදුස්සාට නිසි තැන ලබා දීම
රටක දියුණුවට ඉතාම වැදගත් සාධකයක් තමයි සුදුසු පුද්ගලයාට සුදුසු තැන ලැබෙන එක . ලංකාව වගේ  ඊට හාත්පසින්ම විරුද්ධාර්ථයක් වෙන වටපිටාවක් ඇතුලෙදි සිද්ධ වෙන්නේ තමන්ගේ සුදුසු කම් වලට නිසි තැන නොලැබුන තරුන පරම්පරාව රට ගැන කලකිරීමට පත්වීම

05) තරුණයින්ගෙ සමාජීය අවශ්‍යතා ඉටුවෙන පරිසරය සැකසීම
මේක නම් ලංකාවේ දැනට සිද්ද වෙන්නේ ඉතාම අඩුවෙන් (නැතිම තරම් ) .  මගේ දෙවන කැටගරියේ  පිරිස් විදේශ ගත වෙන්න එක මූලික හෙතුවක් විදිහටත්  මේ කාරනය හඳුවන්න පුලුවන් . තරුන වයසේ මානුෂීය අවශ්‍යතාවන්ට  අනුව තරුණයින් බලාපොරොත්තු වෙන දේවලුත් , වර්ථමාන ලෝකයේ තාක්ෂණික දියුණුවත් එක්ක තරුණ පරපුර හිමි කරගන්න කැමති සෑප පහසුකමුත් මේ අතරට අයත් . මේ එක් අංගයක්වත් ඉටු නොවෙන පරිසරයක් ගැන තාරුණයය කල කිරීම ස්වාභාවිකයි

06) නව ආයෝජන අවස්ථා සඳහා හැකි තාක් ඉඩ කඩ විවර කිරීම හා ස්වයං රැකියා සඳහා ආධාර  ලබා දීම
අනිකුත්  කාරණා කොහොම උනත් තරුණයින්ගෙ ආර්ථික තත්වය ඉහල දැමීම මේ අතර වැදගත්ම   කාරණයක් . ඒ වෙනුවෙන් වෙන්න තියන මූලික  දේ තමයි රැකියා අවස්ථා පුලුල්  කරන එක . ලංකාවේ ඉන්න ව්‍යවසායකයින්ට වගේම ජාත්‍යන්තර ආයෝජකයින්ටත් නව ව්‍යාපාර අවස්ථා ඇති කිරීමේ අවස්ථාව ලබා දීම තමයි රජය පැත්තේන්   මෙතනදි සිද්ධවෙන්න ඕනි දේ .එතන්දි රටට වඩාත් වාසී දායක ව්‍යාපාර  වගේම තාරුණ්‍යයේ ශක්තිය උපරිමයෙන් රටට ලබාගන්නත් හැකි  ඔවුනට උපරිම  වාසිත් ලැබෙන ව්‍යාපාර තෝර ගන්න  එකත් තමයි රජයේ වගකීම . රැකියා අවස්ථා වගේම සුලු හා මධ්‍ය පරිමාන ව්‍යාපාර ආරම්ඹ කරන්න තරුණයින්ට අවශ්‍ය කරන දැනුමත් , ණය ආධාරත් ලබා දීම  මගිනුත් තරුණයින්ගේ ආර්ථික තත්වය යහපත් කිරීමේ හැකියාව තියනව

07)වෘත්තීන් අනුව වෙනස් කොට සැලකීම අවසන් කිරීම
ලංකාවට විතරක් නෙවෙයි ලෝකයේ බොහෝ රටවල දකින්න තියන ගැටලුවක් තමයි මේ . ඒ උනත් ඒ තත්වය හැකි තාක් අවම කරගන්න උත්සාහ කරන එක ඉතාම වැදගත්



මේ තමයි හොඳම කාලේ

 කරන්න පුලුවන් දේවල් වලින් මූලිකම අංග කිහිපයක් තමයි  මම සඳහන් කරල තියෙන්නෙ . කොහොම උනත් මේ එක දෙයක්වත් එකපාරටම කරන්න පුලුවන් දේවල් වත් එක සැරේ කරන්න පුලුවන් දේවල්වත් නොවෙන්න පුලුවන් . කොහොම උනත් මේ තමයි ඒ දේවල් ආර්ම්බ කරන්න හොඳම කාලය .මොකද් ලංකාව ඉන්නේ තාරුණ්‍යයේ ශ්‍රමය උපරිම වශයෙන් රටට දායක කරගන්න පුලුවන් සංවර්ධන මාර්ගයක් පේන්න තියන  අවස්ථාවක (ඒක ප්‍රයෝජනයට ගන්නේ නැතුව පිස්සු  නටන එක තමයි අවුල ) . මොනව හරි ආශ්චර්යයක් පහල වෙලා මේ වගේ වැඩ පිලිවෙලක් ක්‍රියාත්මක උනොත් 2020 දිවත්  කොරියාවේ   යන පෝලිම්  දකින්න නොලැබෙන්නත් , අපි අච්චර ප්‍රමාණයක්  කොරියානු රැකියා දුන්නාය කියල පම්පෝරි ගහන දේශපාලකයො දකින්න නොලැබෙන්නත් ඉඩ කඩ ලැබේවි


විශේෂ සටහන - මම මේ දේවල් ලිව්වෙ මගේ අත්දැකීම් කිහිපයක් අනුව විතරයි . ලොකු පර්යේෂනයක් කරල නෙවෙයි . ඒ නිසා තොරතුරු හා අදහස් වල අඩුපාඩු කම් තියෙන්න පුලුවන් . ඒවායින් කියවන කෙනෙක්ගේ හිතට වේදනාවක් ඇති වුනා නම් (විශේෂයෙන්ම විදේශ ගත වෙලා ඉන්න සහෝදරයෙක්ගේ ) සමාවෙන්න කියල  ඉල්ලා සිටිනව

ප.ලි - මෙතනට කෙලින්ම අදාල දෙයක් නොවුනත් පොඩි යමක් සඳහන් කරන්න ඕනි . ඒ තමයි අන්තර්ජාලය ගැන . කොරියාවේ අන්තර්ජාල වේගය  ගැන හැමෝම දන්නව ඇතිනේ නොදන්න කෙනෙක් ඉන්නව නම් මෙතනින්  උනත් ඒ ගැන අදහසක් ගන්න පුලුවන් . ඔං  අපේ ආශ්චර්යේ රාජ්‍ය අන්තර්ජාල සම්පාදකය  512kbps සබඳතාවයටත් 18GB ක සාධාරන භාවිත ප්‍රතිපත්තියක් දාල . ලෝකේ  ඔක්කොම රටවල දකුන උල් වෙත්දි අපේ විතරක් උතුරු කොන උල්වුනා වගේම , ලෝකේම ඉස්සරහට යත්දි අපි පස්සෙන් පස්සට යන එකට මේක හොඳ උදාහරනයක් . ඉතින් තාරුණයේ තාක්ෂනික අවශ්‍යතා ඉටු වේවියැ  

යැංකියා උඩු ගුවනේ .. දෙමු ද ඇට්ටි හැලෙන්නම ?

ඇමෙරිකානු යුධ ගුවන් යානා වගයක්  අනවසරයෙන් අපේ ගුවන් සිමාවට ඇතුලත් වුනාය කියල මාධ්‍ය වාර්ථා පලවෙලා තියනව . මලක් ගහල පියාඹන්න ගිහින් දෙකොන මාරුවෙලා මෙහෙ ආවද  ? ගඩාෆි අංකල්ගෙ මිසයිල වලට බයේ  පණ බේර ගන්න මෙහෙ ආවද ? නැත්නම් මුට්ටිය දාල බලන්න ආවද ? එහෙමත් නැතිනම් තාක්ෂණික හෝ මිනිස් වරදක් නිසා ඇත්තට  වැරදීමකින් මෙහේ ආවද ? කියන්න නම්  දන්නේ නැ . බොහෝ වෙලාවට අන්තිම හේතුව වෙන්න ඇති . හැබැයි ඉතින් ඇමරිකන් කාරයා නිසා ඊට කලින් මුට්ටි සීන් එකත් වෙන්න බැරි නැ .

කොහොමින් හරි අපේ අය දැනුම් දුන්නට පස්සේ ඒ කට්ටිය ආපහු ගියාය කියලයි කියන්නේ . ඒ සිද්දිය එතනින්ම අවසන් වෙලා යන්න ඉඩ කඩ වැඩි උනත් සරුංගලයකට වඩා දෙයක් උඩ යවල නැති අපේ කට්ටිය නම් සිද්දියෙන් සැහෙන්න චූන් වෙලා . මෙතනින් ගිහින් ඒ ලිපියට  යටින් දාල තියන කමෙන්ට් ටික කියවන්නකො . හොඳ ආතල් එකක් ගන්න පුලුවන් . _ඩු සිල්වාව එලවල දාල ආරක්ෂක ආමාත්‍යාංශේ අධීකෂයට පත් කරගන්න තරම් දැනුමක් ඒ කමෙන්ට් කරපු අයට  තියන බව පේන්න තියනව .



ආරක්ෂක අමාත්‍යාංශය විතරක් නෙවෙයි  , මේ අයගේ තියන  ලෝක දේශපාලනික තත්වයන් පිලිබඳ විචාරශීලී බාවය දිහා බැලුවාම විදේශ අමාත්‍යාංශයට සහ ජනාධිපතිතුමාට උනත් උපදේස ගන්න බාවිතා කරන්න පුලුවන් (එකසිය ගානක් ඉන්න එකේ තව දහ පහලොස් දෙනෙක් වැඩි වෙන එකක් නැ )

මම බලනකොට තිබුනේ කමෙන්ටු 16ක්ද කොහෙද  තව වැඩි වෙයි , මතක ඇතුව සේරම කියවල බලන්න , මුලු ආතල් එකම ගන්න ඕනි නම් . 

එදා තුන්වෙනි ලෝකේ අන්ත දුප්පත් රටක් වුනු ඉන්දියාව පරිප්පු දාල යත්දිත් නිකන් බලං හිටය වගේම ,ඉදිරියේදි  ඇමරිකන් කාරයා හරි අද වෙනකොට ලෝක ආර්ථික බලවතෙක් බවට පත්වෙලා ඉන්න ඉන්දියාවම උනත් ඇවිත් පරිප්පු වෙනුවට  ලෙමන් පෆ් දාල ගියත් අපිට නිකන් බලං හරි බකන් නිලං හරි ඉන්න වෙනවාය කියන එක තේරුම් ගත්තොත් හොඳයි කියලයි මට නම් ඔය ගැන  කියන්න තියෙන්නේ !!

ප.ලි - ආ .... තව දෙයක්  ඔය ආවයි කියන ඒවා නම් අපේ රේඩාර් වලට අහුවුනා  , හැබැයි ඇමරිකන් කාරයා ගාව තියන  මම දාල තියන පොටෝ එකේ තියන ජාතියේ එව්වායින් එකක්   ඇත්තටම මුට්ටි දාන්න ආවොත් ඉන්දියාවෙ හදපු අපේ  රේඩාර් වලට අහුවෙන එකකුත් නැ ...

Related Posts Plugin for WordPress, Blogger...
Back to Top