Ambalama - සැබැ සමාජ කතිකාවක සොඳුරු නවාතැන්පල

June 2012

උසස් අධ්‍යාපන ඇමතිගේ රෙදි ගැලවූ අධිකරණයට අපේ ප්‍රණාමය !


ආසියාවේ දැනුම් කේන්ද්‍රස්ථානයක්  කරන්නට ගිය ශ්‍රි ලංකාවේ උසස් පෙල ප්‍රථිපල ටික හෝ නිසි ආකාරව ලබා දීමට නොහැකි බව විශ්ව විද්‍යාල උපාධිදාරින් වූ  අධ්‍යාපන ඇමති හා උසස් අධ්‍යාපන ඇමතිවරයාත් උසස් අධ්‍යාපන අමාත්‍ය වරයාත් පසුගිය කාලයේ මැනවින් සනාථ කලහ .සැහෙන තරම් ප්‍රමාද වී , දෝෂ සහිත ප්‍රතිඵල නිකුත් කර ඒය සාධාරණී කරනය කරන්නට ගොස් හත් පොලේ ගාගත් උසස් අධ්‍යාපන අමාත්‍ය වරයා  ඔහු විසින්ම සොයා ගත් ජ්‍යාමිතිය සුත්‍රයකින්  Z ලකුණු එක් කර එයත් සාධාරණී කරනය කලේ Z ලකුණු ක්‍රමය ශ්‍රි ලංකාවේ විභාග ක්‍රමය සඳහා හඳුන්වා දුන්නේයැයි පැවසෙන  විද්වතාණන්ද එම ක්‍රමය ප්‍රතික්ශේප කර තිබියදීය .

සිසුන්ට සිදුවූ අසාධාරණය වෙනුවෙන් අධිකරණයට ගිය ගුරු සංගම් සහ සිසුන්ගේ උත්සාහය ඵල දරා ඇත . අධි මාන්නයෙන් යුතු ඇමතිවරුන්ගේ මාන්නය දෙපරංශයෙන් විසි වෙන තීන්දුවක් ශේෂ්ඨාධි කරණයෙන් ලබා දී ඇත , එනම් ඇමතිවරයාගේ "ජ්‍යාමිතික " සුත්‍රය වැරදි බවත් පැරණි  හා අලුත් විෂය නිර්දේශයන් යටතේ විභාගයට පෙනි සිටි සිසුන් වෙනුවෙන් වෙන වෙනම  Z අගයන් ගණනය කල යුතු බවත්ය . අධි කරණයේ ස්වාධිපත්‍යය පිලිබඳව පවා ප්‍රශ්න කෙරෙමින් තිබෙනා යුගයක ශ්‍රේෂ්ඨාදිකරණයේ මෙම තීන්දුවට මෙන්ම මේ සඳහා අධිකරණයේ පිහිට පැතු  සියලු දෙනාටද සමස්ථ ශ්‍රි ලංකා වාසින්ගේ ප්‍රණාමය  හිමි විය යුතුය . මන්ද දේශපාලකයින්ගේ මන්ද බුද්ධික ක්‍රියාමාර්ග වල අතුරු ඵලයන්ට එරෙහි වීමේ ඉතා සුලු අවකාශයක් තවමත් ඉතිරිව ඇති බව පෙන්වා දීම නිසාය


පමාවී වී හෝ සාධාරණය ඉටු වුවත් , මේ හේතුවෙන් විශ්ව  විද්‍යාල වලට ඇතුලත් වීමට සහ  ඇතැම් විට වෙනත් අධ්‍යාපනික මාවතක් තෝරා ගැනීමට ප්‍රමාද වන  ජව සම්පන්න තාරුණ්‍යයේ කාලය නිරපරාදේ විනාශ වන සිසුන්ට වූ අයුක්තිය ඉන් නිවැරදි වන්නේ නැත . තරුණ ජීවිත සමඟින් සෙල්ලම් කිරීම හෙණ  ගහන අපරාධයක් වුවත් මුන්ට හෙණ ගහන්නේ නැත , වෙනත් රටක නම් මේ වනවිටත් අදාල අමාත්‍යවරුන් ඉල්ලා අස්වී තිබුනත් ලැජ්ජාවක් කියා දෙයක් ගැවිලාවත් නැති මුන් ඉල්ලා අස් වෙන්නෙත් නැත . මුන් කොතරම් නා ගත්තත් මනාපය ගසනා  ගස් ගොබිලන් ලබන මහ මැතිවරණයේත් මුන්ටම මනාප ගැසීම වලකින්නෙත් නැත . වඩාත් කණගාටුදායක කරුණ එයය

 ඉහත රූපයේ බොරු ලැජ්ජාවකින් ඇඹරෙනා උසස් අධ්‍යාපන අමාත්‍ය වරයා සැබවින්ම ලැජ්ජා නැත්තෙකු බව අනේක වාරයක් ඔප්පු කර ඇති නිසා ඔහුගෙන් යමක් බලාපොරොත්තු නොවුවත් අවම වශයෙන් ජනපතිවරයාට හෝ ලැජ්ජාවක්  කියා දෙයක් තිබේ නම් දැන්වත් මේ පිස්සා රටේ තරුණ ජීවිත සමඟ සෙල්ලම් කිරීම වහා නැවැත්විය යුතුය . උපාධි කොලයක් තිබු පමණින් වැදගත් මිනිසෙකු නොවන බවට මනා උදාහරණයක් වන මේ පුද්ගලයා නැතුවාට උසස් අධ්‍යාපන විෂය භාර දීම සඳහා උගත් ,බුද්ධිමත් වැදගත් මිනිසුන් ඕනැ තරම් සංධාන රජය තුලම ඇත !

කැමතිම ක්‍රිකට් ක්‍රිඩකයින් ගැන (2S , 6M, 3P , 3S , 1D)

ශ්‍රි ලාංකික ක්‍රිකට් ලෝලීන්ට සතුටු දායක කාල වකවානුවක් ගෙවීගෙන යන වෙලාවක ආයෙමත් ක්‍රිකට් ගැන ලිපියකටයි මේ සුදානම් . අද කථා කරන්න හදන්නේ මම කැමතිම ක්‍රිකට් ක්‍රිඩයින් ගැන . සමාන්‍යයෙන් ජාත්‍යන්තර තරඟ බලත්දි රට වෙනුවෙන් සහයෝගය දුන්නත් ක්‍රිඩා විලාශය , පෞර්ශය , හැසිරීම් රටාව ආදි නොයෙකුත් හේතුන් නිසා අපේ කැමැත්ත හිමි වෙන ක්‍රිඩකයින් ඉන්නවා . මම සටහන් කරන්න හදන්නේ ඒ අතරින් මම  කැමතිම 15 දෙනා ගැන , සහ මම එහෙම කැමති වෙන්න හේතූන් ගැන . ඔබටත් මේ අය ගැනත් ඔඅබ කැමති වෙනත් ක්‍රිඩයින් ගැන අදහසුත් කමෙන්ටු තීරය හරහා එකතු කරන්න පුලුවන් . ක්‍රිකට් ක්‍රිඩකයින්ගේ ඡායාරූප අමුතුවෙන් පල නොකලට ඕනි කෙනෙක්  නම කියු පමණින් දන්නා නිසා අදාල ක්‍රිඩයින් සම්බන්ධ විඩියෝ  කණ්ඩයන් තමයි ලිපියට එකතු කරල තියෙන්නේ

01) Sanath Jayasuriya


සනත් ජයසුරිය ගැන අමුතුවෙන් හැඳින්වීම් මොකටද , ශ්‍රි ලාංකික ක්‍රිඩා ලෝලින් බොහෝ දෙනෙක්ගේ ප්‍රියතම ක්‍රිඩකයා වුනු සනා තමයි එදත් , අදත් මගේ ප්‍රියතම ක්‍රිඩකයින් ලයිස්තුවේ ඉහලින්ම ඉන්නේ . වේගවත් ආවෙණික පන්දුවට පහර දීමේ රටාව තමයි සනාට බොහෝ  ක්‍රිඩා ලෝලින්ගෙ වගේම මගෙත් ආදරය හිමි වෙන්න හේතුව

පහල තියන විඩියෝව සනා , මුම්බායි ඉන්ඩියන්ස් කණ්ඩායම වෙනුවෙන් දක්වපු දක්ෂතාවයක් . මේ සනා වයස 35ත් ඉක්මවුවාට පස්සේ දක්වපු  සුපිරි දක්ෂතාවයක්





02) Sachin Tendulkar


මම දකින විදිහට නම් සචින් කියන්නේ ලොව බිහිවෙච්ච දක්ෂතම පිතිකරුවා . ඉතාම අලංකාර තාක්ෂනයෙන් පිරිපුන් පහරවල් වගේම අවස්ථානුකුලව උපක්‍රමශිලි පහරවල් එල්ල කරන්නත් හපනෙක් වුනු සචින් ක්‍රිඩා පිටිය තුල දක්වන මහත්මා ලක්ෂනත් මම ඔහුව ප්‍රිය කරන්න හේතුවක් සචින් ගේ අලංකාර ක්‍රිකට් පොතේ පහරවල් බොහෝ දෙනෙකුට හුරු පුරුදු ඇති . ඒ නිසා මේ විඩියෝව සාමාන්‍යයෙන් සචින් දකින්න නොලැබෙන දැවැන්ත 6 පහරක අවස්ථාක්




03 Lasith Malinga

ලෝකයේ හොඳම 20-20 පන්දු යවන්න විදිහට බය නැතුවම හඳුන්වාදෙන්න පුලුවන් මාලිංග තමයි මගේ ලයිස්තුවේ ඊලඟට ඉන්නේ . කිසිම පන්දු යවන්නෙකුට බැරි තරම් හොඳට යෝකර් පන්දු යවන්නට පුලුවන් මාලිංගගේ අපුරු දක්ෂතාවය වගේම තමන්ගේ පන්දුවකට 6ක් වැදුනත් හිනා වෙලා ආපහු යන නිහතමානි ගතිලක්ෂනයත් මම බොහොම ප්‍රිය කරනවා . පහල තියෙන්නේ  ශ්‍රි ලාංකීය ක්‍රිඩා ලෝලින්ට කිසි දිනක අමතක නොවෙන  අවස්ථාවක් !




04 Mahendra Singh Dhoni


වර්ථමාන්යේ ජාත්‍යන්තර ක්‍රිකට් ක්‍රිඩාව තුල සිටින දක්ෂතම නායකයා විදිහට මම හඳුන්වන්නේ . නායකයෙකු විදිහට දක්වන 'කූල්' හැසිරීමත් , කණ්ඩායම වැටුණු වෙලාවට ගොඩ දාන්න දක්වන දක්ෂ කමත් ඇරුණාම . අමුතුම විදිහේ පොල් අඩි වලින් ගහන 6 පාරවලටත් මම කැමතියි . පහල තියෙන්නේ  ජනප්‍රිය හෙලිකොප්ටර් ශොටත් ඇතුලු දෝනිගේ දැවැන්ත 6 පහර කිහිපයක්






05) Mahela Jayawardana

මේ වෙනකොට ශ්‍රි ලංකා කණ්ඩායෙමෙ ඉන්න දක්ෂතම පිතිකරුවා වගේම  අන්තර්ජාතික මට්ටමෙනුත් පිතිකරන තාක්ෂනය අතින් ඉහලම ඉන්න මහේල අති දක්ෂ නායකයෙකු බවත්  රහසක් නෙවෙයි . අවස්ථාවේ හැටියට බලාඉන්න ආස හිතෙන  විදිහේ පිතිකරනයක යෙදෙන මහේලගේ ටිකක් අපුරු පහරක් තමයි පහල තියෙන්නේ . මේකට හෙලිකොප්ටර් ස්කූප් එක කියන එකේ නම් කිසිම වරදක් නැ මම හිතන්නේ





06) Angelo Mathews
මෙ බ්ලොග් අඩවියේ කිහිප වතාවක්ම සඳහන් කරල තියන විදිහට මැතිව්ස් කියන්නේ අනාගත ක්‍රිකට් නායකත්වය විදිහටයි මම දකින්නේ . වැටෙන මැච් එකක් ගොඩ දාන්න ඕනි විදිහ අපුරුවට දන්න මැතිව්ස්   බය නැතුව 6 එකක් ගහන්න පුලුවන් අතලොස්සක් වූ වර්තමාන ලාංකීය ක්‍රිකට් ක්‍රිඩකයින්ගෙන් එක්කෙන්ක් . මැතිව්ස්ගේ තුන් ඉරියව් දක්ෂතා වලට වගේම වගකීම් සහගත බවටත් මම කැමතියි . පහල තියෙන්නෙ මැතිව්ස් ගේ දැවැන්ත 6 පහරක්





07) Murali

ක්‍රිකට් ලෙජන්ඩ් එකක් වුනු මුරලිට  කැමති නැත්තේ කව්ද ? . සුපිරි දක්ෂතාවය වගේම සිනහාවෙන් පිරුණු මුරලිගේ ක්‍රිඩාශිලි ගතියත් අගය කල යුතුමයි




08) Albe Morkel

ලැල්ල දාන පොරවල් වලට වඩා අත්දිගැරලා නෙලන උන්ට කැමත්තක් දක්වන මම මෝර්කල් ට කැමති හේතුවත් ඔහුගේ  6 පහර එල්ල කිරීමේ හැකියාවම තමයි . විශේෂයෙන්ම තමන් මූණ දෙන පලවෙනිම පන්දුව වුනත් ප්‍රේක්ෂකාගාරය මැද්දට විසි කරන එක මෝර්කල්ට සුලු දෙයක් . පහල තියෙන්නේ මොර්කල් එල්ල කරපු  මිටර් 124ක හයේ පහරක්



09) Kiren Pollard

කලින් කියූ පරිදිම පොලාඩ්ට කැමති වෙන්න හේතුවත් ප්‍රහාරක හැකියාවම තමයි . ඇඟට නොදැනෙන ගානට 6  පහර වල ගහන බටහිර ඉන්දිය කොදෙව්වන් අතර මම කැමතිම ක්‍රිඩකය වෙන්නේ පොලාර්ඩ්

පොලාට් කැරිබියානු තරඟයක එක පන්දු වාරයකදි 6  ,5ක් ගහපු අවස්ථාවක් තමයි විඩියෝවේ තියෙන්නේ . විඩියෝවේ නාද සැහෙන අප්සෙට් වුනත් බලාන ඉන්න වටින පහරවල් ටිකක්






10) Thisara Perera


 ජයසුරිය සහ අරවින්ද  ගියාට පස්සේ  අනික් කණ්ඩායම් වලට සාපේක්ෂව හයේ පහර ගැහීමේ හැකියාව තියන ක්‍රිඩකයින් ශ්‍රි ලංකා කණ්ඩායමට සෙල්ලම් කලේ අඩුවෙන් . මේ අතරින් ප්‍රේක්ෂකගාරය මැදට 6 පහර එල්ල කරන්න පුලුවන් ශක්තිවන්ත  තුන් ඉරියව් දක්ෂයෙක් තමයි තිසර 

ඔය විඩියෝවේ තියෙන්නෙ තිසරගේ මීටර් 123ක හයේ පහරක්





11) Kevin Peterson

පීටර්සන්ට කැමතිවීම පිටුපස තියෙන්නෙ පරන කතන්දරයම තමයි . මහත්මා ලක්ෂන වලින් උපරිම වුනත් එංගලන්තේ බොහෝ ක්‍රිඩකයින් පන්දුවට පහර දෙත්දි මට නම් බලන් ඉන්න කම්මැලියි . එහෙම නොවෙන්නේ දිගට හරහට ගහන පිටර්සන් ගේ පිතිකරන දිහා බලා ඉන්න කොට විතරයි . පහල තියෙන්නේ ඔහුගේ ජනප්‍රියතම සහ ආවෙණික රිවස් (ස්විච්) පහරෙන් දක්වන දස්කමක්




12) Shane Watson

ශේන් වොට්සන් ගැනත් හේතුව නම් කලින් එකම තමයි . ඊට අමතරව බොහෝ ඕස්ට්‍රේලියානු ක්‍රිඩකයින්ට වඩා වොට්සන්ගේ හැසිරීම ප්‍රිය ජනකයි කියල කියන්න පුලුවන් . මෙ තියෙන්නෙ ඔහුගේ 6 පහර කිහිපයක්



13) Virendra Shewag

ශෙවාග් ගැන කතා කරත්දිත්  ප්‍රහාරත්මක පිතිකරණය තමයි මතක් වෙන්නේ . ඊට අමතරව ශෙවාග්  ගෙ දකින්න තියන විශේෂත්වය තමයි පිටියට අනුගත වෙන්න කාලය ගත නොකර පටන් ගත් තැන ඉඳන්ම වේගයෙන් පහර දෙන එක . බෝල විශාල ප්‍රමාණයක් නාස්ති කරල දැවී යාමෙ අවදානම මොහු නිසා  ඇති නොවෙන එක කණ්ඩායමට ලොකු වාසියක්





14) Yuvraj Singh

යුවරාජ්ට නම් බොහොමයක් ශ්‍රි ලාංකිකයින් කැමති නැ , මමත් ඔහුගේ හැසිරීමට අකමැති වුනත්  ප්‍රහාරාත්මක හැකියාවට නම් බොහොම කැමතියි . මේ කැමැත්ත  ඇතිවුනු 6*6 තමයි පහල විඩියෝව






15) AB de villiers

ඩිවිලියර්ස් ට කැමති වෙන හේතුවත් ප්‍රහාරක හැකියාවම තමයි කොහොම  වුනත් දැනට ලෝකේ ඉන්න ප්‍රහාරාත්ම ක පිතිකරුවන් අතින් වැඩිම පහරවල් සංඛ්‍යාවක් එල්ල කරන්න පුලුවන් ක්‍රිඩකයා මොහුය කියලයි මම හිතන්නේ






ඔන්න ඔහොමයි කතන්දරේ , මුල් ක්‍රිඩකයින් කිහිපදෙනා කැමැත්තේ අනුපිලිවෙල වුනත්  ඊලඟ නම් ටික නම් පෙල ගැස්වුවේ නම් වල අකුරු අනුව . ඒ කියන්නේ මේ ක්‍රිඩකයින් 15 ලයිස්තුව  2S , 6M, 3P , 3S , 1D කියල පෙලගස්වන්න හැකියාව ලැබෙන නිසා . කැමතිම ක්‍රිඩකයින් වගේම අකමැතිම ක්‍රිඩකයිනුත් ලයිස්තුවක් ඉන්නවා පහල ඉන්නේ ඒ අය අතරින් කිහිප දෙනෙක්

අෆ්‍රිඩි , ශෝන් ටේට් , සහිර් කාන් , ප්‍රවින් කුමර්, මුනාෆ් පටෙල් , දිල්ශාන් , දිල්හාර , චාමර සිල්වා , ශේන් වෝන්, ගංගුලි, කම්‍රන් අක්මල් ,

සනා අය්යගේ නැටුම්,සල්ලි වලට ක්‍රිකට්,ඉරාන තෙල් ,ජනපතිවරයාගෙ බ්‍රිතාන්‍ය සංචාරය ,ආගමික නායකයින්ට දේශපාලනය තහනම්

කාර්ය බහුල බවත් එක්ක බ්ලොග් කරණය සැහෙන දුරට අතපසු වෙලා ගිහින් , කොහොම වුනත් ලැබුනු පොඩි විවේකය යොදාගෙන මේ සටහන් කරන්න යන්නේ මේ දවස් වල කථා බහට ලක්වෙන කාරණා කිහිපයක් ගැන . ඔය මාතෘකාවේ තියෙන්නේ අදාල කාරණා ටික තමයි






සනා අය්යගේ නැටුම්

සනත් ජයසුරිය කියන පුද්ගලයා ක්‍රිකට් නොබලන කෙනෙකුට වුනත් අමුතුවෙන් කියා දීමක් අවශ්‍ය වෙන්නේ නැති තරමට සුවිශේෂි චරිතයක් . ස්වාභාවයෙන්ම වේගවත් පිතිකරණ රටාවන්ට ආදරය කරන ක්‍රිකට් ක්‍රිඩා ලෝලියෙක් විදිහට  එදාත් අදත් මගේ ප්‍රියතම ක්‍රිඩකයා වෙන්නේ සනා තමයි . සනාගේ දේශපානයත් එක්ක බොහෝ දෙනෙක් ඔහුව විවේචනය කලත් , කැමති දේශපාලනයක් කිරීමේ සනාට ඇති අයිතියට ගරු කිරීමත් , ඔහු තරම් වත් දේශපාලනයේ හයක් හතරක නොදත් මිනිසුන් දේශපාලනය කරන නිසාත් සනාගේ දේශපාලනය ඔහු තුල  සිටින ක්‍රිඩකයාට ආදරය කිරීම වලක්වන තරම් ප්‍රභල වුනේ නෑ . දේශපාලනයට ඒම නිසා විවේචනයට ලක්වුනු සනා මේ දවස් වල ශ්‍රි ලාංකිකයින්ගේ දරුණු වීවේචනයට ලක්වෙලා තියෙන්නෙ ඔහු සහභාගි වෙන ඉන්දියානු නර්ථන තරඟයක් නිසා . ක්‍රිකට් ගැසීමේ හැකියාව සහ නර්තනය අතර කිසිම සම්බන්ධයක් නැති නිසා වගේම සනාගේ ඇගේ නර්තන රිද්මයන් පිහිටලා නැති නිසාත් අදාල රූප දැක්කාම මතුවෙන්නේ විසුලු සහගත ස්වරුපයක් . තනියම නර්ථනයේ යෙදෙන විඩියෝ වලටත් වඩා  තත්වය දරුණු අතට පත්වෙන්නේ අතිදක්ෂ නර්ථන ශිල්පිනියක් වෙච්ච මධුරිත් එක්ක හරි හරියට නටන්න ගිය තැනදි . සනාගේ නර්ථනය කොයි තරම් කැත වුනත් ජනප්‍රිය තරුවක් (ලංකාවේ වගේම අදාල වැඩසටහන විකාශය වෙන ඉන්දියාවෙත් ) රියලිටි වැඩසටහනටකට දායක වීමේ කිසිම වරදක් මම නම් දකින්නේ නෑ , ක්‍රිකට් තරුවක් වූ පමණින් නටන්න බැරිවා වගේම නටන්න බැරි වූ පමණින් ක්‍රිකට්  තරුවකට රියැලිටි වැඩසටහනකට නොයා සිටිය යුතුය කියලා නියමයකුත් මම දකින්නේ නෑ .  සනත් ජයසුරිය කියන ජනප්‍රිය ක්‍රිඩා තරුවට ඒ තත්වය එහෙම වුනත් ශ්‍රි ලංකා පාර්ලිමෙන්තුවේ මන්ත්‍රිවරයෙකු වෙනත් රටක  එවැනි වැඩසටහනකට දායක විම පිලිබඳව නම් ගැටලුවක් තියනවා (ඉතාම හොඳින් නටන්න පුලුවන් කෙනෙක්ට වුනත් )



සල්ලි වලට ක්‍රිකට්

මගේ අදහසේ වගේම ක්‍රිඩා ලෝලින් බොහෝ දෙනෙකුගේ අදහස අනුව සාර්ථකම අයිපීල් තරඟාවලිය පැවැත්වුනේ මෙවර . ඉන්දියානු විරෝධය ක්‍රිකට් වලට ගාවා නොගන්න සහ  ක්ලැසික් ක්‍රිකට් විතරක්  සොයන්නේ නැති ශ්‍රි ලාංකික ක්‍රිඩා ලෝලින් අතරත්  මෙවර තරඟාවලිය සැහෙන්න ප්‍රචලිත වුනා කිව්වොත් නිවැරදියි .  ඒ ගැන විස්තරාමත්ක විග්‍රහයකට දැන් පරක්කු වැඩි වුනත් අයිපීල් එක්ක කරලියට ආපු රට වෙනුවෙන් නැතුව සල්ලි වලට ක්‍රිකට් ගැහීමේ කතන්දරය නම් තාමත් එහෙමමයි . මේ කථාව කරලියට එන්නේ ලසිත් මාලිංග ශ්‍රි ලංකා ක්‍රිකට් කොන්ත්‍රාත්තුව ප්‍රතික්ෂේප කිරීමත් එක්ක සහ තමන් සෙල්ලම් කරන්නේ සල්ලි වලට බව  ප්‍රකාශ කර සිටීමත් එක්ක . ටෙස්ට් ක්‍රිඩා නොකල පමණින් මුලු ගාස්තුවෙන්  60%ක්ම නොගෙවා ඉන්න   ශ්‍රි ලංකා ක්‍රිකට් බලධාරින් අරගත්ත තීරණය මම කිසි සේත්ම අනුමත නොකරන නිසා මාලිංගගේ තීරණයේ වරදක් දකින්නේ නෑ , නමුත්  මුලු මුදලම ඉල්ලීමේ දැඩි ස්ථාවරේ නොසිට සාධාරණ ප්‍රතිශතයක එකඟතාවයකට එන්න මාලිංගත් කටයුතු කල යුතු බවත් කියන්න අවශ්‍යයි . මාලිංග සහ ක්‍රිකට් පාලක මණ්ඩලය මෙහෙම හැප්පෙද්දි අපේ දේශප්‍රේමි ක්‍රිකට් ලෝලීන් සමහරෙක්ට  සැහෙන්න තදවුනේ මාලිංග ක්‍රිකට් ගහන්නේ සල්ලි වලට යි කියපු එක ගැන . රට නියෝජනය කරන කණ්ඩායමට සෙල්ලම් කලත් ඇත්තටම ක්‍රිකට් ක්‍රිඩකයිනුත් කරන්නේ රැකියාවක් , ක්‍රිකට් විතරක් නෙවෙයි ඕනිම පූර්න කාලින ක්‍රිඩාවක නිරත වෙන ක්‍රිඩකයෙකුගේ රැකියාව තමයි අදාල ක්‍රිඩාව .ඒ නිසා රටවෙනුවෙන් වගේම විවිධ ක්‍රිඩා සමාජයන් ආදිය වෙනුවෙනුත් සෙල්ලම් කරල මුදලක් උපයා ගැනීමේ ඇති වැරැද්දක් නෑ . ලෝක පුජිත ෆුට් බෝල් ක්‍රිඩකය්නුත් වැඩි ආදයමක් උපායා ගන්නේ  රට වෙනුවෙන් සෙල්ලම් කරන තරඟ වලින් නෙවෙයි . එහෙම බැලුවාම මෙතන තියන තත්වය වෙන්නේ  මාලිංගට නොගැලපෙන තරම් අඩු පඩියකට ඔහුගේ රස්සාව කරන්න කථා කිරීම වගේ වැඩක් , මාලිංගට බනින බහුතරයක් දෙනා රට වෙනුවෙන්ය කියලා අඩු පඩියකට වැඩ කරන්න සුදානම්  අය නොවෙන නිසා මේ විවේචනයන් වල තියෙන්නේ පැහැදිලි කුහක  කමක් බවයි මට හිතෙන්නේ , මේ විවේචකයන් අතර ලංකාවේ පඩි මදිය කියලා  පිටරටවල රස්සාවල් කරන වුනුත් ඉන්නවා දැක්කාම අහවල් එකෙනුත් හිනා යනවා . ඒ වගේම මාලිංගට ක්‍රිකට් ආයතනය වියදම් කරපු සල්ලි ගැන කථා කරන අයට මතක් කරල දෙන්න ඕනි පිටරට වැඩි පඩියට  ගිහින් ඉන්න එවුන්ටත් ඉස්කොලේ යන කාලෙත් විශ්ව විද්‍යාලේ ගියා නම් ඒකටත් වියදම් කලේ රජයම තමයි කියන එක . එහෙම තත්වයක් තියෙත්දි රට වෙනුවෙන් විශාල සේවයක් කරපු , සහ ඉස්සරහටත් කරන්න සුදානමින් ඉන්න මිනිහෙක්ගේ දේශප්‍රේමය ගැන විතරක් ප්‍රශ්න කරන එක නම් මහ  පාහර වැඩක් කියලයි මම නම් දකින්නේ


මේ වෙනකොට පලවෙලා තියන මාධ්‍ය වාර්ථා අනුව කොන්ත්‍රාත්තුව අත්සන් නොකරන ක්‍රිඩකයින්ට තරඟ තහනමක් පනවන්න ක්‍රිඩා ඇමතිවරයා සුදානම් වෙලා ඉන්නවා . නාවලපිටියේ ඡන්ද කරන විදිහට ඇමති කම් කරන්න යන බක පණ්ඩිත ක්‍රිඩා  ඇමතිවරයාගේ මේ පියවර කෙලින්ම මාලිංගව ඉලක්ක කරගත්ත එකක් බව පැහැදිලියි . මෙහෙම දෙයකින් මාලිංගට පෞද්ගලිකව දැවැන්ත පාඩුවක් සිද්ධ නොවුනා වුනත් අනික් රටවලට සාපේක්ෂව 20-20  තරඟ රටාවේ පිතිකරුවන් ඉතාම අවම ශ්‍රි ලංකා කණ්ඩායම 20-20 ලෝක කුසලානයට යත්දි ලෝකයේ හොඳම 20-20 වේග පන්දු යවන්නාත් අත්හැරලා යනවා කියන එක නම් අවසන් තරඟය දක්වා එන්න තියන පුංචි අවස්ථාවත් අහිමි වෙනවාය කියන එක යි .


ඉරාන තෙල්

ඉරානය කියන්නේ අපිට බොහොම හිතවත් යුද්ධයට උපකාරපු කරපු අධිරාජ්‍ය විරෝධී  ප්‍රගතිශිලි රටක් විදිහට තමයි හැඳින්වුනේ . රජය ඉරානය තමන්ගේ ලඟම මිතුරෙක් විදිහට සලකත්දි අපේ රටේ දේශප්‍රේමි ජනතාවත් ඉරාන ජනපති වරයාගේ ගුණ කියවෙන ෆේස් බුක් ස්ටේටස් ශෙයා කලේ තරඟයට (අන්තවාදි ඉස්ලාමිය පාලනයන් ගැන තියන ස්වාභාවික විරෝධය  කෙසේ වෙතත් අහමදි නෙජාඩ් ගැන කතා බහ වුනු ලක්ෂන සත්‍ය නම් මමත් ඒවා ඉහලින් අගය කරන බව නම් කියන්න ඕනි ) . ඉරානය ගැන මෙහෙම කථා වෙත්දි ඇමරිකාව ගැන කථා කලේ කොටි හිතවාදි , අපිව යටත් කරගැනීමේ න්‍යාය පත්‍රයකින් කටයුතු කරපු සහ කරන රාජ්‍යයක් විදිහට . තත්වය ඔහොම තිබියදී දේශප්‍රේමින්ගේ අත්පොත වගේ වෙච්ච දිණමින පත්තරේ මෙන්න මෙහෙම  පුවතක් පලවෙනවා


//ශ්‍රී ලංකාව මේ වසරේදි ඉරානයෙන් කෙරෙන බොරතෙල් ආනයනය සියයට විසි හතරකින් අඩුකර ඇති හෙයින් මෙරටට බොර තෙල් ආනයනය කිරීමේදී අමෙරිකා එක්සත් ජනපදයෙන් ශ්‍රි ලංකාවට සහනාධාරයක් ලබාදෙනු ඇතැයි රජය අපේක්ෂා කරයි.
ඉරානයෙන් බොර තෙල් ආනයනය කරන රටවල් සදහා අමෙරිකා එක්සත් ජනපදයෙන් සම්බාධක පනවන බවට අනතුරු හගවා තිබුණි. ජපානය හා යුරෝපා සංගමය ඉරාන බොරතෙල් ආනයනය සියයට පහළොවකට කප්පාදු කිරීම මත අමෙරිකා එක්සත් ජනපදයෙන් ඔවුනට සහනාධාර ලබාදුන් පරිදි ශ්‍රි ලංකාවටද සහනාධාරයක් ලබාදෙනු ඇතැයි රජය අපේක්ෂා කරයි.
මේ වසරේදී ඉරානයෙන් කෙරෙන බොරතෙල් ආනයනය අඩුකර ඒ වෙනුවට ඕමානයෙන් හා සවුදි අරාබියෙන් තෙල් ආනයනය කිරීමට අවශ්‍ය කටයුතු රජය විසින් ගෙන ඇත.
ලබන වසරට ශ්‍රි ලංකාවට අවශ්‍ය කරන තෙල් ප්‍රමාණය සපයා ගැනීමට අවශ්‍ය සියලුම පියවර මේවන විටද රජය විසින් ගෙන ඇතැයි බලධාරියෙකු දිනමිණට පැවසීය.//


ඕන් බලමුකො වෙලා තියන දේ , අච්චර අපිට හිතවත් මිනිස්සු අමතක කරලා අධිරාජ්‍ය වාදී , කොටි හිතවාදි ඇමරිකාවේ කීමට අවනත වෙලානේ , ඊටත් හපන් ඉරාන තෙල් ප්‍රතිශතය අඩු කරලා ඇමරිකාවේන් සහන ලැබෙන කන් දේශප්‍රේමීන් ටික කර ඇරගෙන ඉන්න අපුරුව බලන්නකො . ඔබාම කොටින්ට _ක දෙයි කියලා කොලඹ තාප්පයක් ගානේ ලියපු දේශප්‍රේමින්ට දැන් මොනවා හිතෙනවා ඇද්ද ?  ඔබාම කොටින්ට _ක දීල තියෙත්දි ඔබාමට _ක දීල අවසානයේ දී කොටින්ටම _ක දීමක් සිද්ධ වෙලා නේද ? . ඉරානයේ ප්‍රධාන  ගැනුම් කරුවන් තාමත් තෙල් ගන්න නිසා අපේ සොච්චම උන්ට නොදැනුනත් අපේ කට්ටියගේ විලි සංගේ නැති   ගුණමකු කමද මේ පේන්නේ ? එහෙමත් නැත්නම් ඉරානයේ වාචික සහයට වඩා වැදගත් වෙච්ච උපාය මාර්ගික  සහයන් (පසුගිය කාලයේ ඇතැම් ලිපිකරුවන් මතුකරල තිබුන පරිදි ) ඇමරිකාවෙන් ලැබුනාද ?  නැතිනම් කටින් බොරු චණ්ඩි පාට් දැම්මත් ඇමරිකාව එක්ක හැප්පෙන්න ගියොත් නාගන්න වෙන බව තේරුම් ගියාද ? එහෙමත් නැතිනම් "හෝම් වර්ක්" පෙන්නන්න හිලරි ටීචර් ලඟට ගිය ජී ඇල් ළමයාට  ලැබුනු අවවාදයක්ද ?


ජනපතිවරයාගෙ බ්‍රිතාන්‍ය සංචාරය

ජනාධිපති තුමාගේ බ්‍රිතාන්‍ය සංචාරය සහ එහිදි එල්ල වුනු එල්ටිටියි හිතවාදීන්ගේ විරෝධතාත් ඒ නිසාවෙන් ඔහුගේ දේශනයක් අවලංගු වීමත් පසුගිය දවස් වල සැහෙන්න කථා බහට ලක්වුනා . ඇතැම් අය මේක  රජයේ වරදක් විදිහට විග්‍රහ කරත්දි තවත් පිරිසක් බ්‍රිතාන්‍ය රජයේ දුර්වල තාවයක් විදිහට චෝදනා කලා . කොහොම වුනත් මම දකින විදිහට නම් මෙතන මේ දෙපාර්ශවයේම වැරදි තියනවා . තමන්ගේ රටට එන (ආරාධානාවක් අනුව ) රාජ්‍ය නායකයෙකුට එරෙහිව තහනම් සංවිධානයක කොඩි රැගෙන  විරෝධතා පලකරන්න ඉඩ දීම සහ විශේෂයෙන් ඒවා රටක ධජය ගිනි තියන තරම් පහල තත්වයට වැටෙන්නට ඉඩ දී බලා සිටීම කියන්නේ බ්‍රිතාන්‍ය රජය ලැජ්ජාවට පත් විය යුතු කාරණයක් . ඒවගේම මේ තත්වය ඔහු බ්‍රිතාන්‍යට පැමිනි දෙවතාවකම සිදු වීම හා ඒ හේතුවෙන් ඔහුගේ දේශනයන්   අවලංගු කිරීමට සිදුවීමත් ප්‍රජාතන්ත්‍රවාදය  ඉහලින් සුරැකිලා තියන රටකට යෝග්‍ය නොවන දෙයක් .  මහින්ද රාජපක්ෂට විරෝධය පල කරන්න විරෝධතා කරුවන්ට තියන අයිතිය සුරැකීමේ වරදක් නැතත් ඒ හරහා දෙවතාවකදීම  අදාල නායකයගේ කටයුතු අවංගු වීම අනුමත කරන්න බැ . අවම වශයෙන් මේ වතාවේ හෝ එහෙම නොවෙන තැනට කටයුතු යොදන එක (කලින් වතාවේ අත්දැකීම් අනුව ) බ්‍රිතාන්‍යයේ වගකීමක් . ඒ වගේම මීට කලින් වතාවක අත්දැකීම් තිබියදීත් නියමිත කාර්යභාරයට පිටින් දේශනයන්  පවත්වන්න සුදානම් කරගෙන ඒක අවලංගු වීමේ අපකීර්තියට  ලක්වීම සම්බන්ධයෙන් අපේ රජය සතුවත් වගකීමක් තියනවා . රජයට හිතවාදි ලේඛකයන් සමහරක් මතුකරන කාරණයක් වුනේ ඔබාමා බ්‍රිතාන්‍යට එන විට අල්කයිඩා හිතවාදින් හෝ මන් මෝහන් සිං එන විට කාශ්මීර ගරිල්ලන්ට හෝ මෙහෙම විරෝධතා පලකිරීමේ අවස්ථාක් ලැබෙන්නේ නැහෑ කියන එක , ඉතින් බ්‍රිතාන්‍ය රජය තමන්ගේ හිතවාදීන්ට හා විරුද්ධවාදින්ට සලකන විදිහේ වෙනසක්  නිරීක්ෂනය කරලා තිබුනා නම් දැන දැනත් ඉල්ලං කැවේ ඇයි



ආගමික නායකයින්ට දේශපාලනය තහනම් 


(මේ ගැන අමුතුවෙන් විස්තර නොකලට ඕනිම කෙනෙක් දන්නවා ඇති) .

හාමුදුවරු දේශපාලනයට යැමෙන් සාසනයට හෝ රටට සිදුවෙච්ච කිසිම සේවයක් නොමැති නිසා විජේදාස රාජපක්ෂ මහතාගේ මේ පනත සම්බන්ධයෙන් මම නම් 100%ක් එකඟයි . මේ පනතෙන් ගැටලුවක් මතුවෙන එකම පක්ෂය වෙච්ච හෙල උරුමයට තමන්ගේ මතවාදයන් රටට ගේන්න  චම්පික , ගම්මන්පිල ඇතුලු ගිහි නායකයින් හොඳටම ප්‍රමාණවත් බවයි මගේ හැඟීම


Related Posts Plugin for WordPress, Blogger...
Back to Top