Ambalama - සැබැ සමාජ කතිකාවක සොඳුරු නවාතැන්පල

February 2012

ශ්‍රි ලංකා රජයේ ප්‍රතිචාරයෙන් ලෝකය කැලඹේ !..


එක්සත්  ජාතීන්ගේ  මානව හිමිකම් කමිටුව හමුවේ ශ්‍රි ලංකාවට එරෙහිව ගෙන ඒමට නියමිත යෝජනාවට එරෙහිව ලබන 27 වෙනිදා රටපුරා උද්ඝෝෂණ මාලාවක් සංවිධානය කරනා බව ශ්‍රි ලංකා රජය විසින් ප්‍රකාශයට පත්කොට ඇත . ශ්‍රි ලංකාවේ මෙම නිවේදනය පිලිබඳ අදාල යෝජනාවට සහයෝගය දීමට බලාපොරොත්තුවෙන් සිටි පාර්ශවයන්  ද  ප්‍රතිචාර දක්වා තිබුනි

ශ්‍රි ලංකාවේ නිවේදනය පිලිබඳ අදහස් දක්වන   ජනපති බැරක් ඔබමා මහතා  ශ්‍රි ලංකා රජයේ නිවේදනය ඇසීමෙන් තමන් බලවත් කම්පනයට පත්වූ බවත් , ශ්‍රි ලංකාවට එරෙහි කිසිදු යෝජනාවකට සහයෝගය දීමෙ කිසිදු බලාපොරොත්තුවක් තමාට හෝ එක්සත් ජනපදයට නොමැති බවත් අවධාරණය කර සිටියේය . තව දූරටත් අදහස් දැක්වූ ඒ මහතා මෙය එක්සත් ජනපදය හා ශ්‍රි ලංකාව අතර පැවතෙන දිගු කාලීන සබඳතා බිඳ දැමිමේ අරමුණින්  රුසියානු හෝ චීන ඔත්තු සේවා මගින් යෙදූ කූට උපක්‍රමයක් බවට සැකයක් ඇතැයිද පවසා සිටියේය . මේ අතර  සරත් ෆොන්සේකා මහතා දේශපාලන සිරකරුවෙකු වශයෙන් නම් කිරීමට ගත් තීරණයද ඉදිරිකාලයේදී අවලංගු කිරීමට නියමිත බව ධවල මන්දිර ආරංචි මාර්ග පවසා සිටී . ශ්‍රි ලංකාව සමඟ සබඳතා බිඳ වැටීම ඉදිරි ජනාධිපතිවරණයෙදී  අයහපත් ලෙස බලපැ හැකි බැවිත් ඔබාමා මහතා මෙම පියවරට එලඹෙන්නට ඇතැයි මධ්‍යස්ථ දේශපාලන විචාරකයෝ පවසති

ශ්‍රි ලංකා රජයේ ප්‍රතිචාරය පිලිබඳ අදහස් දක්වන බ්‍රිතාන්‍ය අග්‍රමාත්‍ය ඩෙවිඩ් කැමරන් මහතා මෙය  සම්පූර්නයෙන්ම වැරදි වැටහීම් නිසා ඇතිවූ තත්වයක් බවත් , ශ්‍රි ලංකා රජයට යම් සිත් තැවීමක් සිදුවී නම් තමා පෞද්ගලිකව ඒ පිලිබඳව සමාව ඉල්ලා සිටින බවත් ප්‍රකාශ කර සිටියේය . මෙහිදී සහයෝගීතාව දැක්වීමෙ මුල් පියවරක් ලෙසින් එක්සත් ජාතින්ගෙ සාම සාධක උපදේශක කමිටුවෙන් පලමු දිනයෙදීම ඉවත් කෙරුණු ශවෙන්ද්‍ර සිල්වා මහතාව නැවතත් එම තනතුරට පත් කීරිම සඳහා බ්‍රිතාන්‍ය රජය බැඳි සිටිනා බැව්ද අවධාරණය කොට සිටියේය

ශ්‍රි ලංකාවේ නිවේදනය සම්බන්ධයෙන් අදහස් දක්වන නෝවේ විදේශ  අමාත්‍යය එරික් සෝල්හයිම් මහතා , කරුණු නිසි ලෙස විමසීමකින් තොරව  එලඹි තීරණයක් තුලින් නෝවේ - ශ්‍රිලංකා දිගු කාලීන මිත්‍රත්වය පලුදු වීමට කිසි ලෙසකින් හෝ ඉඩ නොතබන බැව් අවධාරණය කර සිටියේය . ශ්‍රි ලංකා රජයට එරෙහිව යැමෙන් තමන් කල වරද වෙනුවෙන් ජිනිවා ගොස් සිටින ශ්‍රි ලාංකීය නියෝජිත කණ්ඩායම මුණගැසී  සමාව අයැද සිටීමටද තමන් සුදානම් බව ඒ මහතා ප්‍රකාශ කොට සිටියේය . නිල නොලත් වාර්ථාවන් ට අනුව සෝල්හයිම් මහතා මේ වනවිටත් ජිනිවා නුවරට  ගොස් ඇති අතර බොහෝ විට ශ්‍රි ලාංකීය සම්ප්‍රදාය අනුව බුලත් හුරල්ලක් දී වැඳ නියෝජිත කණ්ඩායෙමෙන් සමාව ඉල්ලා සිටිනු ඇතැයිද පැවසේ . මේ  සඳහා බුලත් හුරල්ලක් ශ්‍රි ලංකාවෙ නොවේ තානාපති කාර්යාලය හරහා ගෙන්වා ගෙන ඇතැයිද  වාර්ථා වී තිබේ .

ඉන්දියාව මේ සම්බන්ධයෙන් කිසිදු අදහසක් ප්‍රකාශයට පත්කොට නැතත් , ශ්‍රි ලංකාවේ නිවේදනය හමුවේ ශ්‍රි ලංකාවට පක්ෂපාත ප්‍රතිචාරයක් හැකි ඉක්මනින් නිකුත් කරන්නට කටයුතු යොදමින් සිටිනා බැව් වාර්ථා වේ . ශ්‍රි ලංකාවේ හොඳ හිත දිනා ගැනීම තුලින් ලබාගත හැකි වාසිසහගත තත්වයන් වෙනුවෙන් ඔවුන් මෙලෙස කටයුතු කරමින් සිටිනා බැව් විචාරක මතයයි

දේශප්‍රේමියනි අවදිවව්!!


තෙල් මිල වැඩි වෙලාය , විදුලිය   බස් ගාස්තු පාන් ජලය අනන් මනන් ඔක්කොමත් වැඩි වෙනවාය . ගැස් කිරිපිටි එහෙමත් වැඩිවෙනවා කියා කියනවාය . මේ සියල්ලටම මුල ඊනීයා අධිරාජ්‍ය වාදී බටහිර බලවේග ය .දේශප්‍රේමීන්ගේ පරම මිතුරෙකු වූ අහමදි නෙජාඩ් ලොක්කාට දාන ගෙම්බර් නිසා දේශප්‍රේමී  අපිටත් තෙල් ගණන් වැඩි වෙලාය  . ඇමරිකන් කාරයා ඉරානයට සම්බාධක දාන්නේ සිංහල -බෞද්ධ දේශය නොහොත් ආසියාවේ ආශ්චර්යයට කෙලවීමට පමණක්ම වෙන්නට බැරිත් නැය . ඒ තරමටම ආසියාවේ ආශ්චර්යය හා දේශීය විද්‍යාව බටහිරයන්ට හිසරදයක් වෙලාය . ඉරාන තෙල් මත විතරක් යැපීමේ විපාක , සම්බාධක වලට කල් තියෙයි , ලෝක වෙලඳ පොලේ තෙල් මිලට සාපේක්ෂව වැඩි කලා වැඩියි කියා කියන්නේ රනිල්  වික්‍රමසිංහ වැනි දේශද්‍රෝහීන් පමණය , ඔවුන්ගේ කථා දේශප්‍රේමී අප පිලිගන්නට ඕනෑ නැය .මේ මිල වැඩි වීම් අපගේ ආශ්චර්යමත් රාජ්‍යයට එල්ලවන අභියෝගයන් ලෙස සලකා එකාමෙන් එකමුතුව සිටිය යුතුය

තෙල් මිල වැඩිවුනා කියා උද්ඝෝෂනය කල එකෙක් මැරිලාය . ගල් මුල්  ,කඩු පොලු අරන් එන උන් හුරතල් කරන්නට බැය , මුන්ගේ පිටි පස්සෙ ඉන්නේ එන්ජීඕ කාරයින්ය . ඒ නිසා ඒවා මර්ධනය කල යුතුමය . දෙන ගානකට ඩීසල් ගහගෙන මූදු නොගිහින් උද්ඝෝෂනය කරන්නට එනවාට මුන්ට යස වැඩේය . මේ එන්ජීඕ පිටුපස සිටින්නෙත් බටහිර කුමන්ත්‍රණ කාරයන්ය .

දේශද්‍රෝහි රනිල් ජයලත් බාහු ඇතුලු පිරිසක් ඊයේ ද උද්ඝෝෂනය කලාය ,මේ පර දේශද්‍රෝහීන්ට ගහන්න ඕනි කඳුල් ගැස් නොවේය අත් බෝම්බය , ජයලත් කාරයාට ඉස්පිරිතාලේ ලගින්නට වැඩේ සෙට්වීම ගැන නම් සතුටුය . එකම දුක රනිල් කාරයා ගේ ඔලුව පැලෙන්න්ට එකක් දෙන්නට කලින් පොර එතනින් මාරූ වීම ගැනය .මේ සෙට් එක පිටිපස්ස් ඉන්නේ බටහිර කුමන්ත්‍රණ කාරයින් බව අමුතුවෙන් කියන්න ඕනෑ නැය . සුද්දිගේ පොටෝ එක තිබියදී අපගේ ආදරණීය නායකයාණන් ගේ පොටෝ එක විතරක් ඉරාදාන එකෙන්ම ඒබව පේනවාය


මේවා ඔක්කොම අතුරු කුමන්ත්‍රණයන්ය . මහා කුමන්ත්‍රණය සිදුවෙමින් තියනවාය . යුරෝපා සංගමය අපට එරෙහිව යෝජනාවක් ගෙනල්ලාය , බලු ඇමරිකන් කාරයාද එයට සපෝට්ය . ඔවුන් හදන්නේ මානව හිමිකම් මුවාවෙන් අප රටට අත පෙවීමට බව අම්තුවෙන් කිව යුතු වන්නේ නැය .හරිනම් බුටානිස් ගැනිට _කට පයින් ගසා බෙලෙක්ක කාරයාගේ කලිසම ඔලුවෙන් ගලවා යැවිය යුතුව තිබුනාය . ඒ ටික  වෙන එක වලක්වන්නට අර මූලධර්මවාදි ගැත්තා - ගයාන් පෙරේරා ලවා සින්දුවක් එලියට  දම්මවා දේශප්‍රේමී අපේ අවධානය වෙනත් පැත්තකට යොමු කලාද විය හැකිය

ඔය සෙල්ලම් හැමදාමත් හරි යන්නේ නැය , බටහිර අධිරාජ්‍යවාදී  ඊනියා ක්‍රිස්තියානු කුමන්ත්‍රණ පැරදවිය යුතුය . ඒ සඳහා නාථ දෙවියන්ගේ දැනුමෙන් පෝෂනය වූ දේශීය විද්‍යාවක් අප සතුව තියනවාය , බටහිර විද්‍යාවට හෝ මෙවලම් වලට චතුස්කෝටියෙන් බලන අපේ විද්‍යාවත් එක්ක හැරෙන්නටවත් බැය . අපේ රාවනා රජතුමා උඩින් යන කාලයේ වැද්දන් වූ බටහිරයන්ට ගහන එක කජු කිරී ගේමක්ය . අපේ මහාචාර්ය උතුමාණන් පැන්ෂන් ගියත් නාථ දෙවියන්ගේන් උපදේස් ලබාගන්න යෝගාවචාරියෙක් තවමත් අප අතර ඉන්නවාය . බටහිරට එරෙහිව සන්නද්ධ වීමට සියලු දේශප්‍රේමීන් අනුගමනය කල යුතු ක්‍රියාමාර්ග ඉතා පැහැදිලිව පහල ලිපියේ තියනවාය . දැන් තියෙන්නේ ඒවා ක්‍රියාත්මක කිරීම පමණය

http://www.lankacnews.com/sinhala/main-news/47445/

---------------------------------------------------------------------------------------------------


ප.ලි 01 - ඊයේ උද්ඝෝෂනයේදී වික්‍රමසිංහ මහතාගේ කථාව සැහෙන කාලයකට පසු රටේ විපක්ෂයක් කියා එකක් තියනා බවට මතක් කර දීමට තරම් ප්‍රාණවත්ය , එහෙත් කඳුලු ගැස් ගහන්න කලින් ඔහු එතනින් ඉවත් වූයේ ... කඳුලු ගැස් ගහයි කියා බයවූ නිසාද ? ආරක්ෂක අංශ  කඳුලු ගැස් ගහනා බව කලින් දැනුම් දී ඉවත් කල නිසාද

ප.ලි 02 - රනිල් ගෙන් ප්‍රභල කෙනෙහිලිකම් වලට ලක්ව සිටින කරු ජයසුරිය මහතාත් සහභාගීවූ උද්ඝෝෂනයට , සජිත් ප්‍රේමදාස මහතා සහභාගි නොවුනේ ඇයි ?

ප.ලි 03 - වාමාංශිකයින් යනු මහ පොලව සමඟ අව් කාෂ්ටකය සමඟ පොරබඳනා ගොවියාගේ සහ කම්කරුවාගේ නියෝජනය කියා කියවේ . ඊයේ පත්‍රිකා බෙදූ සෝමවංශ මහතාත් ,ලිබරල් වාදී රනිල් සම්ඟ උද්ඝෝෂනය කල වික්‍රම බාහු මහතාත් කලු කණ්නාඩි පැලඳ සිටියේ නිර්ධන පන්තියේ ජනතාව අව් කාෂ්ඨකයෙන් විඳිනා පිඩාව ඔවුනට දරාගන්නට අමාරු නිසාද ?

නිදහස් දින කථා සහ සරත් ෆොන්සේකා


සරත් ෆොන්සේකා මහතා වැලිකඩ බන්ධනාගාරයේ සිට රූපවාහිනිය නරඹමින් සිටී , අද දෙරණ පුවත් විකාශ ඇරඹේ . නිදහස් දින කථා පෙලින් පෙලට විකාශය වෙත්දී ඒ පිලිබඳ ඔහුගේ සිතේ ඇතිවෙන්නේ මෙවන් අදහස් විය හැක








ගරු ජනපති තුමා - පිටරටින් ආනයනය කරන විසඳුම් අපිට අවශ්‍ය වෙන්නේ නැ ...........

S.F  - ඉන්දියන් කාරයෝ ආවම 13+ කිව්වෙ මමයැ

ගරු විපක්ෂ නායක තුමා - අද රටේ නිදහස නැ , මානව හිමිකම් නැ , නිතිය නැ ....... 

S.F - කාලෙකින් මේ පැත්තේ ආවෙත් නැ , මාව මතකද දන්නෙත් නැ

පා.ම සජිත් ප්‍රේමදාස - අපේ බලාපොරොත්තුව ඉක්මනින් එජාප රජයක් පිහිටුවලා , සරත් ෆොන්සේකා මහතාට පූර්ණ නිදහස ලබාදීමයි 

S.F - අනේ ..පුතේ එච්චර කාලයක් නම් මේක ඇතුලේ ඉන්න අමාරුයි !

--------------------------------------------------------------------------------------------

ප.ලි - ඔව් .. ඔහුට තවමත් නිදහස නැ , ඇත්තටම නිදහස නැත්තේ ඔහුට පමණද ?

Related Posts Plugin for WordPress, Blogger...
Back to Top