බුවාගේ සිතුවිලි ! | Buwage Sithuvili !

නිදහස් දින කථා සහ සරත් ෆොන්සේකා

2012-02-04T20:26:00.001+05:30

සරත් ෆොන්සේකා මහතා වැලිකඩ බන්ධනාගාරයේ සිට රූපවාහිනිය නරඹමින් සිටී , අද දෙරණ පුවත් විකාශ ඇරඹේ . නිදහස් දින කථා පෙලින් පෙලට විකාශය වෙත්දී ඒ පිලිබඳ ඔහුගේ සිතේ ඇතිවෙන්නේ මෙවන් අදහස් විය හැක

ගරු ජනපති තුමා - පිටරටින් ආනයනය කරන විසඳුම් අපිට අවශ්‍ය වෙන්නේ නැ ...........

S.F - ඉන්දියන් කාරයෝ ආවම 13+ කිව්වෙ මමයැ

ගරු විපක්ෂ නායක තුමා - අද රටේ නිදහස නැ , මානව හිමිකම් නැ , නිතිය නැ .......

S.F - කාලෙකින් මේ පැත්තේ ආවෙත් නැ , මාව මතකද දන්නෙත් නැ

පා.ම සජිත් ප්‍රේමදාස - අපේ බලාපොරොත්තුව ඉක්මනින් එජාප රජයක් පිහිටුවලා , සරත් ෆොන්සේකා මහතාට පූර්ණ නිදහස ලබාදීමයි

S.F - අනේ ..පුතේ එච්චර කාලයක් නම් මේක ඇතුලේ ඉන්න අමාරුයි !

--------------------------------------------------------------------------------------------

ප.ලි - ඔව් .. ඔහුට තවමත් නිදහස නැ , ඇත්තටම නිදහස නැත්තේ ඔහුට පමණද ?

සිංහල බ්ලොග් අවකාශයේ ඇනෝ භීතිකාව !

2012-01-26T20:18:00.003+05:30

මුලින්ම සඳහන් කරන්න ඕනි මේ ලියන්න හදන්නේ ඇනොනිමස් ආතල් බ්ලොග් එක ගැන එහෙම නෙවෙයි , බ්ලොග් වලට වැටෙන ඇනෝනිමස් කමෙන්ට්ස් ගැන . ඒ වගේම මේක ටික කාලයක් තිස්සේ බ්ලොග් අවකාශයය තුලදි නීරික්ෂනය කරපු දේවල් ඇසුරෙන් ලියන දෙයක් මිසක් යම්කිසි නිශ්චිත සිදුවීමක් හෝ බ්ලොග් අඩවියක් මේකට අදාල වෙන්නේ නැ

ඇනෝනිමස් කමෙන්ට්ස් ගැන ලියන්නේ ඇයි ?

සිංහල බ්ලොග් අවකාශයේ වැඩි වශයෙන් භාවිතා වෙන බ්ලොගර් පැල්ට්ෆොම් එකේ ඇනොනිමස් හෙවත් නිර්නාමික කමෙන්ට් කරුවන් සම්බන්දයෙන් සමහර බ්ලොග් කරුවන් තුල අමුතු විරෝධයක් දකින්න තියෙයි . සමහර බ්ලොග් අඩවි ඇනෝ කමෙන්ට් බ්ලොක් කරල තියෙත්දි තවත් සමහර කෙනෙක් ඇනෝ කෙනෙක්ගේ අදහසක් සම්බන්ධයෙන් දක්වන මූලිකම ප්‍රතිචාරය තමයි "කොන්ද පණ නැති ඇනෝ" කියන එක . මෙන්න මේ කාරණය නිසයි ඇනෝ ගැන කථා කරන්නේ.

ඇනෝ කියන්නේ කව්ද ?

ඇනෝනිමස් කියන්නේ නිර්-නාමිකත්වය කියල සරලව හඳුන්වන්න පුලුවන් . බ්ලොගර් වලදි බ්ලොගර් හෝ වෙනත් බ්ලොග් සම්බන්ධ අයිඩී එකක් නොමැතිව කමෙන්ටුවක් පල කිරීමට තියන පහසුකම ඇනෝනිමස් කමෙන්ට් විදිහට හඳුන්වන්න හැකියාව තියනවා . බ්ලොග් ලිවීමක් නොකරන කෙනෙක් ඒ වෙනුවෙන් අයිඩී එකක් හදාගන්නවා නම් ඒ නිරන්තරයෙන් අදහස් පලකරන්න (උදා කාලයක් අපේ ඔබා අය්යා , එතකොට ගිම්හානි වගේ අය මේ කැටගරියෙ කට්ටිය ) . නමුත් බ්ලොග් කියවන්නන් අතර අදහස් පල නොකර කියවාගෙන යන්නන් පිරිසකුත් ඉන්නවා . මේ පිරිස අනිවාර්යයෙන්ම නිරන්තරයෙන් අදහස් පලකරන අයට විශාලයි . තමන් ඉතා හොඳින් දන්න විෂයක් ගැන කථා කරන ලිපියකදි ,ලිපියේ මතයට විරෝධය පල කිරීම අත්‍යාවශ්‍යයි කියල හිතෙන අවස්ථාවක වගේම ඉතාම හොඳ නිර්මාණයක් කියෙව්වාම නිර්මාණ කරුවාව අගය කරන්නත් මේ මේ පිරිසෙන් කෙනෙකුට ප්‍රතිචාරයක් පලකරන්න අවශ්‍යතාවයක් ඇති වුනොත් ඒ දේ ඉටුකරගන්න තියන මාර්ගය විදිහට ඇනෝ කමෙන්ට් පහසුකම හඳුන්වාදෙන්න පුලුවන් . ඒ වගේම තොරතුරු තාක්ෂණ සාක්ෂර තාවය අවම , මූලික ඉංග්‍රිසි දැනුමක් පමණක් තියන කෙනෙකුට වුනත් මේ පහසුකම යටතේ ප්‍රතිචාරයක් පල කරන්න පුලුවන් , මොකද ඔහු දැන සිටිය යුත්තේ ප්‍රතිචාරය සටහන් කරන්න ඕනි කොතනද සහ කම්න්ටුව පලවෙන්න අදාල බොත්ත්ම ඔබන එක විතරයි

ඇනෝලට එල්ල වෙන චෝදනා

කලින් කිව්වා වගේම ඇනෝලට එල්ල වෙන ප්‍රධානම චෝදනාව වෙන්නේ කොන්ද පණ නැති කම . මේ තත්ව්ය වීවාද සම්පන්න මාතෘකා සාකච්ඡා කරත්දි වගේම අනික් අවස්ථාවලදිත් දකින්න ලැබෙන බවයි මගේ නීරීක්ෂනය .මේ කොන්ද පණ නැති භාවය වශයෙන් බ්ලොග් කරුවන් අදහස් කරන්නේ අයිඩී එකක් නොමැති වීම නිසා කිසිම හඳුනාගැනීමේ සලකුණක් හෝ කමෙන්ටුව පිලිබඳ වගකීමක් නැති වීම . ඒ නිසා ඇනෝ කමෙන්ට් වල අදහස් වල වැදගත් කමක් නැතිය කියන එකත් , ඒවාට පිලිතුරු දීමේ අවශ්‍යතාවයක් නැතිය කියන එකත් සමහර අය තුල දකින්න තියනවා . ඊලඟ චෝදනාව වෙන්නේ ඇනෝ ඇවිත් කුණුහරුප කීම , මාතෘකාවට කිසිසේත්ම අදාල නොවන විකාර පලකිරීම ඇතුලු ඇනෝ පහසුකම අව-භාවිතා කිරීම . ඒ වගේම ලේඛකයාට පුද්ගලිකව පහර ගැසීමත් ඇනෝලාට තියන චෝදනාවක් . ඒ අතරම සමහර බ්ලොග් කරුවනුත් තමන්ගේ අයිඩී එකෙන් කියන්න බැරි දේ ඇනෝ ඇවිත් කියනවාය කියල චෝදනාවකුත් දකින්න තියෙයි

අයිඩී එකක් තිබූ පමණික් අනෙන්‍යතාවක් තියෙනවාද ?

අන්තර්ජාලයේ ස්වාභාවය එක්ක සැලකුවොත් මේ ප්‍රශ්නයට දෙන්න තියන උත්තරය වෙන්නේ කොහෙත්ම නැහැ කියන එක . මොකද අන්තර්ජාලයේ නොමිලේ ලබාදෙන අයිඩී ඕනැම එකක් ඕනිම අනුවර්ථනාමයක් භාවිත කරල ලබාගන්න හැකියාව තියන නිසා . මේ අයිඩි එකක් භාවිතා කරල දක්වන අදහසක් සහ ඇනෝ අදහසක් අතර තියන එකම වෙනස ඇනෝ වෙනුවට අර අයිඩි එකේ නමින් ආමන්ත්‍රණය කිරීමේ හැකියාව තිබීම පමණයි . බ්ලොග් එකක් තියන කෙනෙකුගේ අයිඩී එකක් සැලකීමෙදි මේ තත්වයේ පොඩි වෙනසක් තියනවා , ඒ අදාල අයිඩි එක තුල සයිබර් අවකාශයට පමණක් ආවෙණික අනෙන්‍යතාවයක් තියනවා . ඔහු කලින් තමන්ගේ බ්ලොග් අඩවියේ පලකල ලිපියක අදහස හෝ වෙනත් බ්ලොග් අඩවියක පලකල අදහස් මත ඔහු දක්වන ප්‍රතිචාරයකට පසුබිමක් තියනවා . ඒ වගේම සිංහල බ්ලොග් අවකාශය ඇතුලත ඔහු වෙනම පුද්ගල චරිතයක් විදිහට හඳුනාගැනීමක් තියනවා . ඇට මැස්සා , මහ වෙදනා , කණ්ඩුල , නෝ ෆ්‍රේම්, බුවා ආදි වශයෙන් හඳුනාගන්න මේ චරිත සයිබරයට පමණක් සීමා වුනු ඒවා . ඒ අයගේ සැබැ ජීවිත වල තත්වය , ඔහුගේ නම ගම , ඔහුගේ සමාජ තත්වය මේ කිසි දෙයක් අනෙකුත් අය දන්නේ නැ . නමුත් සිංහල බ්ලොග් අවකාශය හරහා ගොඩ නැඟුනු මිතුදම් නිසා පෞද්ගලික ජිවිතයේදී සුහද හමුවීම් , සාද ආදිය නිසා සයිබරයෙන් පිටතදි එකිනෙකා හඳුනාගත් අය සැහෙන ප්‍රමාණයක් බ්ලොග් අවකාශය තුල ඉන්නවා. මේ අය නම් එකෙනිකා සම්පූර්නයෙන් හඳුන්ගත් චරිත , ඒ නිසා ඔවුන්ගේ අදහසත් එක්ක සැබැ ජීවිතයේ අනෙන්‍යතාවට් එකතුවෙල තියනවා . තමන්ගේ සම්පූර්න නමින් බ්ලොග් කරණයේ යෙදෙන අනෙන්‍යතාවය සඟවා නොගත් පිරිසකුත් බ්ලොග් කරණයේ ඉන්නවා . මේ අය සැබැ ජීවිතයේ හඳුනාගන්නා පිරිස තරම් නොවුනත් අනෙන්‍යතාවයක් සහිත අය ,සයිබරයේ වෙනත් ගිණුම් බ්ලොග් කරනයට සම්බන්ධ කිරීම හරහා මේ තත්වය තවත් වැඩි වෙලා තියනවා . බ්ලොග් නොලියන එහෙත් නිරන්තරයෙන් අදහස් පලකිරීම වෙනුවෙන් අයිඩී එකක් භාවිතා කරන අයත් ඉහත කියපු ඕනිම කාණඩයකට අයත් වෙන්න පුලුවන්

ඇනෝ බවේ ප්‍රභලතාවය

ඇනෝ වීම තුල ප්‍රභලතාවයන් කිහිපයක් හඳුනාගන්න පුලුවන් .ප්‍රධානම දේ තමන් යම් මොහොතක පවසන දෙයක් සම්බන්ධයෙන් අතීතයේ හෝ වර්ථමානයේ කිසිදු සම්බන්ධයක් නොමැති වීම . අයිඩී එකක් තියන ඕනිම කෙනෙක් එක් වාරයකට වඩා අදහස් පල කරනවා නම් මේ තත්වය අවලංගු වෙනවා . මොකද තමන් කලින් දරපු ස්ථාවරයක් වෙනස් කරනවා නම් හෝ අනාගතයේදී වෙනස් කරන්න බලාපොරොත්තු වෙනවා නම් පල කරන කමෙන්ටුව ගැන වඩාත් සැලකිමත් වෙන්න වෙනවා . සැලකිල්ලකින් තොර ඔහේ හිතට එන ඕනැම දෙයක් ලියන කෙනෙක් වුනොත් අදාල අයිඩි එක තියන පුද්ගලයාගේ අදහස් කිසිම වටිනා කමක් නැති තත්වයට පත්වෙනවා . නමුත් ඇනෝ අදහසකට මේ තත්වය නැ යම් ප්‍රතිචාරයක් පලකලොත් ඒක ඒ මොහොතට විතරයි , ඒ පිලිබඳ වාදයකට එලඹුනොත් ඒකත් ඒතනට විතරයි . ඒ වගේම එක ඇනෝ කෙනෙකුට වඩා වාදයකට එකතු වෙන ඕනිම අවස්ථාවක වාදයෙන් පැන යන්නත් ඉතාම පහසුයි . ඇනෝ වීම තුල තියන ඊලඟ ප්‍රභලතාවය තමයි ඕනිම අදහසක් බය නැතුව ඉදිරිපත් කිරීමේ හැකියාව . මෙතනදි අයිඩි එකක් තියන කෙනෙක් සමහර විටක තමන් ගේ වචන භාවිතාව ගැන , දේශපාලන කාරනයක් නම් රටේ තත්වය ගැන ආදිය ගැන සිතන්න වෙනවා අනෙන්‍යතාවයක් හඳුනන කෙනෙක් නම් මේ තත්වය තවත් වැඩියි . නමුත් ඇනෝ අදහසක් ඒ මොහොතේ සටහන් කිරිමට එහා දෙයක් නැති නිසා ඕනිම කාරණයක් වඩාත් විවෘතව ඕනිම භාෂාවකින් ඉදිරිපත් කිරීමේ හැකියාව තියනවා . ලිපියක් හෝ බ්ලොග් කරුවෙක් තදබල ලෙස විවෙචනය කිරීමේ හැකියාව ත් ඇනෝ වීම තුල තියන ප්‍රභල තාවයක් . සැබැ ජීවිතයේදී අඳුනා ගත් අය සයිබරයෙන් එහා ලෝකය තුලදි මිතුරන් බවට පත්වෙනවා . එහෙම ඇතිවුනු මිතුරෙක් යම් ලිපියකට කරන විවේචනයක් නිසා තරහ කරගන්න අකමැත්ත නිසා ප්‍රභල විවේචනයන් එල්ල කිරීම දකින්න ලැබෙන්නේ අවම වශයෙන් . සැබැ ජිවිතයේදී හඳුනන්නේ නැතත් බ්ලොග් කරනය හරහා සයිබරය තුල ගොඩ නැගුනු මිතුදමක් තිබුනත් ප්‍රභල විවේචනයකට යන එක සිදුවෙන්නේ නැහැ . නමුත් මේ කිසිම කාරණයක් බලනොපාන ඇනෝ කෙනෙකුට රිසිසේ තමන්ගේ හිතට දැනෙන අවංකම හැඟිම් සටහන් කරලා විවේචනය කිරීමේ හැකියාව තියනවා

ඇනෝලාට ඉඩ දිය යුත්තේ ඇයි ?

01) ඇනෝලාට ඉඩදිය යුතු වීම සඳහා මම දකින ප්‍රධානතම සාධකය වෙන්නේ කලින් චේදය තුල සටහන් කරපු ප්‍රභලතාවයන් . ඒ හැම ප්‍රභලතාවයක් නිසාම ඇනෝ කමෙන්ට් කරුවෙකුට යම් ලිපියක් පිලිබඳ ප්‍රභල සංවාදයක් ගොඩ නගන්න , බ්ලොග් කරුවාගෙ ස්ථාවරයට සාර්ථකව පහර ගහන්න හැකියාව තියනවා . මේ තුලදි තමන්ට හිතවත් අය විතරක් පිරිවරාගෙන එකම අදහස තහවුරු කිරීමේ ක්‍රියාවලිය නතර වෙනවා

02) මම මුලින්ම සඳහන් කරපු විදිහට නිරන්තරයෙන් බ්ලොග් කියවන ඉඳහිට අදහස් දැක්විමේ අවශ්‍යතාවයක් තිබෙන අය ඉන්න පුලුවන් , ඒ අය වෙනුවෙන් ඇනෝ කමෙන්ට් පහසුකම විවරව තැබීම ලේඛකයාගේ යුතුකමක්

03) ඇනෝ භාවිතා නොකර අයිඩී එකක් හරහා ආ පමණික් පුද්ගලයෙකුගේ සැබැ අනෙන්‍යතාවයක් මතුවෙන්නේ නැ , ඒ වගේම යම් මතයක් ප්‍රකාශ කිරීමේදි එය කරන්නේ කව්ද කියන එකට වඩා වැදගත් වෙන්නේ අදාල අදහස . ඒ නිසා ඇනෝ ආ පමණින් කොන්ද පණ නැති වෙන්නේ නැ .

04) අව භාවිතාව කියන්නේ අන්තර්ජාලයට සුලභ කාරනයක් , ඇනෝ පහසුමක විතරක් නෙවෙයි අයිඩී එකක් වුනත් අවභාවිතාවේ යොදවන්න පුලුවන් . ඒ සඳහා උදාහරනත් බ්ලොග් අවකාශයේ අතිතයේ තියනවා (ප්‍රොෆයිල් වලින් දාපු කුණුහරුප කමෙන්ට් ) , තමන් නිතර බ්ලොග් අඩවියට පැත්තේ නොයෙන කෙනෙක් නම් මේ අව භාවිතාවන් නිසා වෙන හානිය කමෙන්ට් මොඩරේඩ් කිරීමෙන් වලක්වාගන්න පුලුවන් (හැබැයි තමන්ට විරුද්ධ අදහස් මකන්න මොඩරේට් කරනවා නම් ඒක වැරදියි )

මගේ ස්ථාවරය

මේ බ්ලොගයත් ආලකම්න්දාව හා බ්ලොග් ප්‍රොමෝ මගේ අනිකුත් බ්ලොග් දෙකත් අනෝ කමෙන්ට් සඳහා සැමදාටම විවෘතයි . මේ වන විට නම් කිසිම කමෙන්ට් මොඩරේට් කිරීමක් නැ . නමුත් එහෙම අවශ්‍යතාවයක් ඇතිවුනු වෙලාවක යොදාගන්න බලාපොරොත්තු වෙනවා (උදා - එක දිගට දාන කුණුහරුප කමෙන්ට් ) . මාතෘකාවට අදාල දේකට හෝ මාව විවේචනය කරන්න භාවිත කරන කුණු හරුප කමෙන්ට් වත් මැකීමක් සිදුවෙන්නේ නැ , කිසිම අදාලත්වයක් නැති දේවල් සහ වෙනත් බ්ලොග් කරුවෙක්ව කුණු හරුප කියල විවේචනය කරනවා නම් ඒ දේ මකන්න සිදුවෙනවා . යම්කිසි විදිහකින් කමෙන්ටුවක් මැකුවත් ඒක කරන්නේ පබ්ලිශ් කිරීමක් කරලා , ඒවගේම මකන්න හේතුවත් සටහන් කෙරෙනවා . හැකියාවක් තියේ නම් කුණුහරුප ඉවත් කරපු කමෙන්ටුව මගේ කමෙන්ටුවක් විදිහට සටහන් කරන්නත් පුලුවන් . \

මේ තමයි මේ පිලිබඳ මගේ ස්ථාවරය . මේ පිලිබඳ ඔබේ ස්ථාවරයත් එක්ක සංවාදයකට එකතු වෙන්න ආරාධනා කර සිටිනවා . මේ ලිපිය භාගෙට ලියමින් ඉත්දි විවේචන බ්ලොග් අඩවියේ මේ මාතෘකාව පිලිබඳ ලිපියක් පලවෙලා තිබුනා එතනදි මේහෙම ලිපියක් ලියාගෙන යනබවත් සටහන් කලා . ඒ ලිපිය නිසා මේ ලිපිය සම්පූර්න කරන එකේ අවශ්‍යතාවයක් නැතිය කියල හිතුනත් විවේචක බ්ලොග් අඩවියේ ඇඩ්මින් තුමා කරපු ඉල්ලීමක් නිසා මේ ලිපිය පල කරන්න තීරණය කලා

ප.ලි - විවේචක බ්ලොග් අඩවියේ අපුරු ඇනෝ කමෙන්ටුවක් පලවෙලා තිබුනා , ඒක තමයි පහල තියෙන්නේ , ඇනෝ නිසා සත්‍යතාව තහවුරු කරගන්න බැරි උනත් ඒ කථාව සත්‍යයක් නම් ඇනෝලාගෙ කොන්දේ පණ හොයන අයට ඒක හොඳ පිලිතුරක් වේවි !

ලිපියට බොහොම ස්තුතියි.මා පුර්ණකාලීන අනොනිමසෙයෙක්.මා බ්ලොග් ලියන්නේ නැහැ.මා නම් ප්‍රතිපත්තියක් වශයෙන් කුණුහරුප ලිවීම සහ පුද්ගලික මඩ ගැසීම් කරන්නේ නැහැ.මටනම් ඇනෝ කෙනෙක් ලෙස පෙනී සිටීමට බලපාන හේතු තියෙනවා පළමු කාරණය මා ආරක්ෂක අංශ සාමාජිකයෙක් වීම.එනිසා මාහට යම් යම් සීමා වලට යටත්වීමට සිදුවේ.අනිත් අතට මා කුමන අයුරින් හෝ ප්‍රසිද්ධියට ප්‍රිය නොකිරීම තවත් හේතුවකි.කොන්ද සම්බන්දව මට නම් ගැටලුවක් ඇත මන්දයත් යුද ගැටුමකදී එය බිදී ගීය නිසා.නමුත් එය ලිවීම සඳහා බාදාවක් වී නැත.

මේ මොහොතේ කතිකාව 13 හෝ 13 + නොවිය යුත්තේ ඇයි ?

2012-01-22T19:49:00.000+05:30

බලය බෙදීම , දේශපාලන විසඳුම් 13 + වැනි මාතෘකා නැවතත් කරලියට පැමිණ ඇත . ඉන්දීය විදේශ අමාත්‍ය වරයාගේ ශ්‍රිලංකා සංචාරය අතරතුර මහින්ද රාජපක්ෂ ජනපතිවරයා විසින් 13 වන ව්‍යවස්ථා සංශෝධනයට එහා ගිය විසඳුමක් කෙරේ යොමු වන බැව් තමාට පොරොන්දු වූ බවක් මාධ්‍ය හමුවේ ප්‍රකාශ කිරීම මේ කතිකාව සඳහා හේතුවී තිබේ . දින කිහිපයකට ප්‍රථම දෙමල සංධානය සමඟ සාකච්ඡා අරභයා පොලිස් හෝ ඉඩ බලතල කිසිසේත් ලබා නොදෙමුයි ශපත කල රජය ඉන්දියානු විදේශ අමාත්‍යවරයා ඉදිරියේ 13+ එකක් පිලිබඳව පොරොන්දු වීමත් , රජය නියෝජනය කරන හෙල උරුමය හා ජනිපේ වැනි දේශපාලන බලවේගයන් දේශපාලනික විසඳුමක අවශ්‍යතාවක් හෝ නොදකින තත්වයත් මේ පිලිබඳ ව්‍යාකූලතාවයක් ඇතිකිරීමට සමත් වී ඇත . ඒ නිසා ඒ පිලිබඳ වඩාත් පුලුල් වූ සාකච්ඡාවක් කෙරේ යොමු වීම වැදගත්ය.

දේශපාලනික විසඳුමක් අවශ්‍යද ??

දේශපාලනික විසඳුමක අවශ්‍යතාවයක් තිබේද යන්න රජය නියෝජනය කරන ඇතැම් දේශපාලන බලවේග හා බහුජන සංවිධාන වල පවා ප්‍රශ්නාර්ථයන් නැඟී ඇති කාරණයකි . ශ්‍රි ලංකාවේ පැවැතියේ ත්‍රස්තවාදයක් පමණක් බවත් එය අවසන් නිසා සිංහල දෙමල ජනතාවගේ සහජීවනයට කිසිදු බාධාවක් නොමැති බවත් දේශපාලනික විසඳුමක අවශ්‍යතාවයක් නැතිය යන ස්ථාවරය දරන්නන්ගේ අදහසයි .ශ්‍රි ලංකාවේ පැවැතියේ ත්‍රස්තවාදයක් බවට කිසිදු සැකයක් නැතත් , එය පසුබිමේ බ්‍රිතාන්‍ය පාලන යුගය දක්වා විහිදෙන දේශපාලනික පසුබිමක් ඇති බැව් අමතක කල නොහැක . උපතින් මිනිසත් වර්ගයට අයත්වූ මාතර සිරිදාසටත් , යාපනයේ රාමලිංගම්ටත් එකිනෙකාට වෛර කිරීමේ අවශ්‍යතාවයක් තිබුනේ නැත . ජාතිය ආගම හෝ භාෂාව මත කල්ලි සදාගන්නා මිනිසුන් ඉන් පරිභාහිර මිනිසුන් කෙරේ දක්වන ප්‍රතිවිරෝධයන් මිනිසා නැමැති දේශපාලනික සත්වයා විසින් මානව ඉතිහාසය පුරාවටම පෙන්නුම් කල ප්‍රාථමික දේශපාලනික ගුණාංගයක් ලෙසින් සටහන් කල හැක . සිංහල -දෙමල ජනතාවන්ගේ දුරස් වීම තුලත් මේ තත්වය අඩු වැඩි වශයෙන් පැවැතෙන්නට ඇති අතර බ්‍රිතාන්‍ය යුගයේ අවසන් භාගයේ සිට සිංහල -දෙමල ජනනායකයින් තුලින් ඉතා පැහැදිලි වශයෙන් දක්නට ඇත . ආරම්භකයා කවුරුන්ද යන්න පිලිබඳ බොහෝ මතවාදයන් පැවැතිය හැකි වුවත් සිංහල -දෙමල ජනනායකයින්ගෙ විරසකයන් ඔවුන් තම ජන කොට්ඨාශයන් තුල ජාති වාදී විෂබීජයන් පැතිරවීමට හේතුවූ බව ඒන් සියලු දෙනාටම පිලිගත හැකි කාරණාවක් බැව් සිතමි .ආරම්භකයා සිංහලයා හෝ දෙමලා ගෙන් කුමන වාර්ගිකයා වුවත් , දේශපාලකයින් විසින් ජනතාව තුල ඇති කල දේශපාලනික ගැටලුවකට දේශපාලනික විසඳුමක්ද තිබිය යුතුයි යන්නත් ඒලෙසින්ම පිලිගත හැකි කාරණාවක් විය යුතුය . දෙමල දේශපාලකයින් විසින් ඉතිහාසය පුරා මතුකල ගැටලු සැබැවින්ම දෙමල ජනතාවට තිබේ යැයි විශ්වාස කරන්නන්ට මෙන්ම එවන් ගැටලුවක් දෙමල ජනතාවට නැතැයි විශ්වාස කරන්නන්ටද ඉහත කී දේශපාලනික විසඳුමක් අවශ්‍යයය යන්නට එකඟ වීමේ හැකියාවක් ඇත , ඒ සැබැවින්ම නැතත් දේශපාලකයින් විසින් මවා පැ තත්වයක් මත හෝ දේශපාලනික විරසකයක් සිංහල - දෙමල ජනතාවන් අතර පවත්නා බැව් පිලිගැනීමෙනි . එම තත්වයත් ප්‍රතික්ෂේප කරනා අයෙක් වේ නම් එල්ටිටීයි සංවිධානයේ ත්‍රස්තවාදය නිසාවෙන්ම පමණක් දෙමල ජනතාව තුල කෙරුණු උසිගැන්වීම් හා සිංහල ජනතාව කෙර එල්ල වුනු ප්‍රහාරයන් නිසා වර්ථමානය වන විට දේශපාලනික ගැටලුවක් නිර්මාණය වී ඇති බවට හෝ නීරීක්ෂනයක් තිබේ නම් ඔහුටද දේශපාලනික විසඳුමක අවශ්‍යතාවය කෙරේ තම එකඟතාවය පල කල හැක

දේශපාලනික විසඳුම කාටද ?

විවිධ පුද්ගල දෘෂ්ටි කෝණයන්ට සරිලන ආකාර කිහිපයකින් දේශපාලනික විසඳුමක අවශ්‍යතාවය මා ඉහත ඡේදයේ සඳහන් කර ඇත . ඒ සියලු මතවාදයන් තුල දක්නට ලැබෙනා පොදු කාරණාව නම් මූලික වශයෙන් ගැට්ලුවක් නිර්මාණය කිරීමේ ලා වගකිව යුත්තේ දේශපාලකයින් බවය .නමුත් අවසනාවන්ත කාරණය නම් දේශපාලකයින් විසින් පැතිරවූ විසබීජ සමාන්‍ය ජනසමාජය විසින් ඩැහැගෙන වර්ධනය කරගැනීම හේතුවෙන් මේ වන විට විසඳුමක් අවශ්‍ය වන්නේ සමාන්‍ය ජනතාවටම වීමය . පසුගිය ජනාධිපතිවරණයේ සිට පැවැති සියලු මැතිවරණ වලදී දෙමල ජනයා ඡන්දය භාවිතා කල ආකාරයෙන් එම කාරණය තහවුරු වී ඇත .දෙමල ජනතාව රට තුල සුලුතරය වීම නිසා ඔවුන් දෙමල-සිංහල විරසකය තුල පිඩිතයා තමන් බැව් විශ්වාස කරනා අතර බහුතරය තමා වීම හේතුවෙන් උක්ත විරසකයෙන් තමන්හට ඇති අලාභයක් සිංහල ජනයා දකින්නේ නැත . නමුත් සත්‍ය තත්වය නම් දෙපාර්ශවයම දේශපාලකයින්ගේ ක්‍රිඩාවේ ඉත්තන් වී විරසකයෙන් පීඩ වින්දින්නන් බවයි . වෙනස ඇත්තේ එය දැනෙනා ප්‍රමාණය තුල පමණී . විසඳුමක් අවශ්‍ය වන්නේ සමාන්‍ය ජනයා කෙරේ වුවත් ගැටලුවට මුල් වූ ඓතිහාසික බාධකය තවමත් එසේමය . එනම් සිංහල දමිල දේශපාලකයින් ජනතාවට ඉහලින් ජනතාවගෙ නාමයෙන් විසඳුම් පිලිබඳ කථාකරමින් ප්‍රශ්නය තව තවත් බැරැරුම් කරමින් සිටී . දෙමල ජනතාව තුල සිංහල ජනතාව කෙරේ වෛරය පතුරවන දෙමල සංධානයත් , එම කාර්යයම දකුණේදි සිදුකරන හෙල උරුමය , ජානිපේ , දේශ හිතෛෂී ජාතික ව්‍යාපාරය වැනි සංවිධානත් මේ අතරින් රිංගා අලුත් ගැටලුවක් නිර්මාණය කරමින් සිටින හකීම් ඇතුලු මුස්ලිම් දේශපාලන පක්ෂත් සැබැ විසඳුමක් කරා යැමේ ඉහත කී ප්‍රධාන බාධකයන් ලෙස හඳුනාගත හැක

දේශපාලනික විසඳුමකින් සිදුවිය යුත්තේ කුමක්ද ?

දේශපාලනික විසඳුමක් තුල සාකච්ඡාවට බඳුන් විය යුතු මූලික කාරණාවන් කිහිපයක් හඳුනාගත හැක .

01)දෙමල-සිංහල ජනතාවන් අතර විරසකයේ සිංහල ජනසමාජීය පසුබිම හා විසඳුම්

02) '" " " " " """""""""""""""""""""" දෙමල ජනසමාජීය පසුබිම හා විසඳුම්

03) භාෂාමය ගැටලු හා විසඳුම්

04) පාලන අයිතින් - පාලන ව්‍යුහ හා ඒවායේ සංයුතීන්

05) සංවර්ධනයේ සම ප්‍රතිලාභ

06) පශ්චාත් යුධ සමයේ සිවිල් ගැටලු හා විසඳුම්

07) ජන සන්නිවේදන මාධ්‍යන් හා කලා නිර්මාණ තුලින් සහජීවනය

ලෙසින් මා එම අවශ්‍යතාවය්න් වර්ගීකරණය කර දක්වන අතර මේ පිලිබඳ වෙනස් ආකාරයේ අර්ථකතනයන්ද තිබිය හැක .

වර්ථමානයේ එම අවශ්‍යතාවයන් කෙරේ අවධානය යොමූ වී තිබේද ?

දේශපාලනික විසඳුම් පිලිබඳ කතිකාවන් කොතෙකුත් තිබුනත් මෙම මූලික කාරණා පිලිබඳ අවධානය යොමු කරනවාද යන්න සැක සහිතය . 01) හා 02) කාරණා පිලිබඳ විශිෂ්ට ප්‍රවිශ්ඨයක් වශයෙන් සැලකිය හැකිව තිබු උගත් පාඩම් කොමිසම එම කාර්යය අංග සම්පූර්ණව ඉටු කලා යැයි පැවසිය නොහැකි වුවත් එය යම් තාක් දුරකට හෝ යහපත් ප්‍රවණාතාවයක් ලෙස සැලකිය හැක .03) කාරණාව පිලිබඳ වසර ගණනාවක සිට විවිධා කාර විසඳුම් හා ක්‍රියාමාර්ග ගනිමින් තිබුනත් ඒවායෙ ප්‍රගති සමාලෝචනයක් සිදුවෙනවාද යන්නත් විකල්ප භාවිතාවන් පිලිබඳ සැලකිල්ලක් යොමු කර තිබෙනවාද යන්නත් ගැටලු සහගතය . විශේෂයෙන්ම සිංහලයාට දෙමල් ඉගැන්වීම හා දෙමලාට සිංහල ඉගැන්වීම වෙනුවට අන්තර් සන්නිවේදනය මාධ්‍යය ලෙස ඉංග්‍රිසි භාෂාව යොදා ගැනීම පිලිබඳ අවධානය යොමුවිය යුතු යැයි මාගේ විශ්වාසයයි .04) ආර්ම්භක අවධියේ සිටම වැඩි වශයෙන්ම කථා බහට ලක් කෙරෙන්නේ මේ පිලිබඳවය . ගැටලුව තුල දේශපාලකයාගේ ඍජු භුමිකාව දක්නට ලැබෙනා පාලන ව්‍යූහයන් පිලිබඳව අනන්තවත් සාක්ච්ඡා කර ඇතත් ඒවා මූලික ගැටලුවට විසඳුමක් ලෙස නොව තම තමන්ට වැඩි කුට්ටියක් ලබා ගැනීම වෙනුවෙන් කෙරෙනා තාක් කල් එයින් සිදුවෙනා යහපතක් නොමැත (වර්ථමානයෙ දෙමල සංධානය කරමින් සිටින්නේද මෙයයි ) . 05) මේ කාරණය කෙරෙහි රජය ඉහල අවධානයක් යොමු කර ඇතත් ඒ තුලින් පමණක් සාර්ථකත්වයක් ලබාගත නොහැකි බැව් මේ වන විට පැහැදිලි වී තිබේ . 06) වන කාරණයෙහිලා නම් වර්ථමාන තත්වය අතිශයින් කණගාටුදායකය . උතුරේ තවමත් මිල්ටරි පාලනයක් දක්නට ලැබෙනා අතර දකුණේ ඇතිවන පශ්චාත් යුධ කාලීන සිදුවීම් කෙරේ ද නිසි අවධානයක් යොමුවන බවක් පෙනෙන්නට නැත . 07) ශ්‍රි ලංකාවේ මාධ්‍යය හෝ කලාවන් ප්‍රධාන දේශපාලන ධාරාවෙන් ස්වායක්ත වී නොමැත . එනිසා රජයකට අවශ්‍ය මතවාදය රටතුල ව්‍යාප්ත කිරීමේ ලා මේවා රිසිසේ භාවිතා කරනා බවක් පසුගිය කාලය පුරාවටම දක්නට ලැබුණි . චන්ද්‍රිකා රජය සමයේ , සහ සටන් විරාම සමයෙත් සිවු වන ඊලාම් යුධ සමයේත් මේ තත්වය මැනවින් දක්නට ලැබුනි . නමුත් පශ්චාත් යුධ සමයේ පලුදූ සිත් එක් කිරීම වෙනුවෙන් එසේ මාධ්‍ය පෙල ගැස්මක් දක්නට නොලැබෙන අතර කලා කරුවන්ද පශ්චාත් යුධ සමයක සාකච්ඡා විය යුතු දේට වඩා පසුගිය සමයේ රූපවාහිනි නාලිකා හරහා යුද්ධය විකිණිමෙන් ඇතිවූ මානසිකත්වය තුල විකුණා ගත හැකි නිර්මාණ වල යොමුවෙනා බවක් දක්නට ඇත

13 හා 13+ නියමිත කතිකාව නොවන්නේ ඇයි ?

කලින් ඡේදයේ විස්තර කල පරිද්දෙන් කල යුතු දැ රාශියක් අතරින් වඩාත් ඉහලින් සාකච්ඡා කෙරෙනුයේ පාලන ව්‍යූහයන් හා සංයුතීන් පිලිබඳව පමණි . 13 හා 13+ වැනි මාතෘකාද අදාල වන්නේ ඒ සාක්ච්ඡා තුලයට .රජිව් ගාන්ධි නම් තකතිරු ඉන්දීය රාජ්‍ය නායකයා විසින් බලයෙන් අප මත පැටවූ ඉන්දියානු මොඩලයේ 13 වන සංශෝධනයෙන් ගැටලුවේ පාලන ව්‍යුහයන් පිලිබඳ අංශයටවත් නිසි විසඳමක් ලැබුනේ නැත (මාතලන්ගේ මේ ලිපියේ 13 පිලිබඳ වැඩි විස්තර අන්තර්ගතය ) . වර්ථමානයේ 13 + ගැන කතාබහක් ඇතිවන්නේද ඉන්දියානු බලපැම් සහ ඉන්දීය සහය අපේක්ෂාවෙන් 13හිම එල්ලී සිටිනා දෙමල සංධානය නිසාවෙනි .ජාත්‍යන්තර දේශපාලනයේ ඉන්දියානු බලය හා මානව හිමිකම් වැනි කාරණා වලදී ජාත්‍යන්තරව නාගැනීම නිසා ඉන්දියාව සතුවූ ශ්‍රි ලංකාව කෙරේ ආරෝපිත බලය නිසාවෙන් රජයද 13 වටේම කැරකෙමින් සිටිනා බවක් දක්නට ඇත. යුධ තත්වය අවසන් වූ වහාම රජයේ මූලිකත්වයෙන් විසඳුමක් සෙවීමේ අවංක ක්‍රියාමාර්ගකට යොමු වී නම් පාලන ව්‍යුහයන් පිලිබඳ පමණක් සාකච්ඡාවට ලක්කෙරෙනා 13 පිලිබඳ සාකච්ඡාවන් හෝ ඉන්දියාවෙන් පස්සට අනින තෙක් සිට 13 + ගැන කතිකාවන් අවශ්‍ය වන්නේ නැත . ජාත්‍යන්තර දේශපාලනයේ නා ගැනීම් නිසා රජය මේ වන විට ඉන්දියානු මොඩලයේ සිරවී තොණ්ඩුවේ එක් කොනක් දෙමල සංධානයටත් අනෙක් කොන මන් මෝහන් සිංටත් ලබාදී උඩ බලාසිටින තත්වයක් පෙනෙන්නට ඇත . 13 /13+ හෝ වෙනත් පාලන ව්‍යුහයක් පිලිබඳ විසඳුමකින් පමණක් විරසකවූ සිංහල -දෙමල ජනයා එක්වන්නේ නැත , තව තවත් දුරස් වනවා පමණය . දේශපාලනික විසඳුමක් යනු පාලන ව්‍යුහයක් පමණක්ය යන සිතිවිල්ලෙන් මිදී සමස්ථ ගැටලුව කෙරේ අවධානය යොමු කෙරේ නම් සිංහල - දෙමල ලෙස නොව ශ්‍රි ලාංකීය ජාතියක් ලෙස නැගී සිටීමේ හැකියාවක් ලැබෙනු ඇත . දැනටමත් අප බොහෝ ප්‍රමාදය , තව තවත් ප්‍රමාද වීමෙන් පසුතැවිල්ලක් පමණක් ඉතිරිවනු ඇත

Image From Read sri Lanka
------------------------------------------------------------------------------------------------------------

ආලකමන්දාවෙන්
01) A Porn Star in Bollywood
02) DON 2 in 3D
03) Silhouettes
04)Jonny English

ෆොන්සේකා අන්කල්ගේ නිදහස් වීමට අකමැති කස්ටිය

2012-01-07T20:20:00.000+05:30

ෆොන්සේකා අන්කල් නිදහස් කරගැනීම ගැන මේ දිනවල ගොඩ දෙනෙක් කථාවෙනවාය . අපේ විපස්ස නායක අන්කල් ,අලස් අන්කල් , වෙන්ට විපස්ස නායක අය්යා පමණක් නොව වීරවංශ අන්කල්ද කථා කරන්නේ ෆොන්සෙකා අන්කල්ගේ නිදහස ගැනය . නිදහස හම්බු වේද නැද්ද කියන්නට දන්නේ නැතත් ෆොන්සේකා අන්කල් නිදහස් වෙනවාට බය කට්ටියක් නම් පේන්නට තියනවාය මේ ලියන්නට යන්නේ ඒ ගැනය

ලිස්ට් එකේ උඩින්ම ඉන්නේ අපේ මහරජතුමා අන්කල්ය , කොටින්ම ෆොන්සේකා අන්කල් හිරේ ලගින්නේත් මහරජතුමා අන්කල් නිසාය . ඒක එහෙම නෙවේය වරදට දඬුවම් දෙන්නට ඕනැය කියා තර්ක කොරන්නට පුලුවන් වුනත් . මිනිමරුවන් ස්ත්‍රි දුෂකයින් එලියේ ඉත්දී , පෙලක් එවුන්ගේ නඩු ඉල්ලා අස් කරගනිත්දී , ඒ තියා තොග පිටින් මිනි මැරු කොටි නායකයින් එලියේ ඉත්දී ෆොන්සේකා අන්කල් බැටරි කැලි වගයකට හා කට වැඩි වීමට (කට නම් කොහොමටත් පොඩ්ඩක් අප්සැට්ය ) හිරේ ලගින්නේ ඒකය . මුල් තත්වය එහෙම වුනත් දැන් නම් ෆොන්සේකා අන්කල් එලියේ සිටිනා තරමට මහරජතුමා අන්කල්ට වාසි බවකුත් පේන්නට ඇත . නමුත් තාමත් කල් මරමින් ඉන්නේ හිතේ චුට්ටං බයක් හෝ තියෙන නිසා වෙන්නට බැරි නැත .කියන්නට බැරිය , තත්පර දහයේ ක්ලිප් එකෙන් වැඩ පෙන්වන ෆොන්සේකා අන්කල් හතරගාතෙන් වැටී ඇති විපස්සයට පණ දී රජතුමා අන්කල්ට ගේමක් දීමටද බැරි නැත . එහෙම වුනොත් ඒක ඉතිහාසගත වන මට්ටමේ ඉල්ලං කැමක් වනවාය

ෆොන්සේකා අන්කල් එලියට එනවාට ඊලඟට බයවෙන්නේ අපේ විපස්ස නායක අන්කල්ය . උන්නැහෙගේ නායකත්වය අම්බානක පීචං වෙලා තියෙත්දී ෆොන්සේකා අන්කල් එලියට එන එකෙන් වැඩේ තවත් කචල් වෙන්නට තියෙන ඉඩ කඩ වැඩිය . ෆොන්සේකා අන්කල් යූඇන්පියට ගත්තොත් සජිත් අය්යා , කරු අන්කල්ට අමතරව තවත් පොරක් නායක පුටුවට ගේම දෙන්නට සෙට් වෙන්නට ඉඩ ඇත . විසිල් විතරයි වැඩ නැති සජිත් අය්යාටත් , පතෝල මොඩල් කරු අන්කල්ටත් වඩා හිටපු ආමි කමාන්ඩර් දරුණු වෙන්නටද පුලුවන්ය . අනෙක් අතට ෆොන්සෙකා අන්කල් යූ ඇන්පියට නොගත්තොත් උන්නැහේ "විකල්ප බලවේගයක්" හදනවාය(හදන්නට ඉඩ තිබෙනවාය ) . විපස්ස නායක අන්කල්ගේ බොනපාට් ඇක්ටින් නිසා යූඇන්පියෙන් කොටසකුත් ඒ විකල්පයට ගියොත් මෙතෙක් කාලයක් රැකගත් විපක්ෂනායක පට්ටමටත් බබා හම්බුවිය හැක .

සෝමවංශ අන්කල් ඇතුලු ජවිපේ නායකයින්ද වැටෙන්නේ අලි අමාරුවකය . යාන්තං කැරලි කාරයින් ගේ කරදරයෙන් ගොඩ ආ ගමන් ෆොන්සේකා අන්කල්ගේ විකල්ප බලවේගයට එක්වෙන්නට වුනොත් ඉතුරු ජෙප්පන් ටිකද නවතින්නේ කැරලි කණ්ඩායමේය . ෆෝන්සේකා අන්කල්ගේ කරපිටින් පාර්ලිමෙන්තුවට ආ නිසාත් , ෆොන්සේකා අන්කල් නිදහස් කරන්නය කියා බෙරිහන් තලන නිසාත් එහෙම එකක් හැදුවොත් නොයා කර අරින්නත් බැරිය

ඊලඟට බය වෙන්නේ වෙන්ට විපස්ස නායක සජිත් අය්යාය , ෆොන්සේකා අන්කල් එජාපයට ආවොත් ඒ නියෝජ්‍ය පට්ටමකටය . නියෝජ්‍ය පට්ටමේ ඉඳන් නායක පුටුවට යන්නට ෆොන්සේකා අන්කල් එක්ක ගේමක් දෙන්නට සිදුවුනොත් විපස්ස නායක අන්කල්ටවත් ගේමක් දීගන්නට බැරි සජිත් අය්යාට ගම් මට්ටමේම පිහිටය . ෆොන්සේකා අන්කල් ගේ විකල්ප බලවේගය ක්‍රියාත්මක වුනොත් විපස්ස නායක අන්කල් එක්ක හිටියා ඇති අපිත් අරකට සෙට් වෙමුය කියා කියන සෙට් එකක් යූඑන්පියේ ඇතිවෙනවාමය . ඒ සෙට් එක අයත් වෙන්නේ සජිත් අය්යාගේ පිලටය . ඉතින් සජිත් අය්යාට එක්කො විකල්පයට යන්නට වෙනවාය , නැත්නම් විපස්ස නායක අන්කල් එක්ක අලියා පිටේම ඉන්නට වෙනවාය . විකල්පෙට ගියොත් තාත්තාගේ පම්පොරියට වැලිඩිටි එකක් නැතුව යනවාය , තියෙන ඡන්ද පදනමත් අනතුරේය , අනෙක් අතට නායකත්ව හීනයත් කල්දාන්න වෙනවාය . සැහෙන පිරිසක් විකල්පෙට යත්දී නොගිහින් හිටියොත් විපස්ස නායක පට්ටමටවත් ඒම සැක සහිතය

අපේ ලොකු අය්යා නොහොත් අල්ලපු රටටද ෆොන්සෙකා භීතිකාවක් තියන්නෙට පුලුවන්ය . රජතුමා අන්කල් හා ෆොන්සේකා අන්කල් කෙටෙව්වෙත් ලොකු අය්යාගේ ඔත්තු කාරයින්ය කියලාත් කියනවාය . සෝනියා නැන්දාගේ ප්‍රචාරක කොම්පැනිය රජතුමාගේ ඡන්දෙට එවලා දිනවා දුන්නෙත් ඒ නිසා කියාත් කියනවාය . කොහොමටත් ගෙම්බර් , සාකච්ඡා , සම්මුති , දිය යටින් ගින්දර ආදි නොයෙකුත් වශයෙන් අපේ වැඩවලට හොටදාන ලොකු අය්යා හිටපු ආමි කමාන්ඩරයෙක් රටේ දේශපාලනයේ පොරක් වෙනවාට කැමැති වන්නේ නැය

වීරවංශ අන්කල්ටත් බය වෙන්නට කාරණා ඇත .ඒ ෆොන්සේකා අන්කල්ගේ ඝාතන ලැයිස්තුව ගැනය . ඒක නම් එච්චර සිරියස් නැය . මොකද ෆොන්සේකා අන්කල් කියන්නේ ගැරඩි මරන්නේ නැ කියාය(ෆොන්සේකා අන්කල්ගෙ කට කොහොම වුනත් ඒ කථාව නම් පට්ටය , පහලින් ඇත්තේ ඒ ක්ලිප් එකය ) .

මේ ලියා තියෙන්නේ වෙන්නට පුලුවන් කාරණා ස්වල්පයක් ගැන විතරය . මේවා මෙහෙමම වෙන්නේ නැතත් ෆොන්සේකා අන්කල් එලියට එනවාට බය එක කොට්ටාශයක් හෝ ඉන්නවා කියන එක නම් පැහැදිලිය . අනේ අපිට නම් එහෙම බයක් නැය . ඇත්තෙන්ම බොහෝ දෙනා ෆොන්සේකා අන්කල් එලියට එනවාට මනාපය . ඒ උන්නැහේට කතිරය දුන් නිසාම නොවේ. රටට සේවයක් කල මිනිහෙක් හිරබත් කන එක ගැන තියෙන කණගාටුව නිසාය අනෙක් අතින් හිරේ ඉන්නට සුදුසු උන් තොග පිටින් එලියේ ඉන්න නිසාය .

රජතුමා අන්කලුත් විපස්ස නායක අන්කලුත් දේශපාලන ක්‍රිඩාවේ කෙල පැමිනි මොල කාරයින්ය (රජතුමා අන්කල් රටකරවත්දිත් , විපස්ස නායක අන්කල් ඡන්ද කොරත්දිත් ඒවා මතුනොවීම වෙනම කථාවකි ) . ෆොන්සේකා අන්කල්ගෙන් තමන්ට කරදරයක් නොවෙන්නට වැඩ කටයුතු සලස්වාගන්නට මේ දෙන්නාටම හැකිය . එකතු වී කෝපි කෝප්පයක් රසබලමින් ගේම් ප්ලැන් එකක් ගසන්නටද බැරි නැය . මේ ආසියාවේ ආශ්චර්යය . මෙහේ වෙන්නේ ලෝකේ කොහෙත් නොවන දේවල්ය , එනිසා බලාසිටීම වඩා යහපත්ය (මේ ලිපිය ලිව්වේ නිකා ඉන්නට බැරි ක්මටය .) . පහල රූපයේ තියෙන්නේ ආශ්චර්යය කියා පානා තවත් එක් රූපයක්ය

බල්ලන් සහ මැක්කන්

2012-01-05T20:52:00.002+05:30

ආචාර්ය සිල්වා ගේ ගෝලබාලයන් පිරිස ඔහුට එරෙහී වී ඇත . "අපිට ඒ ගැන ලැජ්ජයි" , "අපි ඒ දවස් වල කොන්දක් තිබුනේ නැ" වැනි දේශපාලකයෙකුගේ මුවින් කිසිලෙසකින් හෝ පිටවිය නොහැකි වැකි ඔවුන්ගෙන් පිට වනවා දක්නට ලැබිනි . ආචාර්ය සිල්වාගේ ගෝලයන් අහවල් පාට වැන් වලින් උස්සන් යෑම ඇතුලු රංගනයන් කිහිපයක් පසුගිය සමයේ දක්නට ලැබුනු අතර තිරය පිටුපසද ඊට වඩා සැහෙන කෙලියක් සිදුවී ඇති බවටද උපකල්පනය කල හැක . මන්ද බල්ලාගෙන් යැපෙන මැක්කන් ලේසියෙන් බල්ලාට විරුද්ධ වන්නේ නැත . ආචාර්ය සිල්වා පැවැත්වූ මාධ්‍ය හමුවේදී සුපුරුදු පරිදි තම ගොන්කම ප්‍රදර්ශනය කරමින් පැවැසුවේද බල්ලන් හා මැක්කන් ගැනය . ඔහු කියන්නේ බල්ලන් සමඟ නිදියන්නට ගොස් මැක්කන් සමඟ නැගිටීමට තමන්ට සිදුවී ඇති බවකි . බල්ලන් හෝ බල්ලන් සමඟ ලගින්නන් තුරුලට ගත්විට සිදුවන්නේ කුමක්ද යන්න ආචාර්ය නොවන සිල්වා අපුරුවට පෙන්වා ඇති වටපිටාවක බල්ලන් සහ බල්ලන් සමඟ ලගින උන් ගැන බරපතල ලෙස සිතීමට ලොකු තැනට සිදුවනු නියතය . මන්ද බල්ලන්ගේ පමණක් නොව මැක්කන්ගේ කෙරුවාවෙන්ද කෙලවෙන්නේ එතුමානණ්ටය , තංගල්ලේදී එයද අපුරුවට රඟදක්වා ඇත . බල්ලන් පිලිබඳ නිසි පියවර ගතහොත් මැක්කන්ගේද කෙරුවාවද අවසන් වනු ඇත . පසුගිය දිනක යාපා (ජුනියර් ) අමාත්‍ය තුමාද අවධාරනය කලේ බල්ලන්ගේ කෙරුවාවන් ගැන ය .රජතුමනි මේ බල්ලන් පිලිබඳ සෙවීමට කාලයයි !

සැ,යූ - මෙහි බල්ලා යනුවෙන් අදහස් කර ඇත්තේ කකුල් හතරේ ක්ෂිරපායි සතෙකු වූ මිනිසාගේ හොඳම මිතුරා නොවේ , සිහල ජන වහරේ එන අනික් 'බල්ලා' ය

------------------------------------------------------------------------------------

සිනමාවට සංගීතයට ආදරය කරන ඔබවෙනුවෙන් සැකසුන ආලකමන්දාව ගැන වැඩිවිස්තර දැනගන්න පහත සබැඳිය භාවිතා කරන්න ,

http://buwagesithuvili.blogspot.com/2012/01/blog-post.html

ආලකමන්දාව - නව වසරේ වින්දනීය අලුත් වැඩක් (ඔබටත් දායක විය හැකියි )

2012-01-01T16:45:00.000+05:30

සාමය සතුට සපිරි සුභ නව වසරක් වේවා කියල සියලුදෙනාටම සුභ පතන ගමන් අලුතින් අතගහපු වැඩක් ගැන කියන්නයි සුදානම . මේක විවිධාකරයේ බ්ලොග් ලියන /කියන ඕනැම කෙනෙකුට ගැලපෙන සහ දායක වෙන්න පුලුවන් වැඩක් . ඔව්.. අලුත් බ්ලොග් අඩවියක් තමයි .සිනමාව හා සංගීතය පමණක් විෂය වෙච්ච මේ බ්ලොග් අඩවියේ නම "ආලකමන්දාව " (මේ නම කොයිතාක් දුරකට ගැලපෙනවාද කියල නම් දන්නේ නැ ) . පහුගිය සතියේ ලියපු 2011 වසරේ හිතගිය ගීත ලිපියත් එක්ක තමයි මේ අදහස මුලුන්ම හිතට එන්නේ . ඒ වගේම අපේ මාතලන් අය්යගේ අලුත් පින්තුර බ්ලොග් එකත් වෙනස් දෙයක් කලයුතුයි කියල හිතන්නට පෙලඹවීමක් කලා කිව්වොත් නිවැරදියි . සාමාන්‍යෙන් සිංහල බ්ලොග් අවකාශය තුල දකින්න අඩු Blogger Dynamic Views තමයි මේ බ්ලොග් එකට භාවිතා කලේ . බ්ලොග් අඩවියේ තේමාවන් එක්ක Dynamic Views වඩාත් හොඳින් ගැලපෙනව කියලයි මගේ කල්පනාව . දැනට Magazine View තේමාව එක විදිහට භාවිතා කරල තියනව . කැමති කෙනෙකුට කැමති අකාරයෙන් භාවිතා කරල බ්ලොග් අඩවිය කියවන්න , හැකියාව තියෙයි(sidebar view එක වඩාත් වේගවත් ) . පහල තියෙන්නෙ බ්ලොග් අඩවියට සබැඳිය , ගිහින්ම බලන්නකො

http://alakamandhawa.blogspot.com/

මොනවද ආලකමන්දාව බ්ලොග් එකේ තියෙන්නෙ?

ආලකමන්දාව වෙන්වෙලා තියෙන්නෙ සිනමාව හා සංගීතය පිලිබඳ තොරතුරු වලට . ඉස්සරහට එන සිනමා නිර්මාණයක් , බලපු සිනමා නිර්මාණයක් හෝ රස විඳපු ගීතයක් වගේම කලාකරුවන්ගේ තොරතුරක්(අරය මෙයා එක්ක බුදිය ගත්ත වගේ ඕපදූප නෙවෙයි උපන්දිනයක් , විවාහයක් දරු උපතක් වගේ වැදගත් කාරණා ) වුනත් ආලකමන්දාවට එකතු වෙන්න පුලුවන් . භාෂා හෝ දේශ සීමා බේදයක් නැ . ලෝකේ ඕනිම රටක , ඕනිම භාෂාවකින් කෙරුණු නිර්මාණයක් පිලිබඳ සටහනක් ආලකමන්දාවට එකතු වෙන්න පුලුවන් . දැනට බොහොම සරලව "සාම්පල්" මට්ටමේ ලිපි කිහිපයක් පල කරල තියනව . එක්ක බ්ලොග් අඩවියේ වැඩ කටයුතු සිද්ධ වෙන්නෙ කොහොමද කියල බලාගැනීම වෙනුවෙන් . දැනට තියන ආකාරයේ කුඩා සටහන් වගේම විස්තරාත්මව ලියවුනු විචාරත් ඉදිරියෙදි දකින්න පුලුවන්

ඔබගේ දායකත්වය

කලිනුත් කිව්වා වගේ මේකට ඕනි කෙනෙකුට දායක වෙන්න පුලුවන් . සිනමාව හා සංගීතය කියන්නෙ ඕනිම කෙනෙකුගේ ජීවිත වල අංගයක් නිසා තමන් රසවිඳපු නිර්මානයක් ගැන හෝ ඉදිරියේදි රසවිඳින්න බලාපොරොත්තුවන නිර්මාණයක් ගැන සටහනක් ලියාල දායක වෙන්න හැකියාව තියනව .

එතනදි ක්‍රම දෙකකට වැඩේ කරගන්න පුලුවන් ,
01) කතුවරත්වය ලබා ගැනීම - ඒ කියන්නේ ආලක්මන්දාව සමුහ බ්ලොග් අඩවියක් කරන්නට දායක වීම . කතුවරත්වය ගන්න කැමති කෙනෙකුට තියෙන්නෙ පහල තියන ඊ මෙල් ලිපිනයට ඊයක් දාන එක . ආරාධනාව ලැබෙයි . ඊට පස්සෙ තියෙන්නේ තමන් ගේ රසවින්ඳන අත්දැකීම් බෙදාහදාගන්න එක විතරයි

02) කතුවරත්වයක් ඕනි නැති , එත් ඉඳල හිටල මොනව හරි ලියල එවන්න කෑමති කෙනෙකුට දීල තියන ඊ මෙල් ලිපිනයට ම ඒ ලිපි එවන්න පුලුවන් . එතනදි තමන්ගෙ බ්ලොග් අඩවියකට හෝ සමාජ ජාල ප්‍රොෆයිලකට ලින්ක් එකක් දාල තමන් කව්ද කියල පාඨකයින්ට කියන්න පුලුවන් වගේම එහෙම අකමැති නම් නිර්නාමිකව ලිපිය විතරක් පලකරන්නත් පුලුවන් (ඊමේලය එවන කොට් වෙන්න ඕනි කොහොමද කියල ලියල එව්වාම හරි )

සමහර පිස්සු පොරවල් කරන වැඩ නිසා ඊමෙල් ලිපිනයන්ගේ පුදගලිකත්වය ආරක්ෂාවේද කියල කෙනෙකුට බයක් තියෙන්න පුලුවන් . ඒ නිසා මම බොහොම වගකීමෙන් පොරොන්දු වෙනව . ඔබගේ ඊමෙල් ලිපින වෙනත් පාර්ශවයන් සතු කරන්නේ හෝ වෙනත් ප්‍රචාරක ඊමෙල් ආදිය එවන්නට යොදාගන්නේ නැතය කියල . දැනට බ්ලොග් ප්‍රමෝ බ්ලොග් එක වෙනුවෙන් ඊමෙල් එවපු අය ගේ ඊමෙල් ලිපින වලට අදාල පිලිතුර හැරෙන්නට වෙනත් කිසිම ඊමෙල්යක් එවා නැති බවටත් , මේල් ලිස්ට් හදලා ස්පැම් කරල නැති බවටත් ඒ ඊමෙල් එවාපු අය සහතික වනවා ඇති

ඊමෙල් ලිපිනය - buwa74@yahoo.com

(දැනට මගේ තියන ලිපිනයම භාවිතා කරනව , ගොඩ දෙනෙක් වැඩේට එකතු වෙනවා නම් මේකට අමතරව වෙනත් ආලකමන්දාව වෙනුවෙන් ම ඊමෙල් ලිපිනයකුත් සකසා ගන්න පුලුවන් නේ )

ආලකමන්දාවේ ප්‍රතිපත්ති

රට කරවන /කරවන්න ඉල්ලන උන්ටත් ප්‍රතිපත්තියක් නැති එකේ අපිවත් ප්‍රතිපත්තියකට අනුව වැඩ කරන්න එපායැ . සාමුහික බ්ලොග් එකකට සහ පාඨක ලිපි වලට ඉඩ හසර තියන නිසා පහත ප්‍රතිපත්ති මාලාව අනුගමනය වෙනවා

01)තමා විසින් ලියන ලද දෙයක් වීම - ඒ කියන්නේ වෙන කෙනෙක් ලියපු දෙයක් කොපි කරලා නොදැමීම කියන එක . වෙනත් අඩවියකින් (සිංහල හෝ වෙනත් ) .යමක් උපුටා ගන්නවා නම් අදාල මුලාශ්‍රය සඳහන් වීම වඩාත් හොඳයි

02) නීති විරෝධී සබැඳි භාවිතා නොවේ - බුද්ධිමය දේපල අයිතිය උල්ලංඝනය කරන වෙබ් අඩවියකට ලින්ක් එකක් දැමීමත් ඇත්තෙන්ම නීතියෙන් තහනම් . ඒ නිසා ඒවා ඕනි නැ . ඒවා ලබාදෙන බ්ලොග් අඩවි ඕනි තරම් තියනවනේ . අනික චිත්‍රපටියක් ගැන විස්තරය දැක්කාම ඒක බාගන්න අන්තර්ජාලය භාවිතා කරන අයට පුලුවන්නේ , ඒ නිසා ඒවා ඕනි නැ

03) නිදහස් අදහස් - තමන්ට කැමති ඔනිම ආකාරයට ඕනිම දෙයක් ලියන්න පුලුවන් , බ්ලොග් එකේ විෂයට අදාලව . කිසිම ලිපියක් වෙනස් කරන්නේ හෝ පල නොකර සිටින්නේ නැ , විෂයට අදාලව ලියවෙනවා නම් . කුණුහරුප කියල සම්මත එව්වා ලියන්න අවශ්‍යතාවයක් ඇතිවුනොත් අකුරු පොඩ්ඩක් අඩු කරල දාන එකයි හොඳ. වැඩිහිටියන්ට වඩාත් සුදුසු දෙයෙක් ගැන ලියවෙනවා නම් ලිපියේ හෙඩිමට පොඩි අනතුරු ඇඟවීමක් එකතු කරන්න වෙයි

04) ලේබල භාවිතාවේදි පුලුවන් තරම් විශාල කැටගරි තෝරගන්න - කලාකරුවන්ගේ නම් සටහන් කීරීමෙදි වඩාත් ප්‍රසිද්ධ තරු මට්ටමේ අයගේ විතරක් සටහන් කරමු . කොහොමටත් අලුතෙන් ලේබල් හදන්න කලින් තියන ලේබල්ම යොදාගන්න බලන එක හොඳයි . ලේබල් නම් අවශ්‍යතාවයක් වුනොත් සංශෝධනය කරන්න වෙනව

05) ලියන අයට තියන අයිතියම පාඨකයින්ටත් - ලියන අයගේ නිදහසම කියවන අයටත් තියෙයි කියල මම විශ්වාස කරනව . ඒ නිසා සැම ලිපියකටම ඇනෝ කමෙන්ට් ආදිය විවෘතයි . අත්‍යාවශ්‍යම අවස්ථාවක හැර කමෙන්ට් මැකීමක් කෙරෙන්නෙත් නැ

06) ඕනි භාෂාවක් - ඕනි භාෂාවක් කිවට සිංහල ඉංග්‍රිසි සහ දෙමල තමයි . දෙමල භාෂාව දන්න කෙනෙක්ගේ සහය අවශ්‍යවෙයි දෙමල භාෂාවෙන් ලිපි ආවොත්

07) ඡායාරූප හා විඩියෝ - යූ ටියුබයෙන් විඩියෝ පල කරන්න වගේම තමන් කථා කරන නිර්මාණය ගැන ඡායාරූපයක් පලකරන්නත් කටයුතු කරනවා නම් , බ්ලොග් එකේ වගේම ලිපියෙක් අලංකාරවත් බව සුරැකේවි . ඡායාරූප ඉඩ ප්‍රමාණය සම්බන්ධ ගූගල් දෙය්යන්ගේ නීති රිති මෙතනින් ගිහින් බැලුව හැකි . දැන් නිති අලුත් වෙලා නිසා චිත්‍රපටි පොස්ටර් වගේ පුංචි ඒවා නොමිලේ දෙන ඉඩ ප්‍රමාණයට අමතරව ලැබෙන කොටසට අයත් වීම එක වාසියක් . ගුගල් + කට්ටියට මේ පහසු කම් තවත් වැඩියි . කෝකටත් කියල තමන්ගේ පිකාසා ගොනුවේ Storage එක ගැන අවධානයෙන් ඉන්න එක හොඳයි

08)එකම් දේ ගැන ලිපි - සිනමා පටයක් හෝ ගීතයක් ගැන පුද්ගලයින් දෙන්නෙක් අදහස් සම්පූර්නයෙන් වෙනස් වෙන්න පුලුවන් , ඒ නිසා කලින් ලියවිලා තියන චිත්‍රපටියක් හෝ ගීතයක් ගැන තමන්ගේ අදහස නැවතත් සටහන් කරන එක කිසිම ප්‍රශ්නයක් නැ

ඔන්න ඔය කාරණා තමයි දැනට සටහන් කරන්න තියෙන්නෙ

ඔබගේ දායකත්වය

ඕනැම අලුත් බ්ලොග් අඩවියකට අවශ්‍ය වන පරිදි ගොඩ දෙනෙක් අතරට ගෙන යාමට තමයි පාඨක ඔබගේ සහය බෙහෙවින් වැදගත් වෙන්නෙ . , ආලකමන්දාවේ ලිපි මුණුපොත ගුගල් + ආදියේ ශෙයා කරන්න , බ්ලොග් රෝලට දමා ගන්න ආදි වශයෙන් සහය පලකරන්න පුලුවන් . අර උඩින්ම දාල තියන රූපය (ඒක කැතද මන්දා ) එක්ක ආලකමන්දාවට ලින්ක් එකක් දෙන්න කැමති නම් පහල කෝඩ් එක භාවිතා කරන්නත් පුලුවන් . හැකි අයුරින් සහය ලබා දෙන්නය කියල බොහොම ආදරයෙන් ඉල්ලා සිටිනව .


<a href="http://alakamandhawa.blogspot.com" ><img src="http://1.bp.blogspot.com/-JVFtlsOjO9s/Tv_myflyE5I/AAAAAAAAAaw/tMZ2uQ1c4O8/s1600/logo.png" alt="Alakamandhawa" title="Alakamandhawa" width="200" height="120" border="0" /></a>

කෝඩ් එක දැම්මාම එන රූපය (size 200*120px)

බ්ලොග් අඩවිය ප්‍රචාරය කරන්න විතරක් නෙවෙයි , ඉඳල හිටල ඊමෙල් ලිපියකින් හරි දායක වෙන්නය කියලත් ඉල්ලා සිටින්න කැමතියි .

අවසන් ප්‍රශ්නය , කාටවත් ආලකමන්දාවට ලිපි ලියන්න අවශ්‍යයි කියල හිතුනේ නැත්නම් ? .. එහෙම වුනත් ආලකමන්දාව මගේ තනි උත්සාහයක් ලෙසින් හෝ පවතිවි / කොහොම වුනත් තමන්ගේ රසවිඳනයන් බෙදා හදාගන්න කැමති කිහිප දෙනෙකු හෝ මේ වැඩේට එකතු වේය කියලයි මම විශ්වාස කරන්නේ
--------------------------------------------------------------------------------------------------------
ප.ලි - කාර්යබහුලත්වය නිසා පහුගිය කාලේ බ්ලොග් ප්‍රමෝවට ඉල්ලීක කරපු අලුත් බ්ලොග් අඩවි කිහිපයක් ගැන ලිවීම අතපසු වෙලා තියනව(හැකි ඉක්මනට ඒ වා සම්පූර්න කරනවා ) . ඒ ගැන කණගාටුව පල කරන අතරම අලුත් වැඩක් පටන් ගත්තාය කියල ඒක නවතින්නේ නැ කියන එකත් සඳහන් කරන්න ඕනි

ප.ලි - අනුන්ගේ කලා නිර්මාන විතරක් නෙවෙයි , අනික් අයත් බෙදාගන්න කැමති තමන් කරපු ගීතයක් , විඩියෝ කැල්ලක් වගේ දෙයක් වුනත් එකතු කරන්න බැරි කමක් නැ .

ආණ්ඩුව නරකයි,චම්පික හොඳයි ,විමල් හොඳා......යි

2011-12-29T20:39:00.000+05:30

සියතින් ගෙල සිඳගැනීමේ එජාප ආදර්ශය සන්ධාන රජය විසින්ද අනුමනය කරන්නට යෙදී ඇති බවක් පෙනෙන්නට ඇත . නව තීන්දු තීරණ ක්‍රියාත්මක කිරීමේදී පමණක් නොව රටක ඒදිනෙදා කර්තව්‍යයන් වූ විභාග ප්‍රතිඵල නිකුත් කිරීම වැනි දැ වලදී පවා සන්ධාන රජය හත් පොලේ ගාගනිමින් සිටිනා බවක් පැහැදිලිව දක්නට ඇත . මේ අතර බොර දියේ මාලු බාන්නට සැරසෙනා කුහකයින් පිරිසකගෙ ක්‍රියාකාරීත්වයක් රජය තුලින්ම පැන නැගෙනා බවක් දක්නට ඇති නිසා ඒ පිලිබඳ කෙටි සටහනක් එක් කල යුතු යැයි සිතුවෙමි

මුස්ලිම් , දෙම්ල අන්තවාදීන් සමඟින් සිංහල ජාතීවාදිනුත් ,සාම්ප්‍රදායික වාමාංශිකයින් සමඟින් නව ලිබරල් වාදීනුත් වශයෙන් විවිධාර මතවාදයන් දරන පුද්ගලයින්ගේ සම්මිශ්‍රණයක් වූ රජයක් තුල විවිධා කාර ගැටුම් ඇතිවීම ස්වාභාවිකය . විශේෂයෙන් රජය තම ජනප්‍රියත්වයේ "පීක්" එකේ සිට පල්ලම බසිනා යුගයක එවන් තත්වයන් සුලභය . නමුත් වර්ථමානයේ රජයේ ඇතැම් පාර්ශව ඉන් එහා ගොස් තමන් පමණක් පොරවීමේ ක්‍රියාවලියක සිටිනා බවක් දක්නට ඇත .රජයේ කැබිනට් අමාත්‍යවරුන් වූ විමල් වීරවංශ සහ චම්පික රනවක මහත්වරුන් සාමාජිකත්වය දරනා ජාතික නිදහස් පෙරමුණා හා හෙල උරුමය මේ පාර්ශවයන් ලෙස මූලිකව හඳුනාගත හැක . මේ අතරිනුත් ජාතික නිදහස් පෙරමුන මේ "පොර උන්මාදයෙන්" පෙලෙනා බැව් පැහැදිලිව දක්නට ඇත

විමල් වීරවංශ අමාත්‍යවරයා රජයේ ක්‍රියාපටිපාටින් කිහිපයක් විවේචනයට ලක් කර ඇත . ඒ අතර ප්ලාස්ටික් කූඩ නීතිය , අධිවේගී මාර්ගය , විභාග ප්‍රතිඵල , මෙන්ම ගෙන ඒමට නියමිත නව උසස් අධ්‍යාපන පනතද ඇත . මේවා පිලිබඳ ඕනැම පුද්ගලයෙකුට විවේචනයන් තිබිය හැක . එහි ගැටලුවක් නැත . නමුත් රජයේ කැබිනට් අමාත්‍යවරයෙකු සතුව කැබිනට් මණ්ඩලයේ තීරනයන් වෙනුවෙන් සාමූහික වගකීමක්ද ඇත . නව නීතියක් කැබිනට් මණ්ඩලයට ඉදිරිපත්වෙදී විරෝධය පල කිරීමටත් ඒ පිලිබඳ තමාගේ තර්කයන් කැබිනට් මණ්ඩලයේ අනෙකුත් සමාජිකයන්ට ඒත්තු ගැන්වීමටත් ඕනැම කැබිනට් අමාත්‍යවරයෙකුට හැකියාවක් ඇත .කැබිනට් මණ්ඩලය තුලදී තම මතවාදය පරාජය වුවහොත් පාර්ලිමෙන්තු මන්ත්‍රි වරයෙකු වශයෙන් තම විරෝධතාවය පාර්ලිමෙන්තුව තුලදී ප්‍රකාශ කරන්නටත් ඡන්දය දීමෙන් වෑලකිසිටිමටත් හැකියාවක් ඇත . නමුත් වීර වංශ ලා මේ අවකාශය ප්‍රයෝජනයට ගන්නා බවක් පෙනෙන්නට නැත . කැබිනට් මණ්ඩලය තුලදී ජනපතිවරයාට බියෙන් නගුට දෙපරංශයේ ගසාගෙන සිටිනා මොවුන් පාර්ලිමෙන්තුවෙන්ද කට්ටි පනිනවා මිස පාර්ලිමෙන්තුව තුල රැඳි සිටිමින් විරෝධය පලකිරිමට තරම් එඩිතර බවක් පෙන්වා නැත

විරෝධය පල කල හැකි තැනදී නිහඬව සිටිනා මොවුන් කැමරා හා මයික් පොලු ටිකක් ඉදිරියේදී දේශප්‍රේමය හා අධිරාජ්‍යවාදි කුමන්ත්‍රණද සිදුවීමට පටලවා බෙරිහන් දෙන තත්වයක් දක්නට ඇත . කෙලින් කියන්නට බැරි තැනදී විකල්පයන් භාවිතා කරනා බවක්ද දක්නට ඇත

පලමුවෙනි විකල්පය පක්ෂයේ වෙනත් පුද්ගලයින්ලව කියවීමයි .ආසන්නතම උදාහරණය ඊයේ දක්නට ලැබිනි . ප්ලාස්ටික් කූඩ සිදුවීමෙදීත් මේම කාර්යය වෙනුවෙන්ම කරලියට පැමිනි පුද්ගලයෙකුත් ඊට පෙර දිනයේදී විභාග ලකුණු ගැටලුව අන්තරය හා රොබට් ඕ බ්ලෙක් මත පැටවීමට හාස්‍යජනක උත්සාහයක් ගත් පුද්ගලයෙකුත් එක්ව ඊයේ මාධ්‍යට පැවසුවේ නිදහස් අධ්‍යාපනය ගැන කලකරිවා පුද්ගලික උසස් අධ්‍යාපනයට මිනිසුන් නැබුරුකරගැනීමේ උත්සාහයක් ලෙස අදාල ආමාත්‍යවරුන් විභාග ප්‍රතිඵල වල විශ්වසනීයත්වය බිඳ දමා ඇති බවය . එක් අතකින් මෙම ප්‍රකාශය රජය අතින් සිදුවු බරපතල වරදකදී "අපි නම් ඕවට නැ " කියා අත සෝදා ගැනීමක් වන අතර අනෙක් අතින් රජයට එරෙහි මතවාදයක් සමාජ ගත කිරීමක්ද ලෙස සැලකිය හැක ( අදාල ආමාත්‍යවරුන්ට සැබවින්ම නිදහස් අධ්‍යාපනය කඩාකප්පල් කිරීමේ අවශ්යතාවක් තිබුනත් ආන්දෝලානාත්මක පනතකට සති දෙකක් තිබියදි කුණු බාල්දි පෙරලා ගෙන එය කිරීමට තරම් මෝඩයින් නොවේ ) . රජයේ හවුල් කාර පක්ෂයක් ලෙස වගකීමෙන් කර ඇරීම , රජයට එරෙහි ජනමතයක් ගොඩ නැගීම මෙන්ම පදනම් විරහිතව අමාත්‍ය වරුන්ට චෝදනා එල්ල කිරීමද බරපතල වරදක් බව පැවසිය යුතුය . ජනපතිවරයා විසින් කමිටුවක් පත්කර තිබියදී , රජයේ ම හවුල්කාර පක්ෂයක් චූදිතයින් වරදකරුවන් කොට තීන්දු තීරණ දෙන්නේ නම් එය රජයේ නායකයා වශයෙන් ජනපතිවරයා ගත් තීරණයක් එලිපිට නොසලකා හැරීමක්ද වේ .

දෙවන විකල්පය ලෙස ප්‍රසිද්ධියේ ලියුම් යැවීම තෝරාගෙන ඇති බවක් පෙනෙන්නට ඇත . මෙය සජිත් ප්‍රේමදාස මහතාගෙන් උපුටා ගත් එකක් ලෙස සිතෙන්නෙ ඔහු මෙන්ම විමල් වීරවංශ අමාත්‍යවරයාද ජනපතිවරයාට යැවු ලියුම මාධ්‍යයට ද ඉදිරිපත් කර ඇති නිසාවෙනි . එම ලිපිය මඟින් පක්ෂ සමඟ සාක්ච්ඡාවක් ඉල්ලා සිටින්නේ කැබිනට් මණ්ඩලයේදී විරෝධය පල කිරීමට කොන්දක් නැතිකම නිසා හෝ පිරිස ඉදිරියේ බැනුම් අහනවාට වඩා තනියෙන් ගොස් බැනුම් අසාගැනීම ට ප්‍රිය නිසා මෙන්ම රජයට විරෝධයක් එල්ල වී ඇති කාරණයකදී නැවතත් "අපි නම් ඕවට නැ " ශේප් න්‍යාය දැමීමටය

මේ ආකර සියල්ලෙන්ම මොවුන් රජය අපහසුතාවයට පත්වෙන අවස්ථා වලදී සුදනන් විමේ "රජය නරකයි , එත් අපි නම් හොඳයි " තේමාව තුල රැඳි සිටිනා බැව් පැහැදිලිය . ශ්‍රි ලංකා රජයට උපායමාර්ගික වශයෙන් අතිශයින් වැදගත් උගත් පාඩම් කොමිසම් වාර්ථාව අරඹ්හයා හෙල උරුමය දැනටමත් විරෝධය පල කර ඇති අතර වීර වංශ මහතාගෙ පක්ෂයත් එම මගම ගැනීමට බොහෝ දුරට ඉඩ ඇත . රජය වශයෙන් පමනක් නොව රටක් වශයෙන් එකමුතුව සිටිය යුතු කාරනයක්දීත් තමන්ගේ ඡන්ද පදනම වෙනුවෙන් රජය අපහසුතාවයට ලක්කෙරෙනා ක්‍රියාමාර්ගයකට යන්නේ නම් එය හෙල උරුමය වැන්නවුන් පසුගිය සමයේ එජාපයට දුන් "පක්ෂයට පෙර රට" අවවාදය ඔවුන් විසින්ම නොසලකා හැරීමකි .

රජය තුල රැඳි සිටිමින් (එලියට ගියොත් ඒ අවසානය බැව් ඔවුන්ද දනි ) , රජය වෙනුවෙන් පෙනී නොසිට තමන් පමණක් පොර බව පෙන්වීමට දඟලනා මොවුන් දෙස බලාසිටිනා විට පැවසිය හැක්කේ

"ආණ්ඩුව නරකයි,චම්පික හොඳයි ,විමල් හොඳා......යි" කියා පමණි

2011 වසරේ මගේ හිතට වැදුන සින්දු - එන්න ගීත අහන්න , අදහස් කියන්න

2011-12-28T20:23:00.000+05:30

අවුරුද්දක් ගතවෙලා අවසන් වේගන එනකොට ආදාල කාලයේදි කරපු දේවල් ගැන හැරිල බලන එක සමහරක් දෙනෙක්ගේ පුරුද්දක් . මේ කරන්න යන්නෙත් ඒ වගේ දෙයක් . මහා වැදගත් දෙයක් නොවුනත් අපි කාගේ කාගේත් ජීවිත වල දකින්න තියන දෙයක් . ඒ තමයි මේ වසරේදි මම අහපු , හිතට වැදුනු සහ මතකයේ රැදුණු ගීත . ගීත රසාස්වාදය කියන එක පුද්ගලයාගෙන් පුද්ගලයාට වෙනස් වෙන කාරණාවක් වුනත් මම ගීත එකතුව ගැන අනික් අයගේ අදහස් දැනගන්නත් , මඟ හැරුණු ලස්සන ගීත දැන ගන්නත් එක්ක පොඩි සාක්ච්ඡාවක් ඇති කරගන්න එකයි බලාපොරොත්තුව . හැමගීතයකටම වගේ අදාල විඩියෝ පටි කැල්ලකුත් දාල තියෙන්නෙ කලින් අහල නැති කෙනෙක් වෙනුවෙන් . විඩියෝ පටි ටික නිසා ලිපිය ලෝඩ් වෙන්න නම් ටිකක් කාලය ගතවේවි

සිංහල ගීත

01) මේ වසරේ මුල් කාලයේම වගේ අහපු අද දක්වාත් බොහොම ආසාවෙන් අහන සිංහල ගීතයක් තමයි "සිංහාවලෝකනය" චිත්‍රපටියේ . මතකද හැන්දැවේ කියන ගීතය . මේක හැම කෙනෙක්ම වගේ අහල ඇති . බොහොම නිස්කලංකව අහගෙන ඉන්න අපුරු ගීතයක් කියලයි මට හිතෙන්නෙ .ගායනා කරන රුවන් හෙට්ටිආරච්චිත් රයිනි චතුරිකාත් තමන්ගෙ උපරිමය ගීතයට දීල තියනව

02) ඊලඟට බොහොම ප්‍රිය කරන ගීතයක් තමයි භාතිය සන්තුෂ්ලාගේ "දේදුන්න සේදී" ගීතය . ගීතයේ තනුවට , පදමාලාවට වගේම රූප රාමුවටත් බොහොම ආසයි . මේ ගීතය වගේම භාතියලගේ සරා සිහින ඇල්බමයේ බොහෝ ගීත මේ වසර පුරාවටම රසවින්ඳාය කියල කියන්න පුලුවන් . කැමතිම ලාංකීය ගායකයා කියන ප්‍රශ්නයට මගේ එකම පිලිතුර වෙන්නෙ භාතිය සන්තුෂ් වීමත් සමහර විට ඒකට හේතුවක් වෙන්න ඇති

03) ඊලඟට මම සටහන් කරන ගීතය නම් මම හිතන්නේ සැහෙන්න පරනයි , යූ ටියුබයේ 2010 වසර කියලයි පෙන්වන්නේ . කොහොමින් හරි අහම්බයකින් වගේ මට ඇහුනේ මේ වසරෙදි . ඒ ශිහාන් මිහිරංගගේ "පෙරදා මැවු" සිනා ගීතය .මේ වසරේ ගීත අතර විතරක් නෙවෙයි මගේ සිත්ගත් මුලු ගීත ලයිස්තුවෙත් ඉහලම ඉන්න ගීතයක්

බටහිර ගීත

04) බටහිර ගීත ගැන කථාවේදි මුලින්ම එන්නෙ අරාශ් ගේ Broken Angel ගීතය . ඇත්තට අරාශ් කියල කෙනෙක් ඉන්නව කියල මම දැනගත්තෙත් ඔය ගීතයෙන් . ඔය ගීතයට වගේම විඩියෝවටත් මම බොහොම ආසයි , ඔය ගීතයෙන් හඳුනාගත්තා අරාශ්ගේගේ බොරො බොරො ගීතය ඇරුණාම වෙනත් කිසිම ගීතයක් කලින් අහල නොතිබුන නිසා ඒවා හොයාගෙන ගිය ගමනෙදි මුනගැහුන බොහොමයක් ගීත වල රසයක් තියනවාය කියල හිතෙනව . එයින් එකක් තමයි ට පහලින් තියෙන්නෙ Temptation ගීතයේ රුසියානු වර්ශන් එක

05) ඊලඟ ගීතය ජෙනිෆර් ලෝපෙස් සහ පිට්බුල් ගායනා කරන On the Floor ගීතය මේ ගීතයට පදනම් වෙච්ච මුල් ගීතයේ තනුවටත් මම සැහෙන කෑමතියි . පහලින් දාල තියෙන්නෙ ඒ ගීතයේ සජිවි සංදර්ශනය විඩියෝවක්

06) ඊලඟට ගීතය වෙන්නෙ පිට්බුල් , නායර් සහ මොහොම්බි ගේ එකතුවෙන් නිපදවුනු suvamenthe ගීතය . මේ වසරේදි අහපු ලස්සනම ගීතයක් කියල කියන්න පුලුවන් . මේ ගීතයේ පිට්බුල් ස්පාඤ්ඤ භාෂාවෙන් කරන රැප් කොටස කාලයකින් අහපු කැමතිම රැප් සංගීත කණ්ඩයක්

07)ඊලඟ ගීතයටත් පිට්බුල් සම්බන්ධයි , මෙහෙම ගියාම කට්ටිය හිතයි මූ අහන්නේ මේ තට්ටයගේ ඒව විතරද කියල . එහෙම එකක් නැ ඇත්තටම . කොහොම වුනත් වඩාත් ජනප්‍රිය රැපර්ස්ලාට වඩා පිට්බුල් හාදයට මම කැමතියි . ඒ වගේම මොකක් හරි එකකින් පොරගේ දායකත්වය තියන ගීත තුනක්ම මේ වසරෙදි හිතට වැදුනා . මේ ගීතය මාක් ඇනතනි එක්ක කියපු Rain over Me ගීතය

08)කම්ල්ජීත් සිංග් ජූති නොහොත් ජේ ශෝන් කියන ගායකය ගැන දැනගත්තෙත් මේ අවුරුද්දෙදිම තමයි . ඒ මගේ ඥාති සහෝදරයෙක්ගේ මාර්ගයෙන් (පිට්බුල් ගේ ට්‍රැක් සමහරක් මට හඳුන්වලා දුන්නෙත් පොරම තමා ) . ජේ ශෝන් ගේ හැම ගීතයකටම කැමති නැතත් Ride it සහ down ගීත වලට බොහොම කැමතියි එයින් Ride it ගීතයේ හින්දි වර්ශන් එක මේ වසරෙදි අහපු තවත් සිරාම කූල් ගීතයක්(ගීතය පරන වුනාට ඇහුවේ මේ අවුරුද්දෙදි )

09) ඊලඟ ගීතය (ඇත්තෙන්ම කිව්වොත් මේ ලියන්නෙ මතක් වුනු පිලිවෙල ) Nickel Black සංගීත කණ්ඩායමේ When we stand together ගීතය සංගීතය ගායනය වගේම අර්ථයත් ඉතාම ඉහලයි . මේ වසරෙදි අහපු හොඳම ඉංග්‍රිසි ගීතය කිව්වොත් නිවැරදියි

10) ඊලඟ ගීතය Avril Lagvine ගේ wish you were here ගීතය , මේකත් ඉතාම කැමති ගීතයක් මේ වසරේ අහපු . ගායනය වගේම සංගීතයත් බොහොම කැමතියි , නමුත් විඩියෝව නම් එච්චර වැදුනේ නැහැ

11) අවසාන ඉංග්‍රිසි ගීතය වශයෙන් තෝරගත්තෙ මේ වසරෙ අවසාන භාගයේ උන්මාදය වුනු කොලවරි ..ඩි ගීතය . දෙමල චිත්‍රපටියක ගීතයක් වුනත් ඉංග්‍රිසියෙන් කියන නිසා මෙතනදි සටහන් කලා . මුලින්ම මේ ගීතය ඇහුවේ අනික් අය අහන නිසා රැල්ලට වුනත් දෙතුන් පාරක් අහන කොට බොහොම සරල සුන්දරත්වයක් තියනව කියල හිතුනා

හින්දි ගීත

12) හින්දි ගීත අතරින් මුලින්ම තෝරගත්තෙ මීට කලින් වතාවක් මගේ ලිපියකටත් පාදක වුනු Dum maro Dum ගීතයේ නව නිෂ්පාදනය . පැරනි සරාගි ගීතයක් නව සංගීත නාද එක්ක අපුරුවට මිශ්‍ර වුනු අවස්ථාවක් විදිහට තමයි මේ ගීතය දකින්නේ . ගීතයේ විඩ්යෝවටත් සැහෙන්න කැමතියි (දීපිකා පාදුකොනේ ඉන්න නිසා නෙවෙයි ඇ )

13) ඊලඟ ගීතය වෙන්නෙ luv ka the end චිත්‍රපටියේ තේමා ගිතය . සාම්ප්‍රදායික හින්දි සිනමාවට එහා ගිහින් තාරුණ්‍යයට ගැලපෙන නිර්මාණ බිහි කරන Y- Films සමාගමේ ලින්කුවකුත් බ්ලොග් එකේ පැත්තක එල්ලුවේ ඔය චිත්‍රපටියෙන් පස්සෙ ගීතය මේකයි

14) ඊලඟට එන්නෙ අපේ ජැකලින් අක්කගේ ආන්දෝලනාත්මක (ඒත් මට නම් මෙලෝ රහක් නැති ) මර්ඩර් චිත්‍රපටියේ ගීත . මුලු චිත්‍රපටියේම මට ගත යුත්තකට තිබුනේ ඔය ගීත දෙක විතරයි . එයින් සුනිදි චව්හාන් ගායනා කරන ආ.සරා ගීතයේ ගායන ශෛලියේ තියන වෙනසට නිසා ඒකට වඩාත් කැමතියි

Aa Zara

Hare dil

15) ඊලඟට තෝරගත්තේ මේ වසරේ තිරගත වුනු වෙනස්ම මාදිලියෙ හින්දි චිත්‍රපටියක් වුනු දිල්හි බෙලි චිත්‍රපටියේ ගීතයක් . චිත්‍රපටිය නොබලපු කෙනෙක් ඉන්නව බලන්න කියල බය නැතුව නිර්දේශ කරනව . මොකද ජිවිතේටම හින්දි චිත්‍රපටියක් බලල නැති කෙනෙකුට වුනත් රසවිඳින්න පුලුවන් (හැබැයි පොඩි වුන්ට එච්චරම හොඳ නැ ) .මේ ගීතය චිත්‍රපටියේ මේ විදිහට නැ (පසුබිම් ගායනයක් විතරයි ) මේ ඒ වෙනුවෙන්ම හදපු විඩියොවක් මම හිතන්නේ

Movie Trailer - Delhi Belly

16)ඊලඟට තෝරගත්තේ තවත් මම කැමතිම බොලිවුඩ් චිත්‍රපටියක ගීතයක් , ඇත්තෙන්ම මේ චිත්‍රපටියට වගේම ගීත සියල්ලටත් බොහොම කැමතියි .කැමතිම ගීත දෙක තමයි තියෙන්නෙ

ඔය උඩින් තියන ගීතයේ තනුව සහ ගායන ශෛලිය වගේම චිත්‍රපටියේ එන උපසිරැසි අනුව තේරුමත් ලස්සනයි . ඒ වගේම රයිම් වෙන විදිහෙ පදමාලවක් තමයි යොදාගෙන තියෙන්නෙ

17) ඊලඟට තෝරගන්නේ වැඩකට නැති චිත්‍රපටියක ලස්සන ගීතයක් . චිත්‍රපටිය බොඩි ගාඩ් , මගෙ ප්‍රියතම ගායිකාව වුනු ශ්‍රෙයා ගෝසාල් (සිංහල හින්දි බටහිර ඔක්කොගෙන්ම ) සහ රාෆත් අලි ගායනා කරන ගීතය මම මේ වසරේ කැමතිම වුනු හින්දි ගීත වලින් එකක් (විඩියෝව අමතක කරල සින්දුව විතරක් අහන්න )

18) ඊලඟ එන්නෙ මම විචාරයකුත් දාපු රා. වන් චිත්‍රපටියේ ඒකෝන්ගේ ගීතය . ඒකොන් ගෙ ගීත එකකට දෙකකට හැර මම කැමැත්තක් නොදැක්වුනත් මේ ගීතයට නම් කැමතියි

19) ඊලඟට එන්නෙ මේ දවස් වල තිරගත වෙන (මාත් බලන්න හිතාන ඉන්න ) ඩොන් 2 චිත්‍රපටියේ මම කැමතිම ගීතය

20) අවසාන වශයෙන් තෝරගත්තේ ලබන වසරෙ එන්න තියන චිත්‍රපටියක පහල තියන ගීතය . ගීතයේ නර්ථනයට කත්‍රිනාව නම් ගැලපෙන්නෙ නැ , ඒ වුනත් ඒ ගීතයෙන් එන කික් එකට මම මාර ආසයි . කලිනුත් සඳහන් කරපු මගේ ප්‍රිය්තම ගායිකාව වුනු ශ්‍රේයා ගෝසාල් තමයි මේ ගීතයත් ගායනා කරන්නෙ , දෙව්දාස් වගේ චිත්‍රපටි වල එන රාගධාරි ගීතත් , කලින් බොඩිගාඩ් සින්දුව වගේ මෘදු ස්වරයෙන් ගීතත් ගායනා කරපු ශ්‍රේයා ගෙන් මේ වගේ වේගවත් ගීතයක් මම අහල නැ . මෙච්චර ඉහල රිද්මයිකින් ගායන කරත්දී ගීතය ගායනා කරන් ඉහල ස්වර පරාසය තුල අකණ්ඩව රැඳි ඉන්නවාය කියන එකත් සැහෙන දක්ෂ කමක්

ඔය තමයි මගේ කැමැත්ත තියන මතකයේ රැඳුනු මේ වසරේ අහපු සින්දු . ඔබලාගේ රසවින්දනය මීට වඩා වෙනස් ඇති , සමහර ගීත වලට ඔබත් කැමති ඇති . සමහර ගීත මුලින්ම ඇහුවේ අද වෙන්න ඇති එන්න අදහස් දක්වන්න .

ප.ලි - සමහර හින්දි සින්දුවල නිල වර්ශන් එක දාපු නිසා සම්පූර්න ගීතයවත් , චිත්‍රපටියේ එන සම්පූර්න විඩියෝව වත් නැතුව ඇති . එහෙම කලේ පිටස්තර පුද්ගලයින් අප්ලෝඩ් කරන සමහර ඒවා ටික කාලයකදි බ්ලොක් වෙන නිසා

විභාග ප්‍රතිඵල අනන දැනුම් කේන්ද්‍රය සහ සංචාරකයින් මරන සංචාරක කේන්ද්‍රය

2011-12-26T17:25:00.001+05:30

ලංකාවට 'ආසියාවේ අමුතු ඇටේ 'කියා කිවේ මොකාද කියා මතකයක් නැතත් ඌ කීවේ සත්‍යයක් බව නම් පෙනෙන්නට ඇත . රටක පරපුරක අනාගතයට වග කිව යුතු අධ්‍යාපන අමාත්‍යාංශය (එකක් නොව දෙකම ) , වර්ථමාන සීසු පරපුරේ ජීවිත සමඟ සෙල්ලම් කරමින් වැඩ අනාගන්නා බැව් මැනවින් සනාථ කර අවසන්ය . විශය නිර්දේශයන් 2ක් යටතේ විභාගය පැවැත්වෙනා බැව් විශය නිර්දේශය වෙනස් වූ දා පටන් බලධාරීන් දැන සිටි කරුණකි .එනම් z-අගයන් පිලිබඳ ගැටලුවක් එහිදී මතුවන්නේ නම් ඒ පිලිබඳ බලධාරින්ගේ අවධානය යොමු කිරීමට වසර දෙකක පමණ කාලයක් තිබිනි . නමුත් ඔවුන් z අගයන් පිලිබඳ සාකච්ඡාවක් කරමින් කල් මරන්නේ පිලිතුරු පත්‍ර ඇගයීම් කටයුතු අවසන් වීමෙනුත් පසුවය . එය හෝ නිසි ජවයක් සහිතව සිදු නොවූ නිසා අවසානයෙ ප්‍රතිඵල නිකුත් කරන්නේ නත්තල් නිවාඩුව තුල කඩිමුඩියේය .

එයත් උසස් අධ්‍යාපන ඇමතිවරයාම හිරිකිතයකින් තොරව පවසනා පරිදි ජනපතිවරයා බැන වැදීමෙන් පසුය . ජනපතිවරයාගේ බැන වැදීමකින් පසු සති ගානක් කෙකර ගාමිනි සිටි ගැටලුව සුටුස් ගා විසඳුනේ අමාත්‍යවරයා පවසනා "ජ්‍යාමිතික සූත්‍රයකින්" z අගය සෙවීම නිසා විය හැක .කෙසේ හෝ අවසානයේ නිකුත් ප්‍රතිඵලයද දෝෂ සහගතය . විසුලු සහගත දිස්ත්‍රික් හා ජාතික ශේණිගත කිරීම් වල දෝෂයන් අමාත්‍යාංශය විසින් පිලිගෙන ඇතත් එයින් සියල්ල අවසන් වන්නේ නැත . රජය විසින් z අගයේ හෝ ප්‍රථිපල වල ගැටලුවක් නැතැයි පැවසුවත් ඒ පිලිබඳ වද චෝදනා එල්ල වී ඇත . උසස් පෙල වැනි තීරණාත්ම විභාගයක ප්‍රතිඵල එලි දැක්වීමෙදී තිබිය යුතු විශ්වාසනීයත්වය අමු අමුවේ බිඳ දමා ඇති වටපිටාවක ප්‍රතිඵල සම්බන්ධයෙන් සිසුන් සැක පහල කිරීම ආසාධරණය කියා පැවසිය නොහැක . ආසියාවේ දැනුම් කේන්ද්‍රයට විභාග ප්‍රතිඵලයක් නිසි පරිදි නිකුත් කරගන්න නොහැකි වීම සැබවින්ම ආශ්චර්යමත්ය

දැනුමේ කෙන්ද්‍රයට එලෙසින් බබා හම්බුවෙත්දී , සංචාරක කේන්ද්‍රයටද එම සන්තැසියම සිදුවීමේ පුවතක් ඊයේ වාර්ථා විය . විදෙස් සංචාරක යුවලක් ප්‍රාදේශීය දේශපාලකයෙකුගේ ප්‍රහාරයට ගොදුරු වී ඇති අතර ඇතැම් මාධ්‍යයන් හරහා වාර්ථා වී ඇති තොරතුරු අනුව ඒ පිටුපස දේශපාලකයාගේ වලත්තකම මුල්වූ සිදුවීමක් පාදක වී ඇත .තම ඉහල සබඳතා නිසා මේ වන විටත් නීතියේ රැහැනට අසු වී නැති ඔහු ගෙ නම හෝ බොහෝ මාධ්‍යයන් විසින් වසන් කරමින් ඇත . සිදුවීමද යටපත් කිරිමක් ගැන සැක කල හැක්කේ මේ පුද්ගලයා පසුගිය මැතිවරණ සමයක එජාප ආධාර කරුවෙකු ඝාතනයට සම්බන්ධ වී ත් කිසිදු චෝදනාවකින් තොරව සිටිනා බවක් පලවී ඇති නිසාය . එක් වෙබ් අඩවියක කමෙන්ට් කරුවන් පවසා ඇති පරිද්දෙන් මෙහිදී සුද්දා විසින් පලමුව වෙඩි තැබුවා කියා හෝ සුද්දාගෙන් වෙඩි පහරින් අදාල දේශපාලකයාගේ මොලයට බරපතල තුවලා සිදුවූ නිසා සිංගප්පුරුවේ ගෙන ගිය බවත් වාර්ථා වුවත් එය ශ්‍රි ලංකාවට අරුමයක් නොවන මුත් සංචාරකයින් මෙරටට පැමිනෙනා රටවලට නම් එය ගැටලුවක් වනවා නොඅනුමානය . විනිවිද භාවයෙන් යුත් පරීක්ෂනයකින් අදාල පුද්ගලයින්ට එරෙහිව නීතිය ක්‍රියාත්මක කිරීමත් , නැවතත් මෙවන් සිදුවීම් නොවන්නට රජය විසින් දෙන සහතිකයත් අනාගතයේ සංචාරකයින් ගෙන්වා ගැනීමෙදී වැදගත් වනු ඇත . චින්නුන්ට හෝ ඉන්දියානුවන්ට මෙරට ඉඩ කඩම් හෝටල් හෝ කැසිනෝ සඳහා විකුණු පමණින් සංචාරක කර්මාන්තය දියුණු වන්නේ නැත .මන්ද කැසිනෝ කෙලින්නට පෙර සංචාරකයින්ගේ ජීවිත ආරක්ෂාව සැලසී තිබිය යුතුය .මෙවන් සිදුවීම් හරහා දැනට ශ්‍රි ලංකාවට බහුලව එන"අඩු වියදම් ආතල් " සංචාරකයා පවා අහිමි වුවහොත් සංචාරක කේන්ද්‍රයටත් දෙය්යන්ගේම පිහිටය !

UPDATE - පහතින් ඇත්තේ මේ පිලිබඳ මුනු පොතේදී දූටු ඡායාරූපයකි

පෞද්ගලික විශ්ව විද්‍යාල පනතක අවශ්‍යතාවය

2011-12-23T23:16:00.001+05:30

රජය විසින් ගෙන ඒමට නියමිත පෞද්ගලික විශ්ව විද්‍යාල පනත සහ ඊට විරෝධය පල කරනා විශ්ව විද්‍යාල සිසුන් මේ දිනවල උණුසුම් මාතෘකාවක් බවට පත්ව තිබේ . දශක තුනකටත් එහා ගිය පෞද්ගලික විශ්ව විද්‍යාල ඇති කිරීමේ වැයමේ වැදගත් සන්ධිස්ථානයක් ලෙස ආදාල පනත හැඳින්විය හැක . එම පනනේ සංයුතිය හා අවශ්‍යතාවය පිලිබඳ සාකච්ඡා කිරීමට මත්තෙන් සුපුරුදු පෞද්ගලික විශ්ව විද්‍යාල "යහපත්ද -අයහපත්ද " යන විවාදය පිලිබඳ යමක් සටහන් කල යුතුය . උක්ත විවාදය කෙලවරක් නොමැතිව දිවෙන්නක් වුවත් ඒ පිලිබඳ මාගේ පැහැදිලි අදහස ඉදිරිපත් කර තැබීම වැදගත්ය . පෞද්ගලික විශ්ව විද්‍යාල සහ/හෝ මුදලට රාජ්‍ය අංශය විසින් සපයන උසස් අධ්‍යාපනය යන සංකල්පය මා සම්පූර්නයෙන්ම එකඟය . එනිසා පෞද්ගලික විශ්ව විද්‍යාල සඳහා විරෝධය පලකරන්නන්ගේ සමහරක් තර්කයන්ට පිලිතුරු සැපයීම මාගේ ස්ථාවරයට හේතුන් පාඨකයාට අවබෝධ වීමෙහිලා උපකාරි වනු ඇත .

දුප්පත් සිසුනට සිදු කරනා අසාධාරණයක් - යම් පිරිසකට අසාධාරණයක් සිදුවන බව සැබැය . නමුත් වර්ථමානයේ පවතින්නාවු ක්‍රමය තුලද තත්වය ඒසේමය . දිස්ත්‍රික් පදනම නිසා විභාගයේදී වැඩි දක්ෂතාවයන් දැක්වූ සිසුනට බලාපොරොත්තු වන පාඨමාලා වලට ඇතුලත් වීමේ හැකියාව වැලකී යාම , උසස් පෙල සාමාර්ථය විශ්ව විද්‍යාල ප්‍රවේශයට සුදුසු කමක් ලෙස සැලකුවත් ( ලංකාවේ මෙන්ම ලෝකය පුරාමත් ) උසස් පෙල සමත් වන බහුතරයකට විශ්ව විද්‍යාල වරම් අහිමි වීම යන අසාධාරණයන් වර්ථමානයෙත් දක්නට ඇත .කිසිදු පාර්ශවයකට අසාධාරණයක් නොවෙනා ක්‍රියාමාර්ගයන් ලොව ප්‍රායෝගික නැත . නමුත් පෞද්ගලික විශ්ව විද්‍යාල පනතක් හරහා ඔය කියනා අසාධාරණයන් යම් තාක් දුරකට අඩු කිරීමේ හැකියාවක් ඇත (පසුවට කථා කරමු )

ශ්‍රි ලංකාවේ තවමත් පෞද්ගලික විශ්ව විද්‍යාල සඳහා සූදානම් නොමැත - මේ තර්කය ගෙන එන්නන් මතු කරනා කාරනය වන්නේ ශ්‍රි ලංකාවේ බහුතරයක් ජනතාවගේ ආදයාම් තත්වය තුල උසස් අධ්‍යාපනයේ බර පැන දැරිය නොහැකි බවය . එනිසා ශ්‍රි ලංකාවට තවමත් පෞද්ගලික විශ්ව විද්‍යාලයන් නොගැලපෙනා බවය . ලෝකයේ බහුතරයක් රටවල පෞද්ගලික විශ්ව විද්‍යාල/මුදලට උසස් අධ්‍යාපනය ක්‍රියාත්මක වන අතර එම රටවල් සියල්ලම සංවර්ධිත රටවල් නොවේ . ඒක පුද්ගල ආදායම ශ්‍රි ලංකාවට වඩා අඩු රටවල , දරිද්‍රතාවයෙන් පෙලෙනා ජන අනුපාතය ශ්‍රි ලංකාවට සැහෙන ඉහල අගයක් ගන්නා රටවලද පෞද්ගලික විශ්ව විද්‍යාල ක්‍රියාත්මක වේ . එවන් තත්වයක් තුල ශ්‍රි ලංකාව පමනක් සුදානම් නොමැතිය යන්න වලංගු නොවේ .මේ සඳහා විකල්පයන්ද ඇත ,පනතක අවශ්‍යතාව යටතේ පසුවට කථා කල හැක

සල්ලිකාර මෝඩයින්ට උපාධි හෙවත් ගුණාත්ම ගැටලු - පනතක් තුලින් නියාමනය කිරීමේ බලතල සහිත ආයතනයක් යෝජනා වන්නේ මේ උදෙසාය . ගුණාතමක බව පවත්වා ගැනීම නියාමනයක් තුලදී අපහසු කාර්යයක් නොවේ

නිදහස් අධ්‍යාපනයේ මලගම - නිදහස් අධ්‍යාපනය තෘතියික මට්ටම දක්වා ලබාදීම අතිශයින් වැදගත්ය . සාක්ෂරතාව ඉහල ජාතියක් බිහි කිරීමට එය ඉවහල්ව ඇතිවාක් මෙන්ම වඩාත් දැනුවත් කාර්මික වෘත්තිකයන් බිහි කිරීමටද දායක කර ගත හැක . ඉතා ඉහල පිරිවැයක් සහිත උසස් අධ්‍යාපනය නොමිලේ සිදුකිරීමේ අවශ්‍යතාවයක් නොමැත . ලොව බහුතරයක් රටවල එසේ සිදුවන්නේත් නැත . එනිසා විශ්ෂඨ අධ්‍යාපනික ජයග්‍රහනයන් ලැබු සිසු සිසුවියන් 20,000 ක ප්‍රමාණයකට නොමිලයේ උසස් අධ්‍යාපනය ලබාදීම ශ්‍රි ලංකා රජය විසින් පමණක් ලබා දෙන සුවිශේෂි වරප්‍රසාදයක් ලෙස සැලකිය යුතුය . එම පිරිස පමණක් උසස් අධ්‍යාපනය ලැබිය යුතුයි හෝ රජය විසින් සියලු දෙනාටම උසස් අධ්‍යාපනය නොමිලේ ලබාදිය යුතුය යන්න අසාධාරණය . තමන් දැක්වූ දක්ෂතාවයන්ට තැග්ගක් ලෙසින් නොමිලයේ උසස් අධ්‍යාප්නය ලබාගනිමින් එවැනි අසාධරණ ඉල්ලීම් රජයේන් ඉල්ලා සිටීමේ කිසි සේත්ම සදාචාරාත්මක වන්නෙ නැත

දැනටමත් ලංකාවේ මුදලට උසස් අධ්‍යාපනය ලැබීමේ අවස්ථාව ඇත ?? - රජය විසින් ගෙන ඒමට නියමිත පනතට දැඩි සේ විරෝධය පල කරනා සිසුන් අමතක කර දමා ඇති කාරණයක් ලෙස මෙය හැඳින්විය හැක . මේ වන ලංකාවේ විදේස් උපාධි ලබාදෙන ආයතන රාශියක් මෙන්ම දේශිය උපාධි ප්‍රධානය කරන ආයතනයන්ද කිහිපයක් ඇත . වෛද්‍ය වෘත්තිකයින්ගේ ශක්තිය නිසා ආන්දෝලනයට තුඩු දුන් මාලබේ පෞද්ගලික වෛද්‍ය විද්‍යාලය හැරුණු විට අන් කිසිදු ආයතනයක් වෙනුවෙන් සිසුන්ගේ හෝ වෙනයම් පාර්ශවයක විරෝධතා දක්නන නැත . කෝටි පතියන්ගේ ලමයින්ටත් වඩා මධ්‍යම පාන්තිකයින්ගෙ දරුවන් අධ්‍යාපනය ලබනා මෙවන් ආයතන වර්ථමානයේ ක්‍රියාත්මක වෙමින් පවතිත්දි අලුතින්ම ඇති කිරීමක් වශයෙන් විරෝධය දැක්වීම හාස්‍ය ජනකය . කෙසේ වුවත් වර්ථමානයේ පවතිනා මෙම ආයතන නියාමනයක අවශ්‍යතාවය තදින් අවධාරනය කරනා බව පැවසිය හැක .

රජය විසින් ගෙන එන්නට නියමිත පනතේ අන්තර්ගතය නිසි ආකාරයෙන් කිසිවෙකුත් නොදනිතත් රජය පාර්ශවයෙන් ඒ පිලිබඳ මතුව ඇති කරුණු කාරනා සමඟින් ඉදිරිපත් කල හැකි , අංග සම්පූර්න මොඩලයක් ආශ්‍රයෙන් එවැන්නක අවශ්‍යතාවය විග්‍රහ කල හැක . ගෙන එන පනත සියලුම පැති ආවරනය කරන්නක් වීම රජයේ වගකීමක් වන අතර ආරම්භක අවස්ථාවේ නැතත් පසුව හෝ සංශෝධනය වීමේ අවස්ථාවක්ද මේ තුල ඇත

යෝජිත පනතේ මූලිකම පියවරක් ලෙස පවතිනා ආයතන නියාමනයටත් , නව ආයතන සඳහා උපාධි ප්‍රදානය කිරීමේ බලය ලබාදීම සඳහාත් බලතල සහිත නියාමක ආයතනයක් යෝජනා කර ඇති බවක් දැනගන්නට ඇත . වර්ථමානයේ උපාධි ප්‍රදානය කිරීමේ අවස්ථාව ඇති ආයතන පමණක් විශ්ව විද්‍යාල ප්‍රතිපාදන කොමිසමට වගවන අතර විදෙස් උපාධි ප්‍රධානය කරන්නන් ගේ ගුණාත්මක භාවය පිලිබඳ ශ්‍රි ලංකාවේ නියාමනයක් නැත . එමෙන්ම මෙම ආයතන ජාතික තරුන සේවා සභාව, ආයෝජන මණ්ඩලය වැනි විවිධාකාර ආමාත්‍යාංශ හර්හා ලියාපදිංචිය ලබාගත් ඒවාය . නව නියාමන ඒකකයක් තුලින් මේ සියලුම ආයතනයන් උසස් අධ්‍යාපන අමාත්‍යාංශය යටතට ගෙන ඒවායේ ගුණාත්මක භාවය නිර්ණය කිරීමට හා නිර්‍රික්ෂනය කිරිමට ක්‍රමවේදයක් පහසුවෙන් සකස් කල හැක . දැනට පවත්නා ඇතැම් ආයතවල උපාධිපාඨමාල ඉතාම ඉහල ගුණාත්මක භාවයකින් පවත්වාගෙන යත්දී සමහරක් ආයතනයන්හි ක්‍රියාකාරිත්වය ගැටලු කාරිය . විදෙස් උපාධි පිරිනමන විශ්ව විද්‍යාලයට ඇති පිලිගැනීම මත පමණක් අවසර ලබා දීම සිදු කිරීමත් දේශකයින්, දේශන ශාලා ගාස්තු ආදිය පිලිබඳ නිර්නායක සැකසීම හා ක්‍රියාත්මක කිරීම ත් අදාල නියාමන ආයතන තුලින් සිදු කිරීමෙන් මෙම විෂමතාවය්න් ඉවත් කරගෙන දැනට පවත්නා ආයතනවල ගුණාත්මක භාවය ඉහල දැමිය හෑක . තමන්ගේම උපාධි ප්‍රදානය කිරීමට ඉල්ලුම් කරනා ආයතන වෙනුවෙන්ද මෙවැනිම ගුණාත්මක බව රැක ගැනීමේ වැඩපිලිවෙලක් ක්‍රියාත්මක කල හැක . පෞද්ගලික උසස් අධ්‍යාපනය පවත්නා බොහෝ රටවල මෙවනි නියාමන කාර්යයන් දැකිය හැක . එනම් මෙම වැඩපිලිවෙල තුලින් සිසුන් මතුකරනා "සල්ලිකාර මෝඩයින්ට උපාධි ගැනීමේ " හැකියාව වැලැක්විය හැක

මෙම මූලික පරමාර්ථයට අමතරව පෞද්ගලික විශ්ව විද්‍යාල සම්බන්ධයෙන් මතුව ඇති ගැටලු වලටද විසඳුම් මෙවන් පනතක් හරහා ලබා ගත හැක . දුප්පත් සිසුන්ට වන අසාධාරණයන් හා බහුතරයක් ශ්‍රි ලාංකිකයින්ගෙ ආදායම් තත්වය ප්‍රමාණාවත් නොවීම යන කාරණා සඳහා ඇමතිවරය යෝජනා කර ඇති පරිද්දෙන් ශිෂ්‍යත්ව ක්‍රමයක් හඳුන්වාදිය හැක . මේ අතර පූර්ණ හා අර්ධ ශිෂ්‍යත්ව මෙන්ම විවිධා කාර සිසු ණය ක්‍රමද ඇතුලත් විය හැක . උපාධි ප්‍රධානය සඳහා අවසර ලබන ආයතනයකට යම් සිසුන් ප්‍රතිශතයක් ඉහත පදනම් මත ලබා ගැනීමට අනිවාර්ය කිරීමේ හැකියාවක් ඇත . මේවා ලෝකයේ බොහෝ තැන් වල දක්නට ඇති සංකල්පයන් නිසාත් බලප්ත්‍රය ලැබීම තුල ඔවුන් ලබන්නාවූ වාණිජමය වාසියත් නිසා පෞද්ගලික විශ්ව විද්‍යාල මේ සඳහා යොමු කරවා ගැනීම එතරම් අපහසුවක් නොවනු ඇත .

පෞද්ගලික විශ්ව විද්‍යාල වල වැඩි පඩියට සේවයට යාමට ආචාර්ය වරුන් පෙලඹීම නිසා රාජ්‍ය විශ්ව විද්‍යාල කඩා වැටෙවි යැයි චෝදනාවක් ඇත .මේ සම්බන්ධයෙන්ද නීති රෙගුලාසි පනත තුල අන්තර්ගත කල හැක . උදාහරණයක් ලෙස රජයේ විශ්ව විද්‍යාලයකින් ඉවත් වී යම් නිශ්චිත කාලයක් යන තෙක් පෞද්ගලික විශ්ව විද්‍යාල වලට බැඳීම තහනම් කිරීම ආදිය සැලකිය හැක . සැබවින්ම මෙය කෙටි කාලීන ප්‍රශ්නයක් පමණක් වනු ඇත . වසර දහයක් පමන ගතවන විට ලංකාවේ උසස් අධ්‍යාපන වටපිටාව දැනට පවත්නා ඌනතා වලින් මිදෙනු ඇත .පෞද්ගලික විශ්ව විද්‍යාල ආගමනයත් සමඟ රට තුලම ආචාර්ය උපාධිය දක්වා ඉගෙනුම ලබන පිරිස වැඩී වීම , පූර්න කාලීන් පශ්චාත් උපාධි පාඨමාලා ඇතිවීම , රාජ්‍ය විශ්ව විද්‍යාල වල පශ්චාත් උපාධි පාඨමාලා වලට ඉහල වටිනාකමක් ලැබීම වැනි තත්වයන් උසස් අධ්‍යාපනය සුලභ වටපිටාවකින් අපේක්ෂා කල හැක

මේ ආකාරයෙන් පෞද්ගලික උසස් අධ්‍යාපන පනතක් හරහා රටක් වශයෙන් අත් කර ගත හැකි බොහෝ වාසි ඇති බැව් විග්‍රහ කල හැක . අවශ්‍ය වන්නේ සියලුම කෝණයන් ආවර්නය කල පරිපූර්න පනතක් සහ එය නිවැරදිව ක්‍රියාත්මක වීමයි ! එක්වරකදී නොහැකි නම් පියවරෙන් පියවර හෝ පෞද්ගලික විශ්ව විද්‍යාල වල ගුණාත්මභාවය සුරැකීමේ පියවරයන් සහ රටේ සියලු ජනකොටස් වලට ප්‍රතිලාභ ලැබීමේ අවස්ථාවන් ඇති කිරිම යන මූලික අංග දෙකම ආවරණය යුතුය !

ඒකාධිපති ආතල් !

2011-12-22T19:38:00.000+05:30

උතුරු කොරියාවෙ නායක කිම් ජොන් උන්නැහෙගේ අවමංගල්‍යය මේ දවස් ප්‍රවෘත්ති මාධ්‍ය වල උණුසුම් මාතෘකාවක් .ඒකාධිපති පවුල් පාලනයක පුරුකක් වෙච්ච නායකයෙක් මැරුණ කියල ඒ රටේ මිනිස්සු පොලවෙ පස් කන්න හදන හැටි දැක්කාම මඤ්ඤං වගේ දැනෙන්නේ , මීට ටික දොහකට කලින් ලෝකේ වෙනත් තැනක් මිනිස්සු ඒකාධිපතියෙක්ගෙ මරණය වෙනුවෙන් ගත්ත ආතල් එක දැක්කාම . ජාත්‍යන්තර මාධ්‍ය වල පවා දාන උතුරු කොරියානු රූප රාමු ඒහෙන්ම රූගත කරල එන ඒවා නිසා අඬන බව පෙන්වන්න දාන ශෝ එකක් වෙන්න පුලුවන් කියල හිතුනත් , භාහිර ලෝකයෙන් සම්පූර්ණයෙන් හුදකලා වුනු උතුරු කොරියානු ජනතාව සිරාවටම අඬනවා වෙන්නත් බැරි කමක් නෑ

ජාත්‍යන්තර මාධ්‍ය , අන්තර්ජාලය වගේ දේවල් භාවිතා කරනවා තියා අහලවත් නැති උතුරු කොරියානු ජනතාවට තමන්ගේ පාලකයා විසින් ඔලුවට පටවන දේවල් පමණක් සත්‍යයි කියා සිතෙනවා ඇති . ප්‍රජාතන්ත්‍රවාදය කියල දෙයක් ලෝකෙ තියනවා කියලත් බහුතරයක් උතුරු කොරියානුවන් නොදන්නවා වෙන්නත් පුලුවන් . ලංකාවේ දේශපාලකයින් පාතලය පෝෂණය කරනවා වගේ රුසියාව හා චිනය උතුරු කොරියාවට යටින් දෙන සප් එක නිසා උතුරු කොරියාව පෙන්වන යුධමය හැකියාවන් ඒරටේ ජනතාවට මැජික් වගේ වෙන්න පුලුවන් . සමහර විට උතුරු කොරියානු නායකයා එක මිසලයක් හදලා මාස ගානක් පම්පෝරිය ගහනවා ඇති දැන් මුලු ලෝකෙම අපිට බයයි කියල . විකල්ප මතවාදයක් ඇහෙන්නෙත් නැති නිසා මිනිස්සුත් අපි තමා පොරවල් කියල චූන් එකේ ඇති .

කිම් ජොන්ගෙ දිනචරියාව පවා මාධ්‍ය හරහා පෙන්වන වාය කියලයි විකියෙ තියෙන්නෙ . වෙනත් රටවල උන් නලු නිලියන්ගෙ දින චරියා හොයත්දි , උතුරු කොරියානු ජනතාව තමන්ගෙ ලෝකේ ලොකුම වීරයා වෙච්ච ජිම් ජොන්ගෙ දිනචරියාව දිහා බලාන සතුටු වෙනවා ඇති . ලෝකේ අනික් රටවල පහසු කම් , හෝ දියුණුව ගැන නොදන්නා නිසා අපි ඉන්නෙ සුරපුරේක ඒක හදල දුන්නෙ කිම් ජොන්ය කියලත් හිතාන ඇති . එහෙම හිතාන ඉන්න මිනිස්සු කොට්ටාශයක් ඒකාධිපතියෙක් යටතෙ ලබන්නෙ එක්තරා විදිහක ආතල් එකක් . මොකද හැම වෙලේම තමන් ට තියන දේ ගැන සතුටෙන් ඉන්නේ , ලැබිය යුතු තවත් දේවල් ලෝකේ තියනව කියල නොදන්න නිසා ඒවා නැය කියල කණගාටුවකුත් නැ . ඒහෙම ආතල් එකේ ඉන්න ජනතාවකට තමන්ට ඒ ආතල් එක දුන්න නායකය වල කජු ගැහුවාය කියන්නෙ පොලවේ පස් කන සීන් එකක් වෙන එකේ පුදුමයක් නැ නේද ?

භූමීයෙන් ඇත , සම්භවය වෙනස් ජනතාවක් වුනත් ලංකාවෙත් ඒකාධිපති කමෙන් ආතල් ගන්න කැමති අය සැහෙන්න ඉන්නවාය කියල මට හිතෙනව . හැමවෙලේම රජකාලේ ගැන පම්පෝරි ගහන මේ අය තමන්ගෙ ඡන්දෙන් පත්වුනු ජනාධිපති වරයවත් රජෙක් ය කියලා හිතාන "අපටත් රජෙක් පහලව ඇතේ " කියල සිංදුත් කියනව . ඔය දිනචරියාවෙන් කැලි පෙන්වන ඒවා ,කියන ඕනි පචයක් හිස් මුදුනින් පිලිගන්න ඒවා , ලෝකෙටම ගහන්න තරම් අපි පොරවල් කියල හිතාන ඉන්නෙ ඒවා (මේ වගෙ අය දැක ගන්න C නිවුස් බලන්න ) , එහෙම ලංකාවෙත් ටික ටික දකින්න තියන නිසා ,කවදා හරි දවසක අද අපි උතුරු කොරියාවේ දකින දේවල් මෙහෙත් දැකගන්න පුලුවන් වෙයි . අපිත් ඒකාධිපති ආතල් එක ගන්නා ජනතාවක් බවට පත්වෙයි

ඔය පහලින් දාල තියෙන්නෙ The Dictator චිත්‍රපටියේ ප්‍රචාරක පටිය . දැකල නැත්නම් පොඩ්ඩක් බලන්න . ඒක නම් සැබැම ඒකාධිපති ආතල් එකක් වගේ තමයි පෙන්න තියෙන්නෙ

සිරිකොතේ වැට සහ චිරං ජයතු මහරජ !

2011-12-19T20:02:00.000+05:30

වික්‍රමසිංහ මහතා නැවතත් ගේම ගසා ඇත . සෙල්ලම් නැත මාතලන් කියන්නා සේ කරුට තරු පෙනෙන්නට දී ඇත . කොලඹ දිනිල්ලෙන් වික්‍රමසිංහ මහතා ඡන්ද දිනන්නට පටන් ගත්තා විය හැක . සජිත් ප්‍රේමදාස මහතා ලබාගත් ඡන්ද ගණනින් භාගයක්වත් කරුට ලැබී නැත . රවි කරුණානායකටත් ඡන්ද හතලිස් ගණනක් ලැබෙනා සංගමයක එහි ඇති පුදුමයක් නැත . ඊ නිවුසියට ආතල් ගොස් ඇත . සිරසට බඩ ගොස් ඇත . එජාප පාක්ෂිකයින්ටත් මොකක් හෝ හිතෙන්නට ඇත . සිරිකොතේ වැටත් ගලවාගෙන ගොස් ගල් ගැසුවේ ඒ හිතුනු ඒවා අනුව විය හැක .

වික්‍රමසිංහ මහතාගේ කාරයට ඉන්සුවරන්ස් ඇත ,සිරිකොතටත් එහෙම එකක් ඇත්නම් වැටද නොමිලේ හදා ගත හැක . නැතත් නව ජාතික සංවිධායක වරයා විසින් හදා දෙනු ඇත . සීනි කම්හල යකාට ගියත් ඔහුට වැටක් සදා දීම මහ ලොකු කාර්යයක් නොවනු ඇත .

නායක කෙරුවාව අහවරය . ඡන්දයක් ඕනි කිවේ සජිත් ප්‍රේමදාස මහතාමය . නමුත් ඔහුගේ නායකත්ව අපේක්ෂකයා එම ඡන්දයෙන්ම පරාද වී ඇත . තව ඩිංගෙන් ප්‍රේමදාස මහතාගේ කථාවද එයම වීමට ඉඩ තිබුනි . එජාප නායකත්වය වෙනස් කිරිමේ සටන අවසන් වී ඇත . මන්ද කල හැකි සියල්ල කර අවසන්ය . සිරසෙන් වීරයා වූ මෛත්‍රි ගුනරත්න මහතා දිවිහිමියෙන් සටන් කරන බවක් පවසා ඇත .නමුත් දිවිය නොව මොක හිමියෙන් සටන් කලත් කල හැකි උපරිමය ඔච්චරය . එනිසා තවත් දැඟලීමෙන් පලක් නොවනු ඇත . සිරිකොතේ වැටෙන් එලියේ සිටි හඬ ඇතුලට ගෙන යන්නට කරු ජයසුරිය උත්සහා කලා විය හැක . නමුත් එය අසාර්ථකය . දැන් ඉතිරිව ඇත්තේ වැටෙන් ඇතුලේ අයගේ මතය වැටෙන් එලියේ අයට ගෙනයාමය . එනම් කෙසේ හෝ රනිල් වික්‍රමසිංහ මහතාව (සහ ඔහුව අනුමත කල කෘත්‍යාදිකාරියේ මතය ) පාක්ෂිකය්න් අතරට ගෙන යාමය . රනිල් මහින්දට විකල්පයක් වන වන හැටි පාක්ෂිකයාට කීමය . රනිල්ගෙ මාකට් කල හැකි ගුනයන් පාක්ෂිකයින්ට පෙන්වා දීමය .

එසේ නොමැතිව රනිල්ට කොලු කාරයා හෝ නිවුස් පස්ට් එකෙන් කොටලුවා කිමෙන් ඵලක් නොවනු ඇත . සිරිකොතේ යකඩ වැඩ ගැලවුවත් වැටෙන් එලියේ සිටි මිනිසුන් හා ඇතුලේ සිටි මිනිසුන් අතර මහා දැවැන්ත වැටක් තවමත් ඇත . මේ වැට උගුලන තාක් කල් . එජාපයට නාථ දෙවියන්ගෙ පිහිටය . අපට කියන්නට ඇත්තේ චිරං ජයතු මහ රජ කියා පමණය !

නාකි සහ තරුණ රාජ්‍ය නායකයින්

2011-12-18T07:01:00.003+05:30

එජාපයේ නායකය හොයන්න ගිය කලින් ලිපියට ප්‍රතිචාරයක් එක් කරපු අපේ ජයශ්‍රි සහෝදරය මතක් කරපු කාරණාවක් තමයි කරුගේ වයස . ඒ කමෙන්ටුවට උත්තර බඳින්නත් කලින් ආපු අයිඩියාවක් තමයි ලියන්න හදන්නේ . ඒ රාජ්‍ය නායකයින්ගේ වයස සහ ඒ අයගේ වැඩකිඩ ගැන . හැමදාම දේශද්‍රෝහී එව්වා ලියන්න ගිහින් අන්තිමේදි අර කලින් ලිපියෙදි ඇනෝ කෙනෙක් කිව්වා වගේ රනිල්ගේ"ඇහින්ද අසුන්දර" පෝස්ට් එකට රෙජිස්ටර් වෙන නිසා (හැබැයි ඒ ලිපියෙන් සප් එක දුන්නෙ කරු උන්නැහේට ) එව්වායින් පොඩ්ඩක් ඇත්වෙන්නත් එක්ක තමයි දේශද්‍රෝහි නොවන මාතෘකාවක් තෝරගත්තේ

රාජ්‍ය නායකයෙක් කියන්නෙ ඉතින් සුලු පටු පොරක් නෙවෙයි . අනිවාර්යයෙන්ම පාලනය කරන රටේ හැම එකාගෙම අනාගතය තීරණය කොරන්න ඉහලින්ම ඉන්න කෙනා . ඒ විතරක් නෙවෙයි සමහරක් වෙලාවට මේ අය ලොකේ අනික් රටවල සමස්ථ ලෝකයේම ඉරණම තීන්දු කොරන්නත් හේතු වෙනවා . ඒ කියන්නේ ඉතාම භාරදූර කර්තව්‍යයක් කරන කෙනෙක් . මේ වගේ පොරකට බුද්ධිමත් කම , පල පුරුද්ද , තීරණ ගැනිමේ හැකියාව ඇතුලු නායකත්ව ලක්ෂන වගේම හොඳ ශාරිරික හා මානසික සෞඛ්‍යකුත් තියන එක අත්‍යාවශ්‍යයි . එතනදි තමයි රාජ්‍ය නායකයාගෙ වයස ගැන කථාව මතුවෙන්නේ , මොකද මනුස්සයෙකුගෙ වයසත් එක්ක ශරීර සෞඛ්‍යය පිරිහිමකට ලක් වෙනව වගේම බුද්ධිය මෙහෙය වලා කරන කාර්යනුත් අඩපන වෙන නිසා . මේතන තියන වෛද්‍ය විද්‍යාත්මක පසුබිම අපේ මිගාර දොස්තර මහත්තය හරි වෙද මහත්තය හරි වෙන්ට දොස්තර සබිත් සහෝදරය හරි හොඳින්ම දන්නවා ඇති .

අනන් මනන් විවෘත කිරීම් , සම්මන්ත්‍රණ සාකච්ඡා , පොර ටෝක් වගේ නා නා ප්‍රකාර දේවල් මැද්දේ රාජ්‍ය නායකයෙකුට තියන ලොකුම වැදගත් කාර්ය භාරය තමයි තීරණ ගැනීම . ඇත්තට අර මුලින් කිව්වා වගේ රටක ජනතාවක , ලෝකයේ ඉරණම තීන්දු කරන රාජ්‍ය නායකයෙකු සතු බලය තමයි ඔය තීරණ ගැනීම . තීරණ ගැනීමේ කාර්යයෙදි ඉන්පුට් වෙන්නේ දැනුම , අත්දැකීම් , විචාර බුද්ධිය වගේ දේවල් ඒ දේවල් ප්‍රොසෙස් කරල නිවැරදි අවුට් පුට් එක හෙවත් නිවැරදි තීරණයක් ගන්න ඔනි වෙන මානසික හැකියාව හෙවත් මීටරය තමයි වැදගත්ම දේ . දැනුම කියන එක නම් වයස අනුව වෙනස් වෙන්නෙ නැ , ඒත් අත්දැකීම් නම් නම් සම්පූර්නයෙන්ම රඳා පවතින්නෙ වයසත් එක්ක . වයසට යන කොට පොඩි පොඩි ඇදකුද තිබුනත් කෙනෙක් උපතින් අරන් එන විචාර බුද්ධියත් වයසට ගියා කියල නැත්තටම නැති වෙන්නෙ නැ , ප්‍රශ්නෙ තියෙන්නෙ වැදගත්ම පාට් එක හෙවත් මීටරයට වයසත් එක්ක මොකෝ වෙන්නෙ කියන එක . ඉන්පුට් මොනව වුනත් ප්‍රොසෙසරය අවුල් නම් ඉතින් අවුට් පුට් එක ගැන කවර කථාද ඒ නිසා වයසට යත්දී සාමාන්‍යයෙන් මිනිස්සුන්ගෙ දකින තියන මීටරය අප්සැට් ගැහිල්ල රාජ්‍ය නායකයින්ට කරන බලපැම කියන්නෙ ටිකක් විතර වැදගත් මාතෘකාවක් කියල මට හිතෙනවා . මීටරේට අමතරව ක්‍රියාශිලිතාවය , පෞර්ශය වගේ ඒවත් වයසට යන කොට ටිකක් දියවෙන පැත්තට තමයි යන්නේ .

වයසට යත්දි සිදුවෙන මේ විපර්යාස නිසා තමයි රාජ්‍ය /පෞද්ගලික බොහෝ සේවකයින්ට විශ්‍රාම වයසක් කියල එකක් නියම වෙලා තියෙන්නෙ , නමුත් රාජ්‍ය නායකයින්ට හෝ දේශපාලකයින්ට විශ්‍රාම වයසක් කියල එකක් දකින්න නැ . රටක සමස්ථ ක්‍රියාවලින් තුල පුංචි කොටසකට දායක වෙන මනුස්සයෙක් වයස නිසා සේවයට සුදුසු නැති වෙත්දි , මුලු රටක් ගැන තිරණ ගන්න ඇයින්ට වයස නිසා ඒ බලපැම ඇති නොවී තියෙන්න පුලුවන්ද ?

ඇත්තට වයසෙන් රාජ්‍ය පාලනයට බලපැමක් තියනවාද කියල බලාගන්නත් එක්ක අපි ලෝකය දිහාවට හැරෙමු . මුලින්ම බලමු ලෝකෙට ලොක්කා ඇමරිකාව ගැන (අපි වගේ බටහිර ගැතියෝ මුලින්ම හැරෙන්නෙ ඇමරිකාව පැත්තට නේ කොහොමටත් )

කොල්ල ඒ කාලේ හැන්ඩිය නේ ?

මතක ඇතිනේ කව්ද කියල , ලෝක දේශපාලනයේ දකින්න හිටපු "ඔලුවෙන් වැඩගැනීමේ " කෙල පැමිනියෙක් වෙච්ච ක්ලින්ටන් මහත්තය (එයා වෙන වෙන ඒවයින් වැඩ ගන්න ඒවත් ලෝක ප්‍රසිද්ද වුනා නේ ) . උන්නැහේ රාජ්‍ය නායකත්වයට පත්වෙන්නේ වයස 46දී , උන්නැහෙගෙ කාලයේ ඇමරිකාව ගැන අමුතුවෙන් කියන්න අවශ්‍ය නැහැනේ . පොරගෙන් පස්සෙ ලෝකෙට ලොක්කා පෝස්ට් එකට පත් වෙන ජෝජ් බුෂ් ගේ වයස ඒ වෙන කොට 55ක් , එයාගෙ කෙරුවාව තරම ඔබාම කාරය දැන් වැටිලා තියන අමාරුවෙන්ම පේනවනේ . එතකොට ඔබාම ලොක්කගෙ ජනාධිපති වෙනකොට වයස 47ක් , මේ තුන්දෙනා ඇතුලු ඇමරිකාවේ අපි දන්න නොදන්න බොහොමයක් ජනාධිපතිලා රාජ්‍ය පාලනයට ඇවිත් තියෙන්නෙ වයස 60ට අඩුවෙන්(33/44) . ගොඩ දෙනෙක් ප්ලිගන්න අක්මැති වුනත් බොහොම කෙටි කාලයක් ඇතුලතදි ඉතාමත් විශාල රාජ්‍යයක් ලෝකේ දියුණුම රාජ්‍යයක් බවට , ආර්ථික, තාක්ෂනික හා යුධමය වශයෙන් ලෝක බලවතා බවට පත් කරන්න හේතු වුනේ මේ ජනාධිපතිලා සෙට් එක තමයි (අඩු වැඩි වශයෙන් )

චිත්‍රපටියකට වුනත් නරක නැ

ඊලඟ හැරෙමු ලෝකේ ඊලඟ වැඩ්ඩට හෙවත් රුසියාවට . වැඩිය නැ ජනාධිප්තිලා තුන් දෙනයි ඉන්නේ . මුල්ම කෙනා ගැන නම් එච්චරම අයිඩියාවක් මට නැ . ඊලඟ දෙන්නා ඒ කියන්නේ ඇමරිකාවට ඉඳල හිටල හරි කෝචොක් පාරක් දාන පුටින් මහත්තය(ඔය ඉන්නෙ අස්පය පිටේ නිකන් රංජන් රාමනායක වගේ ) හා දිමිත්‍රි .....(මොකාද මන්ද මම ඉතුරු කැල්ල ලියන්න දන්නෙ නැ ) දෙන්න ගැන තමයි ටිකක් හරි දන්නේ . ප්‍රජාතන්ත්‍රවාදය පැත්තෙන් කෙසේ වෙතත් ලෝක දේශපාලනයේදී මේ දෙන්නගේ(විශේෂයෙන්ම පුටින් ලොක්කගේ ) භුමිකාව වැදගත් කාර්යක් ඉටු කරනවාය කියල හැමෝම දන්නවනේ . පොර ජනාධිපති කමට පත් වෙන්නෙ වයස 47දී , පොරගෙ ගෝලය වෙච්ච දිමිත්‍රි වයස 40දී

මෙයා 'ගේ' රයිට්ස් ප්‍රමෝට් කරන්නේ .....?

ඊලඟට හැරෙමු බ්‍රිතාන්‍ය දිහාවට . බ්‍රිතාන්‍යය පාලනය කරපු අගමැති වරුන්ගෙන් බහුතරයත් වයස 60ට අඩු අය 14 දෙනයි ඊට වැඩි අය ඉන්නේ . වර්ථමාන අගමැති කැමරන් මහත්තයත් 40 ගණනෙ පොරක් තමයි . ප්‍රංශයෙ නම් තරුණ වයස් දෙගොල්ලන්ම රාජ්‍ය පාලනය කරල තියන බව තමයි දකින්න තියෙන්නෙ . හැබැයි සර්කෝස් මහත්තය නම් ජනාධිපති පුටුවට එන්නෙ 52දි . වර්ථමාන ඔස්ට්‍රේලියානු අගමැති තු නෝනාත් වයස 50 ගණනක කෙනෙක් .ජපාන අගමැති තුමා වයස 54ක කෙනෙක් . ඔය විදිහට ලෝකයේ බලවත් රටවල් බලාගෙන යත්දි වැඩිපුරම දකින්න ඉන්නෙ වයස 40-60 පොරවල්ය කියල මට හිතෙන්නෙ .නොවේ , ස්වීඩන් , ස්විස්ටර්ලන්තය වගේ ලෝකයේ දියුණුවේ(සැම අතින්ම ) හිනි පෙත්තෙ ඉන්න රටවලත් තත්වයත් මේ වගේ කියලයි පේන්න තියෙන්නෙ

සූර පප්පා - අන්නා හසාරේ

ඊලඟ හැරෙමු ලෝකයේ නැගී එන ආර්ථික බලවතුන් හෙවත් පවර් හවුසස් දිහාවට . චීනයේ ජනාධිපති මහ ජනතාව තෝරන කෙනෙක් නෙවෙයි නේ ඉතින් රාජ්‍ය නායකය විදිහට පොල් පිත්තක් වුනත් එන්න පුලුවන් . අපේ අසල් වාසියා නම් නිකන් "පප්පා ලන්තය " වගේ . මන් මෝහන් ලොක්කාට වයස 79ක් (මූගෙ නම් වයස ගියා කියල මීටරය අවුල් නැ ) , මැතක් වෙනකන් හිටපු විපක්ෂ නායක අද්වානිට වයස 80 ගණන්ක් , කලින් අගමැති අතර් බිහාර් බජ්පායි අගමැති වෙන්නෙ වයස 74දී ,ඒ තියා ඉන්දියාවේ ආණ්ඩුවේ දූෂන නවතන්න කියල උපවාස කරන අන්නා හසාරේ කාරයට 74ක් , (74 කියන්නෙ උපවාස කරන වයසක්ද , අපේ වගේ කොන්ඩේ ජෙල් ගාන වයසෙ පොරවල්නෙ උපවාස කරන්න හොඳ ) .

ඒ අනුව බැලුවාම සුර පප්පලගෙ පප්ප ගම වගේ තමා . ඊලඟ කෙනා හෙවත් බ්‍රසිලය ගත්තාම බොහොමයක් ජනාධිපතිල වයස 60 ගණන් වල බලයට පත් වුනු අය බව තමයි දකින්න තියෙන්නෙ .

ඊලඟට අපි බලමුකො අපේ කට්ටිය ගැන, සැටලයිට් නෝනා ඇරුණාම අපේ රටේ හිටපු අනික් විධායක ජනාධිපතිල සියලු දෙනාම 60 පැනපු අය(අපේ වර්ථමාන ජනාධිපති තුමාත් ඇතුලුව) . ඒ වගේම වර්ථමාන විපක්ෂ නායක තුමාත් එහෙමයි , වෙන්ට විපක්ෂනායක(හෝ රනිල්ට පෑරදිලා දොට්ට විසිවෙන ) කරු ජයසුරිය මහත්තය 70වත් ඉක්මවල ඉන්නේ . එතකොට ගියවර ජනපති අපේක්ෂක අනුශුරයා වුනු ෆොන්සේකා මහත්තයට ත් දැන් 61ක්(අදට , ඕං හැපි බරත් ඩේ කිව්වා එහෙම නම් ) . ඒ වගේම අපේ අග්‍රමාත්‍ය තුමාට 80ක් .තව ඉන්න කැබිනට් ,කනප්පු ඇමතිල සහ එජාපයේ ජේෂ්ටයන් කියන අයත් මේ වයස්ගත කාණ්ඩයෙ පොරවල් තමයි (එජාපයේ උන් සැහෙන්න පැන්න නිසා තමයි ටිකක් හරි තරුණ සෙට් එකක් ඉන්නෙ ) , එතකොට ජවිපෙ..... තේරුමක් නැනේ රාජ්‍ය නායක කම තියා පලාත් සභාවක් වත් මේ සහස්‍රකයෙදිවත් දිනන්නෙ නැනේ . ඔන්න ඔය වගේ "පප්පා ලන්තය" තරම් නැතත් ලංකාවේත් පාලනය තියෙන්නෙ වයස්ගත පුද්ගලයින් අතේ

දියුණු රටවල රාජ්‍ය නායකයින් බහුතරයක් තරුණ නිසා තමයි ඒ රටවල් දියුණු වුනේ කියල හෝ තරුන වූ පමණින් සියලුම නායකයින් සාර්ථකයි හෝ කියල කියනව නම් ඒක සම්පූර්නයෙන්ම වැරදියි . විශේෂයෙන්ම රටක් දියුණුවෙන්න බලපාන කාරණා අතර රාජ්‍ය නායකයාගේ වයස කියන කාරණය තියෙන්නෙ (එහෙම බලපැමක් තියේ නම් ) බොහොම පහලින් . නමුත් මගේ පෞද්ගලික අදහස නම් සාපේක්ෂව තරුණ නායකත්වයක් තියනවා නම් රටක් දියුණුවීම වඩාත් සාර්ථකයි කියලයි . එතනදි මම අර කලින් කියපු වයස් ගත වෙන කොට මීටරය අප්සෙට් වීම කියන කාරනය ඇරුණාම තවත් කාරණා දෙකකුත් දකින්න තියෙයි . පලවෙනි එක තරුණ නායකයින් වෙනස් වීම් වලට දක්වන අනුකූලතාවය වැඩි එක . විද්‍යාවේ හා තාක්ෂනයේ දියුණුවත් එක්ක ලෝකය සැහෙන ඉක්මනින් වෙනස් වෙමින් පවතින්නෙ . රැකියා වලට පවා "ඩයිනමික් පොරවල්" හොයන්නෙ ඒ නිසා . තීරණ ගැනීමේදී නායකයෙක් සතුව ස්ථායි බවක් තියෙන්න ඕනි වුනත් අලුත් වෙන සමාජීය වටපිටාවන්ට , තාක්ෂනික පසුබිම් වලට , නව ලෝක ප්‍රවනතාවයන්ට අනුගත වීමේදි රාජ්‍ය නායකයෙක් සතුව වෙගයෙන් වෙනස් වීම් වලට හැඩගැසීමෙ හැකියාව තියෙන්නෙ ඕනි . එහෙම නායකයින් අලුත් තාක්ෂනියන් එක්ක 70 දශකයේ මෙතඩ් වලින් හැප්පෙන ජාතියේ ගොං වැඩ කරන්නෙ හෝ හැමදාමත් සංස්කෘතිය සභ්‍යත්වය හැඳිගගා හණමිටි අදහස් වල ඉන්නෙ හෝ නැහැ /

ඊලඟ කාරණය තමයි රාජ්‍ය නායකත්වය වඩාත් තරුණ කෙනෙක් කෙනෙකුට ලැබීමත් එක්ක සමස්ථ පාලන පද්ධතියේම නැවුම් භාවයක් ඇතිවීම . මේක ටිකක් සංකීර්ණ කාරණයක් .මොකද රාජ්‍ය නායකය තරුණයෙක් වූ පමණින් සියලුම ඇමතිලා සහ නිලධාරින් තරුන අය වෙන්නෙ නැහැ . ඒ වුනත් නායකයා ගේන් පහලට එන තීන්දු තීරණ ආදියත් එක්ක වයසින් වියපත් වුනත් පහල ඉන්න අය අතින් රටට ලැබෙන දේ තුල දකින්න ලැබෙන්නෙ නැවුම් බවක් . නමුත් වයස්ගත නායකත්වයක් හා වයස්ගත ම වටපිටාවක හෝ වයස්ගත නායකත්වයක් යටතෙ ඉන්න තරුණ්යින් හරහා හෝ ඒ නැවුම් දේවල් රටට ලැබෙන්නෙ නැ . තාරුණ්‍යයේ හඬත් අර වියපත් නායකත්වයේ තීන්දුත් එක්ක යටපත් වෙන එකයි වෙන්නෙ . මේ කාරණා අනුව මම නම් හිතන්නේ රාජ්‍ය නායකත්වයට වඩාත්ම සුදුසු 40-60 අතර පුද්ගලයින් කියලයි . රාජ්‍ය නායකත්වය 60 අඩුවෙන් ලබා ගත්තාට පසුව වුනත් වයස 65-70 වෙන කොට සමුගැනීම තමයි වඩාත් යෝග්‍ය වෙන්නෙ . මේ වයස් සීමාවේ ඉන්න කෙනෙකුට ප්‍රමාණාවත් අත්දැකීම් හා දැනුම් සම්භාරයක් එකතු කරගන්න කාලය ප්‍රමානවත් , ඒ වගේම ඒ දේවල් හරහා නිවැරදි තීන්දු තීරණ වලට එන්නත් මානසික ශක්තියත් , ක්‍රියාශිලි භාවයත්, වෙනස් වීම වලට හැඩ ගැසීමෙ හැකියාවත් (50ට අඩු අයට වගේ ) තියනවාය කියල කියන්න පුලුවන් .

මේ වයස් සීමාව ඇහුවාම ලංකාවේ හිටපු ඇතැම් නායකයො සහ නායකයො වෙන්ට ට්‍රයි කරන පොරවල් ගැන ඔබටත් මතක් වෙයි . දෙමව්පියන්ගෙ පොරත්වය විකුනල අඩු වයසෙන් නායකත්වයට පත්වීම නම් කිසිම තේරුමක් නැ . ඊට වඩා අත්දැකීම් බහුල වයස්ගත අය හොඳයි . මේ වයස් සීමාව තුල නායකත්වයට සුදුසු අය වෙන්නෙ , ඒ කාලය තුලදි අංග සම්පූර්‍න අත්දැකීම් සමුදායක් , දැනුම් සම්භාරයක් (උපාධි කොල විතරක් නෙවෙයි ) එක්ක කැපී පෙනෙන දේශපාලන ගමනක් එන්න සමත් වෙච්ච කෙනෙක් . ලංකාවේ හිටපු සහ වෙන්න දඟලන අයගෙ නැත්තේ ඒ ගුණාංග

මගේ මේ වයස් වීම කතන්දරයට පිටින් යන පොරවල් අනන්තවත් ඉන්නව(කලින් ඡේදයේ කිව්වේ එක කට්ටියක් ගැන ) , ඒ වගේම ජෝජ් බුෂ් උන්නාන්සෙත් එක් උදාහරණයක් ,මෝඩයාට වයස් බේදයක් නැ කියන එකට . ඒ වගේම වයස 70 ගණන්වලදි ජනාධිපති වුනත් මීටරය ඉතාම හොඳින් වැඩ කරපු , ක්‍රියාශිලි , වගේම තමන්ට වඩා වයසින් අඩු සියලුම රාජ්ය නායකයින්ට වඩා වෙනස් වීම් වලට හැඩ ගැහෙන්න, නව ජාත්‍යන්තර ප්‍රවනතා හඳුනාගන්න හැකියාවක් තිබුනු අපේ ජේ.ආර් පප්පා ත් එක් උදාහරණයක් ,ජේ.ආර් ට පලු යන්න බැනල ලියන්න පුලුවන් බ්ලොග් කෙරුවාවත් ලංකාවේ බහුතරයකට මැජික් එකක් මේ වෙනකොටත් සිරිමා- ප්‍රේමදාස අතර මැද ජේ.ආර් කියන චරිතය නොතිබුනා නම් .

[නිකමට හිතල බ්ලන්න ජේ.ආර් නැතුව අනික් කට්ටියව පෙල ගස්වලා ඒ අයගේ මතවාදයන් එක්ක ලංකාව අද මොන වගේ තැනක් ඉඳීද කියල (මෙතන්දි , ජේ.ආර්ව ෆලෝ කරපු ප්‍රේමේ නෙවෙයි , සිරිමාගෙන් පස්සෙ කෙලින්ම බලයට එන ප්‍රේමදාස කෙන්ක් ගැන මවා ගන්න ) .]

කොහොම වුනත් උප්පත්තියෙන්ම එන ගොන් කම් සහිත පොරවල් වගෙම , ජේ,ආර් ල වගේ වැඩ්ඩොත් මුණ ගැහෙන්නෙ කලාතුරකින් . ඒ නිසා සාමාන්ය තත්වයන් යටතේ , වයස් සිමාව කියන එකේ වැදගත් කම මම විශ්වාස කරනව . ඔබගේ අදහස ඊට වෙනස් වෙන්න පුලුවන් . සමහර විට ඔබ රාජ්‍ය නායකයින්ගෙ සාර්ථකත්වයට වයසේ බල්පැමක් නැ කියල විශ්වාස කරනවාත් ඇති , ඔබෙ ඒ අදහසත් පහලින් එකතු කරන්න , මේ කතාව සම්පූර්න වෙන්න

NOTE :- මෙහි රාජ්‍ය නායකයන් සම්බන්ධයෙන් යොදා ඇති යෙදුම් තුලින් බලාපොරොත්තු වුයේ උපහාසයක් එක් කිරීම පමණි , එය අපහාසයක් ලෙස හැඟේ නම් සමාවන්න !!

රනිල් vs කරු

2011-12-10T14:34:00.001+05:30

එජාපයෙ නායකත්ව අර්බුධය නැවත වතාවක් කරලියට පැමිණ තිබේ . ජනතාව වෙනුවෙන් විපක්ෂයේ කාර්ය භාරය ඉටු කල යුතුවූ එජාපය එම වගකීම් සහමුලින් අමතක කරදමා තමන්ගේ අභ්‍යන්තර අවුල් ජාලය විසඳීමට උත්සහ කරමින් හෙවත් තව තවත් එය අවුල් කරමින් සිටින්නේ වසර ගණනාවක සිටයි . සැබවින්ම මෙම නායකත්ව අර්බුධයේ මුල් ගාමිනි අතුකෝරාල මහතා ජීවත්ව සිටි යුගය දක්වා දිවෙයි . පසුගිය කාලයේ සජිත්-රනිල් වලියක් වූ නායකත්ව අර්බුධය මෙවර නව මුහුණු වරක් ගෙන තිබේ . ඒ කරු ජයසුරිය මහතා නායකත්ව සටනට සක්‍රියව අවතීර්ණ වීමත් සමඟයි . ඒ අනුව එජාපයේ නායකත්වය වෙනුවෙන් අපේක්ෂකයෙන් දෙදෙනෙකු ඉදිරිපත්වී අතර මැතකදි සම්මත කරගත් පක්ෂ ව්‍යවස්තාව අනුව පක්ෂ නායකත්වය සඳහා ඡන්ද විමසීමක් පැවැත්වීමේ අභියෝගය ට අද එජාපය මුහුණ දී තිබේ . මේ පිලිබඳ කතිකාවේ ආරම්භය ලෙස නායකත්ව අපේක්ෂකයින් දෙදෙනාගේ දේශපාලන ප්‍රොෆයිලයන් වෙත අවධානය යොමු කරමු .

ප්‍රභල දේශපාලන පවුල් පසුබිමක් සහිත රනිල් වික්‍රමසිංහ මහතා කොලඹ රාජකීය විද්‍යාලයේ අධ්‍යාපනයෙන් පසු කොලඹ විශ්ව විද්‍යාලයේ නීති අධ්‍යනාංශයට ඇතුල්වේ . ශ්‍රි ලංකාවේ විශ්ව විද්‍යාලයකින් උපාධියක් ලත් එකම නායක තලයේ දේශපාලඥයා වන ඔහු නීති විද්‍යාලය හරහා වෘත්තිමය නිතිවේදියෙකු බවට පත්වේ . මාමණ්ඩියගේ ආශිර්වාදයෙන් දේශපාලනයට පිවිස ලාබාලතම කැබිනට් අමාත්‍යවරයා වශයෙන් කටයුතු කරන වික්‍රමසිංහ මහතා විසින් බිහි කල තරුණ සේවා සභාව ඔහුගේ අමාත්‍ය ධුර කාලයේ ඉටුකල කාර්යයන් අතරින් වඩාත් ප්‍රචලිතය . දෙවරක් රටේ අග්‍රාමාත්‍ය ධූරය හොබවා ඇති ඔහුට දූෂණ චෝදනාවක් එල්ලවී නොතිබීම විශේෂත්වයකි . පාතාල නායකයින් හා බටලන්ද වධකාරය සම්බන්ධයෙන් චෝදනා එල්ල වුවත් ඒවා ඔප්පු වී නොමැත . වාර්ගික ගැටලුව හා ත්‍රස්තවාදය සම්බන්ධයෙන් ඔහුගේ අගමැති ධූර කාලය තුලත් සිවු වන ඊලාම් යුධ සමයෙත් කටයුතු කල ආකාරය සම්බන්ධයෙන් ඉතාමත් ප්‍රභල විරෝධතා එල්ලවී තිබේ

කෙටි යුධ හමුදා ජිවිතයක් ඇති කරු ජයසුරිය මහතා වෘත්තිය ව්‍යාපාරිකයෙකි. ප්‍රේමදාස ජනපතිවරයාගෙ සමයේ ජර්මනියේ ශ්‍රි ලංකා තානාපතිවරයා වශයෙන් කටයුතු කරන ඔහු ක්‍රියාකාරි දේශපාලනයට පිවිසෙන්නේ කොලඹ නගර සභාව තුලිනි . ඉන්පසු පලාත් සභාවේ විපක්ෂ නායක ධූරය හා කැබිනට් අමාත්‍ය ධූර හොබවා ඇති ජයසුරිය මහතා ට එරෙහිව දූෂණා චෝදනා හෝ මැර දේශපාලනය පිලිබඳ චෝදනා එල්ලවී නොමැත . ඔහු විසින් තවත් එජාප ප්‍රභලයින් 17ක් සමඟ සිදු කල පක්ෂ මාරුව ඔහුගේ දේශපාලන ජීවිතයේ කලු පැල්ලම ලෙස සටහන් කල හැක

ඉහත සඳහන් දේශපාලන ප්‍රොෆයිලයන් දේස බැලු විට ඉදිරියෙන් ඉන්නේ රනිල් වික්‍රමසිංහ මහතා බවට කිසිදු සැකයක් නැත . සැබවින්ම රනිල් වික්‍රමසිංහ මහතා සමඟ සංසන්ධනය කිරීමට හැකි එකම දේශපාලකයා මහින්ද රාජපක්ෂ මහතා පමණි . රනිල් වික්‍රමසිංහ මහතා මෙන් උපාධිධාරියෙකු නොවුනත් රාජපක්ෂ මහතාද වෘත්තිමය නිතිඥයෙකු වන අතර වික්‍රමසිංහ මහතාගේ පහසු සහ අහඹු අවස්ථාවන් සහිත දේශපාලන ජීවිතය වෙනුවට කටුක බාධක වලින් පිරිණු දේශපාලන ජීවිතයක් ගත කල රාජප්ක්ෂ මහතා ශ්‍රි ලාංකීය දේශපාලනයේ උපරිමයෙන් තෙම්පරාදු වූ චරිතයක් ලෙස සැලකිය හැක . ආර්ථික ප්‍රතිපත්ති හා සමාජීය ආකල්ප අතින් වික්‍රමසිංහ මහතා රාජපක්ෂ මහතාට වඩා කාර්යක්ෂම බැව් ඔහුගේ අග්‍රමාත්‍ය ධූර කාලය තුල වසරක් තුලදී -1.5%ක්ව පැවති ආර්ථික වර්ධන වේගය 4.0% දක්වා ගෙන ඒමත් උද්දමනය 10%ට අඩු අගයක පවත්වාගැනීමත් තුලින් හෙලිවේ . විදෙස් සබඳතා තුලද රාජප්ක්ෂ මහතාට ඉදිරියෙන් වික්‍රමසිංහ මහතාගේ ශක්‍යතාවන් දක්නට ඇති අතර අනික් අතින් මහින්ද රාජපක්ෂ මහතා විවිධ දෙශපාලන පක්ෂ , තමාට හිතවත් එකිනෙකට වෙනස් බහුජන සංවිධාන ආදිය මනා ලෙස කලමණාකරනය කරගැනීමටත් මහජන ප්‍රසාදය දිගින් දිගටම පවත්වාගැනීමටත් ඉහල දක්ෂතාවයක් දක්වා ඇත . එමෙන්ම වික්‍රමසිංහ මහතාගේ ඇතැම් ලිබරල් ආර්ථික ප්‍රතිපත්තීන් පවා ජනතා අප්‍රසාදයක් ඇති නොවන පරිද්දෙන් උපාය ශිලිව ක්‍රියාවට නැංවීමට හා රටේ යටිතල පහසුකම් වර්ධනයෙ කිරීමෙදිත් වික්‍රමසිංහ මහතා අභිබවා යන දක්ෂතාවයන් රාජපක්ෂ මහතා සතුව ඇත

මේ අයුරින් සලකන විට රටේ වර්ථමාන නායකත්වයට සැසඳිය හැකි නායකත්වයක් එජාපය තුල දක්නට ඇත . නමුත් ගැටලුවක් ඇත . ඒ ඉහත සඳහන් කරන ලද සෛද්ධාන්තික කාරණා ඉක්මවා යන වෙනත් කාරණා රාශියක් නිසා රනිල් වික්‍රමසිංහ යනු මහින්ද රාජපක්ෂට කිසිදු අභියෝගයක් කල හැකි නායකයෙකු නොව් යන තත්වයක් මතුවී ඇත

එම කාරණා මොනවාද ?

01) සන්නිවේදන දුර්වලතා - වික්‍රමසිංහ මහතාගේ දක්නට ඇති ප්‍රධානතම දුර්වලතාවය වන්නේ මෙයයි . තමන්ගේ ප්‍රතිපත්තීන් හෝ තමා විසින් අරගත් තීන්දු තීරණ පිලිබඳ ජනතාව නිසි පරිදි දැනුවත් කිරීමේ හැකියාවක් නොමැති වීම තුලින් ඊට එරෙහිව නැගෙන මතවාදයන් සමාජ ගත වීම වැලැක්විය නොහැක . අග්‍රාමාත්‍ය ධූර කාලයෙදී තමන් කල කී දැ පිලිබඳ ජනතාව නිසි පරිදි දැනුවත් කිරීමට , රාජපක්ෂ රජය විවේචනයේදී එය ජනතාවට දැනෙන අයුරින් එය සිදුකිරීමට අපොහොසත් වීම බොහෝ සෙයින් දක්නට ලැබුනු අතර ඇතැම් විට ඔහු ජනතාව ඉදිරියෙ විහිලු කාරයෙකු වන ආකාරයක්ද දක්නට ලැබින. මංගල සමරවීර වැන්න වුන්ගේ "රනිල්ට බැ" පාඨය ජනතාව අතර සම්මතයක් බවට පත් වූයේද මේ සන්නිවේදන දුර්වලතාවය හේතුවෙනි

02) වාර්ගික අර්බුධය සම්බන්ධ හැසිරීම් - වාර්ගික අර්බුධය සම්බන්ධයෙන් වික්‍රමසිංහ මහතාගේ ක්‍රියකලාපය ප්‍රධානතම ඍණ සාධකය බවට පත් වී ඇත . ඔහු රජය භාරගත් අවස්ථාවේ රටේ පැවැති තත්වය තුල යුධමය වාතාවරණයකට යැමේ හැකියාවක් නොතිබුනු නිසා සටන් විරාමයකට යාමේ ගැටලුවක් නැති වුවත් , සටන් විරාමය පවත්වාගෙන යාමෙදී රාජ්‍ය නායකයෙකු වශයෙන් අවස්ථානු කූල ඍජු තීරණයන්ට එලඹීම ඔහු අතින් සිදුවූයේ නැත . සටන් විරාමය තුල කොටි සංවිධානයට එරෙහිව උපක්‍රම ශිලි ක්‍රියාමාර්ග අරගනු ලැබුවත් පසු කාලීනව සටන් විරාමය පිලිබඳ චෝදනා එල්ලවත්දී ඒවා හෝ තමන් සටන් විරාමයකට ගිය හේතු සාධක නිවැරදිව ජනතාව අතරට ගෙනයාමට හැකි වුයේ නැත . යුධ විරෝධියෙක් වීම දේශපාලන පක්ෂ නායකයෙකුගේ අයිතිය වුවත් රටේ ප්‍රධාන විපක්ෂයේ නායක වරයා ලෙසින් ඒ පිලිබඳ උපාය ශිලි විය යුතුව තිබුනින් . එමෙන්ම යුධ විරෝධතාවන් අපහාසාත්ම අයුරින් (අලි මංකඩ -පාමංකඩ වැනි )රට හමුවේ ඉදිරිපත් වීම වැලැක්වීමටද ඔහු සතුව වගකීමක් තිබුනි .

03) පාක්ෂිකයින් සමඟ ඝට්ටනයන් - රනිල් වික්‍රමසිංහ මහතාගේ අසාර්ථකත්වයට බලපැ තවත් ප්‍රධානතම හේතුවක් වන්නේ එක්සත් ජාතික පක්ෂයේ මන්ත්‍රිවරුන් ඇතුලු පාක්ෂිකයින් සමඟ ඇතිකර ගත් ගැටලු කාරි තත්වයයි . පාර්ලිමේන්තු මන්ත්‍රි වරුන් 61ක් ඇතුලු එජාප පාක්ෂිකයින් රාශියක් සන්ධානයට එකතුවන්නේ මූලිකම වශයෙන්ම මේ නිසායි . හිතවතුන්ට සලකමින් අනෙක් අය නොසලකා හැරීම , පුදගලයින්ගේ සිත් නොසතුටු වන ආකරයේ පත් කිරීම් හා ඉවත් කිරීම් , ඇහුම් කන් නොදීම් , සුලු ජාතික පක්ෂ සහ 'ම 'පාර්ශවය වැනි අය වෙනුවෙන් එජාප පාක්ෂිකයින් අපහසුතාවයට ලක් කිරීම ආදී නොයෙකුත් කාරණා නිසා එජාප පාක්ෂිකයා තුල රනිල් වික්‍රමසිංහ මහතා පිලිබඳ යහපත් චිත්‍රයක් නොමැත . පක්ෂ මාරු කිරීම් වලට අමතරව මැතිවරන වලදි කර ඇරීම , රනිල් ට බැ මතය ජනතාව අතර සම්මතයක් වීම වැනි කාරණා සඳහාද පාක්ෂිකයින් සමඟ ඇති කරගත් ගැටුම් බලපා ඇත

04) ලාංකීය ජන සමාජය බලාපොරොත්තුවන ලක්ෂණ වලින් තොරවීම - ලාංකීය ජන සමාජය නායකයෙකුට කිසිදු ප්‍රයෝජනයකින් තොර පිරිමිකම ,මහජනතාව සමඟ සුහදත්වය , දරුවන් සිටීද නොසීටීද වැනි ලක්ෂන මෙන්ම "සිංහල බෞද්ධ" කම පෙනෙන්නට තිබීම වැනිලක්ෂන බලාපොරොත්තු වන ප්‍රවනතාවයක් දක්නට ඇත . සැබැ ලෙසම රටක් ගොඩ නැඟිමට මේවායේ ඇති වැදගැම්මක් නැතත් , ඕවා නොමැතිව රනිල් වික්‍රමසිංහ මහතා ප්‍රභල තරඟයක් දුන් 2005ට සාපේක්ෂව වර්තමානයේ ඒවාට ඇති වටිනාකම සැහෙන ප්‍රමාණයකින් ඉහල ගොස් ඇත ,බලයට පත් වූ පසු ක්‍රියාකාලාපය තුලින් රටේ ජනතාවගේ ග්‍රාම්‍ය චින්තනයන් වෙනස් කිරීමේ හැකියාවක් නායකයෙකුට තිබුනත් ,බලය ලබා ගැනීම සඳහා ඡන්දය ලබාගැනීමේදි අදාල චින්තන ධාරාවට යම් තාක් දුරකට හෝ අනුගත විය යුතුය . වික්‍රමසිංහ මහතා මෙතනදි අසාර්ථකය

05)ජාත්‍යන්තරය මත අනවශ්‍ය ලෙස යැපීම - කලින් විස්තර කල පරිද්දෙන් රනිල් වික්‍රමසිංහ මහතාගේ විදේශ ප්‍රත්පත්තිය සැහෙන තරම් රටට සුභ දායකය . ඉන්දියාව චීනය හා ඉරානයෙන් එපිට ලෝකය තුලින් ශ්‍රි ලංකාවට වාසි ලබා ගැනීම වෙනුවෙන් ඔහුගේ සබඳතා අතිශයින් වැදගත්ය . නමුත් රාජ්‍ය නායකයෙකු වශයෙන් රටට වැඩදායක වන එම සබඳතා විපක්ෂ නායකවරයා වශයෙන් එලෙසින්ම වැදගත් වන්නේ නැත . විශේෂයෙන්ම ජාත්‍යන්තර බලවේග යනු රට ගිල ගැනීමට බලා සිටිනා බහිරවයෙකු ලෙසින් මවා ඇති සමාජයක තමන්ගේ ජාත්‍යන්තර කටයුතු ප්‍රවේසම් සහගත ව කල යුතුය . එමෙන්ම රට තුල කථා කල යුතු මතෘකා සියල්ලක්ම ජාත්‍යන්තර තුලට ගෙන යාමේ අවශ්‍ය තාවයක්ද නැත . නමුත් වික්‍රමසිංහ මහතා ගෙ හැසිරීම මීට ප්‍රතිවිරුද්ධය . ජාත්‍යන්තර ෆෝබියාවෙන් පෙලෙනා සමාජය තුල ඔහුව තව දුරටත් ප්‍රතික්ෂේප වීමට එම හැසීරීම් බලපා ඇත

ඉහත දැක්වූ හේතුන් ඇතුලු සාධක ගණනාවක් නිසා වික්‍රමසිංහ මහතා සතු මැතිවරණ ජයග්‍රහණය කිරීමේ හැකියාව සෛද්ධාන්තික වශයෙන් සමාන ප්‍රතිවාදියෙකු වූ මහින්ද රාජපක්ෂ මහතාට වඩා බොහෝ සෙයින් අඩුවී ඇත . ඔහු එජාපයේ නායකයා වශයෙන් කටයුතු කරන නිසා එජාපයද මැතිවරණ තුලදී එම දුර්වලතාවයම දක්වා ඇත . කොලඹ ජයග්‍රහනය වැනි අවස්ථානුකුල සිදුවිම් හරහා යම් පිබිදීම් දක්නට ලැබුනත් ඒවා දිගු කාලීනව පවත්වාගැනීමට වික්‍රමසිංහ මහතාට තමන්ගේ ක්‍රියා කලාපය නිසා හැකියාවක් නැති අතර වික්‍රමසිංහ මහතා සැහෙන පමණ වගකිව යුතු එජාපයේ අසමඟිය ද ඊට තදින් බලපා ඇත .

එජාපය තුල දක්නට ඇති මෙම කඩා වැටීමෙන් ගොඩ ඒම සඳහා විකල්ප නායකත්වයක අවශ්‍යතාව අවධාරන කෙරෙන්නෙ ඒ පසුබිම තුලය . එහිදී මින් පෙරදී නායකත්වය වෙනුවෙන් තරඟ කල සජිත් ප්‍රේමදාස මහතා රනිල් වික්‍රමසිංහ මහතාගෙ දුර්වලතාවයන්ට විකල්පයක් වුවත් මහින්ද රාජපක්ෂ මහතාට විකල්පයක් වීමේ හැකියාවක් තිබේද යන්නත්, සජිත් ප්‍රේමදාස මහතා ප්‍රදර්ශනය කල දේශපාලනික නොමේරුම් ස්වභාවයත් රනිල් වෙනුවට සජිත් ගෙන ආවාට වැඩක් වේද යන්න ප්‍රශ්නයත් මතු කරන ලදී . එය ජන සමාජය තුල පමණක් නොව එජාපය තුලද මැදිහත් පුද්ගලයින් තුල නැගුනු ප්‍රශ්නයක් බැව් දක්නට ලැබිනි .කරු ජයසුරිය මහතා කරලියට එන්නේ ඒ අනුවය . මුල් වටයේදී එය සජිත් ප්‍රේමදාස මහතාගේ ගේමක් පමණක් බැව් දක්නට තිබුනත් මේ වන විට එජාප පාක්ෂිකයින් බහුතරයකගේ සහ සිවිල් සමාජයේ බොහෝ දෙනෙකුගේ ආශිර්වාදය ලබන්නක් බවය පත් වෙමින් ඇත

රනිල් වික්‍රමසිංහ මහතාගේ දේශපාලන ප්‍රොෆයිලය සමඟින් නොගැලපුනත් කරු ජයසුරිය මහතාගේ දේශපාලන ගමන සැලකූ විට රනිල් වික්‍රමසිංහ මහතා සතු විදේස් සබඳතා , ආර්තික ප්‍රතිපත්තීන් වැනි එජාපයේ ශක්තීන් වල නිසි ප්‍රයෝජනයන් ගැනීමේ හැකියාවක් ඔහු සතුව නැතැයි කිව නොහැක . තැන්පත් සහ නම්‍යශීලි දේශපාලකයෙකු වන ජයසුරිය මහතාට ආකර්ෂනීය වාග් විලාසයක් නැතත් ජනතාව ඉදිරියේ ජෝකර් කෙනෙකු නොවී මතය ප්‍රකාශ කිරීමේ හැකියාවක් ඇත . මේ දක්වා එජාපයේ සියලු පාර්ශවයන් සමඟ එකමතුව කටයුතු කල ඔහුට පක්ෂයේ සමඟිය යලි ඇති කිරීමටත් හැකියාවක් ඇති බව පැහැදිලිය.

වාර්ගික අර්බුදය සම්බන්ධයෙන් ද කරු ජයසුරිය මහතා තම ප්‍රතිරූපය කෙලෙසා ගෙන නොමැත . (ඇතැම් දේශපාලන විචාරකයින් ජයසුරිය මහතා කල අභ්‍යන්තර පරීක්ෂන කථාව නම් විකෘති කරමින් පතුරු ගැසීමට ඉඩ ඇත ) .

රනිල් වික්‍රම සිංහ මහතා මෙන් ජාත්‍යන්තර සංවිධානවල සමාජිකත්වය නොදැරුවත් , රජයක් බිහිකල විට සාර්ථක විදේස් ප්‍රතිපත්තියක් ගෙන යාටම බාධාවක් නොමැත . එජාපයේ සුපුරුදු ධනවාදි නැඹුරුව සහ බටහිර විරෝධි අන්තවාදීන් නොමැතිවීම තුල එය ගැටලුවක් වන්නේ නැත . වඩාත් වැදගත් වන්නෙ කරු ජයසුරිය මහතා විපක්ෂ දේශපාලනය තුල ජාත්‍යන්තරය මත යැපෙන්නෙක් නොවීමය . සිංහල බෞද්ධ ප්‍රතිරුපය ඇතුලු ජනතාව බලාපොරොත්තු වන අවශේෂ කාරණාද කරු ජයසුරිය මහතා සතුය . මහින්ද රාජපක්ෂ ජනපතිවරයා තරම් ජනතාව අතර නොගැවසුනත් එජාප පාක්ෂිකයින් සමඟ සුහදව වැඩ කිරීමේ හැකියාව ඔහු සතුබව දක්නට ඇත . ඒ අනුව කරු ජයසුරිය යනු රනිල් වික්‍රමසිංහ මහතාගේ යහපත් ලක්ෂණ යම් තාක් දුරට රැකගත් ඔහුගේ දුර්වලතාවයන්ගෙන් තොර එජාපයට මේ මොහොතේ අවශ්‍ය කරන අන්දමේ නායකයෙකු බැව් පැවසිය හැක .

කරු ජයසුරිය මහතාගේ කලු පැල්ලම වන්නේ පක්ෂ මාරුවයි , ඒ පිලිබඳ ඔහුගේ පැහැදිලි කිරීම කුමක් වුවත් එය නොකල යුතුව තිබු කාරණයක් බව මාගේ අදහසයි . නමුත් වර්ථමාන එජාපය පත්වී ඇති තත්වය තුල එම මාරුව නොසලකා හැරිය හැකි වන්නේ , වෙනස්ක් සිදු නොවුනහොත් තවත් එජාප මන්ත්‍රි වරුන් රාශියක් කරු ජයසුරිය මහතා ගිය පාරේම යා හැකි බැවිනි .වරක් පක්ෂයෙන් එලියට ගියත් ගාමිනි දිසානායකයන්ට ජනපති අපේක්ෂකත්වය ලැබුනා සේ කටයුතු කිරීමේ හැකියාව එජාපයට ඇත . එජාපයේ සමස්ථයට වික්‍රමසිංහ මහතාගේ නායකත්වය තුල ඉදිරියේදී සදා නොමැකිය හැකි කලු පැල්ලමක් ඇතිවී පක්ෂය ලාංකීය දේශපාලනයේ සදාතනික විපක්ෂය වීමේ අවධානමක් ඇත . රටටම බලපානා ඒම තත්වය වැලැක්වීමට කටයුතු යෙදීම කරුගෙ කලු පැල්ලමට වඩා වැදගත්ය

කරු ජයසුරිය ආගමනයත් සමඟ රජයේ මාධ්‍ය ඔහුට එරෙහිව මඩ ප්‍රහාර දියත් කරමින් ඇත . ඔවුනට අනුව සජිත් ප්‍රේමදාස මහතාට තරම්වත් සහයක් කරුට එපාපය තුල නොමැත .රනිල් වික්‍රමසිංහ වඩාත් සුදුස්සාය . දේශද්‍රෝහි කොටි ලේබල් අලවා කුජීත කර ඇති රනිල් වික්‍රමසිංහ කරුට වඩා හොඳ වීම පිලිබඳ හාස්‍යක් මතුවුනත් සැබැවින්ම එතන දක්නට ඇත්තේ , කරුගේ ආගමනය රජයට සුලුවෙන් හෝ දැනී තිබිමය . නායකත්වය ගත්තත් රජයක් පිහිටුවීම තබා ශක්තිමත් විපක්ෂයක් බිහි කිරීම දක්වාත් ජයසුරිය මහතා විසින් කල යුතු දැ බොහෝ තිබුනත් , තමාට මෙතෙක් කාලයක් නොතිබුනු අභියෝගයක් එජාපයෙන් එල්ලවේයැයි පෙර සලකුණු රජයට දැනී මෙන් පෙන්නුම් කෙරෙන්නේ රනිල්ට වඩා යමක් කරුට එජාපය තුල කල හැකි බැව් රජයද විශ්වාස කරනා බවයි .

කරු ගැන රජයේ කලබලවීම හා රාජ්‍ය මාධ්‍ය වල හැසිරීම විස්තර කරගත්තත් ලංකා ඊ නිවුසියේ හැසිරීම නම් සම්පූර්ණයෙන්ම විසිලු සහගතය . රාජපක්ෂ පාලනයට මඩ ගැසීම තම එකම මාධ්‍ය භාවිතාව කරගත් ඊ නිවුසිය හා එහි කමෙන්ට් හමුදාව ( මේ පුවත් වෙබ් අඩවි වලට ආවෙණික කමෙන්ට් කරුවන් ගැන වෙනම සටහනක් ලිවිය හැක ) කරු ජයසුරිය මහතා පතුරු අරිමින් සිටින්නේ ඇයිද යන්න පාඨ්කයින්ටත් ප්‍රශ්නාර්ථයක් බැව් ඔවුන් වටහා ගත යුතුය . මහින්ද් රාජපක්ෂ මහතාට හා ආරක්ෂක ලේකම් වරයාට මඩ ගැසීමෙන් හෝ රනිල් වික්‍රමසිංහ මහතාට හා ෆොන්සේකා මහතාට කඩේ යාමෙන් පමණක් ඔවුන්ගේ පරම උත්සහය වන ආණ්ඩුව පෙරලීම කෙරෙන්නෙ නැති තේරුම් ගත යුතුය . විශේෂයෙන්ම රටේ බහුතරයකගේ මේ මොහොතේ අපේක්ෂාව වන්නේ ශක්තිමත් විපක්ෂයක් බවත් , එජාප පාක්ෂිකයින්ගේ අපේක්ෂාව නැවතත් ගොඩ නැංවුනු පක්ෂයක් බවත් ආණ්ඩු පෙරලීම එන්නේ ඊලඟට බවත් තේරුම් ගත යුතුය

රනිල් වික්‍රමසිංහ මහතාගේ දහං ගැට වලින් බේරී නායකත්වයට පත් වෙන්නට ලැබේවා යන්න කරු ජයසුරිය මහතා වෙනුවෙන් මාගේ පැතුමය .

පුහු ආටෝපයන් , පම්පෝරි සහ ගෝත්‍රික මතවාදයන් කරපින්නා නොගත් මහත්මා දේශපාලකයෙකු වන කරු ජයසුරිය මහතා රටේ නායකත්වයටත් සුදුස්සෙක් බව මාගේ විශ්වාසයයි (නායකයා වූ පසු වෙනස් වේ දැයි මා දන්නේ නැත , නමුත් පක්ෂය මාරු කල අවස්ථාවේ පවා ඔහුගේ දේශපාලනයේ වෙනසක් නොවු නිසා යම් විශ්වාසයක් තැබීමට කැමතිය ). ඔබගේ අදහස මීට ඉඳුරාම වෙනස් විය හැක . ඒ ගැන කමෙන්ටුවකින් හෝ ඉහලින් ඇති ඡන්දයෙන් හෝ ප්‍රකාශ කරනා මෙන් ඉල්ලා සිටිමි !

සෙවාග් ගේ 219 සහ අපිට කොයින්ද බූල් බල්ලෝ !!

2011-12-08T19:10:00.001+05:30

එක්දින තරඟයකදී 219 ක් බෝල 147ට , සෙවාග් මචෝ උඹ නම් රියල් වැඩ්ඩෙකි . මගේ උණු සුම් සුභපැතුම් . !

ගොඩක් දෙනෙක් කියන්නේ උඹලාගේ රටෙන් බිහිවු වැඩ්ඩා සචින් ලොක්කා කියාය , දෙකක් නැත . පොරගේ තාක්ෂණය එලකිරිය . බලා හිටියත් ක්‍රිකට් ඉගෙන ගත හැකිය . ඒත් ටෙස්ට් , එක්දින , විස්සයි විස්ස කියා වෙනසක් නැතුව , බෝල දාන එකා මොකාද , 100ක් 50ක් ලඟයිද , අද මැච් එක පැරදුනොත් ගෙවල් ටිකට ගිනි තියයිද වගේ අනන් මනන් ඔලුවට ගන්නේ නැතුව දිගට හරහට නෙලනා උඹේ ගැහිල්ල නම් සචින් ලොක්කාට කොරන්නට බැරිය . ඒ නිසා කෙටිල්ලට වඩා ගැහිල්ලට කැමති මට නම් උඹ සචින් ලොක්කාටත් වඩා පොරකි

සනත් අය්යා තරුණ කාලයේ නම් උඹේ ඔය රැකෝඩ් එක අපේ එකෙක් අතින් බිඳ දැම්මා කියා සතුටු වෙන්නට චැන්ස් එකක් අපිටත් ලැබෙන්නට ඉඩ තිබුනි .අරවින්ද අය්යාටත් වෙලාසන ග්‍රවුන්ඩ් එකට එන්නට චැන්ස් එකක් ලැබුනා නම් 219ට 249 ගහනව ශුවර්ය .පොරත් උඹ වගේම මෙලෝ පීඩනයක් නැතුව ගහනා එකෙක් බව උඹත් දන්නවා ඇතිය . ඒත් දැන් සනත් අය්යා ක්‍රිකර් ගහන්නේ නැත , අරවින්ද අය්යා ඉන්න තැනක් වත් හොයාගන්නට නැත , ලංකාවේ අරවින්දලා , සනත්ලා ආයෙත් නම් බිහි වන්නේ නැත . ඒ එහෙව් දක්ෂයෙකුට ඉදිරියට එන්නට තැනක් දෙන්නේ නැති නිසාය . ලොකු මහත්තැන් කිහිප දෙනෙක් ක්‍රිකට් සින්නක්කර ලියාගෙනය . අරවින්දලා හදනවා තියා ඉන්න උන්ට පඩි ගෙවා ගන්නටත් බැරිය . උන් ටිකට දැන් මොකක් හෝ මල දානයක් නිසා රැකෝඩ් කඩනවා තබා මැච් එකක් දිනා ගන්නටවත් බැරිය . අපේ සමහරෙක් කියන විදිහට අය්යලාගෙ රටේ ඉන්නේ හෙලුවෙන් නටනා පූජකයින් , මිනි පාවෙන වතුරෙන් ජීවත් වෙන පිසාචයින් හා පාරේ රෙන (ඒක නම් ලෝකෙම දන්න සීන් එකක් නේ ) පොරවල් විතරය . හැබැයි අය්යලාගේ ක්‍රිකට් ටීම් එකට ගැලපෙන උන් සෙට් එකක් හදාගන්නට උන්ට හැකිවි ඇත . කොටින්ම සචින් ලොක්කාත් , අය්යාත් ටීම් එකෙන් ගිය දවසකටත් ටීම් එක වැටෙන්නේ නැති වෙන සෙට් එකක් දැනටමත් ඉන්නා බව මෙහෙ ඉන්නා අපටත් පෙනෙන්නට ඇත .හෙලුවෙන් නටන පූජකයින් නැති, ලැට් වල විතරක් රෙන අපේ උන්ට තාමත් ඒ ටික කොරගන්නට බැරිය , වැඩි විස්තර මාතලන් අය්යාත් , කමෙන්ට් දැමූ අයත් කියා ඇත .දුකෙන් උනත් කියන්නට තියෙන්නෙ අපිට කොයින්දෝ බුල් බල්ලන් කියා පමණක්ය

ප.ලි - අය්යාගෙ රැකෝඩ් එකට සුභ පතා ලඟට දුවගෙනා බටහිර ඉන්දීය කොල්ලන්ගේ ක්‍රිඩා ශීලීතාවයට හිස නමා ආචාර කරමි , වෙන රටක එකෙකුගේ ජයක් වෙනුවෙන් සුභ පතන්ට හැකී තරමට අය්යලාගේ ටීම් එකේ අලි ඔලු ටිකත් ක්‍රිකට් ගැහිල්ල තරමට හැදෙනවා නම් සතුටුය

ගාමනි ගැන මගේ අදහස

2011-12-03T13:43:00.000+05:30

පහුගිය දවස් වල රටේ තොටේ බොහෝ තැන්වල වගේම සිංහල බ්ලොග් අවකාශයෙත් කථා බහට ලක්වුනු මාතෘකාවක් තමයි ගාමනි චිත්‍රපටිය .බ්ලොග් කරුවන් කිහිප දෙනෙක්ම මේ ගැන ලියල තිබුනා . ඒ ලිපි වලදි බොහෝ දෙනෙක් තමන්ගේ අදහසුත් දක්වලා තිබුනා . මේ ලිපියෙන් කථා කරන්නේ චිත්‍රපටිය ගැන මගේ අදහස . එතනදි චිත්‍රපටියේ විවිධ අංගයන් පිලිබඳව වෙන වෙනම කථා කිරීම වඩාත් හොඳයි කියලයි මට හිතෙන්නෙ

කථා තේමාව

ගාමනි ගැන කථා කරපු බොහෝ දෙනෙක්ගෙ මූලික අවධානයට ලක්වෙච්ච කාරණයක් තමයි චිත්‍රපටියේ කථා තේමාව . චිත්‍රපටියේ ප්‍රචාරණයට භාවිතා කරපු ආකාරයෙන්ම කථාව පදනම් කරගන්නේ ලංකාවේ යම්කිසි කාලයක සිදුවුනු සත්‍ය සිදුවීමක් ,කොටි ත්‍රස්තවාදීන් විසින් සිදුකරපු අතිශයින් ම්ලේච්ඡ ඝාතනයක් පාදක කරගෙන ඊට එරෙහිව සටන් වදින ගම් වැසියන් පිරිසක් පිලිබඳව තමයි කථාව ගොඩ නැගෙන්නෙ , මේ එරෙහිව සටන් වැදීමේ කොටස කෙසේ වෙතත් මූලික කාරණය ඒ කියන්නේ කොටි සංවිධානයේ කෘරත්වය නෑවතත් සිහි ගන්වමින් රිදි තිරයට නිර්මානයක් ගෙන ඒම පිලිබඳ සමහර පිරිස් සතුට පලකරත්දි තවත් පිරිසක් ඒ ගැන කථා කලේ මේ වගේ නිර්මාණයෙන් කරන්නේ යුධ මානසිකත්වය සහ සහ ජාතිවාද්ය ඇවිස්සීම නිසා පශ්චාත් යුධ සමයකට යෝග්‍ය වෙන්නෙ නැ කියලයි . ඇත්තටම ගාමනි ජාතිවාදීද ?? ඔව් , කෙනෙකුට එහෙම විග්‍රහ කරන්න හැකියාව තියනව , විශේෂයෙන්ම ලංකාවේ ත්‍රස්තාවදයට අමතරව ජනවාර්ගික අර්බුධයක් තියනවාය කියල විශ්වාස කරන කෙනෙකුට . (අනික් අයට ගැටලුවක් ඇති වෙන්නේ නැ ) . සමස්ථ රට වශයෙන් සැලකුවාම මේ කථා තේමාව කාලීනව නොගැලපෙනවාය කියන්න පුලුවන් වුනත් ඒක සදාචාරාත්මක ප්‍රශ්නයක් විතරයි , ඒ කියන්නේ යුධයක් පවතින වෙලාවක හමුදාවේ සොල්දාදුවන්ගේ මානසිකත්වයට හානි කරන චිත්‍රපටියක් තිරගත කරන එක ගැලපෙන්නෙ නැ වගෙ තත්වයක් . නමුත් ඒ මත ඉඳන් නිර්මාණ කරුවාගේ ප්ලොට් එක අභියෝගයට ලක්කිරීම යෝග්‍ය වෙන්නේ නැ .මොකද ගාමනි තුල ජනතාව ප්‍රකෝප ගැන්වීමක් වගේ ව්‍යසන කාරි දෙයක් සිදු නොවෙන නිසා . ගාමනි කියන්නේ ලංකාවේ සිදුවුනු සමස්ථ සිදුවීම පිලිබඳ සාධාරණ හෝ ගැඹුරු හෝ විග්‍රහයක් නොවෙන , එක්තරා නිර්මාණ කරුවෙකුගේ දෘෂ්ටි කෝණය වශයෙන් හඳුන්වා දෙන්න පුලුවන්

කලාත්මක ? වාණිජ ?

කලාත්මක සහ වාණිජ වශයෙන් සිනමාව බෙදා වෙන්කිරීම ගැන බොහොම විවාදයන් තියනව . මොකද වාණිජය කියන චිත්‍රපටි වලත් කලාත්මක සිනමා ලක්ෂන දකින්න තියන නිසා . සිනමා නිර්මාණ සියල්ලක්ම ඉරි ගහල දෙපැත්තකට දාන්න හැකියාවක් නැතත් සම්භාව්‍ය හා සරල වශයෙන් බෙදීමක් කිරීමේ හැකියාවක් තියෙයි , මේ සරල කැල්ලටම තමයි වාණිජ සිනමාව කියලත් හැඳින්වෙන්නෙ . සරල සහ සම්භාව්‍ය සිනමාව වෙන් කිරීමේදී නිර්ණායක කිහිපයක් හඳුනාගන්න පුලුවන් , එකම කථා තේමාව වුනත් සම්භාව්‍ය සිනමාව තුල සහ සරල සිනමාව තුල කථා බහට ලක්වෙන විදිහ සහමුලින්ම වෙනස් නිසා . උදාහරණයක් විදිහට තුන් කොන් ආදර සම්බන්ධයක් සැලකුවොත් සම්භාව්‍ය සිනමාවේදී අදාල පුද්ගල සම්බන්ධයන් ඇතිවේමේ කායික මානසික සමාජීය හේතූන් , ඒ ඒ පුදගලයින්ගේ අභ්‍යන්තර ගති ලක්ෂනයන් සහ සිතුම් පැතිම් ආදිය පිලිබඳ විග්‍රහයක් සමඟින් කථාව ගොඩ නැගෙත්දි සරල සිනමාවෙදි අදාල සබඳතාවයන් නිසා ඇති වෙන ප්‍රථිපල ආදියට වැඩි අවධානයක් යොමු කරල ආකර්ෂනීය කථාවක් ගොඩ නැගීම වෙන්න පුලුවන් . ඔය අතරමැදි තැනක ඉඳන් කෙරෙන නිර්මානත් තියෙන්නෙ පුලුවන්. එකම කථා තේමාව තුල ගැඹුරක් සහිත නිර්මානයක් ගොඩ නැගීම සඳහා සම්භාව්‍ය සිනමාවේදී භාවිතා වෙන සිනමාකරණ ලක්ෂනත් සුවිශේෂියි . රූපමය භාෂාවේ කැමරා කෝණ , රුපරාමු සංයුතිය , වර්ණ භාවිතාව , සංස්කරන් රීති වගේ දේවල් සම්භාව්‍ය සිනමාවේදී යොදා ගන්නේ ඉතාම සැලකිල්ලෙන් , හැමරූප රාමුවක් තුලින්ම තමන්ගේ කතිකාව රූපමය වශයෙන් ගොඩ නැංවීමතමයි දකින්න තියෙන්නෙ . නාද හා සංගීතයත් පුද්ගල අභිනයන් හා රූපමය සංකලනයන් තුලිනුත් තමන්ගේ කථාව මතු කිරීම තමයි සම්භාව්‍ය සිනමාවේ ලක්ෂනය . අනික් අතින් සරල සිනමාව තුල රුපමය භාෂාව භාවිතා වෙන්නෙ ප්‍රේක්ෂය්න් ආකර්ෂනය වෙන ආකාරයේ අලංකාරයක් මතු කිරීමට . ඒ තුලත් රූපමය පණිවුඩයන් භාවිතා වුනත් , කථාවේ හරය ඉදිරිපත් කිරීමේදී ඒ වෙනුවෙන් සකස් වුනු පැතලි සිදුවීම් දෙබස් කණ්ඩ ආදිය තමයි යොදා ගන්නේ . නිර්මාණ කරුවාගේ දක්ෂතාවය මත ඉතාම ඉහල රූපමය භාෂා සන්නිවේදනයක් සරල සිනමාව තුල රදවා ගන්නත් හැකියාව තියෙයි . එතකොට අපේ ගාමනි ඉන්නේ කොතනද ???

ගාමනි චිත්‍රපටිය තුල අර මම කිව්ව සම්භාව්‍ය සිනමාවේ රූපමය ලක්ෂන කිසිවක්ම අඩංගු වෙන්නෙ නැ . නාද භාවිතාව තුලත් චරිත ගොඩ නැංවීම හා පුද්ගල අභිනයන් තුලත් ගාමනි සම්භාව්‍ය සිනමා ලක්ෂන කිසිවක් දරන්නෙ නැ . එතකොට ගාමනි වාණිජ එහෙමත් නැත්නම් සරල සිනමා නිර්මානයක්ද ? අන්න එතනත් ගැටලුවක් තියනව , මොකද සරල සිනමාවේ රූපමය භාවිතාවන් වත් ගාමණි තුල දකින්න ලැබෙන්නෙ නැ . චිත්‍රපටියේ එන කිසිම රූපා රාමුවක සංයුතිය සකස් කිරීමේදී සරල සිනමා ලක්ෂනයන් , ශ්‍රි ලංකාවේ සිනමාවට හුරුපුරුදු ඉන්දියානු ශෛලිය හෝ බටහිර සිනමාවේ ශෛලිය යොදාගෙන නැ . සාම්න්‍ය ටෙලි නාට්‍යක දකිනා රූප රාමු තමයි බොහෝ වෙලාවට දකින්න තියෙන්නෙ . සරල සිනමාවේ මෙවලම් විදිහට සැලකෙන ක්‍රියාදාම සහ හාස්‍යෝත්පාදක අංග සහ ගීත ඇතුලත් වෙලා තිබුනත් හාස්‍යය හැරුණාම අනික් තැන් දෙකේදීම අසාර්ථකයි කියල කියන්න පුලුවන් . ගීතමය ජවනිකාවේන් තියන කම්මැලිකම වැඩි වෙනවා මිසක් ප්‍රේක්ෂකයාට හෝ නිර්මාණයට එකතු වෙන දෙයක් නැහැ වගේම වෙඩි හුවමාරු සහ සටන් ජවනිකා තුලත් රූපයෙන් දිය හැකි ජවය හෝ ආකර්ෂනීයත්වය නැහැ . පන්සලේ ඇබිත්තයාගේ සටන් ජවනිකා වලදි නිවැරදි රූප රාමු සහ සංස්කරන ක්‍රමවේදයන් භාවිතා කලා නම් සැහෙන්න අපූර්වත්වයක් ම්වන්න හැකියාව තිබුනා . ඒ වගෙම ප්‍රාණ ඇපකරුවෙක් සිටියදි හමුදා නිලධාරියා තුවක්කුව බිම තියල පිස්තෝලයෙන් වෙඩි තියන දර්ශනය (සැහෙන්න සිනමා නිර්මාන ප්‍රමාණයක කලින් ඉදිරිපත් වෙලා තියන ) මීට වඩා සාර්ථකව කරන්න තිබුනා . ඇත්තට අදාල දර්ශනයේ පිස්තෝලය ගන්න ගත කරන කාලය පවා වැඩියි . ඒ වගේම පැති කැමරා කෝණ යන්ගෙන් විතරක් නැතුව රූප රාමු කිහිපයක් හරහා ඒ සිදුවීමට ජවයක් දීමේ හැකියාව තියනව . එතනදි අදාල අවස්ථාවේ ත්‍රස්තවාදියාගේ , ප්‍රාණ ඇපකරුවාගේ සෙබලාගේ යන අයගේ හැඟීම් හා අභිනයන්ට සැලකිය යුතු අවධානයක් දෙන්නෙ ඕනි .

දෙපිට කැපෙන විහිලු වුනත් ඒ තුලින් චිත්‍රපටියේ රසයට යමක් එකතු වෙන බව කියන්න ඕනි . මට නම් චිත්‍රපටිය නරඹත්දි පුටුව උඩම නින්ද යැම වැලකුනේ අදාල විහිලු තහලු නිසා . ගොඩක්ම පොඩි උන්ට නම් ඒවා නොතේරෙන නිසා අවුලක් නැතත් , ඒවා තෙරෙන වයසෙ ලමයෙක් එක්ක බලන්න ගියපු දෙමව්පියන් නම් සමහර විට අපහසුතාවයට ලක් වෙන්න ඇති .මේ කාරණා අනුව කියන්න තියෙන්නෙ ගාමනි තුල සම්භාව්‍ය හෝ සරල සිනමා ලක්ෂන වෙනුවට ලංකාවේ ටෙලි නාට්‍ය වල ලක්ෂ ඉස්මතු වෙනවාය කියන එක

කථාව දෙබස් තිර රචනය සහ අධ්‍යක්ෂනය

චිත්‍රපටියේ තිරරචනය සහ අධ්‍යක්ෂනය එකම පුද්ගලයාගේ නිසා එකම කාරණාවක් විදිහට කථා කිරීමේ හැකියාව තියනව . ගාමනි ගැන යහපත් ප්‍රතිචාර දක්වපු අයගේ පවා අදහසක් වුනේ චිත්‍රපටියේ දෙබස් භාවිතාව ගැන , විශේෂයෙන්ම ප්‍රධානතම චරිතයක් වුනු පාසල් ගුරුවරියගේ චරිතයේ දෙබස් ගැන ගැටලු තියනවාය කියලයි . සාමාන්‍යයෙන් දක්ෂ රංගන ශ්ල්පිනියක් වුනු දිල්හානි ගෙන් මේ වගේ අබලන් චරිතයක් මතුවෙන්න මූලිකම හේතුව වෙන්නෙ අදාල දෙබස් කණ්ඩ , ඒවායේ අන්තර්ගතය වගේම උච්චාරණයත් සම්පූර්නයෙන්ම අසාර්ථකයි . කථාව ගොඩ නැගීම තුල දකින්න තියන මූලිකව අඩුපාඩුවක් වෙන්නෙ එකම කාරණය නැවත නැවතත් අවධාරණය වෙන්න සැලැස්වීම . මේක තුලින් වෙන්නෙ ප්‍රේක්ශකයා වෙහෙසට පත් කිරීමක් විතරයි . රූපමය භාෂාව තුලින් ඉදිරිපත් කල හැකි බොහො දෙවල් සිදුවීම් වලට හා දෙබස් වලට භාර දීමෙන් තමයි මේ තත්වය ඇතිවෙලා තියෙන්නෙ .

චරිත ගොඩ නැංවීම සහ චරිත වල අඛණ්ඩතාවය පවත්වා ගැනීම කියන්නෙ සිනමාවේදී ඉතාම වැදගත් කාරණයක් . සරල සිනමාවේදි දකින්න ලැබෙන ව්‍ය්වහාරයේදී "පැතලි චරිත" වශයෙන් හඳුන්වන චරිතයක් වුනත් ගොඩ නැංවීමෙදිත් අඛණ්ඩතාවය පවත්වා ගැනීමෙදිත් සැහෙන අභියෝගයක් නිර්මාණ කරුවාටත් අදාල චරිතය කරනු ලබන රංගන ශිල්පියාටත් භාර ගන්න සිද්ධවෙනව . මේ කාරණයේදී ගාමනි තුල සාර්ථකත්වය ඉහලින්ම දක්වන්නෙ හාමුදුරුවන්ගේ චරිතය . මුලු චිත්‍රපටිය පුරාවටම එක විදිහට දිවෙන ඒ අපුරු චරිතයේ සාර්ථකත්වය පිලිබඳ සැහෙන ගෞර්වයක් ඩබ්.ජයසිරි රංගන ශිල්පියාට හිමිවෙන්න ඕනි . මීට අමතරව තිරිමාදුරගේ සහ ජගත් චමිලගෙ චරිතයත් සාර්ථක ගොඩ නැංවුනු සහ පවත්වාගෙන ගිය චරිත විදිහට හඳුවන්වන්න පුලුවන් . අධ්‍යක්ෂනය පිලිබඳ කථාවේදී මම කලින් කාරණය යටතේ සඳහන් කල දෝෂ සහගත භාවයන් සියල්ලම අධ්‍යක්ෂක වරයාගෙ බව පැහැද්ලියි . නිර්මාණයට අදාලව රූපය නාදය සහ සංස්කරණය නිසි විදිහට යෝදා ගෙන රසයක් නිර්මාණය කිරීම යන කාරණයේදී අධ්‍යක්ෂක වරයා ඉන්නෙ බොහොම පහල තැනක . කථා තේමාව තුල ගොඩ නංවන කථාව හෙවත් සත්‍ය සිදුවීමෙන් පසුව ගෙතෙන කථාව ඉතාම සාර්ථක සිනමා නිර්මාණයකට , බොහොම පහසුවෙන් සාර්ථක වාණිජ සිනමා නිර්මානයකට යොදා ගැනීමේ හැකියාව තිබුනත් ,ඒ ලස්සන කථාව ඇතුලේ ගොඩ නගන තිරනාටකය සහ නිර්මාණාත්මක ලක්ෂන හරහා එවැනි සාර්ථක නිර්මාණයක් බිහිවීම වැලකිලා තියනව

අනෙකුත් කාරණා

සිනමා නිර්මානයක් ගැන ක්ථා කිරිමෙදි අනෙකුත් අංශ රාශියක් ගැන කථා කරන්න පුලුවන් වුනත් මෙතන්දි තිර රචනය තුල ලබා දීල තියන සීමිත ඉඩ කඩත් එක්ක ඒවායින් ඇතිවුනු අඩුපාඩු ගැන කථා කිරීම එතරම් සාධාරණ නැහැය කියලයි මම හිතන්නෙ . උදාහරණයක් විදිහට සාර්ථක සංස්කරනයකට අවකාශ ලැබෙන්නේ ඒ වෙනුවෙන් සකස් වුනු තිර නාටකයකදි විතරයි . චිත්‍රපටියේ ස්ංගීතය නම් මධ්‍ය ප්‍රමාණයේ තත්වයක තියනව කියල කියන්න පුලුවන්

මම කැමතිම

කලින් විග්‍රහ කරපු සිනමාත්මක දුර්වලතා මැද වටිනා කම් සහ රසය අඩුවුනු එහෙත් මම බොහොම ප්‍රිය කරන සිදුවීම් දෙකක් මේ චිත්‍රපටියේ තියනව . පලමුවෙනි එක මහෙන්ද්‍ර පේරේරාගේ සහ කුඩා දෙමල දැරියගේ සහෝදර ප්‍රේමයේ කථාව . ජාති ආගම් භාෂා මොන බෙදීම් ඇතුලත් වුනත් ඒ සියල්ලම අභිබවා නැගෙන උතුම් මනුෂ්‍යත්වයේ සටහනක් ඒ තුල තියනව , කෙනෙක් කියන දේ අනිකාට නොතේරෙන භාෂා බාධකය බිඳ දමා නැගෙන සහෝදර ප්‍රේමයේ අන්දරය මුලු සමාජයටම ලොකු පණිවුඩයක් දෙනවාය කියල කියන්න පුලුවන් , මේ සම්බන්ධ චිත්‍රපටියේ අවසාන ජවනිකාව මම මුලු චිත්‍රපටියෙන්ම වඩාත්ම කැමති දර්ශනය කියල කියන්න පුලුවන් .

දෙවැන්න වෙන්නෙ ඈමති ගෝලයාගේ ගෙම්බර හමුවේ ග්‍රාමා රක්ෂක නිලධාරීන් අවස්ථා දෙකෙදී දක්වන ප්‍රතිචාරය , නිර්මානයට අනුව මේ සිදුවීම තුලින් ග්‍රාමා රක්ෂයින් තුල ඇතිවෙච්ච ආත්මාභිමානයේ විපර්යාසය හොඳින් නිරූපණය කරල තියනවා කියල මට හිතෙනව . ප්‍රයෝගික ජිවිතයේදී ග්‍රාමා රක්ෂක නිලධරයෙකුට තියා ඉහල හමුදා නිලධරයෙකුටවත් දේශපාලන හෙන්චය්යන්ගේ බලයට ඉහලින් යා නොහැකි වටපිටාවක , අදාල ග්‍රමාරක්ෂක නිලධාරින්ගෙ ක්‍රියාව තුලින් අපි බොහෝ දෙනෙක් දකින්නට කැමති ෆැන්ටසියක් මම දකිනවාය කියලයි හිතන්නෙ , කොහොම වුනත් මම ඒ ෆැන්ටසියට ආදරෙයි

ගාමනි ගැන නරක පැති ගැන කථා කරත්දි කෙනෙක් කියන්න පුලුවන් හොලිවුඩ් , බොලිවුඩ් චිත්‍රපටි වල ලක්ෂන සිංහල චිත්‍රපටි වල හොයන එක වැරදියි කියල . ඒ කාරනයේ සත්‍යතාවයක් තිබුනත් සිනමාවේ මූලික රිතින් ලෝකේ ඔනිම සිනමා නිර්මානයකදි එකම බවත් කියන්න ඕනි . සිනමා නිර්මාණයක් "සිනමා පටයක මුද්‍රණය කිරීම" කියන කාරණයට අමතරව ටෙලි නිර්මානයකින් වෙනස් වෙන්නෙ මේ සිනමාකරන ගති ලක්ෂන නිසා .

ගාමනි චිත්‍රපටියේ හාමුදුරුවන් හරහා හෙමීට පහරක් ගසන "ලංකාවේ යූද්ධය ගැන ප්‍රංශයෙ ඉඳන් හදපු චිත්‍රපටිය" මේ සිනමා කරණයේ විවිධ ඉසව් වල භාවිතාවෙන් දක්වන්න පුලුවන් විශිෂ්ටත්වය ගැන ඉතාමත් හොඳ උදාහරනයක් . පුද්ගලිකව මම ඒ සිනමා නිර්මානයට එතරම් කැමැත්තක් නොදැක්වුවත් ඒ නිර්මාන කරුවාගෙ සිනමා කරන ශක්‍යතාවය අගය කල යුතුමයි . රූපමය භාෂාව තුලින් දෙබස් හො සිදුවීම් වලින් කියන්න බැරි බොහෝ දේවල් ඉතාම අපුරුවට කියන නිර්මානයක් විදිහට" සංඛාරා"හඳුන්වන්න පුලුවන් . යුද්ධය පිලිබඳම කථා වුනු අතිසාර්ථක සිනමා නිර්මාණයක් වුනු "සරෝජා" ත් සිනමාව කියන්නෙ මොකක්ද කියන එකට කදිම උදාහරණයක් . ඒ වගේම සිනමා නිර්මානයක දෙබස් තුලින් කරන්න පුලුවන් බොහෝ දේ, , සංගීතයට , රුපයට , සංස්කරනයට හා සුවිශ්ෂට රංගනයට පුංචි කථාවක් හරහා දැවැන්ත අදහසක් මතු කරන්න හැකියාව - "ගරිල්ලා මාකටින් " චිත්‍රපටියෙනුත් දැක ගන්න පුලුවන් . තවමත් බලන්න නොලැබුනු "ආකාස කුසුම්" චිත්‍රපටිය තුලත් මේ ලක්ෂන දකින්න ඇතිය කියල මම හිතනව .

මේ වගේ සිනමා නිර්මාණත් එක්ක බැලුවාම සිනමාත්මක අතින් ගාමනි ඉන්නේ කොතනද කියන එක බරපතල ප්‍රශ්නයක් . මේ නිර්මාණ වලට අමතරව උදය කාන්ත (සමහර )සහ සෙනේෂ් බණ්ඩාර දිසානයකගේ ඉතාම සරල නිර්මාණවලත් ගාමනි ව්ල දකින්න නැති සිනමා රූපි ලක්ෂන දකින්න තියෙයි . ඒ අනුව මගේ රසවින්දන සීමාවන්ට හා දැනුම් සීමාවන්ට අනුව ගාමනි සාර්ථක හෝ රහක් තියන සිනමා නිර්මානයක් නෙවෙයි , නමුත් බලාඉන්න පුලුවන් "ටෙලියක්" මට්ටමේ හෙවත් ලංකාවේ චිත්‍රපටි නමින් හදන බොහෝ අසුචි ගොඩවල් වලට වඩා ඉහලින් ඉන්නවාය කියල කියන්න පුලුවන්

අධිවේගය , කාලගුණය , ශ්‍රි පාද ඡන්දයේ සැඟවුනු කථා සමඟින් සිරි ලංකා ක්‍රිකට්

2011-11-27T07:55:00.000+05:30

පොඩි පොඩි දේවල් කිහිපයක් ගැන කෙටියෙන් ලියල දාන්නයි සූදානම

පටන් ගමු අධිවේගයෙන් , ලංකාවේ පලමු අධිවේගී මාරගය අද ඉඳන් ජනතාවට විවෘතයි . මේ ගැන කථා ගොඩක් තිබුනත් දේශප්‍රේමී ශ්‍රි ලාංකික ජනතාව නම් අද ෆුල් හැපි එකේ ඉන්න දවසක් , අද විතරක් නම් මොකෝ තව සතියක් දෙකක් යන කන් ටිවි චැනල් වලත් එක එක කෝණ වලින් අධිවේගයම පෙන්වන නිසා ජනතාවට මුලු කාලය පුරාවටම පස්වනක් ප්‍රිතියෙන් ඉපිලෙමින් ඉන්න පුලුවන් කම තියනව . ඒ විතරක් නෙවෙයි කඩේ යනවට අමතරව යමක් කරගන්න පුලුවන් චිත්‍රපටි අධ්‍යක්ෂක කෙනෙක් ඉන්නව නම් අධිවේගයේ ලුහුබැඳීම් එහෙම අඩංගු "ඇක්ෂන්" චිත්‍රපටියක් හදලා ඊලඟ ඡන්දය කාලෙට රිලිස් කරල නැවතවතාවක් ජනතාවට අධිවේගී ආතල් එකක් ලබාදීමේ හැකියාව තියෙයි . අධිවේගී හදන කන් අනික් පාරවල් හැදුවම මොකෝ, ඕකට ආශ්චර්යයේ පිවිසුමය කියන්නෙ ආශ්චර්යය තියෙන්නේ ගාල්ලේද ? , ණය සහ කොමිස් , ප්‍රමිතියක් නැ , වංගු වැඩියි ...ආදී නොයෙකුත් චෝදනා සියල්ලම අමතක කරලා මාත් අධිවේගය වෙනුවෙන් පොඩි අත්පුඩියක් ගහන්න කැමතියි . ඒ අධිවේගී මාර්ග කියන සංකල්පයට මාත් එකඟ නිසා (ප්‍රමුඛතාවය්න් තමයි වෙනස් වෙන්න ඕනි ) ,හැබැයි ඉතින් අද රැ ප්‍රවෘත්ති වලින් අධිවේගයේ රූප දැකල අගය කරන අපේ සමහරක් ඇයින් සල්ලි දීල ඔකෙ යන්න තියන කුණු කමට හෙට උදේ ගාල්ලට යන්න පුරුදු ගාලු පාරම තෝරගැනීමේ හැකියාවකුත් තියනව කියල කියන්න ඕනි . මොකෝ ඉතින් පාරවල් හැදුවාට මිනිස්සුන්ගෙ ආකල්ප වෙනස් වෙනවායැ . අධිවේගයේ යන්න බලාපොරොත්තු වෙන අය අදාල නිති රිති ගැන හොඳින් දැනුවත් වෙලා යන එක හොඳයි මීට කලින් විදේස් රටකදී අධිවේගයක් භාවිතා කරල නැත්නම් , සේෆ්ට් පස්ට් කියල කියනවනේ !

අධිවේගයේ යන අයව දැනුවත් කරන්න නම් වැඩපිලිවෙලවල් ගණනාවක් තිබුනත් , මුලු රටේම ජනතාවට බලපාන කාලගුණය ගැන දැනුවත් කරන්න නම් අපේ කාලගුණ බලාධාරීන්ට හැකියාවක් ලැබුනේ නැ . ධීවරයින් ඇතුලු ජිවිත ගණනාවක් බිලිගත්ත අවසනාවන්ත සිදුවීම වලක්වාගන්න හැකියාව තිබුනාය කියල අහන කොට අපේ ඇඟේ මාලු නටන්නෙ අදාල නිලධාරිගෙ පඩි පැකට් එකට අර මිය ගිය ධීරවයින්ගෙත් දායකත්වයක් තියනවාය කියන එක ඒ නිලධාරීන් අමතක කරල දාල තියන නිසා . මෙහෙම තත්වයක් ඇතිවෙන්න පුලුවන්ය කියල අනතුරු ඇඟවීම ඇවිත් තියෙත්දි , ඉන්දියා බලධාරීන් තමන්ගේ ජනතාව දැනුවත් කරල තියෙත්දි අපේ කාලගුණයේ කාල බුදිය ගත්ත උන්ටත "අකුරට ක්‍රියාත්මක " නීතිය බලපවත්වාවි කියලයි අපි බලාපොරොත්තු වෙන්නෙ

කාලගුණය ගැන කථා කරන කොට අමතක නොවනම ඉසව්වක් තමයි සමනල අඩවිය හා ශ්‍රි පාදස්ථානය . ශ්‍රි පාදස්ථානය වෙනුවෙන් භාරකාර ස්වාමීන් වහන්සේ නමක් තොරාගැනීමේ ඡන්දය පහුගිය දාක පැවැත්වුනා . එතනටත් කඩා වැදුනු කැලණියේ චණ්ඩියා වැඩේ දෙ ල් කලාය කියල තමයි මාධ්‍ය වල පලවුනේ .ඒ කථාව බොරුවක් නොවුනත් එතන සැඟවුනු තව කථාවකුත් තියනව . ඒ ගැනයි මේ කියන්නට යන්නේ . මේ තොරතුරු ඔක්කොම අහපු දැකපු අයගෙන් ලැබුන තොරතුරු . ඔය ඡන්දය වෙනුවෙන් රජයේ ඇතැම් දේශපාලකයින්හා සම්බන්ධ තවත් පුද්ගලයින් එක් හිමි නමකට බැහැල වැඩ කලා , ඒ ඉතින් රත්නපුරේ පැත්තේ තියන භූමි සම්පත් හා සබැඳුනු මුල්‍යමය සහයෝගිතාවක් කියලයි කියන්නේ . මේ හිමි නමගේ ජයග්‍රහනය වෙනුවෙන් බැහැල වැඩ කරපු අය මුදල් , වාහන අල්ලස් වගේම සමහර හිමි වරුන්ට පෞද්ගලික රෝහල් වල නවාතැන් පවා දුන්නාය කියල ආරංචියි . ආ... තව අලි ඇතුන් අල්ලසුත් තියනව . මේ වැඩේට සම්බන්ධ අය අතර "සිංහල බෞද්ධ " ගිහි පොරවල් සහ සමහර දේශපාලකයින් කිහිපදෙනෙක් විතරයි හිටියේ (රත්නපුරයේ රජයේ දේශපාලන බවතුන් වැඩේට බැහැල හිටියේ නැතිලු ) . ඔය කතන්දර මාලාවේ අවසන් ජවනිකාවට හෙවත් ඡන්දය වෙලාවට තමයි කැලණි තිස්ස සම්බන්ධ වෙන්නෙ , පොරගේ සුපුරුදු පාතාල සෙට් එක අනික් පාර්ශවයේ හාමුදුරුවන්ට ඡන්දය දෙන්න ආපු ස්වාමීන් වහන්සේලාට සහ ගිහි ආධාරකරුවන්ට තග දාපු බව තමයි කියවෙන්නෙ , නම්බර් ප්ලේට්වත් නැති අති සුඛෝපබෝගී වාහන වලින් ආපු ඇතැම් හාමුදුරුවරුන්ගේ කියකලාපය දැකපු එතන හිටපු අයට කියවුනේ "අනේ මුන්ටද අපි දානේ දෙන්න " කියලාලු . ඒ වගේම එලිපිට සංඝ බෙද පාපකර්මයට දායක වුනු සිංහල බෞද්ධ ගිහියන් හාමුදුරුවරුන්ට අමතපු විදිහ දැක්කාම "මේ සිංහල බෞද්ධා රජ්‍යයි " කියන වාක්‍යට බස් වලටම සීමා වෙලා කියලලු හිතෙන්නෙ . සමන් දෙවියන් ගැන මිනිස්සුන්ගෙ තියන විශ්වාසයන් හා ශ්‍රි පාදය ගැන තියන විශ්වාසයන් අනුව බැලුවාම නම් එදා සිදුවුනු අපරාද වල හැටියට මේ අයට රියල් ටයිම් දඬුවම් ලැබෙන්න ඕනි , එහෙම එකක් වුනේ නැති නිසා , ඉදිරිය ගැනවත් බලාන ඉමු !. කතන්දර දලදා මාලිගාවට දතේ පන්සල කිව්වාය කියල සමහරක් අයට සැහෙන්න තදවෙලා තිබුනා, ඒ අයට මම කියන්නෙ මේ සිදුවීම ගැන හොඳට හොයල බලන්න (මම කිව්ව ඒවට වඩා සැහෙන්න තියනව කරුණු කාරණා ) , පිස්තෝල ඉනේ ගහන් ඉන්න චිවර දාරින් , අල්ලසට නැමෙන හාමුදුරුවරුන් ඇතුලු ඒ කාරණා දැක්කාම ඔබලාටම කලකිරීමක් ඇති වෙයි

ඔය මොන සීන් වුනත් රටේ මිනිස්සු ප්‍රශ්න අමතක කලේ ක්‍රිකට් මැච් බලලා , දැන් නම් ඒකටත් බබා හම්බ වෙගෙන යන්නෙ. මේ දවස් වල හොඳ ක්‍රිඩා ලොලියෙක් එක්ක ක්‍රිකට් ගැන ක්ථාවක් පටන් ගත්තොත් කියන්නෙ , "ඔස්ට්‍රේලියා - සවුත් අර්ෆිකා හරි ඉන්දියා- වෙස්ට් ඉන්ඩීස් හරි මැච් ගැන කථා කරමු අපේ උන් ගැන නම් කථා නොකර ඉමු" කියලයි .කවදාවත් නොතිබුන විදිහට පුහුණු කරුවො රොත්තක්ම දාල ඉත්දිත් කණ්ඩායම අසාර්ථක වෙන්නෙ මොකක් හෝ පරහක් තියන නිසා . මොකද මේ ක්‍රිඩකයින්ම තමයි පහුගිය කාලයේ මැච් දිනවන්න කටයුතු කලේ . මම දකින ලොකුම පරහ නම් නායකත්වය , දෙක පරිපාලනය . ඔබ දකින පරහ මොකක්ද??

අය වැය සහ ගුටිකෙලිය ගැන මගේ අදහස

2011-11-25T19:49:00.000+05:30

තවත් අයවැයක් ඉවරයි . හැමදාම වගේ ඉතින් අයවැයක් අවසන් උනාම දකින්න තියෙන්නෙ ආණ්ඩුව සහ හිතවතුන් අයවැයේ ගුන කියත්දි විපක්ෂයේ කට්ටියට මොකක් හරි කොනකින් වරදක් අල්ලන් කැගහන එක . කොහොම වුනත් මෙදා පාර අය වැය ගැන මගේ අදහස නම් විශේෂ හොඳක් හෝ නරකක් නැති පතෝල වගේ එකක්ය කියන එකයි . අයවැය කියන්නෙ සහන මල්ලක්ය කියල හිතාන ඉන්න ජනතාව වගේම තමන්ගෙ පාලන කාලවලදි නොකලත් විපක්ෂයත් අයවැය විග්‍රහ කරන්නෙත් "අය වැයෙන් ලැබුනු සහන " කියන තැන ඉඳන් . ඒ තැන ඉඳන්ම බැලුවොත් දහ දාහත් එපා කියල 2500ට ඡන්දය දීපු රජයේ සේවකයින්ටත් සංවේදී කලා කරුවන්ට හා ලොන්ඩරි රස්සාවේ කෙල පැමිණි මාධ්‍ය වේදීන්ටත් (එහෙම කියාගන්න ) ජනාධිපති තුමා යුතුකම් ඉටු කරල තියනව . රාජ්‍ය සේවකයින්ගෙ 2500 යේ ටෝටල් එක මේපාර 1000ත් එක්ක සම්පූර්ණ වෙන්න ඇති මයේ හිතේ .ඒ සහන ගැන කතාව . හැබැයි අයවැයක තියන වැදගත් කම සහන නෙවෙයි. රජයේ ආර්ථික ප්‍රතිපත්තිය මොකක්ද සහ රජය ඊලඟ වර්ශය වෙනුවෙන් රජයේ ආදායම් හා වියදම් මොනවගේද කියන එකයි වැදගත් . මේ අතින් බැලුවාම රජය මේ දක්වා ගෙන ගිය වැඩ පිලිවෙලේම දිගුවක් විදිහට මෙ අය වැය හඳුවන්වන්න පුලුවන් කම තියනව . සුපුරුදු පරිදිම ආයෝජන ප්‍රවර්ධනයට හා සංචාරක කර්මාන්තයට වැඩි අවධානයක් යොමු කරල තියන බවත් පේන්න තියෙයි , නමුත් ගැටලුව තියෙන්නෙ රජය ගෙනියන වැඩ පිලිවෙල රට ආශ්චර්යය කරන්න එහෙමත් නැත්නම් ඉක්මනින් සංවර්ධිත රටක් බවට පත් කරන්න ප්‍රමාණවත්ද කියන එක

මම දකින විදිහට ඔය කියන ආකාරයේ ආශ්චර්යකට යන්න නම් රැඩිකල් ආර්ථික තීරණ අරගන්න සිද්ධවෙනවා , නමුත් මේ අයවැය තුල ඒහෙම දෙයක් දකින්න නැ . ඒ වගේම ආර්ථික කාරණා වලට අමතරව රටේ දේශපාලනික සහ සමාජීය වටපිටාව තුලත් මේ වෙනස් කම් සිද්ධ කරන්න වෙනව . උදාහරණයක් විදිහට විදේස් ආයෝජන අරගත්තොත් ඉදිරි කාලයේදී ආයෝජකයින් ලබාගැනීම වෙනුවෙන් අපිට දැවැන්ත තරඟයක් තියනව අපේ අසල් වැසි "ලොකු අය්යා " එක්ක . විශාල සහ වර්ධනය වෙමින් පවතින වෙලඳ පොල , , ලාභ ශ්‍රමය සහ ප්‍රධාන පක්ෂ දෙකම ලිබරල් ආර්ථික ප්‍රතිපත්ති ක්‍රියාත්මක කිරීම (කොලේ වහල නෙවෙයි එලිපිට ) යන ආදී කාරණා නිසා ඉදිරි කාලයේදී ලෝකයේ ආයෝජකයින් බොහොමයකගේ නවාතැන වීමට ඉඩ තියෙන්නෙ ඉන්දියාව . ඒ අතරින් අපේ රටට තියන අවස්ථා හඳුනාගෙන , අදාල අයෝජකයින් ආකර්ෂනය කරගන්න නම් ආර්ථික සහන වලට අමතරව රටේ ආර්තික , දේශපාලනික හා සමාජීය කාරනා තුල ආයෝකයින්ට හිතකර සහ ආකර්ෂනීය වටපිටාවක් නිර්මාණය වෙලා තියෙන්න ඕනි . ඊලඟ කාරණය වෙන්නෙ ලංකාවේ බොහෝ වෙලාවට දකින්න තියන ගැටලුවක් වුනු සැලසුම් නිසි පරිදි ක්‍රියාත්මක නොවීම . අයවැයෙන් මොන ආකාරයෙන් මුදල් වෙන් කලත් ඒවා නිසි පරිදි අදාල අරමුණු සාක්ෂාත් කරගන්න වැය වෙනවාද කියන එක නිරීක්ෂනය කරන්න , වාර්ථා කරන්න සහ නිවැරදි කරන්න ක්‍රමවේදයක් නැති තාක් කල් කිසිම අයවැයක නියම හරයන් රටට හෝ ජනතාවට ලැබෙන්නෙ නැහැ .

සංචාරක කර්මාන්තය දිරිමත් කිරීම වෙනුවෙන් සංධාන රජය සාධනීය අවධානයක් යොමු කරන බව පසුගිය කාලය පුරාවටම දකින්න තිබුනා . මේ අයවැයෙනුත් ඒ පිලිබඳ අවධානය යොමු කරල තියන බව පේන්න තියනව . කොහොම උනත් මේ වෙනුවෙනුත් කල යුතු විපර්යාසයන් බොහොමයි .රටේ සමස්ථ ප්‍රතිරූපය ලෝකය තුල යහපත් එකක බවට පත්කරගැනීම වගේම වීවිධ ආකාරවල සංචාරකයින් මෙරටට ආකර්ෂනය කරගැනීම මේ අතර ඉහලින්ම තියනව . සංචාරක ක්ෂේත්‍රයේ ඉන්න කෙනෙක් වරක් සඳහන් කලා "ලංකාවට බහුලවම එන්නේ ඉන්දියාවේ සල්ලි කාරයින් සහ බ්‍රිතාන්‍යයේ (යුරෝපයේ ) මධ්‍යම පාන්තිකයින් " කියල . මේ කියමන කොයිතරම් දුරට නිවැරදිද කියල නම් මම දන්නෙ නැ ඒ වුනත් මැතකදි කියවපු ලිපියකට අනුව නම් ඔය රටවල් දෙකෙන් තමයි වැඩිම සංචාරකයින් ගානක් වාර්ථා වෙන්නෙ . ඒ වගේම ඒ ප්‍රකාශය සත්‍ය නම් ඉන්දියාවේ මධ්‍යම පාන්තිකයින්ගේ ඉඳන් යුරෝපයේ කෝටිපතියන් , ඇමරිකාවේ කෝටි පතියන් දක්වා සැම පරාසයකම සංචාරකයින් නිරන්තරයෙන් ගැවසෙන සංචාරක කලාපයක්ල බවට ශ්‍රි ලංකාව පත් කිරිම තමයි ඒ අංශයෙන් තියන අභියෝගය . මේ කාරණයෙදිත් අයවැයකින් දෙන සහන වලට අමතරව ගුණාත්මක වර්ධනයන් සඳහා නියාමනය කිරීමේ ක්‍රමවේදයන් සහ දැඩි ප්‍රතිපත්තිමය තීරණත් ගන්න අවශ්‍යයි

අයවැය තුල වඩාත්ම කථාබහට ලක්වුන තීන්දුව වුනේ රුපියල අවප්‍රමාණය කිරීම . මේ ගැන වීවිධ මත එල්ල වෙන බවක් දකින්න තියනව හොඳ නරක දෙයාකාරයෙන්ම . කොහොම උනත් රුපියලේ අගය නිදහසේ විචලනය වීමට ඉඩ හැරීම වඩාත්ම හොඳ තත්වය කියල විද්වතුන්ගේ සහ වෘත්තිකයින්ගේ අදහස් මම අහල තියෙයි . ඒ අනුව පහුගිය කාලයේ රජය විසින් බලහත්කාරයෙන් ඉහල අගයක තියාගෙන තිබුන රුපියලේ අගය නියම වටිනාකම දක්වා අවප්‍රමාණය වෙන්නට ඉඩ හැරීම හොඳ දෙයක්ය කියල මට හිතෙනව .මේ පිලිබඳව ඉදිරියේදී ඇතිවන සංවාද වලදි මේ ගැන වැඩි යමක් දැනගන්නට ලැබේවි

අය වැය යෝජනා එක්ක මේ පාර මුලින්ම එලියට ආවේ අයවැයේදි සිදුවෙච්ච ගුටිකෙලිය . අයවැය කථාව වත් අහන්න පාර්ලිමේන්තුවේ හිටිය නැති එජාපය එලියට ඇවිත් තමන්ට ගහපු එක ගැන මාධ්‍යට කිව්වේ හරියට දෙක වසරේ ලමයි ඉස්කෝලෙදි ගහගෙන ගෙදර ඇවිත් අම්මලාට කියනව වගේ . අයවැය කථාවට පාර්ලිමේන්තු සම්ප්‍රදායෙ තියෙන්නෙ ඉහලම වටිනා කමක් , ඒක සාමාන්‍ය පනතක් ඉදිරිපත් කිරීමක් වගේ නොවෙයි . මේ කාර්ණය දැන දැනත් , විශේෂයෙන්ම රටේ මූල්‍ය පාලනය වෙනුවෙන් පාරිලිමෙන්තුවට ඇති අයිති වාසිකම් ගැන ප්‍රභලව කථා කරන විපක්ෂනායකවරයෙක් ඉත්දිත් එජාපය අයවැය කථාවට එකතු වුනු විදිහ අනුමත කරන්න හැකියාවක් නැ , අයවැයට විපක්ෂයේ විරෝධතාවය දක්වන්න ඕනි තරම් අවස්ථා තියනව අයවැය කියෙව්වාට පස්සෙ , ඒ අවස්ථා වෙනකන් ඉන්නෙ නැතුව ජනපතිවරය පාර්ලිමෙන්තුවට එනකොටම බෝඩ් ලැලි උස්සගෙන ඉන්න එකෙන් අදහස් කරන්නෙ අයවැය පාරිලෙන්තුවට ඉදිරිපත් කරන එකෙන් වැඩක් නැහැය කියන එකද ? කියල ප්‍රශ්නයක් මතුවෙනවා .හාමුදුරුවරුන්ගෙත් අහවල් එක මිරිකපු මිනිස්සු ඉන්න පාර්ලිමෙන්තුවක අය වගේ සිද්දියකින් ගැටුමක් ඇති වෙනවාය කියන එකත් , වැඩියෙන් පිරිස් බලය තියන අයගෙන් ගුටි කන්න වෙනවාය කියන එකත් එජාපය දැනගත යුතුව තියෙන්නෙ ඕනි . මොක්ද එජාපයත් පාරිලිමෙන්තුවේ සරම් උස්සගෙන ගුටි ගහගත්ත නාඩගම් වලට ඉහලින්ම දායක වෙච්ච නිසා .

අනවශ්‍ය වැඩක් කරල වලියක් දාගෙන එලියට ආවට පස්සෙ එජාපය කරන්න අවශ්‍ය වෙන්නෙ පාර්ලිමෙන්තුවෙදී තමන්ට පහර දීම ගැන ජනතාව දැනවත් කිරීම වෙනුවෙන් කටයුතු කරන එක සහ රජය වෙනුවෙන් තමන් පල කරන විරෝධයේ එක් අංගයක් විදිහට ඒක එකතු කරගන්න එක , හැබැයි එජාපය මේ ගැන දාපු මූලිකම අදහස තමයි ජාත්‍යන්තරයට යනවාය කියන එක . රට තුල විසඳගන්න බැරි ප්‍රශ්නයකදි ජාත්‍යන්තර සහය ලබාගැනීම පිලිබඳ ගැටලුවක් නැ , ඒත් හැම රෙද්දකට ම ජාත්‍යන්තරයක් පස්සෙ යන්නේ එජාපයේ නායකයින්ගෙ මොලවලට හුලං බහින නිසාද කියලයි මට හිතෙන්නෙ . කොහොමින් හරි රටේ ප්‍රධාන පුරවැසියන් 4 දෙනාම ඉදිරිපිට ඒ අයගේ යටත් සමාජිකයින් අන්තිම අසික්කිත හැසිරීමක් පෙන්නුවේ විදේස් තානාපති වරුනුත් ගෙනත් තියාගෙනය කියලයි වාර්ථා වෙන්නෙ . මේ අයත් ඇතුලු සමස්ථ ජනතාවගෙම ආකල්ප සහ චර්යා වල පැහැදිලි වෙනසක් වෙනකන් මොන අයවැයක් ගෙනාවත් රට එකම තැනයි කියල අවසන් වශයෙන් සඳහන් කරන්න කැමතියි

Image From - prattvillerevolution.wordpress.com

සුදු කොඩි තීන්දුවේ සමාජිය බලපැම

2011-11-18T19:23:00.001+05:30

බොහෝ දෙනා අවධානයෙන් බලාසිටි දිනයක් අවසන් වෙමින් පවති . දිනයේ වැදගත් කමට හේතුවු තීන්දුවද ප්‍රකාශයට පත්වී අවසන්ය . එය ඊට වඩා වෙනසක් වේයැයි කවුරුත් බලාපොරොත්තු නොවූ මුත් සියලු දෙනා ඒ ගැන කථා කරති , ඉදිරි දින කිහිපයෙත් කථා කරනු ඇති . නමුත් බොහෝ දෙනෙකුට ටික දිනකින් සියල්ල අමතක වනු ඇත . සමහරෙක් අධිවේගී මාර්ගයේ අසිරියෙන් කුල්මත් වනු ඇත , තවත් අයෙක් සුපුරුදු ජීවන තරඟයේ සිරවනු ඇත . තවත් සමහරුන් නිහඬව සුසුම් ලමින් ශ්‍රි ලංකාවෙන් පිටවී යැමේ මාර්ගයක් ගැන සිහින දකිමින් තම සුපුරුදු රිද්මයට එකතු වනු ඇත . නමුත් අදාල සිදුවීමෙන් ශ්‍රි ලාංකීය සමාජයට , ඉහත කී සියලුම වර්ගයේ ජනයාට සිදුවන බලපැමේ ප්‍රභලත්වය නිසා ඒ පිලිබඳ කතිකාවක් ඇති කිරීම අවශ්‍යය .මේ ඒ උදේසා ආරම්භයක් ලෙස සටහන් කරන ඉතාමත් කෙටි සටහනකි

පෙර කී පරිද්දෙන්ම අදාල තීන්දුව බලාපොරොත්තු නොවූ පුදුම සහගත එකක් නොවේ . දිනය නියම වූ දා පටන් ඒ ගැන කථා බස් කල සියලු දෙනා බලාපොරොත්තු තීන්දුව වූයේ මෙයයි , එනම් ශ්‍රි ලංකාවේ වර්ථමානයේ පවත්නා තත්වය තුල නීතිය පිලිබඳ වූ විශ්වාසයක් ජනතාව තුල ඇත්තේ නැත . ඒ සඳහා අතිශයින් සාධාරන හෙතුන් රාශියක් ජනතාව අත්විඳ ඇත . ෆොන්සේකා මහතා වරද කරුවා යැයි විශ්වාස නොකරන්නන් පවා දේශපාලනික හේතුන් මත අධිකරණයේ තීරණ රඳාපවතින්නේ යැයි අනාවැකි පලකරන්නේ අධිකරණ ක්‍රියාදාමයන් පිලිබඳ ඔවුනගේ විශ්වාසය බිඳ වැටී ඇති නිසා වෙනි .

රටේ ඕනැම පුද්ගලයෙකුට සිදුවන අසාධාරනයක් වෙනුවෙන් ඇති අවසන් පිහිට වූ අධිකරනය පිලිබඳ විශ්වාසය බිඳ වැටුනු තැන ප්‍රජාතන්ත්‍රවාදී සමාජ රාමුවට සිදුවන හානිය ඉමහත්ය , ජනතාව විසින් නීතිය අතට ගන්නෙත් , ඒ හරහා ශිෂ්ට සමාජයට නොගැලපෙන ක්‍රියාවන් සමුදායක් සිදුවන්නෙත් ඒ තුලය .නමුත් යතාර්තය ඊටත් බරපතලය . ජනතාව විසින් ඇති කරගන්නා සැකයන් තහවුරු කරනා තැනට අධිකරනය පත්වී ඇත .

විනිසුරුවරුන් තුල අනිවාර්යයෙන් තිබිය යුතු පක්ශග්‍රාහී නොවීමේ ගුනයන් ඇතැම් විනිසුරු වරුන් විසින් ප්‍රසිද්ධියේ කඩ කරමින් එක් පාර්ශවයකට හිතවත් කම් දැක්වීම් මෙන්ම ඉරුණු සටහන් පොත් , හා සංස්කරනය කල විඩියෝ වැනි සාක්ෂි වලට වලංගු භාවයන් ලබා දීමත් ඇතුලු අධිකරනය පිලිබඳ ජනතාවගේ සැකයන් තහවුරු වන ක්‍රියා මාර්ගයන් මේ සිදුවීම තුල ඇත . ජනතාව නීතිය පිලිබඳ විශ්වාසය අත්හරිත්දී , අධිකරනය එය සනාථ කරමින් සිටින්නේ නම් රට යන්නෙ ආශ්චර්යකට නොව ඒකාධිපතිවාදයකට බැව් පැහැදිලිය . සරත් ෆොන්සේකා යන පුද්ගල චරිතය අමතක කලත් මේ සිදුවීම තුලින් ලබාදෙන රතුඑලිය පිලිබඳ ජනතාව විසින් අවධානය යොමුකල යුතු බැව් මෙසේ සටහන් කර තබන්නට කැමත්තෙමි !

ඉහත විස්තර කල සමාජීය කාරණාව පසුපස ඇති දේශපාලනය බොහෝ දෙනෙකුට පැහැදිලිය (රෙදි නැතිව කඩේ යන්නන්ට හැර ) , ඒ ගැන දුකා සහ සබිත් ගෙ ලිපි සමඟින් එකතු වෙන්නේ ෆොන්සේකා මහතාගේ දේශපාලනය අනුමත කරනා නිසා නොව ඔහුට දේශපාලන මතයක් දැරීමේ අයිතියට ගරු කරන නිසාය . මේ සිදුවීමෙන් ලාංකීය දේශපාලනය තුල සිදුවන්නේ මොනවාදැයි අවධානයෙන් බලා සිටීම ඒ පිලිබඳ උනන්දුවක් දක්වනා අයට වැදගත් වනු ඇත

ප.ලි -

1) නිරුවතින් කඩේ යන්නන් මේ සිදුවීම තුල මහජනයා වශයෙන් තමාට ඇති බලපැම දකින්නෙ නැත , ඔවුනට නිතියෙ දෙව් දුව දැස් බැඳි රෙදිකඩ පමනක් නොව ඇඳිවතද උනා දැම්මාට ඔවුන්ට කමක් නැත , දේශප්‍රේමී වෙබ් අඩවි වල (ලියාපදිංචි කල වෙබ් අඩවි ) මෙවන් පුද්ගලයින්ගේ කමෙන්ට් ඇති තරම් දක්නට ඇත

2)අධිකරණයෙන් දුන් උපන් දින තැග්ග හෝ අවුරුද්දක් දිග මෙගා දන්සැල් අනුමත නොකරත් ජනපති තුමට සුභ උපන් දිනයක් ප්‍රාර්ථනා කිරීමට කැමතිය

වෘත්තීය ජිවිතයේ 50 වෙනි වසර සමරන පක්කලියාට සුභ පතමු !

2011-11-15T07:22:00.000+05:30

තම වෘත්තීය ජිවිතයේ 50 වන වසර සැමරීමේ අවස්ථාව හිමි වන්නේ ඉතාමත් කලාතුරකින් කෙනෙකුට පමණි . බොහෝ වෘත්තීන් හි විශ්‍රාම වයස 60 වන නිසා වසර 50ක වෘත්තීමය ජීවිතයක් යනු සැබවින්ම සුවිශේෂි කාරණයකි . මෙවන් සැමරුමක් කරන තැනැත්තෙක් බොහෝ විට තම වෘත්තිමය ජීවිතයේ අති සාර්ථකත්වය නිසා විශ්‍රාම වයසෙන් පසුවත් සේවය සපයන ඉහල විධායක ශ්‍රේණියේ නිලධාරියෙක්/ව්‍යාපාරිකයෙක් හෝ ළමා ශ්‍රමය පිලිබඳ නීති රීතින් ලිහිල් අවදියක කම්කරු ශ්‍රේණියේ රැකියාවකින් වෘත්තීමය ජීවිතය ආරම්භ කල අයෙකි . ඉහත සඳහන් කල දෙවෙනි වරගයේ අයවලුන් අතර කම්කරු ශ්‍රේණියෙන් පටන් ගෙන ඉහලට නැගි අයෙකු මෙන්ම එම තත්වයේම වසර 50ක් සේවය කල අයකුද සිටිය හැක . ඒ පුද්ගලයාගේ සමත් අසමත් කම් අනුවය . මේ කොයි ආකාරයේ කෙනෙකු වුවත් වසර 50ක වෘත්තිමය ජිවිතයක් ගත කල අයෙකුට තමාගේ කාර්යභාරය පිලිබඳ මෙනෙහි කර සතුටක් ලැබිය හැකි විය යුතුය . එහීදී ආයතන කලමණාකරුවෙකුටත් වැසිකිලි පිරිසිදු කරන්නෙකුටත් දැනෙනා සතුට එකමය . ඒ තමන් තමන්ගේ වගකීම් කොටස සාර්ථක ලෙස ඉටු කිරීම පිලිබඳ ලබනා ආත්ම තෘප්තියයි . කාර්යයේ මුල්‍යමය වටිනාමක් වෙනස් වුවත් ඒ තුල ගැබ්ව ඇති හරාත්මක වටිනා කම් වෙනස් වන්නේද නැත . මන්ද අදාල වපසරිය තුල වෘත්තියට , ආයතනයට මෙන්ම සමස්ථ සමාජයටම ඔහුගෙන් ඉටු විය යුතුකම් කොටස ඉටුවී හමාරය

අද දින ලංකාවේ බොහෝ දෙනෙකු නම ඇසු පමණින් දන්නා කියන පුද්ගලයෙකු තමාගේ වෘත්තිමය ජීවිතයේ 50 වෙනි වසර සමරන බවක් දැන ගන්නට ඇත . එයට රටේ ඉහලම නායකාරකාදීන් සහභාගි වෙන බවක්ද දැනගන්නට ඇත . එහෙත් මේ පුද්ගලයා ඉහත සඳහන් කල ආකාරයේ ආත්ම තෘප්තියක් ලැබිය හැකි වෘත්තිකයෙකු නම් නොවේ . ඔහු ජනතාවගේ මුදලින් යැපෙන ආයතනයක එක් ප්‍රධාන නිෂ්පාදනයක් භාර ජනතාවගෙන් වැටපු ලබන නිලධාරියෙකි , නමුත් අදාල නිෂ්පාදනයෙන් ආයතනය ලාභ උපයන්නෙ නැත එනයින් බැලු විට ඔහුගෙන් ආයතනයට ඉටු විය යුතු යුතුකම් කොටස ඉටු වන්නෙ නැත . ඔහුගේ කාර්යය ඍජුව වගකිව යුත්තේ ජනතාවගේ සුභ සිද්ධියටය . නමුත් ඔහු එහිලා කිසිදු දායකත්වයක් දක්වන්නෙ නැත . ජනතාවගේ සුභ සිද්ධිය ඔහු විසින් සහමුලින්ම අමතක කර දමා ඇත . එනිසා ඔහුගෙන් සමාජයට ඉටුවිය යුතු සමාජීය කාරයභාරයද ඉටු වී නැත . ඔහුගේ වෘත්තිය ඉතාමත් ගෞරවාන්විතය ,රටක හෝ රටවල් ගණනාවක අනාගතය වෙනස් කල හැකි මට්ටමේ බලයක් අදාල වෘත්තිය සතුව ඇත , නමුත් මේ පුද්ගලයා අතින් දිගින් දිගටම සිදුවන්නෙ එකී ගෞර්වනීය වෘත්තියේ ගෞරවය කෙලෙසීමය . ඒ අනුව ඔහුගෙන් වෘත්තියට ඉටු විය යුතුකම ඉටුවී නොමැත

ඉහත කාරණා අනුව ඔහු වසර 50 ක් සැපිරුවා යන්න තුල සැමරීමට තරම් දෙයක් නොමැත . වර්ථමානයේ ඔහු විසින් කරනා එකම කාර්යය වැසිකිලි වලවල් අතින් හාරා දිගට හරහට අසුචි විසිකිරීම වැනි රටම ගඳගස්වනා පක්කලි ක්‍රියාවක් වුවත් ඔහුගේ සැමරුමට රටේ ඉහලම තැන්වල දායකත්වය ලැබී ඇත . ඒ ඔහුගේ වැසිකිලි කැඩීමේ ක්‍රියාවලිය තුලින් වාසී ලබනා එකම පිරිසය .මේ සිරි ලකේ ඔවැනි කාරණා පිලිබඳ සිත් තැවුල් ඇති කරගැනීමෙන් පලක් නැත . මේ අප ආශ්චර්යයේ ස්වභාවයයි . 50 වසරක පක්කලි සේවය වෙනුවෙන් අද දින උපහාර ලබන්නානෙනි ඔබට මාගේ සුභ පැතුම්!!

ප.ලි - මේ පුද්ගලයා කව්දැයි යන්න හඳුනාගැනීමක ඔබට එතරම් අපහසු විය නොහැක , නොහැකි වුවහොත් මඳක් විපරම් කර බලන්න සොයාගත හැකි වනු ඇත . කෙසේ හෝ ඔහුගේ සැබැ නාමය කමෙන්ටු තීරයේ වත් නොලියා සිටින මෙන් ඉල්ලා සිටිමි . පලමුවෙන් එවැනි පක්කලියෙකුගෙ නමක් මෙහි ලියවෙනවාට මා අකමැතිය . දෙවැන්න බ්ලොග් අඩවිය දැන්ම ලියාපදිංචි කිරීමේ බලාපොරොත්තුවක් නොමැත

2018 කොමන් වෙල්ත් ඕස්ට්‍රේලියාවට .... අය්යෝ සල්ලි !!!

2011-11-12T07:25:00.000+05:30

ඕස්ට්‍රේලියානුවන් 2018 පොදු රාජ්‍ය මණ්ඩලීය තරඟාවලිය පැවැත්වීමේ අයිතිය දිනා ඇත . ඔවුන් ඡන්ද 43ක් ලබත්දි ශ්‍රි ලංකාව ලබා ඇත්තේ 27ක් පමණි . යථාර්තය තේරුම් නොගෙන සිහින මැවීමෙන් සහ රටේ මිනිසුන් මෙන් විදේශිකයින්ද ගොනාට ඇන්දවිය හැකියයි සිතා ගත් නිසා තවත් බිලියන ගණනක් රටට අහිවිව ඇත . නාමල් රාජපක්ෂ , මුරලි දරන් , අනර්කලි ඇතුලු කණ්ඩායමට හිස් අතින් ශ්‍රි ලංකාවට පැමින කොමන් වෙලත් වෙනුවට වෙනත් සිහිනයක් දැකීමට සිදුවනු ඇත

මේ උත්සවය ශ්‍රි ලංකාවට ලැබුනා නම් එය රටක් වශයෙන් ලබනා ජයග්‍රහනයක් බැව් සැකයක් නැත , නමුත් ප්‍රයෝගික තලයේ ඉටු කරගත නොහැකි දෙයක් වෙනුවෙන් කෝටි ගණනින් මුදල් නාස්ති කිරීමට තරම් ප්‍රමුඛතාවයක් පොදු රාජ්‍ය මණ්ඩලීය තරඟවලියට නැත .

මේ සිද්ධියේ මුලින්ම පරහට සිටි කාරණාව වන්නේ 2010 තරඟාවලියයි(ආදරණීය ලොකු අය්යායි ) . ඉන්දියාවේ නව දිල්ලි නුවර පැවැත්වූ එම තරඟාවලි සංවිධායක කමිටුවේ දූෂණ ක්‍රියා නිසා ගැටලු රාශියක් මතුවූ අතර සාමාජික රටවලින් ප්‍රභල විවේචනයන්ද එල්ල විනි . මේ පිලිබඳ දිගට හරහට රජයට පහර ගැසූ ඉන්දියානු මාධ්‍ය(ඔව් ලංකාවේ බැරි උනාට ඉන්දියාවේ රජය ,මාධ්‍ය වලින් විවේචනය කරනව ) "Commonwealth Shame " ලෙස හැඳින්වූ මෙම සිදුවීමත් සම්ඟ තවත් දකුණු ආසියාතික රටකට ඡන්දය භාවිතා කිරිමේ සම්භාවිතාව සැහෙන්න අඩුවූ බව ශ්‍රි ලංකාව විසින් තේරුම් ගත යුතුව තිබිණි , ලෝකයේ දිදුලන ආර්ථික වර්ධනයක් අත්කරගත් රටක් වූ ඉන්දියාව විසින් අල කර ගත් කාර්යයක් දකුණු ආසියාවේ වෙනත් රටක් විසින් සාර්ථක කරගනිවි යැයි සමාජික රටවල් නොසිතනා බැව් තේරුම් ගත යුතුව තිබිනි ..

ඕස්ට්‍රෙලියාවේ ගොල්ඩ් කෝස්ට් තරඟවලිය පැවැත්වීමට අවශ්‍ය කරන මූලික පහසු කම් වලින් 80%ක් පමන අත්පත් කරගත් නගරයක් වෙත්දි හම්බන්තොට සිටියේ සම්පූර්නයෙන්ම ඉදි කල යුතු තත්වයෙනි . ගෝල්ඩ් කෝස්ට් වලදී ඇහැට දකින්නට ඇති දේ වෙනුවට ශ්‍රි ලංකාවේ තිබුනේ සැලැස්මවල් හා නාමල් රාජපක්ෂ මහතාගෙ පොරොන්දු පමණි . එවන් තත්වයක් තුල හම්බන්තොට ගෝල්ඩ් කෝස්ට් පරයා ජයගනිවි යැයි සිතුවේ ඇයි ?. හම්බන්තොට ට වඩා ගව් ගානක් ඉදිරියෙන් සිටිනා නව දිල්ලියත් ඉදිකිරීම් වලදි අනාගත් කොට (පාලමක් කඩා වැටුනු බවක් පවා මතකය ) හම්බන්තොට මුලු මනින්ම ඉදිකිරීම සාර්ථක වේ යැයි අදාල නියෝජිතයන් විශ්වාස කරාවිද .

ශ්‍රි ලංකාව පිලිබඳ ජාත්‍යන්තර ප්‍රතිරූපයද සුභදායි නොවන තත්වයක පැවැතීමත් මේ සඳහා බල පැ හැකි බව තේරුම් ගත යුතුව තිබිනි . කෙසේ හෝ මේ කිසිවක් ගැන නොසලකා ප්‍රායොගික නොවන සිහිනයක් වෙන්වෙන් ශ්‍රි ලංකාව වෙහෙසුන අතර , සමාජික රටවල ඡන්දය ලබා ගැනීම සඳහා කලේ සුපුරුදු ඇන්දීමේ ක්‍රියාවලියයි , එය ලංකාවට මිසක ජාත්‍යන්තරයට නොගැලපෙන බැව් නැවතත් සනාථ වී ඇත

ප්‍රයෝගිකව ඉටු කරගත නොහැකි සිහින වෙනුවෙන් ජනතා මුදල් නාස්ති කිරීමට ප්‍රථමයෙන් දෙවරක් නොව දහ වරක්ම් හෝ කල්පනා කල යුතුබව ශ්‍රි ලංකා රජය විසින් තේරුම් ගත යුතුව ඇත

හැකියාවක් තිබුනේ නම් 2022 තරඟා වලිය වෙනුවෙන් සටන් කලා නම් මීට සාර්ථක ප්‍රතිඵල ලබා ගන්න ට හැකියාව තිබුනි . ඒ වන 2010 ඉන්දියාවේ නා ගැනීම යම් තාක්දුරට යටපත් වී තිබෙනු ඇති අතර , සාර්ථක පොදු රාජ්‍ය මණ්ඩලීය සමුලුවක් පවත්වා සමාජික රටවල දුර්මතද නැති කර දැමීමට හැකිවනු ඇත . හමබන්තොට නගරයේ යටි තල පහසුකම් සංවර්ධනයේ දැවැන්ත වර්ධනයක් කර සමුලුවට එන නායකයින්ට මෙන්ම 2014න් පසු පැවැත්වෙන ඡන්ද විමසීමේ නියෝජිතයින්ටද ඉදිරිපත් කර විශ්වාසය දිනා ගත හැක . මෙයත් එතරම් පහසු ඉලක්කයක් නොවුනත් 2018ට වඩා නම් ප්‍රායොගිකය , වාර්ථා පලවෙන අන්දමට ශ්‍රි ලංකාව මේ වෙනුවෙන් බිලියන 2කට වඩා වියදම් කර ඇත . අයියෝ....සල්ලි !

දිණමිනේ වාර්ථා කරණය සහ ඇමති තුමාගේ හිනා කථා

2011-11-10T08:12:00.002+05:30

සිනහ වීම සෞඛ්‍ය සම්පන්න පුරුද්දක් කියා පිලිගැනීමක් තිබේ , එනිසා දෝ අප රටේ දේශපාලකයින් හා මාධ්‍ය ආයතන දිගින් දිගටම ජනතාවට විහිලු සපයමින් සිටිති . සැමුවෙල් , ඇනල්සි බර්ටි ගියාට පසු හිනා යන විහිලුවක් කල හැකි අයෙක් දක්නට ඇත්තේ අතේ ඇඟිලි ගණනටත් වඩා අඩුවෙන් නිසා රජය හා මාධ්‍ය විසින් එම වගකීම තමන් වෙත පවරාගෙන ඇත . මේ අද දිණමින පුවත් පතේ අන්තර්ජාල සංස්කරණයේ පලවී ඇති පුවතකි

පාලනයකින් තොර වෙබ් අඩවි රටේ කීර්තිනාමයට හානියක්

ඉන්දික පොල්කොටුව

කිසිදු පාලනයකින් තොරව වෙබ් අඩවි ක්‍රියාත්මක විම තුළ ඒවායේ අසත්‍ය ප්‍රචාර හරහා රටේ කීර්තිනාමයට විශාල හානියක් සිදුවන බැවින් එම වෙබ් අඩවි පාලනය කිරීම කාලීන අවශ්‍යතාවක් බැව් ජනමාධ්‍ය හා ප්‍රවෘත්ති ඇමැති කෙහෙළිය රඹුක්වැල්ල මහතා පවසයි.

විශේෂයෙන් ආචාරධර්ම අමු අමුවේ උල්ලංඝනය කරමින් එම වෙබ් අඩවි පසුගිය වකවානුව තුළ සිදු කළ ක්‍රියාවක් හේතුවෙන් රටේ කීර්තිනාමයට හානි රැසක් සිදුව ඇතැයි ද අමාත්‍යවරයා කීය. මෙලෙස වාහන ලබා ගෙන මේ කල්ලිය විසින් අලෙවි කැර ඇති බවට තොරතුරු අනාවරණය වේ.

එලෙස ලබා ගත් වාහනයක් මහනුවරදී අලෙවි කිරීමට සැලසුම් කැර තිබියදී මෙම ජාවාරම පිළිබඳ කරුණු හෙළිකැර ගැනීමට පොලිසියට හැකි වී ඇත.

මධ්‍යම පළාත භාර ජ්‍යෙෂ්ඨ නියෝජ්‍ය පොලිස්පති එච්. එන් . බී. අඹන්වල, නියෝජ්‍ය පොලිස්පති නිහාල් සමරකෝන් යන මහත්වරුන්ගේ උපදෙස් මත මධ්‍යම දිසා අපරාධ හා මෙහෙයුම් ඒකකයේ ස්ථානාධිපති ප්‍රධාන පොලිස් පරීක්‍ෂක ගුණරත්න බණ්ඩා, පොලිස් පරීක්‍ෂකවරුන් වන එම්. රෆයිතු, චින්තක බණ්ඩාර, එච්. ටී. සමරනායක, වසන්ත චන්ද්‍රසේකර යන නිලධාරීහු මෙහි පරීක්‍ෂණ පවත්වති.

http://www.dinamina.lk/2011/11/10/_art.asp?fn=n1111105

අදාල පුවතේ කියවෙන්නේ අප රටේ මාධ්‍ය ඇමති වරයාගේ ප්‍රකාශයකි . ඔහුට අනුව අසත්‍ය පවසනා වෙබ් අඩවි ශ්‍රි ලංකාවේ කිර්ති නාමයට හානියකි එනිසා පාලනයක් අවැසිය . ලංකාවේ කිර්ති නාමයට හානි වන්නේ විදේස් රටවල මිනිසුන් එම වෙබ් අඩවි කියවීමේදීය , ලංකාවේ වෙබ් අඩවි පාලනය කලා කියා විදේස් රටවල මිනිසුන් ඒවා කියවීම වලකනු හැකිද ? පට්ට පල් බේගල් ඇදබාන ටැමිල් නෙට් ලංකාවේ තහනම් නොවේද ? ඔවුන් රටට එරෙහිව ගෙනිය ප්‍රචාරයන් විදෙස් රටවල මිනිසුන් නොකිය්වන්නේද ? රටේ කීර්ති නාමයට ඉන් හානියක් සිදු නොවේද ? අහෝ..... වෙබ් අඩවි පාලනය කරන්නට යන අප රටේ මාධ්‍ය ඇමති තුමාගෙ දැනුම් පරිචයේ තරම

දිනමින කතුවරයා වෙබ් අඩවි පාලනය අනුමත කරමින් කතුවැකියක් පවා ලියා තිබුනා මතකය . එතුමා එහිදී කථා කරන්නෙ මාධ්‍ය සදාචාරය ගැනය . ඇමතිවරයාගේ ප්‍රකාශයේ ඉතිරිය වෙනුවට වාහන මංකොල්ලයක් ගැන සටහනක් දමා රජයේ නිල ප්‍රකාශනයක් විහිලුවක් කිරීම මාධ්‍ය සදාචාරයට අයිතිද කියා නොසිතේද ? එජාපයේ විහිලු ගැන වෙනම සටහන් දමන ඔහුට , තමාගෙ පුවත් පතේ ඇති විහිලු නොපේනේද ?

ඇමතිගේ ප්‍රකාශයත් , එය වාර්ථාකර ඇති දිනමින ලිපියත් දුටු විට කියන්නට ඇත්තේ එකම දෙයකි .

නොහොත් තදින් සිනා !!!!!

ප.ලි - තවත් දාර විහිලුවක් රජය විසින් කර ඇත , ඒ රජයේ ආයතන කෝටි ගනන් පාඩු ලබත්දි පුද්ගලික ආයතන රජයට පවරා ගැනීමයි . මෙය ගෙදර ගැනි පිට යත්දි අනුන්ගෙ ගැනුන් බලෙන් ගැනීම වැනි වැඩක් බව පැහැදිලිය . පාඩු ලබන ආයතන හා ප්‍රමානයන් ගැන මා පෙර ලියූ මේ ලිපියේ සටහන්ව ඇත . අදාල පනත සාධාරණී කරනය කරන නෝෆ්‍රේම්

"විදුලි බල මණ්ඩලය, ඛණිජ තෙල් සංස්ථාව, පොහොර සමාගම්, ශ්‍රි ලංකන් ගුවන් සමාගම, මිහින් ලංකා සමාගම යන ආයතන පාඩු ලබන්නේ ඇයිද යන්නයි. මේ සියළුම ආයතන මහජන සේවාවන් වෙයි. මෙයට ලංගම, සෞඛ්ය සේවය, අධ්‍යාපන සේවය හා දුම් රිය දෙපාර්තමේන්තුවද එකතු කළ හැකිය. මේ සියල්ලම මහජන සේවා වන බව ........... අමතක කරයි "

යනුවෙන් සටහනක් දමා ඇත . දේශපාකයින් විසින්ම නැති බංගස්ථාන කල විදුලිය , ලංගම පාඩු ලැබීම ඔය යටතට ගත්තත් , ලාභ ලැබිය හැකි ගුවන් සමාගම් , මාධ්‍ය ආයතන බැංකු ආදිය පාඩු ලබන්නේ ඇයිද කියා නෝ ෆ්‍රේම්ට පැහැදිලි කිරීමක් තිබේද ? අඩුම තරමේ නෝ ෆ්‍රේම් පවසනා පරිදි මේ සියලු සේවා ලාභ ලැබීමට නොව සේවයට කැපවූ ආයතන නම් පාඩු ලබන එක් ගුවන් සේවයක් වෙනුවට දෙකක් පවත්වාගෙන යන්නෙ මොන අටමංගල්ලයකට දැයි පැහැදිලි කල යුතුය . එසේ නොමැති නම් නෝෆ්‍රේමුත් රජයේ මිනිසුන් හිනැස්විමේ ව්‍යාපාරයේ කොටස් කරුවෙකු බැව් සිතා ගත හැක . මේ දිනමින එජාපයේ විහිලු ගැන ලියන සටහනේ අවසන් වාක්‍යයි

"අසාර්ථක ව්‍යාපාර 37 ක් පවරාගෙන ඒවා මුල්‍යමය වශයෙන් දියුණු කළ විට අද කෑ ගහන බොහෝ දෙනාගේ කටවල් වැසී යනු ඇත"

මේ වසරේ හොඳම විහිලුව නොවේ නම් අනිවාර්යයෙන්ම දෙවැන්න නොවේද ?

හොලිවුඩ් බොලිවුඩ් සංකලනය Ra.One සහ ඒත් එක්ක බලපු චිත්‍රපටි ට්‍රේලර්ස්

2011-11-08T18:49:00.003+05:30

කලින් ලිපියෙදි චතුරංග සහෝදරය දීපු අවවාදය නිසා , දේශපාලනේ අතැරල ලඟදි බලපු චිත්‍රපටියක් ගැනයි ලියන්න හදන්නේ . සල්ලි දිල චිත්‍රපටියක් බලත්දි දේශීයත්වයට මුල් තැන දෙන්න තරම් දේශප්‍රේමියෙක් නොවන නිසා මම නම් මුල් තැන දෙන්නෙ කැමැත්තට , ඒ නිසා ගාමිණි , කිව්වද නහි ..... ඇතුලු මගේ රසයට මැච් නොවෙන චිත්‍රපටි අත්හැරල ගියේ පහුගිය කාලයේ සිනමා ලෝකයේ සැහෙන්න කථා බහට ලක්වුනු Ra - One චිත්‍රපටිය බලන්න

Ra one චිත්‍රපටිය වගේම චිත්‍රපටියට කලින් පෙන්වන අනෙක් ප්‍රචාරක පටිවලත් ගත යුත්තක් තිබුන නිසා ඒ ගැනයි මේ කථා කරන්න හදන්නෙ . බොලිවුඩ් සිනමාවේ විශාලම මුදල වියදම් කරල හදපු රා.වන් ගැන ප්‍රචාරය කලේ බොලිවුඩ් සිනමාවේ ඉහලම ගණයේ දෘෂ්‍ය ප්‍රයෝග සහ ක්‍රියාදාම අඩංගු චිත්‍රපටිය විදිහට . ඔය පහලින් තියෙන්නෙ ප්‍රචාරක පටිය .

ඕකේ තියන වැඩ කැලි සහ ඊට වඩා හොඳ තත්වයේ වැඩ කැලිත් එකතු වුනු රා.වන් චිත්‍රපටිය ප්‍රචාරය කරපු කාරනා වලට සම්පූර්නයෙන්ම අනුකූලයි කියල කියන්න පුලුවන් . නිවැරදි වෙන්න ඕනි තැන් එහෙම නැත්නම් දෘෂ්‍ය ප්‍රයෝග භාවිතාවේදි සැලකිලි මත් වියයුතු තැන් තිබුනත් හොලිවුඩ් සිනමා නිර්මාණයක සාමාන්‍යයෙන් දකින්න ලැබුනු ආකාරායේ ලක්ෂන මේ චිත්‍රපටියේ දකින්න තියනව , ඒ වගේම ඒකට සුපුරුදු ඉන්දියානු සිනමාවේ ලක්ෂන වෙච්ච ගීත ජවනිකා සහ නර්තනයනුත් අඩංගුයි . නැටමු ගැයුම් විතරක් නෙවෙයි සමස්ථ කථාව , හා චරිත තුලත් ඉන්දියනු ෆ්ලේවර් එක තියන නිසා . හොලිවුඩ් - බොලිවුඩ් සංකලනයක් දැක ගන්න ලැබුනාය කියල කියන්න පුලුවන් . ඊලඟට මගේ සිත් ගත්ත කාරණය තමයි චිත්‍රපටියේ එන කොමඩි රසය . ප්‍රචාරණයේ කොතනකවත් චිත්‍රපටිය හාස්‍යයට බර බවක් නොකියවුනාට මුලු චිත්‍රපටියේම (පටන් අරගෙන සුලු මොහොතක ඉඳන් අවසානය දක්වාම ) හාස්‍ය අඩුවක් නැතුවම තියනව .පහුගිය කාලයේ ආපු ගොඩක් බොලිවුඩ් කොමඩි චිත්‍රපටි වල තිබුන ඔවර් ඇක්ටින් වලින් බලෙන් හිනස්සන්න ට්‍රයි කිරීමෙ වෙනුවට බොහොම ලස්සනට හාස්‍ය මතු කරන්න චිත්‍රපටියේ අධ්‍යක්ෂවරයා සමත් වෙලා තියනව . ඒ වගේම ඒ සාර්ථකත්වයට ෂාරුක් ඛාන්ගෙ අති දක්ෂ රංගනයත් හේතු වෙලා තියනව . කොහොම උනත් මේ චිත්‍රපටියේ රසය විඳින්න නම් හොඳම ක්‍රමය සිනමා ශාලවකටම ගිහින් බලන එක තමයි , නැත්නම් ඉතින් රූප - ශබ්ද රසයන් දෙකම නියමාකාරයෙන් විඳින්න බැරි වෙයි

මෙතෙක් කාලයක් මම බලපු චිත්‍රපටි අතරින් කැමතිම චිත්‍රපටියක් වුනත් සමහර කෙනෙකුට මේක හරියන එකක් නැ , විශේෂයෙන්ම හොඳ කථාවක් තියන චිත්‍රපටි තෝරල බලන අයට සහ තාත්වික නිර්මාන හොයන අයට මේක හරි යන්නෙ නැ . හැබැයි මම වගේ "පූර්ණ සිනමා අත්දැකීම " ගැන හිතල චිත්‍රපටි තෝරන අයට නම් ගැලපෙයි

ද්‍රෂ්‍ය ප්‍රයෝග සමහරක තියන අඩුපාඩු ඇරුණාම ලොකුම අඩුපාඩුව තියෙන්නෙ නගර මැද්දේ කුඩු පට්ටම් වෙන ගේම් දීලත් පොලිසියේ හෝ ජනතාවගේ අවධානය යොමු වෙන බවක් කථාවේ නැති එක . එක අවස්ථාවක දුම් රිය ඇන්ජිමක් ස්ටේසමත් කඩාගෙන ඇවිත් නතර වෙන්නෙ මහ පාර මැද , මෙහෙම එකක් උනාම ඉතින් කොච්චර දේවල් ටිකක් වෙන්න ඕනිද සමාජයේ , ඒත් ඒ ගැන කිසිම සටහනක් චිත්‍රපටියේ නැ . ඊලඟ අවුල හෙවත් ලොකුම ගොන් පාට් එක තමයි රැජිණි කාන්ත් අරගෙන කරල තියෙන්නෙ , ඒ කැල්ලෙන් නම් සත පහකට වැඩක් නැ . රා.වන් ගැන ලියපු විචාරකයොත් වැඩියෙන්ම චෝදනා කරල තිබුනේ චිත්‍රපටියේ තිර රචනයට . මීට වඩා හොඳ තිර රචනයකින් අර ප්‍රයෝග සහ ඇක්ෂන් වලට මීටත් වඩා වටිනා කමක් දෙන්න තිබුනාය කියල මටත් හිතෙනව .

-----------------------------------------------------------------------

ඒ රා.වන් ගැන කථාව , ඊලඟට එන්නෙ බලාපු ට්‍රේලර්ස් ගැන කථාව . චිත්‍රපටියක් ගියාම බලෙන්ම ඔව්ව පෙන්වනවනේ , ඒවා අතුරෙන් මගේ වඩාත්ම හිත ගත්තේ ඔය පහලින් තියන චිත්‍රපටි දෙක (ට්‍රේලරුත් ඔන්න මං දාල තියනව )

DON 2 :

ඩොන් චිත්‍රපටියේ පල්වෙනි කොටස බලපු අයට නම් මේ පාර කථාව යන්නෙ කොයි පැත්තටද කියල හිතාගන්න පුලුවන් ඇති , ට්‍රේලරයට අනුව නම් මට හිතෙන්නෙ ඩොන් 2 රා.වන් වලට වඩා ක්‍රියාදාම පැත්තෙන් වගේම කථාව පැත්තෙනුත් සාර්ථක වෙයි කියල . දෙසැම්බර් 23 ඉඳන් ඕක මැජස්ටික් සිනමා එකේම පෙන්නන වලු , බලන්න ලැබෙන පලවෙනි චාන්ස් එකෙන්ම බලන්න තමයි හිතාන ඉන්නෙ

MI 4 : Ghost Protocol

මේ ගැන නම් අමුත්වෙන් කියන්න ඕනි නැනේ , මෙකත් දෙසැම්බර් 16ද කොහෙද එනව (එක මාසෙට චිත්‍රපටි දෙකකට වියදම් කරන්න වෙයි වගේ ) . මේ චිත්‍රපටියට අනිල් කපූර් ත් ඉන්නවාය කියල කියනව (ගරු රඟපැමක් ද දන්නෙ නැ විනාඩි දෙක තුනක ) . කොහොම උනත් ට්‍රේලරයෙන් හිතට වැදුනු ඇක්ෂන් ටික නිසා කොහොම හරි බලන්න ඕනි කියල තමයි හිතාන ඉන්නෙ ලංකාවේ පෙන්නුවොත්

ඊලඟ චිත්‍රපටිය තමයි සුපර් 6 , ප්‍රචාරණයේදි කියන විදිහට නම් ලංකාවේ වැඩිම වියදමක් දරපු චිත්‍රපටිය . කොහොම උනත් වේනද දකින්න තියන චිත්‍රපටි වලට නම් වඩා සිනමා කරණ ගුනයන්ගෙන් නම් සුපර් 6 ඉදිරියෙන් ඉන්න බව පේන්න තියනව . ලංකාවේ වාණිජ සිනමාවේ සාමාන්‍යයෙන් සිනමා කරන ගති ලක්ෂන වල තියන ඌණතාවයත් එක්ක මම නම් මේ උත්සාහය අගය කරනව , ලස්සන ලස්සන පසුබිම් වල ගීත ජවනිකා කියන්නෙ නම් බොලිවුඩයෙනුත් දැන් ඉවත් වෙලා යන අවුට්ඩේටඩ් සංකල්පයක් , ඒ වුනත් ඒ දේ අලංකාරව කරන්න අරන් තියන උත්සාහය අගය කරන්න ඕනි . මට හරි යන්නෙ නැති ලයින් එක තමයි දෙමල සහ මැත කාලයේ ආපු හින්දි චිත්‍රපටි සමහරක (දෙමල කොපි ) දකින්න තියන ඇක්ෂන් කොටස් සුපර් 6 එකෙත් තියන එක . හැබැයි ඉතින් මම අකමැති උනාට ඒවාට කැමති රසික පිරිසකුත් ඉන්නව . අනික් අවුල තමයි රඟ පැම .පුබුදු චතුරංගත් , සුනෙත් චිත්‍රානන්දත් තමයි ට්‍රේලරයට අනුව නම් හරි රඟපැමක් කරන්නේ . කොයි හැටි වෙතත් මේකත් බලන්න තමයි ඉඩ කඩ වැඩි

ඊලඟ එක තමයි මාතා චිත්‍රපටිය , සිනමා ශාලාවේදි නම් දැක්කෙ ඔය දාල තියන එකට වඩා සම්පූර්ණ එකක් වගෙ තමයි මතක , කොහොම උනත් ප්‍රවීන සින්මා කරු බුඩි කීරිතිසේන සිනමා කරුවෙක්ගේ නිර්මාණය තව කවුරුන් හෝ හදන නිර්මාණයකට වඩා වෙනස් වෙන ආකාරය මනාව පෙන්නල තියනව ප්‍රචාරක පටයෙන්ම . විශේෂයෙන්ම දෙමල ජාතිකයින්ගෙ මානුෂීය බැඳිමක් එක්ක ත්‍රස්තවාදයෙ කුරිරු බව විග්‍රහ කරන එක ඉතාමත් වැදගත් , මාතා ට්‍රේලරයේ මගේ වැඩියෙන්ම හිත් ගත් කොටස් මේ උඩින් තියන ට්‍රේලරයේ නම් නැ සම්පූර්ණ වර්ශන් එකට ලින්ක් එකක් තියන කෙනෙක් පල කරනවා නම් සතුටුයි . මේකත් අනිවාර්යයෙන්ම බලන්න ඉන්න චිත්‍රපටියක්

වෙබ් අඩවි ලියාපදිංචිය සහ අන්තර්ජාල වාරණය හෙවත් අන්තර්ජාලයෙ සිමා මායිම් හඳුනා නොගත් ආසියාවේ තොරතුරු තාක්ෂන කේන්ද්‍රස්ථානය

2011-11-06T20:51:00.000+05:30

ශ්‍රි ලංකාව පිලිබඳ ලියවෙනා සියලුම වෙබ් අඩවින් ලියාපදිංචි කල යුතුයැයි ජනමාධ්‍ය අමාත්‍යාංශයෙන් නිවේදනයක් නිකුත් කර ඇත . ඒ අනුව ශ්‍රි ලංකාවෙන් පිටත සිට සිට වුවත් ශ්‍රි ලංකාව පිලිබඳ පුවත් පල කරන්නන් ජනමාධ්‍ය අමාත්‍යාංශයේ ලියාපදිංචි විය යුතුය . එසේ නොකලොත් කරන්නේ කුමක්දැයි මාධ්‍ය නිවේදනයේ සඳහන් නැතත් , කල හැකි මූලිකම දෙය ඒවා ශ්‍රි ලංකාව තුල නැරඹීම වාරණය කිරීමය . රජය ඇතැම් වෙබ් අඩවි සමබන්ධයෙන්(වෙබ් අඩවි 4ක් ) * මෙය දැනටමත් අනුගමය කර ඇති බවක් පෙනෙන්නට ඇති අතර අවැසි කෙනෙකුට "සෙල්ෆ් බ්ලොකින්" කියාද එය හැඳින්විය හැක .

ඒකාධිපතීත්වයක් කරා රටගෙනියන තීරණ නිතිපතා ගනු ලබන රජයක මෙම ක්‍රියාව අරුමයක් නොවුවත් සැබවින්ම විසුලු සහගතය .

රජයට විරුද්ධව දරුණු ප්‍රහාරයන් එල්ල කරමින් ලිපි පලකරනා වෙබ් අඩවි බොහොමයක් ක්‍රියාත්මක වන්නේ විදේශ රටවල සිටය , රජය මෙය නොදන්නවා නොවේ . ඔවුන් කිසි සේත්ම ලියා පදිංචියක් නොකරනා බවත් රජය දැන සිටිය යුතුය . එසේ නම් රජයට මඩ ගසනා වෙබ් අඩවි ලියාපදිංචි වී නීතියට වැඩ කරන තෙක් බලාසිටීම සහ නීති කැඩුව හොත් අධිකරන ක්‍රියාමාර්ග වලට එලඹීමට බලා සිටීම කිසිදු පලක් නොමැත . ඔවුන් ලියාපදිංචි නොකරන්නේ නම් රජයට ඒ වෙනුවෙන් යම් ක්‍රියාමාර්ගයක් ගැනීමට සිදුවනු ඇත . ඒ අනුව දැනටමත් හොර පාරෙන් බ්ලොක් කර ඇති පරිද්දෙන් එම වෙබ් අඩවි වාරණය කිරීමට සිදුවනු ඇත . නමුත් හාස්‍යයට කාරණය වන්නේ වන්නේ මෙම වාරණයන් තුලින් කිසිදු ප්‍රයෝජනයක් නොලැබීමයි . මේ වන විට "ඇක්සස් ඩිනයිඩ්" පණිවුඩ ලැබෙන ප්‍රවෘත්ති වෙබ් අඩවි වලට මෙන්ම "අසභ්‍ය " කියා තහනම් කල වෙබ් අඩවි වලටද ශ්‍රි ලංකාවේ සිට පිවිසිමේ ක්‍රමවේදයන් ඕනැ තරම් ඇත . Great Firewall of China නමින් ප්‍රචලිත චීනයේ රජය විසින්ම ක්‍රියාත්මක ෆයර් වොල් එක හෝ මේ දක්වා 100%ක සාර්ථකත්වයක් හිමි කරගෙන නැත . ටොරන්ට් වෙබ් අඩවි කිහිපයක් අරඹ්හයා ඇමරිකානු රජය කල පරිද්දෙන් ඩොමෙන් නාමයන් අත්පත් කරගැනීමේ ක්‍රියාමාර්ගයක් සිදු කල නොහැකීතාක් අන්තර්ජාල වාරණයන් යනු "පුස්සක්" වන බැව් පැහැදිලිය .
එබැවින් තමාට එල්ලවන මඩ ප්‍රහාර වලට පිලිතුරක් ලෙස එම වෙබ් අඩවි ලියාපදිංචි කිරීමේ තීරණයකට එලඹීමෙන් , ආසියාවේ තොරතුරු තාක්ෂන ආශ්චර්යය බිහි කොරන්නට කථා කරන රජය අන්තර්ජාලයේ සිමා මායිම් තෙරුම් ගෙන නොමැති බැව් සනාථ කර ඇත

මෙහි තවත් අතුරු ඵලයන් කිහිපයක්ද ඇත . රජය අනවශ්‍ය නීති ගෙන ඒම හරහා වාරණයන්ට තැත් කිරීම තුල තව තවත් එවන් වෙබ් අඩවි බිහිවීම සිදුවන අතර ශ්‍රි ලංකාවට එරෙහිව කටයුතු කරනා පුද්ගලයින්ට ඒ සඳහා නව සාධකයක් සපයා දීමද සිදුවේ . වෙබ් වාරණය සාමාන්‍ය කරනය වූ සමාජයක ඒවා බිඳ යැමෙ ක්‍රමයන්ද ප්‍රචලිත වීම නිසා . කුඩා දරුවන්ට අහිතකර යැයි නවතා තබා ඇති වෙබ් අඩවි නැරඹීමට ක්‍රමයන් කුඩා දරුවන් අතර පවා ප්‍රචලිත වනු ඇත . විවිධා කාර අන්තර්ජාල වාරණයන් හා ඒවා බිඳ යැම් නිසා ජාල තදබදයන් ඇතිවී අන්තර්ජාල වේගයන් අඩුවන බවටද මතයක් ඇත( තොරතුරු තාක්ෂණ ආශ්චර්යයේ අන්තර්ජාල සබඳතා වල වේගයන් තවත් අඩුවූ විට ??? ) . මේ සියල්ල සිදුවෙත්දී රජයට අත්වෙනා කිසිදු වාසියක් නොමැත . රජයට එරෙහි ප්‍රහාරයන් පෙර පරිදිම ශ්‍රි ලාංකිකයින් අතර සංසරණය වනු ඇත . රජය විසින් ඒවා වරණය කර ඇති නිසා පෙර නොවූ විරු වටිනාකමක්ද ඒවාට එකතුවනු ඇත

වාරණයෙන් තොරව , වැදගත් ලෙසින් යමක් කිරීමේ හැකියාවක් මෙහි ඇත . ඒ රජයේ ලියාපදිංචිය ඇති වෙබ් අඩවි සඳහා නිල වශයෙන් පිලිගත් පුවත් වෙබ් අඩවි වශයෙන් විශේෂ හැඳින්වීම් ලාංඡනයක් ප්‍රදර්ශයන කිරීමයි .අනෙක්වා නිල නොවන විකල්ප පුවත් මාධ්‍ය වශයෙන් පවතිනු ඇත . පුවත් වාර්ථාකරනයේ නිසි නිදහස නිල වශයෙන් පිලිගත් මාධ්‍ය වලට හිමි වේ නම් , අනෙක්වා කිසිදු පිලිගැනීමක් නොමැති "කැලැ පත්තර" බවට පත්වනු ඇත .

නමුත් පහත සඳහන් වෙබ් අඩවි ටෙලිකොම් ජාලය හරහා නෑරඹීම වලකා ඇති හෙයින් රජය එවන් වැදගත් මාවතක් ගන්නා බවක් පෙනෙන්නට නැත . බලයෙන් අන්ධ වූ විට "වැදගත්" කම් කියා දෙයක් නොමැත

Lankaenews
Sri Lanka Mirror
Sri Lanka Gurdian
Lankanewsweb

එකපාරටම උඩ පනින්න කලින් මේ ගැනත් හිතල බලන්න වෙයි - පුරන් අප්පුගේ ඊ නිවුස් හෙලි දරව්වට පිලිතුරක්

2011-11-02T13:32:00.012+05:30

පෙරමුණේ රාල බ්ලොග් අඩවියේ පුරන් අප්පු අද මහා හෙලි දරව්වක් කරල තිබුන , ඒ තමයි මේ දවස් වල ලංකාවේ ග්‍රාහකයින්ට ඇක්සස් කොරන්න බැරි ලංකා ඊ නිවුස් වෙබ් අඩවිය තමන්වම බැන් කරගෙන , අනුකම්පාව ලබා ගැනීමේ මෙහෙයුමක නිරත වෙනවාය කියන එක . ටිවි චැනල් තමන්ම ගිනි තියාගන්න රටේ , මාධ්‍ය වේදියෝ තමන්වම මරා ගන්න රටේ මේකත් ඇත්ත වෙන්න ඇති කියල මටත් හිතුනා . ඊට පස්සේ ඒ අය කරල තිබුන පරීක්ෂාවම කරල බැලුව ටෙලිකොම් සබඳතාවයකින් , වැඩේ ඇත්ත වගේ තමයි . හැබැයි ඩයලොග් සබඳතාවයදී ආවේ වෙන කතන්දරයක් . ඊට පස්සෙ මම කලේ ඊ නිවුසියට අදාල අයිපි ඇඩ්‍රස් එක කෙලින්ම ටයිප් කරල වෙබ් අඩවියට යන්න හදපු එක . එතන්දිත් ටෙලිකොම් වැඩ ඩයලොග් වැඩ නැ . ඊට පස්සේ මම අන්තර්ජාලෙ කරක් ගැහුවා මේකට උත්තරයක් හොයාගෙන . ඒ අනුව මට තේරුණා මේ උඩ පැනිල්ලේ අඩු පාඩු කම් කිහිපයකුත් තියනව කියල . මෙන්න මෙහෙමයි කතන්දරේ

අන්තර්ජාලයේ සෙවුමක් කරල බලන ඕනි කෙනෙකුට දැකගන්න පුලුවන් දෙයක් තමයි , වෙබ් අඩවි බ්ලොක් කිරීම සහ ඒවට විසඳුම් අඩංගු ලිපි රාශියක් තියනවාය කියන එක . මේ ලිපි අනුව යම් කිසි වෙබ් අඩවියක් බ්ලොක් කිරීමට අනුගමනය කරන මූලිකම ක්‍රම දෙකක් තියනව

Ex - http://websearch.about.com/od/anonymoussurfingsafety/tp/unblock-blocked-sites.htm

01) අදාල වෙබ් අඩවියේ යූ ආර් එල් ඇඩ්‍රස් එක බ්ලොක් කිරීම

02) අයි පී ඇඩ්‍රස් එක බ්ලොක් කිරීම

මේකෙන් පලවෙනි ක්‍රමය ඉතාම සරලයි , මේ ක්‍රමයට බ්ලොක් කරපු අඩවියක් ඉතාම පහසුවෙන් බලන්න පුලුවන් කෙලින්ම අයිපී ඇඩ්‍රස් එක ගහල .

නමුත් දෙවෙනි ක්‍රමයට බ්ලොක් කලොත් , ප්‍රොක්සි සර්වරයක් හෝ විපි එන් එකක් හරහා යායුතු වෙනව .

අපේ කථාවෙදි ඊ නිවුසියට කෙලින්ම පිවිසෙන්න අයි පි ඇඩ්‍රස් එක භාවිතා කරන්න පුලුවන් ටෙලිකොම් වලදි ඩයලොග් වලදි බැ , ඒ කියන්නේ මේ නෙට්වර්ක් දෙක බ්ලොක් කිරීම කරල තියෙන්නෙ උඩ තියන ආකාර දෙකටද ? කියන ප්‍රශනය මට ආව

ඒ අනුව මම මුලින්ම උත්සාහ කලේ ඩයලොග් හරහා ලංකා ඊ නිවුසියේ අයි පී ඇඩ්‍රස් එක හොයා ගන්න

ඔය තියෙන්නෙ ප්‍රතිඵ්ලය , අදාල උත්සාහය අසාර්ථකයි .

ඊලඟට කලේ පුරන් අප්පු කොරල තියන වැඩේ

මේ තියෙන්නෙ ප්‍රතිඵලය , ඒ කියන්නේ අදාල අයිපි ඇඩ්‍රස් එකට සම්බන්ධ වෙන්න ඩයලොග් එකෙන් ඉඩ දෙන්නෙ නැ . ඒ අනුව බ්ලොක් කිරීමක් කරල තියනව . මේ වැඩේම ලංකා නිවුස් වෙබ් අඩවියත් කලා ඒත් කතන්දරය අරකම තමයි , පහල රූපයෙ තියෙන්නෙ ලංකා නිවුස් වෙබ් අඩවියේ අයි පී ඇඩ්‍රස් එක හොයා ගැනීමට කරපු උත්සාහය

ඊලඟට මම ඔය වැඩ පිලිවෙලම කලා ටෙලිකොම් ජාලය හරහා , කිසිදු කරදරයක් නැතුව වෙබ් අඩවි දෙකේම අයි පී ලිපින හොයා ගන්නත් , සම්බන්ධයන් ට්‍රේස් කොරගන්නත් පුලුවන් ඒ කොරපු විදිහ තමයි පහල තියෙන්නෙ

ඒ කියන්නේ ටෙලිකොම් ජාලය හරහා අදාල අඩවියට සම්බන්ධය සපයනව . අයි පී ඇඩ්‍රස් එක බලාගන්නත් පුලුවන් . ඊලඟට මම මේ අයිපි ඇඩ්‍රස් දෙක කෙලින්ම ටයිප් කරල බැලුවා , යස රඟේට වැඩ . ඒ අනුව ටෙලිකොම් හරහා යූ ආර් එල් පමණක් බ්ලොක් කරල තියන බවත් , ඩයලොග් අයිපි ඇඩ්‍රස් වලින්ම බ්ලොක් කරල තියන බවත් තමයි මගේ නිගමනය

මෙතනදි පුරන් අප්පු ගේන තර්කය තමයි , ටෙලිකොම් ජාලය හරහා අයිපී එක කරදරයක් නැතුව සම්බන්ධ වෙන නිසා . ලංකා ඊ නිවුස් තමාම බ්ලොග් කරගෙන කියන කාරණය .

මෙතන්දි පොඩි පරහක් තියනව .

මොකද පුරන් අප්පු කියන්නෙ යම් රටක් , ප්‍රදේශයක ඉන්න අයට බලන්න බැරිවෙන්න ඊ නිවුසයෙ අයට තමන්ගේ සර්වරය සකසන්න පුලුවන් කියලයි . ඔව් ඒ කථාව හරි නමුත් එහෙම කලා නම් , ඍජුව අයි පී එකට එන රික්වෙස්ට් වලට ප්‍රතිචාර දක්වලා වෙබ් අඩවිය අපිට පෙන්වන්න හැකියාවක් නැහැ . මොකද අපිට වෙබ් අඩවියක යු ආර් එල් එක බ්ලොක් කරන්න පුලුවන් වුනාට අදාල වෙබ් සර්වරයට ටෙලිකොම් එක හරහා යන රික්වෙස්ට් එක්ක ගණුදෙනුවෙන්නෙ අයි පී ඇඩ්‍රස් මත . ඒ කියන්නෙ අපි යු ආර් එල් එක ගැහුවත් අයි පී එක ගැහුවත් වෙබ් සර්වරය ට තේරුම් යන්නෙ එකම විදිහට . ඒ අනුව අපේ රටේ අයට බලන්න බැරි වෙන්න බ්ලොක් කිරීමක් කරලා නම් අයි පී එකට ඩිරෙක්ට් එන රික්වෙස්ට් වලට උත්තර සපයන්න හැකියාවක් නැ . ඒ අනුව හිතා ගන්න වෙන්නෙ ටෙලිකොම් අඩවිය අදාල යුආර් එල් එක පමණක් බ්ලොක් කරලා මිසක් අයි පී එක බ්ලොක් කරලා නැ කියන එකයි

ඊලඟ ප්‍රශ්නය ඊ නිවුසිය විතරක් නෙවෙයි , ලංකා නිවුස් වෙබ් අඩවියත් දක්වන්නෙ එකම ප්‍රතිචාරය . ඒ කියන්නේ අදාල වෙබ් අඩවි දෙකම එක සැරේ ලංකාව බ්ලොක් කරලා කියන එකද කියල මතු කරන්නත් පුලුවන්

ඊලඟ කාරණය එටිසලාට් ජාලය කිසිම කරදරයක් නැතුව යු ආර් එකටත් අපිට වෙබ් අඩවිය පෙන්වනවා . එතකොට . ලංකා ඊ නිවුසිය , එටිසාලාට් ජාලය බ්ලොක් කලේ නැත්තේ ඇයි , කියන ප්‍රශනය ම්තුවෙනවා

මේ කාරණා අනුව මගේ අවසන් නිගමනය (මගේ දැනුම් ප්‍රමාණයේ හැටියට ) ඩයලොග් ආයතනය පූර්න බ්ලොග් කීරිමක් කරල තියෙත්දි , ටෙලිකොම් කරල තියෙන්නෙ යු අර් එල් බ්ලොක් කිරීමක් විතරයි , එටිසලාට් එහෙමවත් බ්ලොක් කරල නැ . මේ කාරණය තමයි පුරන් අප්පුගෙ ප්‍රතිඵ්ලයට හේතුව

කොහොම උනත් මම නොදන්න තාක්ෂණික පසුබිමක් මෙතන තියෙන්න පුලුවන් කියන කාරණය මම ප්‍රතික්ෂේප කරන්නෙ නැ මොකද මම ජාලකරණ ඉංජිනේරුවෙක් නොවෙන නිසා . හැබැයි ඒ වගේ තත්වයක් පුරන් අප්පු ගෙ ලිපියෙන් ඔප්පු කරල නැ .

මොකක් හරි කොනක් අල්ලගෙන ඒක තමයි හරි කියල උඩ පනින්නෙ නැතුව , අනික් විකල්ප වලට තියන අවස්ථා ගැනත් හිතල ලේඛණයේ යෙදන්නය කියල මම පුරන් අප්පු ගෙන් ඉල්ලන්න කැමතියි .

UPDATE - පහල රඛිත සහෝදරයා පල කරල තියන කමෙන්ටුවේ අදහස් මේ කාරණයේදී ඉතා වැදගත් , මම ඒ කියල දෙවෙනි කාරනය ඒ කියන්නෙ ඔන්ලයින් ටූල් එක හරහා , අදාල පරීක්ෂනය කරා ඊ නිවුසියේ අයි පී එකට අදාලව . ඉතා සාර්ථකව ට්‍රේස් වීම සිදුවුනා . ඒ අනුව බාධකය සිදුවන්නේ ඩයලොග් අන්තයෙන් බව පැහැදිලියි

UPDATE 2 - ඔය block කරලා තියෙන ADULT WEB SITES වලටත් SLT ADSL වලින් යන්න පුළුවන්. ඔයාට කරන්න තියෙන්නේ SLT DNS SERVERS වෙනුවට 4.2.2.2 වගේ එකක් දාගන්න. එතකොට ඔය 127.0.0.1 වලට DNS RESOLVE වෙන එක නැවතිලා TRACERT COMMAND එක ලස්සනට වැඩකරයි.

TRACERT COMMAND එක USE කරන්නේ ICMP ECHO REQUEST/REPLY කියන PACKETS වර්ගය. මේ PACKETS වර්ගය LANKAENEWS.COM හෝ ADULTS WEB SITES වලට යැවීමේදී කිසිම ගැටලුවක් ඇතිවෙන්නේ නෑ. SLT ICMP ECHO REQUEST/REPLY BLOCK කරන්නේ නෑ.

නමුත් අපි WEB SITE එකකට යනවිට භාවිතා කරන්නේ TCP කියන PACKETS වර්ගය. SLT එක කරලා තියෙන්නේ TCP PACKET එකේ HTTP HEADER එකේ තියෙන HOST: කියන FIELD එක බලල ඒක http://WWW.LANKAENEWS.COM නම් ඒ PACKET එක BLOCK කරනවා. නමුත් අපි 184.172.224.185 කියන LANKAENEWS.COM එකේ IP ADDRESS එක USE කලොත් කිසි කරදරයක් නැතුව WEB SITE එකට යන්න පුළුවන්.

TRACERT COMMAND එකෙන් තීරණය කරන්න බෑ WEB SITE එකක් BLOCK කරලා තියෙන්නේ කවුද කියල.

ඔය පාඨක කමෙන්ටුව ඔය විදිහටම පෙරමුණේ රාල අඩ්වියෙත් දාල තියනව , පෝස්ටය වෙනුවෙන් පෙනී සිටින වාර් - බයිනරි සහෝදරය ඒකට උත්තරත් දීල තියනව . අනිවාරයෙන්ම කියවන්න වටිනව

මගේ තාක්ෂනික නිගමනයන් වල අඩු පාඩු තිබෙන්න් ඉඩ තියෙන බවක් පෙන්න තියෙයි . එ කියන්නෙ අයි පි බ්ලොක් කිරීම හා යුආර් එල් බ්ලොක් කිරීම වෙනුට සමාගම් භාවිත කරන ක්‍රමයන් ගැන වඩා හොඳ මත ඉදිරිපත්වෙලා තියනව . කොහොම උනත් විකල්පයකට ඉඩ නොතිය මොකක් හරි කොනක් අල්ලගෙන විග්‍රහ කරන්න ගියාම අසාර්ථක වෙන බව නම් පෙන්න තියෙයි . ලෝකයේ ඉතා සුලභව සිද්ද වෙන අන්තර්ජාල වාරණය අමතක කරල "ලංකාවට ආවෙණික තමන් විසින් තමන්ට කෙලවා ගැනීම " මෙතනට ආදේශ කලත් ඒ තර්කයේ අඩු පාඩු රාශියක් තාක්ෂනිකව ඉදිරිපත් වෙලා තියනව , මට වඩා හොඳට ,

පහත දැක්වෙන්නෙ පෙරමුනේ රාල අඩවියෙන් උපුටා ගත් ඉහත කී එම සංවාදයයි

Nuwan - (ඔය නිල් පාටින් උඩ තියන කොටස )

Binary - SLT එකෙන් ඒ වගේ දෙයක් කරන්න නහිනවට වඩා ලේසියි නේ IP එක පිටින්ම බ්ලොක් කලානම්. Headers කියවල බ්ලොක් කරනවට වඩා කාර්‍යක්ෂමයි IP එක පිටින් බ්ලොක් කරන එක ඒත් SLT එකෙන් එහෙම කරල නෑ.

Nuwan - WEB SITES BLOCK කරන කොට IP ADDRESS වලින් BLOCK කරන්නේ නෑ. ඒකට හේතුව තමයි IP ADDRESS එක ඕන වෙලාවක වෙනස් කරන්න පුළුවන් වීම. නමුත් DOMAIN NAME එක වෙනස් වෙන්නේ නෑ.

Binary - මේ බ්ලොක් කිරීම IP packets කියවලා කරන එකක් කියල තර්ක කරන්න පුලුවන් එහි කාර්යක්ෂමතාවය ගැන කෙසේ වෙතත්. ඒත් ඇයි අපි ඊ නිවුස් කාරයට තමාවම බ්ලොක් කිරීමට ඇති හැකියාව ගැන කතා නොකරන්නෙ. ඒකත් සැලකිය යුතුයිනේ.

Nuwan - එහෙම කලානම් අපිට IP ADDRESS එකෙන් LANKAENEWS ACCESS කරන්න බැරි වෙන්න ඕනෙ. PORN WEBSITES හා LANKAENEWS අපිට IP ADDRESS එකෙන් බලන්න පුළුවන්. SLT එක මේ ඔක්කොම BLOCK කරලා තියෙන්නේ එකම විදියට. SLT එක CONTENT BLOCK කරන FIREWALL එකක් පාවිච්චි කලානම් මේ ඔක්කොම IP ADDRESS එකෙනුත් යන්න බැරි විදියට BLOCK කරන්න පුළුවන්.

UPDATE 3 - මචන් බොරු කියන්න එපා, මේවා ගොඩ කට්ටියට තේරෙන්නේ නැ. ලෝකේ හොදම firewall එක තියන චිනේ （china） youtube.com block කරලා නමුත් tracert කිසිම ප්‍රශ්නයක් නැ බ්ලොක් කරන්නේ වෙන විදීහකට. දන්නේ නැත්නම් දන්න කෙනෙක් කියලා විස්තර කරලා නැවත ලියන්න

මේ Comment එක publish කරයි කියල හිතනවා china වල තර tracert එකක් එවන්නම්
මම දැන් ගත්ත screen shot එකක් එවන්නේ ඉන්නේ China වල බොරු නම් comment IP එකෙන් බලා ගන්න
http://serversfinder.com/tracert.jpg

ඉහත දැක්වෙන්නෙ මේ ගැන , ලංකා c නිවුස් පාඨකයෙක් පලකල අදහසයි ,

tracert කමාන්ඩ් එකෙන් මෙහිදි කිසිදු කාරණයක් සනථා කල නොහැකි බැව් පෙනී යයි
-----------------------------------------------------------------------------------------------------------------------------
UPDATE 4 - Deep Packet Inspection

ඩයලොග් සමාගම මෙම ක්‍රමය හරහා බ්ලොක් කිරීමක් කර ඇති බව c නිවුස් පාඨකයෙක් පවසා ඇත මේ ඔහුගේ අදහසයි

Dialog වලට Deep Packet Inspection තියෙනවා. ඒකෙන් තමයි dialog block කරලා තියෙනේ. HTTP GET request එකට එන ප්‍රතිපලය මෙන්න dialog වල.

HTTP/1.1 200 OK

Cache-Control: no-cache

Pragma: no-cache

Content-Type: text/html; charset=utf-8

Connection: Keep-Alive

Content-Length: 439

මේක සුදු පිටුවක්.

නමුත් SLT වල block කරලා තියෙන්නේ URL Filter + DNS වලින්. එකයි IP එක ගැහුවම යන්නේ.

UPDATE 5 - ඕන කෙනෙකුට wireshark වලින් packet analysis එකක් කරලා ඇත්ත තේරුම් ගන්න පුළුවන්.

packet analysis එකේදී හොඳට පේනවා SLT එකෙන් TCP threeway handshake එකේ අන්තිම ACK එක බ්ලොක් කරන බව. විස්තර වශයෙන් කිව්වොත් අපි මුලින්ම (SYN) එකක් web server එකට යවනවා. web server එකෙන් (SYN, ACK) එකක් අපේ computer එකට එවනවා. නමුත් අපේ computer එකෙන් ඊලඟට යවන (ACK)එක SLT එකෙන් block කරනවා. TCP three way handshake එක හරියට වෙන්නේ නැති හින්ද request එක time out වෙනවා.

පාඨක ප්‍රතිචාරයකින් උපුටා ගන්නා ලද්දකි

UPDATE 6 - http://twitpic.com/7azw0t/full

බිලියන 7 වෙනි ලෝක පුරවැසියා සැමරීමේ විකාරය

2011-11-01T08:25:00.003+05:30

ලෝක ජනගහනය බිලියන 7යි , ඉන්න ජනගහණයෙන් සැහෙන පිරිසක් අපා දුක් විඳිත්දි ඊයේ ලෝකය පුරාම try කලේ හරියටම බිලියන 7 වෙනි දරුවා කව්ද කියල බලන්න . මේක මම දකින විදිහට නම් සියවසේ බැරිනම් දශකයේ හොඳම විහිලුව කරගන්න ඕනි වැඩක් . මුලු ලෝකයේම ඉපදෙන්න ඉන්න දරුවන් දිහා නීරීක්ෂනය කරල හරියටම මෙන්න මූ තමයි බිලියන 7 වෙනියා කියල කියන්න පුලුවන්ද . එහෙම කරන්න නම් ඉතින් ලෝකයේ දරුවන් හම්බ වෙන්න ඉන්න හැම ඝර්භණී කාන්තාවක් ගැනම වාර්ථා තියාගෙන , එක මණ්ඩලයක් හදල ඒ අයව අදාල රටවල් වලට යවල නීරීක්ෂනය කරන්න සැහෙන්න ගේමක් දෙන්න ඕනි . එහෙම කිසිම දෙයක් නොකර කට්ටියම කටවල් ඇරගෙන බලාන හිටියෙ බිලියන 7 වෙනියා එලියට එනකන් . මේ බලන්නකො ඒ මෝඩ ආතල් එකේ ස්වාභාවය

මේ තියෙන්නෙ දිවයින් පත්තරේ තියන ලිපි දෙකක් , ලෝකයේ බිලියන 7 කියල නම් කරපු දරුවා ගැනයි ලංකාවේ එකෙක්නා ගැනයි .

01 ඉන්දියාවේ ලක්‌නව් නගරය ආසන්නයේ පිහිටි ග්‍රාමීය වෛද්‍ය මධ්‍යස්‌ථානයක උපන් "නාර්ගීස්‌" බිළිඳිය බිලියන 07 ළදැරිය ලෙස නම් කර ඇත. 23 හැවිරිදි විනීතා හා අඡේ යුවළට දාව මේ දැරිය උපත ලැබුවේ ඊයේ පෙ.ව. 7.20 ටය. ලෝකයේ බිලියන හයේ දරුවා ලෙස ප්‍රකාශ කරනු ලැබුවේ බොස්‌නියා අගනුවර සරයේවෝ හි උපන් පිරිමි දරුවෙකි. මේ දරුවාගේ මව වූයේ ෆාතිමා නෙවික්‌ය. මේ දරුවා උපන්නේ 1999 දීය.

02 ලෝක ජනගහනය බිලියන 7 ක්‌ බවට පත්වීම වාර්තාගත කරමින් ඊයේ (31 දා) උදාවත් සමග අලුයම 12 පසු වී තත්ත්පර 01 ට (12.01 ට) ශ්‍රී ලංකාවේ ද දියණියක්‌ කොළඹ කාසල් රෝහලේදී උපත ලැබීය. කිරිබත්ගොඩ පමුණුවිල පදිංචි 23 හැවිරිදි ධනුෂිකා ඩිලානි පෙරේරා මව එම දියණිය ප්‍රසූත කළ අතර 24 හැවිරිදි පී. ඉෂාර මධුසංඛ එම දියණියගේ පියා විය. කොළඹ කාසල් රෝහලේ වෛද්‍ය ළහිරු හෙට්‌ටිගේ හෙද සොයුරිය එච්. එම්. පී. හේරත්, හෙද නිලධාරිනී ඩී. ඡේ. රූපසිංහ, පවුල් සෞඛ්‍ය නිලධාරිනී යූ. සී. ජී. පෙරේරා යන මහත්ම මහත්මීන් ප්‍රධාන රෝහල් කාර්ය මණ්‌ඩලය මෙම කාර්යයට දායක වී තිබිණි.

මෙම දරුවා ඉපදීමෙන් පසු ඊයේ උදෑසන 6.00 වන විට කොළඹ කාසල් රෝහලේ බිළිඳුන් 5 දෙනකු උපත ලබා තිබූ අතර එයින් දෙදෙනෙක්‌ පිරිමි දරුවෝ වෙති.

බිලියන 7 සම්පූර්ණ කිරීමට දායක වූ ශ්‍රී ලාංකික බිළිඳිය හා අනෙකුත් දරුවන්ගේ සුවදුක්‌ බැලීමට ඊයේ උදෑසන ජනාධිපති ආර්යා ශිරන්ති රාජපක්‍ෂ මහත්මිය ද පැමිණි අතර එක්‌සත් ජාතීන්ගේ ජනගහන අරමුදල මෙම අවස්‌ථාව සංවිධානය කිරීමට මූලිකත්වය ගෙන ක්‍රියා කර තිබිණි.

(මට තේරෙන විදිහට ලංකාව එක්කෙනා ඉපදිලා තියෙන්නෙ කලින් , ඒයා බිලියන 6 පොයින්ට් ගානට වෙන්න ඇති අයිති ,)

කවුරු හරි හරියට ගණන් බැලුවාමය කියල කියමුකො , ඒත් හරි රෝහල් පහසුකම් නැති රටවල් කොච්චර තියනවද , ඒවායෙ බොහෝ වෙලාවට ගෙවල් වලම ඉපදෙන දරුවන් ගැන වාර්ථා කරන්න නීරීක්ෂකයෝ හිටියද , වෙන එකක් තියා ඉන්දියාවෙම උනත් එහෙම ගෙවල් වල දරු ප්‍රසූති කියක් වෙන්න ඇතිද ඕවා ගැන හරියට හොයල බලලද මේ වාර්ථා කරන්නේ ?

කියන ප්‍රශ්නාර්ථ ටික මට නම් තියනව , ඔය බිලියන් 7 දැඟලිල්ල දශකයේ හොඳම විහිලුව කියන්නෙ ඒකයි

ඇත්තෙන්ම ලෝක ජනගහනය බිලියන 7 කියන ඉලක්කම වීමට වඩා වටින්නේ අර වගේ අඩු සෞඛ්‍ය පහසුකම් මත දිවි ගෙවන්න වෙලා තීයන ජනතාවගෙ ජනගහණය වැඩී වීම අවධානය යොමු කිරීම . පවුල් සැලසුම් ක්‍රම ආදිය භාවිතා නොවෙන මේ මිනිස්සුන්ගේ ජනගහන වර්ධනය බොහොම වැඩියි , ලෝකයේ තුන්වෙනි ආර්ථික බලවතා බවට පත්වීම අභියස ඉන්න ඉන්දියාව මානව සංවර්ධන දර්ශකයේ ලංකාවටත් පහල තැනක ඉන්නේ , තමන්ගෙ අධික ජනගහනය සහ එ අයට ලැබිල තියන අවම පහසු කම් නිසා . ඒ වෙනුවෙන් යමක් කරනවා වෙනුවට බිලියන 7 දරුවා තමන්ගේය කියල සතුටු වෙන එකෙන් ඉන්දියාවට පලක් තියනවද , සමහර විට බිලියන 7 දරුවා ඉන්දියාවේ ම කොතනක හරි සෞඛ්‍ය පහසුමක් වත් ලබා ගන්න බැරි තැනක ඉපදුනා වෙන්න බැරිද කියන කාරනය ඉන්දියානුවන්ට ප්‍රතික්ෂේප කරන්න පුලුවන්ද . හඳට යානා යවන්න කරන උත්සාහයන් අතරම තමන්ගේ රටේ ජනතාවගෙ සුභ විවරණය වෙනුවෙන් මීට වඩා උත්සහයෙන් කටයුතු නොකලොත් 2030දී ලෝකයේ වැඩිම ජනගනණ්ය වාර්ථා කරන ඉන්දියාව , ඔවුන්ගේ ආර්ථික විද්‍යා අනාවැකි අනුව 2050-2060 කාලයේදී ලෝක ආර්ථික බලවතා වෙන්නෙ හෝ 2040 න් පසු මොහොතක දෙවෙනි ආර්ථික බලවතා වෙන්නෙ , බොහොම කණගාටුදායක මානව සංවර්ධනයක් තියාගෙන වෙන්න පුලුවන් . ඒක ඉන්දියාවට විතරක් නෙවෙයි , සමස්ථ ලෝකයටම හිතකර තත්වයක් වෙන එකක් නැ

ඉන්දියාවේ තත්වයට වඩා අපේ තත්වය සැහෙන්න යහපත් උනත් බිලියන 7 සැමරීමට එහා ගිය කාර්ය භාරයක් ලංකාවටත් තියනව . නිදහස් සෞඛ්‍ය සේවය නිසා හැමෝටම සෞඛ්‍ය පහසුකම් ලබා ගැනීමේ සෛද්ධාන්තික හැකියාව තිබුනත් , ප්‍රායෝගිකව ලංකාවෙත් තියන ගැටලු බොහොමයි . වැඩි වෙන ජනගහණයත් එක්ක මේ තත්වය උග්‍ර වෙන්නෙ තාමත් ඒවට විසඳුම් හොයන්න උත්සාහයක් නොගන්නා නිසා.

ඒ වගේම ආගමික කණ්ඩායම් වලට හා නායකයින්ට බම්බු ගහගන්න කියල උපත් පාලන නීති ක්‍රියාත්මක කිරීමත් අත්‍යාවශ්‍යයි . එක පවුලට ඉන්න දරුවන් ගාන 2/3 කට සීමා කරන නීතිත් එක්කම . නිසි පරිදි උපත් පාලන ක්‍රම භාවිතා කරන්න ග්‍රාමීය මට්ටමේ ජනතාව දැනුවත් කිරීමත් අත්‍යාවශ්‍යයි . කුඩා දූපත් රාජ්‍යක් වුනු අපි ජනගහනය අනවශ්‍ය ලෙස වර්ධනය කරගත්තොත් , ඒ ජනගහනයට අවශ්‍ය පහසුකම් උත්පාදනය කරගන්න එකත් අපහසු වෙන්න ඉඩ තියනව . මොකද අපිට තියන සම්පත් ප්‍රමාණය සීමිත නිසා .

7 වෙනිය ඉපදුන තැන හොයනවට වඩා වැදගත් වෙන්නෙ , වැඩි වන ලෝක ජනගහණය සීමා කිරීම සහ ඉන්න ජනගහණයට අවශ්ය කරන පහසුකම් ලබදීමට ලෝක අවධානය යොමු වීම ,කියන කාරණය අවසන් වශයෙන් සටහන් කරන්න කැමතියි .

Image From - http://photographya.info/best-baby-photography/

පොදු රාජ්‍ය මණ්ඩලයේ ඉන්න ගම රාලයි ගම මහගෙවයි දැක්කද ?

2011-10-31T07:22:00.000+05:30

ඔය උඩින් තියන පොටෝ රාජයා මොකක්ද කියල දන්නවා ඇතිනේ . අපේ මහරජතුමා , එංගලන්තේ මහ රැජිණිව මුණ ගැසීම ( රාජකීය හමුවක් ) . ඔය ෆෝටේ එකත් "ෆොටෝ සාප්පු" වික්‍රමයක්ය කියල කියනව , අනේ මන්ද මම නම් ඔය දේශද්‍රෝහි කථා කියන්න යන්නේ නැ .(මෙතනින් ගිහින් කැමති කෙනෙකුට ඒ කථාව බලාගන්න පුලුවන් . )

මම අවධානය යොමු කරන්නෙ ඔය ෆෝටෝ එකේ අපේ ජනාධිපති තුමාටත් ආර්යාවටත් පිටිපස්සෙන් ඉන්න රාජ්‍ය නායක කපල් එක ගැන . ඔය කැතට ඊතල දෙකක් ඇඳල තියෙන්නෙ ඒ දෙන්නට .

මොකද හිතෙන්නෙ ලංකාවේ කපු මහත්තයෙකුයි නෝනා මහත්තයයි වගේ නේද . එහෙමත් නැත්නම් ගමරාලයි ගමමහගෙයි වගේ කියලත් කියන්න පුලුවන් නේද ?

මට නම් පේන්නේ ඒ විදිහට තමයි . ලංකාවේ ග්‍රාමීය ඇඳුමකට සමාන ඇඳුමකින් සැරසිලා ඉන්න මේ ඩබල මොන රටේ අයද කියල කවුරු හරි කෙනෙක් දන්නවද ?

ලංකා සී නිවුස් බයවෙලාද???

2011-10-25T10:50:00.002+05:30

ශ්‍රි ලාංකීය දේශප්‍රේමී ජනයා අතර ඉමහත් ජනප්‍රියත්වයට පත්ව ඇති ලංකා සී නිවුස් අඩවිය එහි ඵලවන රසවත් ප්‍රතිචාර නිසා වඩාත් ජනප්‍රියය . අහෝ ඛේදයකි !! ලංකා සී නිවුස් දැන් ඇතැම් ලිපි වලට ප්‍රතිචාර ඵ්ල කිරීම අත්හිටුවා ඇත . ගරු ආරක්ෂක ලේකම් ගෝඨාබය රාජපක්ෂ මැතිතුමාගේ ප්‍රකාශයක් පිලිබඳ සටහන් කර ඇති මෙම ලිපියට 2011 ඔක්තෝබර 25 දින උදැසන 10 42 වන තෙක්ම ප්‍රතිචාර පල කිරීමේ අවස්ථාවන් ලබා දී නැත . (පහත පලවන රූපයෙන් එම වෙබ් පිටුව එසේ ප්‍රතිචාර වාරණය කර ඇති ආකාරයත් , දෙවන රූපයෙන් , එම වෙබ් අඩවියේ ප්‍රතිචාර පල කල හැකි එහෙත් ප්‍රතිචාර කිසිවක් මෙතෙක් සටහන් නොවූ පිටුවක රුපයකුත් දැක්වේ ) . තම පාඨකයින්ගේ නිදහස් අවංක හැඟීම් එලෙසින්ම සටහන් කිරීමට කවදත් ඉඩ ලබා දුන් සී නිවුස් කතෘ තුමනි ,මේසේ පාඨකයින්ගේ "ප්‍රතිචාර ඵ්ල කිරීමේ අයිතියට" වැට බඳින්නේ . ඔබතුමා බයවෙලා ද?බයකරලාද?

ගඩාෆි අන්කල් වෙත අපායට ලියුමක් !!!

2011-10-22T08:58:00.001+05:30

ආදරණීය ගඩාෆි අන්කල් ,

මීට මාස දෙකකට කලින් මම අන්කල් ට එවූ ලියමන ලැබුනාද ? . ලියුම ඔහෙට එනකොට අන්කල් ටිරිපෝලියෙන් මාරු වෙලා නිසා ලැබෙන්න නැතුව ඇතිය . අන්කල් ලාට නොතේරේන මගෙ චූටි මොලේට තේරෙන උපදෙසුත් ඒකේ ලිව්වාය . අපරාදේ ඒක ලැබුනා නම් අන්කල්ට බේරෙන්නටත් තිබුනායා . කොහෙද අන්කල් බක පණ්ඩිතයා වී ඉල්ලං කා ගත්තාය . ලිබියාවට නම් ලියුම් එවන්නට පට්ට ලේසිය මුද්දර තොගයක් ගහල පෙට්ටියට දාන එක විතරය .අපායට එහෙම බැරිය. මේ ලියුම එවන්නේත් බුදු ගේමක් දීලාය . දීවිය ලෝකෙට නම් නාථ දෙවි අංකල් අතේ ලේසියෙන්ම ලියුමක් යැව්වැකිය . අපායට ලියුම් ගෙනියන බල්ලෙක් වත් අපේ ආශ්චර්ය දීපේ හොයා ගන්නට නැය . මේ ලියුම එවන්නේත් නාථ අංකල්ට ආසනික් බෝතලයක පගාවක් දීලාය .නැත්නම් ඌ මලාට අපායට ලියුම් ගෙනියන්නට කැමති නැය.

කලින් ලිපියේ කිව්වා වගේ මමත් අම්මාත් අන්කල්ට ගෝඩාක් ආදරේය , ඒ අන්කල් අපේ ආඩමබරකාර පියා අන්කල්ගෙ යාලුවෙක් නිසාමය . අන්කල් මැරුණ එක ඇහුව වෙලේ අම්මාත් මාත් හොඳටම ඇඬුවෝය . අම්මා ඇමරිකාවට පලි නොගැහුවා විතරය . අඬන ගමන් හිල්ලුවේම "ලෝකෙට තවත් දේශප්‍රේමියෙක් අහිමි වුනා කියාය "

අලි පක්ෂේ නායක තුමා වගේම අපේ තාත්තාත් ගොට්ට ගහන්නේ ඇමරිකාවටමය .ඒ නිසා තාත්තා නම් අන්කල් මැරුණාට ෆුල් හැපිය . කොලඹ දින්න වෙලාවේ ගෙදර තිබුන ඔක්කොම රතිඤ්ඤා පත්තු කර තිබුනේ හොඳ වෙලාවටය , නැත්නම් අන්කල් මැරුණාම රතිඤ්ඤා පත්තු කරන්නට ගොස් තාත්තා අම්මගෙන් ගුටි කනවාය .ධනවාදී බටහිරට එරෙහි අපේ අය්යාත් අන්කල්ට ආදරේ බව මම කලින් ලියුමේ කිව්වාය , ඒත් මේ වෙනකොට නම් අය්යාට අන්කල් ගැන වගක්වත් නැත . අය්යා මේ දවස් වල හීනෙනුත් කියන්නේ වාක්‍ය දෙකය . එකක් "පෞදගලික උපාධි කඩ ආරම්භ කිරීම වහාම නවතනු ය " අනෙක "සරසවි මිල්ටරීකරණය වහාම නවතනු ය " , ඒව්වා මිසක් අන්කල් ගැන සිහියක් අය්යාට නැත

කවුරු මොනවා කිව්වාත් මම නම් තාමත් අන්කල්ට බොක්කෙන්ය . කැරලි අය්යාලා අන්කල් ගෙ මානව හිමිකම් අමු අමුවේ උල්ලංඝනය කරනවා දැක්කාම දුක හිතෙන්නේ ඒකය .

අන්කල් ඉන්න අපායේම අපේ රටෙන් ආපු අන්කලාත් ඉන්නවා ඇතිය . නිදන් දාස (aka පන්සල් දාස ) අය්යාගේ පියතුමාත් ඇත්තේ ඔහෙය . බොහෝ වෙලාවට අන්කල් ඉන්න ලෙවල් එකේමය . සුදු ඇඳලා දඩාර මල් වට්ටියක් උස්සන් ඉන්නවා නම් ඒ පොරය . ඒ අන්කල් නම් ලේන්සුව වනපු ගමන් කැලි වලට කැඩී ගියාය . අන්කල් මැරුණාම කැරලි අය්යලා "අල්ලා හුඅක්බර්" කිව්වා වගේ මෙහේ අය සිනියර් දාස අන්කල් මැරුණාම රතිඤ්ඤා ගැහුවාය .එයත් ඉන්න කල් කලේ අන්කල් කරපු ජාතියේ හිපාටු වැඩමය

ආ තවත් අන්කල් කෙනෙක් ඇතිය , පොර ඇත්තේ අමුතු ජාතියේ තොප්පියක් දමාගෙනය . එයා නම් සමහර විට ඇත්තේ අන්කල් ඉන්න ලෙවල් එකට පහල ලෙවල් එකකය . මෙලෝ යකෙකුට තෙරෙන්නෙ නැති එව්වා කියවන පොරක් ඉන්නවා නම් කෙනා එයා තමයි ය . පොරට මෙහෙදී ගොඩ දෙනෙක් කිව්වේ "අජේවීර" කියලාය . දැන් මොකක් කියනවාද කියලා නම් දන්නේ නැත . මොකද ඔය වමේ අන්කල් ලාට නම් හැට හුටාමාරක් තියනවාය

අන්කල්ට පොරව මුණ ගැහුනොත් පොරගේ රැවුල තියනවාද කියා බලන්න පුලුවන් නම් ලොකු දෙයක්ය . අපේ අය්යා රැවුල වවන්නේ අජේවීර අන්කල්ගේ විදිහට කියාය . තාත්තා නම් කියන්නේ අජේවීර අන්කල් හමුදාවට මාට්ටු වෙන කොට හිටියේ රැවුල කපලා නිසා අය්යාත් රැවුල කැපිය යුතු බවය . මේ රැවුලේ සීන් එක මාර වාතයක් ය . අන්කල් අජේවීර අන්කල්ගෙ ගේ රැවුල ගැන බලලා කියන්නට පුලුවන් නම් එක්කෝ තාත්තා අය්යාට රැවුල වවන්නට දෙයිය , නැත්නම් අය්යාටම රැවුල එපාවී කපා දමයි ය .

මෙහෙන් ආපු තවත් පොරකුත් ඔහේ ඉන්නවාය . එයා නම් ඇත්තේ අපායේ පහලම ලෙවල් එකේය . අන්කල් ලාගේම සෙට් එකේ පොරක් වූ ඔසාමා අන්කල් ඉන්න අහක පොරත් ඉන්නවා ඇතිය . කඳ බඩ මහත දෙමල් නලුවෙක් වාගේ රැවුලක් ඇති පොරක් ඉන්නවා නම් ඒ මං කියන ඩයල් එකය . එයාගේ නම් පිරභාහරන් හෝ ප්‍රභාකරන්ය ඔය කොයි එක උනත් ඇති වෙනසක් නැත . මිනිහා ඉන්නන් කල ඒවා හැටියට අන්කල් ගේ කෙරුවාව සැහෙන්න හොඳය

අන්කල්ට ටික දවසලට කලින් කෙලවා ගත්ත "සූරත " අන්කලුත් ඇත්තේ ඔහේය . හැබැයි අන්කල්ට වඩා නම් උඩ ලෙවල් එකකය . හැබැයි ගොඩ දෙනෙක් කියන විදිහට සූරත අන්කල් හිත හොඳ පොරක් නම් ඔහේ නැවිත් දිවිය ලොකේ ගියාද දන්නේත් නැත . සමහර විටක අතරමැද තැනක හිරවෙලාද දන්නේත් නැත . අන්කල් සූරත අන්කල් හම්බවුනොත් , එයාට ආතල් එකේ ඉන්නටය කියා කියන්නය . මොකද සූරත අන්කල්ගෙ දුව සුපුනිකා අක්කා ගේමට බැහැලාය , සහෝදර සෙට් එකත් ගේමට බැහැලාය . සූරත අන්කල්ට ඒ ගැන සතුටු වෙන්න පුලුවන්ය . ඒ අයගේ ට්‍රයි එක හරි නොගියත් අඩුම ගානේ මගේ උන්වත් මං වෙනුවෙන් හිටියා කියා හිතහදා ගන්නවත් පුලුවන්ය .

පොල්කුඩු සුමින්ද අය්යා ට වැඩෙ පත්තු උනා නම් ශුවර් පිටම එන්නේ , අන්කල් ඉන්න දිහාවටය . ඒත් එයා නම් ඔහෙන පාටක් නැය . පොර දැන් යෝගටුත් කනවාය

අදට ඇති වගේය , නාථ අන්කල් ආයෙත් පාරක් ආසනික් බෝතලයකට නම්මා ගන්න පුලුවන් උනොත් ආයෙත් ලියුමක් එවන්නම් ය .අන්කල්ට අල්ලාගේම පිහිටය

ප.ලි - අන්කල්ගේ ලිබියාවේ ගොත්තර 14 එකා එකා මරා ගන්න පටන් ගනී කියා සමහර එය කියනවාය , එතකොට ඔය අල්ලා හුඅක්බර් කියූ කැරලි අය්යාලාට අල්ලාගෙම පිහිටය . එහෙම වුනෝතින් ලිබියාව අපායට වඩා චාටර් වෙන නිසා අන්කල්ට ආපහු එහෙටම ට්‍රාන්ස්වර් එකක් ලැබිය හැක . එහෙම වුනෝතින් දිගටම ලියුම් එවන්නටත් පුලුවන්ය

මීට තණමල්විල හිච්චි එකා

ලංකා ඊ නිවුස් සහා ලංකා නිවුස් වෙබ් වාරණය කරයි ......ලැජ්ජයි

2011-10-18T18:50:00.000+05:30

ලංකා ඊ නිවුස් වෙබ් අඩවියටත් , ලංකා නිවුස් වෙබ් අඩවියටත් ශ්‍රි ලංකාවේ ග්‍රාහකයින් ඇතුල් වීම ප්‍රධාන අන්තර්ජාල සැපයුම් කරුවන් දෙදෙනා විසින් නවතා දමා ඇත, ලංකා ඊ නිවුස් වෙබ් අඩවිය මේ පිලිබඳ ලිපියක්ද පල කර ඇති අතර , ඔවුන් සඳහන් කරනා එක් අන්තර්ජාල සම්පාදකයෙකු තුලින් ලංකා නිවුස් වෙබ් වලටද පිවිසිය නොහැක . මේවායේ මාධ්‍ය භාවිතාවන් පිලිබඳ ගැටලු තිබිය හැක.(මා හටද බොහෝ ප්‍රශ්නාර්ථයන් ඇත ) නමුත් අධිකරණ නියෝගයකයින් තොරව හොර පාරෙන් කරනා වාරණයන් යනු සැබවින්ම අසික්කිත ක්‍රියාමාර්ගයන්ය , යම් වෙබ් අඩවියකින් සිදුකරනා මඩ ගැසීමක් වේ නම් අධිකරණය හරහා නියෝගයක් ලබාගෙන අදාල වෙබ් අඩවි බාධා කල හැක . නමුත් එසේ නොකර සිදු කරනා මෙවැනි දැ වලින් පැවසෙන්නේ ඒ ප්‍රවෘත්තීන් සත්‍ය නිසා බියවී ඇති බවද?? .

දිගට හරහට අසභ්‍ය වෙබ් අඩවි බ්ලොක් කිරීම නිසා පොඩි එකෙකු වුවත් බාධක වලින් රිංගා යැමට ක්‍රමයන් දන්නා හෙයින් අදාල වෙබ් අඩවි වලට එතරම් පාඩුවක් සිදු නොවනු ඇත ,

( යම් හෙයකින් අදාල සමාගම් මෙසේ කරන්නේ තාක්ෂනික දෝෂකින් නම් ඒ බැව් වහා පැවසිය යුතුව ඇත )

කියන්නට ඇති එකම දෙය නම් "ලැජ්ජයි" යන වදනයි , ඊ නිවුස් , නිවුස් වෙබ් එරෙහිව සිටින්නේ කාටද කියා සියල්ල්ලන්ම දන්නා නිසා ලැජ්ජා විය යුත්තේ කව්දැයි අමුතුවෙන් කිව යුතු නැත