Ambalama - සැබැ සමාජ කතිකාවක සොඳුරු නවාතැන්පල

September 2012

මෙවර මැතිවරණයෙන් ජනතාව දෙන පණිවුඩය

ඒ ඡන්දයත් අහවරය , ප්‍රතිඵලය වෙනදා වගේමය. ඡන්දය ගැන විස්තරාත්මක කථාවක් කලින් ලිපියේ කල නිසා වැඩි විස්තර ලිවීමේ අවශ්‍යතාවයක් නැත . ඒ නිසා මේ මැතිවරණයෙන් ජනතාව දුන් පණිවුඩයන් පහත අයුරින් සාරංශ  ගත කල හැක














01) ඡන්ද දායකයින්ගෙන් බහුතරයකට සිය මාසික වියදම සඳහා රු 2500ක් සැහේ

02)රාජ්‍ය සේවකයින්ගේ වැටුප් කිසි සේත් වැඩි නොකල යුතුය ,  අවැසි මෙවර අයවැයෙන් දැනට ලබා දී ඇති දීමනාද කප්පාදු කල හැක

03) විශ්ව විද්‍යාල ආචාර්ය වරුන්ගේ වැටුප්ද වැඩි කල යුතු නැත , ඔවුන්ට වර්ජනය එපා වු දිනෙක කැමති නම් ඉගැන්විය හැක

04) උසස් පෙල ප්‍රශ්න පත්‍ර විභාග දෙපාර්ථමෙන්තුවේ ගබඩා කර තැබීම සැහේ , ආචාර්ය හා ගුරු සංගම් වර්ජනය අත්හැරි  දිනක පරීක්ෂා කල හැක

05) දෙවන වර ඇගයීමේ එසෙඩ් අගයන් මත පමනක් විශ්ව විද්‍යාල සිසුන් බඳවාගත යුතුය

06) විභාග ප්‍රශ්න පත්‍ර වල නිවැරදි තාවය පිලිබඳ විශේෂයෙන් සැලකිලි මත්විය යුතු නැත , වැරදි ඇත්නම් ළමුන් ඒවා නිවැරදි කරගෙන පිලිතුරු සපයනු ඇත

07) නියං සහනාධාර හෝ ගොවි ණය කප්පාදු කිරීම් අවශ්‍ය නොවේ


08) ප්‍රචණ්ඩ ක්‍රියා සහ අපචාර වලට සම්බන්ධ දේශපාලකයින් ට නීතිය ක්‍රියාත්මක කිරීමට කරදර විය යුතු නැත

09) ජිනිවා යෝජනා , තමිල්නාඩු පහර දීම් රජයට එරෙහි අධිරාජ්‍යවාදි කුමන්ත්‍රණය , එයට එරෙහිව නැගී සිටීමට ජනතාව  රජය සමඟය

10) එජාප කෘත්‍යාධිකාරි මණ්ඩලය  පාර්ලිමෙන්තු මන්ත්‍රිවරයෙක් අභිබවා තෝරා ගත් " ජාතික සංවිධායකට" පලාත් සභාවේ විපක්ෂ නායක කමවත් රැක ගැනීමට නොහැක (සටහන - මාතලන් කලින් ලිපියේදී කියු පරිද්දෙන් මු.කො රජය සමඟ එකතු වීමට ඇති සම්භාවිතාව වැඩිය , දෙමල සංධානය , මුස්ලිම් කොංග්‍රසය හා එජාපය යන තුනම එක්වීමට වඩා එය ප්‍රායෝගිකය )

11) ආණ්ඩුව මොනවා කලත් රනිල් ඉන්න කන් අපි යූඇන්පියට ඡන්දෙ දෙන්නෙත් නැත .

ප.ලි 1 - ජනතාව 2500න් ජීවත් වීමත් සමඟ ජනතාවගේ ඉතුරුම්  ප්‍රමාණය ඉහල යන නිසා එම මුදල්  වරාය , අධිවේගී මාර්ග ඇතුලු දැවැන්ත සංවර්ධන ව්‍යාපෘති සඳහා යොදාගත හැක , වැටුප් හා සහනාධාර වලින් ඉතිරිවෙන මුදල් දැනට චීනයට ඇති ණය ගෙවා අවසන් කිරීමට යොදාගත  හැක

ප.ලි 2 - රාත්‍රි පුවත් වල ප්‍රකාශිත ඡන්ද ප්‍රතිශතය 50% අවට තිබී ගණන් කල පසු 60% ඉක්මවුයේ කේසේ දැයි කසුකුසුවක් ඇත්ත , මෙහි සැබැ පසුබිම මා දන්නේ නැත , නමුත් එජාපය මෙය "ජිල්මාට්" එකක් කියනවා නම් පලමුව "අව-මංගල සමරවීර"ගේ හොම්බ  රිවට් වෙන්න එකක් ඇනලා සිටිය යුතුය !



ආශ්චර්‍ය්ද්වීපයේ පලාත් සභා ඡන්දය


ආශ්චර්‍ය්ද්වීපයේ තවත් ඡන්දයක් අත ලඟය. ආණ්ඩුවත් විපක්ෂයත් දෙකටම නැති පක්ෂත් තම තමන්ට ඡන්දය දිය යුතු හේතු බොහෝ දුරට කියා අවසන්ය . මේ දවස් දෙකට අලුතෙන් මොකුත් කියන්නට ඉඩක් නැති නිසා මේ සුදානම ඒවා ගැනත් ඡන්ද ප්‍රථිපලයේ බලපැම පිලිබඳවත්  මදක් විමසා බැලීමටය .

ආණ්ඩුව මූලික සටන් පාඨ දෙකක් හරහා තම මැතිවරණ මෙහෙයවනා බවක් මැති ඇමති වරුන්ගේ ප්‍රකාශ සහ රාජ්‍ය මාධ්‍ය වල ප්‍රකාශයන් හරහා  නීරීක්ෂය කල හැක . ඉන් පලමු වැන්න නම් රජය ගෙනියන සංවර්ධන ක්‍රියා දාමය ඉදිරියට ගෙන ගොස් රට ආශ්චර්යයක් කීරීම සඳහා පලාත් සභා බලය ලබා දීමය . දෙවැන්න ජාත්‍යන්තර ප්‍රජාවට සහ දෙමල ඩයස්පෝරාවට පණිවුඩයක් දීමය . මින් පලමු වැන්න තාර්කික මැතිවරණ සටන් පාඨයකි .  බලයේ පවත්නා රජයක් හැටියට තමන් ගෙනයන ක්‍රියාදාමය අනුමත කරනා ලෙස ජනතාවගෙන් ඉල්ලා සීටීම යුක්ති සහගත වන අතර තමන් එය අනුමත් කරන්නේ නම් රජය වෙනුවන් ඡන්දය භාවිතා කිරීමේ හැකියාව ජනතාව සතුය . දෙවන සටන් පාඨය න්‍යායික වශයෙන් නැගෙනහිර පලාත් සභාව වෙනුවෙන් අදාල වුවත් එහි කිසිදු ප්‍රයෝගික  සත්‍යතාවයක් නොමැත . එදා මෙදා  තුර දෙමල ඩයස්පෝරාවේ හැසිරීම ශ්‍රි ලංකා රජයට තිබු ජන ප්‍රසාදය අනුව තීරණය වුයේ නැත . මේ දක්වාම නැගෙනහිර පලාත් සභාව රජය නියෝජනය කරනා හිටපු කොටි සාමාජිකයෙක් විසින් පාලනය කලත් දෙමල ඩයස්පෝරාවේ ක්‍රියාමාර්ග වලට එහි බලපැමක් තිබුනේ නැත .ශ්‍රි ලංකාව කෙරේ තීරණනාත්මකව බලපැ ජාත්‍යන්තර දේශපාලනික තත්වයන්හිදී ලෝකයේ රටවල් ක්‍රියා කල ආකාරය  නිරික්ෂය කල විට හුදෙක් එය ඔවුනගේ දේශපාලනික අවශ්‍යතාවයන් සහ ශ්‍රි ලංකාව හෝ තමන් නියෝජනය කරන දේශපාලනික කඳවුර මත මිස ශ්‍රි ලංකාවේ පවතින යථා තත්වය වෙනුවෙන් ගත් තීන්දු තීරණ නොවන බව පැහැදිලිය . ඉරානය චීනය වැනි ශ්‍රි ලංකාවට "මිතුරු" යැයි කියනා රටවල ස්ථාවරය මෙන්ම "හතුරු" යැයි කියනා රටවල ස්ථාවරයද ලංකාවේ ජනතාවගේ ඡන්දය නිසා කිසි ලෙසකින් හෝ වෙනස් වන්නේ නැත . අනෙක් රටවල් තබා මේ සිදුවීමෙදී වඩාත් සංවේදී රාජ්‍යය වන ඉන්දියාවේ මධ්‍යම රජය පමණක් නොව තමිල්නාඩු ප්‍රාදේශීය දේශපාලනයද ක්‍රියා කරන්නේ ශ්‍රි ලංකාවෙ දෙමල ජනතාව පිලිබඳ අනුකම්පාවෙනු නොව   වෙනුවෙන් නොව තම තමන්ගේ දේශපාලනික න්‍යායපත්‍රයන් වෙනුවෙනි .ජාත්‍යන්තර ප්‍රජාව ඡන්ද ව්‍යාපාරය තුල විකුණා කැම පසක තබා අවුල් වී ඇති විදේශ ප්‍රතිපත්තිය නිවැරදි කරගැනීමට රජය විසින් කටයුතු කල යුතුව ඇති අතර චීන ආරක්ෂක ඇමති මෙරටට පැමිනි පමණින් බොරුවට චූන් වී ඉන්දියාවට එරෙහිව චීනය සමඟ ආරක්ෂක ගිවිසුම් වලට එලඹීමට කථා කරන ගුණදාස අමරසේකරලා වැනි රජයේ පාර්ශව කරුවන් පිලිබඳ අවධානය යොමු කිරීම වඩාත් වැදගත්ය [චීන ආරක්ෂ ඇමති වරයා  මන් මෝහන් සිං සමග ඒකා බද්ධ යුධ අභ්‍යාස සඳහා කටයුතු සුදානම් කරගැනීමෙන් අමරසේකර මහතලාගේ  ආතල් එක දවස් කිහිපයකින් කුඩු පට්ටම් වීම  වෙනම කථාවකි ]

ප්‍රජාතන්ත්‍රවාදී රටක විපක්ෂයට  නිතැතින්ම හිමි වන ඡන්ද සටන් පටන් පාඨය එනම් රජයේ ක්‍රියාපිලිවෙත ට එරෙහිව අප වෙනුවෙන් ඡන්දය භාවිතා කරන්න යන්න මෙවරත් විපක්ෂයේ සටන් පාටය වි ඇත . මෙහි ඇති විශේෂත්වය නම් පසුගිය සමයේ පැවති අනෙකුත් සියලුම මැතිවරණ වලට සාපේක්ෂව රජයේ ක්‍රියා පිලිවෙතට විරෝධය පල කල යුත්තේ ඇයි යන්න සාධාරණීකරනය කිරීමට අවැ සි  තර්ක වුවමනාවටත් වඩා විපක්ශය වෙනුවෙන් පැවැතීමයි .එහිදි වඩාත්ම වැදගත් කරුණ වන්නේ මෙම තර්කයන් බහුතරයක් ජනතාවට සමීප නොවන රජයේ බරපතල මට්ටමේ අනාගැනීම් වලට වඩා ජනතාවට හොඳින් දැනෙන , දේශපාලන වේදිකාවේ විකිණිය හැකි තර්කයන් වීමයි

රජයේ එක කකුලක්  තබා ගනිමින්ම මැතිවරණයට පිවිසි ඇති මුස්ලිම් කොංග්‍රසයත්  , ත්‍රිකුණාමලේදී ජානිපයත් සුපුරුදු පරිදි තමන්ගේ අන්තවාදි දේශපාලනය යහමින් විකුනමින් සිටිනා අතර බලයක් හිමි කරගත නොහැකි ජානිපේ සන්ධානය තුරුල්ලේම සිටිමින් කටයුතු කරත්දි මුස්ලිම් කොංග්‍රසය නැගෙනහිර බලය හිමි කරගැනීම වෙනුවෙන් එලිපිටම රජය හා ගැටුමකට පිවිසී ඇත


මෙම මැතිවරණය සියලුම දේශපාලන බලවේගයන්ට එකසේ වැදගත් සහ අභියෝගාත්මකය . උතුරු මැද හා සබරගමු පලාත් සභා වල බලය රැක ගැනීම රජයේ පැවැත්ම වෙනුවෙන් අත්‍යාවශ්‍ය වන අතර පෙර මන්ත්‍රි දූර සංඛ්‍යාවට වඩා අඩු  පාලන බලය ලබාගැනීමක් හෝ රජයේ ගමනට අහිතකරය . නැගෙනහිරදී පාලන බලය ලබාගැනීම රජයට උදම් ඇනිය හැකි අවස්ථාවක් වනවා ඇත . රජයට එරෙහි බලවේගයක් ගොඩ නැගිය හැකි වටපිටාවක එජාපයෙ මන්ද ගාමි  ඡන්ද ව්‍යාපාරය කිසිසේත්ම සැහීමට පත්විය නොහැක . මැතිවරණය ආරම්භයේදී බොරුවට පෙන්වූ රනිල්-සජිත් සමඟිය ඉන්පසු දක්නට නොලැබුනු අතර රජයට එරෙහි ජන මතය ගොඬ නැංවීමේදී එජාපය සාර්ථක වූ බවක් දකින්නට නැත . ජයග්‍රහණය කල හැකිව තිබු මැතිවරණයක් වන මෙහිදී කලින් පලාත් සභා වල තිබු බලය එලෙසින්ම රැක ගැනීම එජාපයේ අනිවාර්ය අවශ්‍යතාවය(ඊට වඩා පහල බැසීමක් එජාපය බරපතල අර්බුධයකට ගෙන යනු ඇත )  වන අතර එජාපයේ වර්ථමාන හැල හැප්පීම් හා  ජාතික මට්ටමේ නොවන මැති වරණයක් වීම යන්න සලකා බැලු විට ජයග්‍රහණය නොකලත් 45% ඉක්මවූ ඡන්ද ප්‍රතිශතයක් දිස්ත්‍රික්ක දෙකකවත් ලබාගත හැකි නම් තම අනාගත දේශපාලනය පිලිබඳ සුභ බලාපොරොත්තුවක් තබා ගත හැක . නැගෙනහිරදී සන්ධානය මුහුණ දී ඇති අභියෝගයට වඩා ප්‍රභල අභියෝගයකට එජාපය මුහුණ දෙන බවද පෙනෙන්ට ඇත , නැගෙනහිරදී පරාජය වුවත් සිංහල ජනතාව අතර ජාතිවාදය විකිණීම හරහා සන්ධානයට සිය පරාජය වසා ගත හැකි මුත් යම් හෙයකින් සන්ධානය නැගෙනහිර ජයගතහොත් එජාපයට පලාත් සභාවේ විපක්ෂයක් අහිමි වන අතර පලාත් සභාවක විපක්ෂ නායක කම හෝ රැක ගත නොහැකි ජාතික සංවිධායක වරයෙකු බවට දයා ගමගේ මහතා පත්වනු ඇත . මුස්ලිම් කොංග්‍රසයට මෙම මැතිවරණය ජයග්‍රහණය කිරීම තුල මුස්ලිම් ප්‍රජාව තුල සිය ආධිපත්‍ය නැවතත් ඉස්මතු කරගැනීමට අවස්ථාවක් හිමිවනු ඇත . එවන් අවස්ථාවකදී බොහෝ දුරට මධ්‍යම රජයෙන් ඉවත් වී දෙමල සංධානය හෝ එජාපය සමඟින් නැගෙනහිර බලය  පිහිට වනු ඇත . නමුත් යම් හෙයකින් නැගෙනහිරදී පරාජයට් පත් වී , දෙමල සංධානය සහ එජාපය සමඟින් රජයක් පිහිටු වීමට  හැකියාවක් හෝ නොලැබුන හොත් එය මුස්ලිම් කොංග්‍රසයේ අනාගත දේශපාලනයේ තීරණාත්මක හැරවුම් ලක්ෂයක් වනු ඇත

දෙමල සංධානයේ ප්‍රභ්ලතම බල කොටු උතුර වුවත් නැගෙනහිරදී තීරණාත්මක බලයක් ගෙන   එජාපය හෝ මුස්ලිම් ක්ංග්‍රසය සමඟින්  බලය පිහිටවිය හැකි හැකි නම් එය ඔවුන් ලබන ප්‍රභ්ලතම ජයග්‍රහණයක් වනු ඇත .එමෙන්ම නැගෙනහිරදී (දෙමල ජනතාව බහුතරය වන ආසන වල ) ලබන දැවැන්ත පරාජයක් වේ නම් ඔවුනගේ පක්ෂ අභ්‍යන්තරය තුලින්ම ගැටුමක් නිර්මාණය වීමේ ඉඩ කඩක්ද ඇත . පෙරටු ගාමින් කැඩි ගිය පසුවත් තමන් ශක්තිමත් බව පෙන්වීමට නම් ජවිපයද අවම වශයෙන් කලින් තිබු මන්ත්‍රි ආසන ප්‍රමාණය රැක ගතයුතුය . එජාපය  දිස්ත්‍රික්කයක ජයක් හෝ කිහිපයක ඉහල ප්‍රතිශතයක්(>45% ) ලබා ගැනීම විකල්ප විපක්ෂයක් වෙනුවෙන් සරත් ෆොන්සේකා මහතා විසින් ගෙන යන වැඩ පිලිවෙලට බරපතල පහරක් වනවාක් මෙන්ම විපක්ෂයේ දරුණු පරාජයක් ෆොන්සේකා මහතාගේ නායකත්වයෙන් යුතු නව විපක්ෂ දේශපාලන බලවේගයක් වෙනුවෙන් හොඳ පදනමක්ද් වනු  නොඅනුමානය !

Related Posts Plugin for WordPress, Blogger...
Back to Top