Ambalama - සැබැ සමාජ කතිකාවක සොඳුරු නවාතැන්පල

රටේ ඊලඟ ජනපති කව්ද?

මහින්ද රාජපක්ෂ ජනපතිවරයා ජනපති පුටුවෙන් ඉවත් වූ දිනක ( තව වසර විසි පහකින් හෝ ) වෙනත් අයෙක් ජනපති වනු ඇත . ඒ කවුරුන් විය හැකිද 


සන්ධානය


01) බැසිල් රාජපක්ෂ මහතා
සන්ධානය තුල සිටිනා වඩාත් සුදුසුම පුද්ගලයාය . බොරු දේශප්‍රේමීත්වය හෝ සංස්කෘතිය හෝ ජාතිකත්වය පසු පස යන්නෙක් නොවන නිසා බොහෝ විට සිය සහෝදරයාටත් වඩා සාර්ථක විය හැක . දැනට පෙනෙන ආකාරයට නිදහස් පක්ෂයේ ප්‍රභලයින්ගේ විස්වාශයත් දිනා ඇති නිසා . විමල් වැනි හැකරැල්ලන් හලා දමා වුවත් වැඩේ කරගෙන යා හැකිය . නමුත් චන්දයකට ඉදිරිපත් වීමෙදී පොඩි පරහක් ඇති වීමට ඉඩක් ඇත්තේ ඇමරිකන් පුරවැසි භාවය නිසාය.


02) නාමල් රාජපක්ෂ මහතා 



බොහෝ දෙනෙකු කියන ආකාරයට මහින්දගෙන් පසු ජනපති නාමල්ය . නමුත් මංගල සමරවීර වැන්නවුන් දකින ආකරයේ ජුන්ටාවක් තවමත් අප රටේ නැති නිසා තාත්තා යනවිට පුතාට ඔටුනු පැලඳවිය නොහැක . එවැන්නක් සිදුවීමට නම් මහින්ද ජනපති තුමා තව චිරාත් කාලයක් රට පාලනය කර රට පලමු ලෝකයේ රටක් බවට පත් කල යුතුය . (ඇත්තටම එහෙම වනවා නම් එවන් ජනපති කෙනෙකුගේ පුතා ජනප්ති වනවාට බුවත් අකමැති නැත )
නැතිනම් නාමල් සුවිශේෂි, මින් පෙර කිසි අයෙකු තුල නොවු ගුණාංග වලින් සමන්විත යුතුය . එසේත් නොමැති නම් නිදහස් පක්ෂයේ සියලු ජේෂ්ටයන් පක්ෂය හැරගොස් සජිත් මහත්තයාට ලැබුන ආකාරයේ පිනා චාන්ස් එකක් ලැබිය යුතුය . නමුත් මේ එකක් වත් සිදු වෙතැයි සිතිය නොහැකි නිසා මහින්ද ජනපතිගෙන් පසු නාමල් පත්වීම සිදුවීමට ඉඩකඩ අඩුය.
තම පියා රටේ ජනප්‍රියතම ජනපතිවරයා වීම හැර වෙනත් කිසිදු සුදුසු කමක්( එය සුදුසු කමක් නම් ) හෝ නුසුදුසු කමක් නාමල් මන්ත්‍රිතුමා පෙන්වා නැතත් වැඩ පෙන්වනවා නම් වැඩ පෙන්වීමට අවශ්‍ය කරන කාලයත් , බලයත් ඔහුට නොඅඩුවම ලැබී ඇත


03)මෛත්‍රිපාල සිරිසේන මහතා
පසු ගිය සමයේ අගමැති ධූරයට නම් කියැවුනු එක් අයෙක් නිසාත් නිදහස් පක්ෂයේ මහ ලේකම් නිසාත් සැලකිල්ලට ගන්නා ලද මුත් ඊලඟ ජනපති වීමට ඇති හැකියාව නම් අල්පය. පතෝල ප්‍රතිපත්තියෙන් ඉවත්ව සෞඛ්‍ය ක්ෂෙත්‍රයේ ජනතාවට තදින් දැනෙන වෙනසක් කිරීමට සමත් උනොත් නම් අපේක්ෂක කමට් වත් ට්‍රයි එකක් දිය හැක   


04) නිමල් සිරිපාලද සිල්වා මහතා 
මෙතන ලිවීමට කිසිසෙත් සුදුසු පුද්ගලයෙකු නොවන මුත් පසු ගිය කාලේ අගමැති කමට නම් ලියවුන නිසා සඳහන් කල යුතුව ඇත.කොයි හැටි වෙතත් ශ්‍රි ලාංකිකයින් එතරම්ම අවාසනවන්තයැයි මට හිතෙන්නේ නැත


05) ගරු අග්‍රාමාත්‍ය තුමා
රටේ දෙවන පුරවැසියා නිසා නිල වශයෙන් ජනපති වීමෙ අවස්ථාවක් ඇත. (මහින්ද හා ප්‍රේමදාස කලාක් මෙන්) නමුත් අගමැතිතුමාගේ තුන් හිතකවත් එවන් බලාපොරොත්තුවක් ඇතැයි බුවාට නොසිතේ


එජාපය


01) රනිල් වික්‍රමසිංහ මහතා


රටේ විපක්ෂ නායකයා නිසාත් , එජාපයේ වත්මන් නායකයා නිසාත් තර්කානුකූලව රටේ ඊලඟ නායකත්වයට පත් වීමට අවස්ථාවක් ඇත . යම් යම් අංශයන් සැලකූවිට රටේ අන් කිසිදු දේශපාලන නායකයෙකුට නොමැති ශක්‍යතාවක්ද මෙතුමාට ඇත . නමුත් කණගාටුවට කාරණය නම් ඊලඟ චන්දය වන තෙක් පක්ෂ නායක කම රැක ගැනීමට හෝ පක්ෂ නායකයාව සිටිය හොත් එජාපය රැක ගැනීමට හෝ   මෙතුමාට නොහැකිවීමයි . එජාපයේ ඇතැම් පුද්ගලයින් විසින්ම කිච කරනු ලැබ ඇති නිසා පොලොන්නරුවට වරායක් ලැබුනත් රනිල් මහත්තයා ජනපති වේයැයි නම් සිතිය නොහැක  


02) සජිත් ප්‍රේමදාස මහතා


රණසිංහ ප්‍රේමදාස ජනපති වරයගේ පුතා වීමත්, මහන මැෂින් ඇතුලු ආධාර බෙදමින් යාමත් , ගිරිය කඩාගෙන කැගැහීමත් ඇරුන විට යමක් කර නැති වුවත් එජාපයට ඇති එකම( දැනට ) විකල්පයයි . ග්‍රාමීය එජාප පාක්ෂිකයා තුලින් හොඳ සහයෝගයක් ලැබුනත් සුලු ජාතික චන්ද , නාගරික මධ්‍යම පාන්තික චන්ද ඇතුලු අනෙකුත් එජාප කොටස් ආකර්ෂණය කරගැනීමට සජිත්ට හැකිද යන්නත් . පවතින රජයට වඩා හොඳ විකල්පයක් වීමට හැකිද යන්නත් ඉදිරි කාලයේදී තීරණය වනු ඇති අතර වත්මන් රජයේ සාර්ථක අසාර්ථක බාවය මත සජිත් මහත්තයාගේ ජනපති සිහිනය තීරණය වනු ඇත 


03) කරූ ජයසූරිය මහතා


සැහෙන තරම් වැදගත් ලෙසත්, රනිල් මෙන් චාටර් නොවෙන ලෙසත් ගමේ මිනිහට දැනෙන ලෙසත් හැසිරිය හැකි මෙතුමා රටේ නායකත්වය්ට සැබවින්ම සුදුස්සෙක් වුවත් පක්ෂ මාරුව නිසා තම අවස්ථාවන් අහිමි කරගෙන ඇත . රනිල් නායකත්වයෙන් ඉවත් වුවහොත් මෙතුමාත් ගෙදර යන්නට ඉඩ ඇති නිසා ජනපති කමකට ඉඩ කඩ අඩුය . කෙසේ වුවත් රනිල් මහත්තයාට නම් වඩා චන්ද ප්‍රමාණයක් ලබාගැනීමට හැකි වනු 
ඇත


04)දයාසිරි ජයසේකර මහතා  


මා කලින් සඳන් කල එජාපයේ සියලුම චන්ද පදනම් සුරක්ෂිත කරගත හැකි . ඉතා හොඳ දේශපාලන දැක්මක් ඇති මා හිතනා විදිහට වර්ථමානයේ එජාපයේ ජනප්‍රියම මන්ත්‍රි වරයාය . නමුත් සජිත් මහත්තයා නිසා අවස්ථාවක් නොලැබෙනු ඇත . එසේ වුවත් පසු කලෙක හෝ රටේ නායකත්වයට පත්වීමට ඉඩ ඇත  


05)රවි කරුණානායක මහතා 


සජිත්ට එරෙහිව නායකත්වයට ඉදිරිපත් වන බව කියා යම් සනිටුහන්ක් තැබුවත් ජනපති වීමෙ කිසිදු අවස්ථාවක් නැත . රනිල් මහත්තයා තරම් වත් චන්ද ගත නොහැක


කුසලානය


සරත් ෆොන්සේකා මහතා


කලින් ජනපතිවරණයේ දෙවෙනියා නිසා නොලියා බැරි වුවත් ජනපති වීමේ අවස්ථාවක් නැත .සුදු කොඩි කථාවටත් වරද කරු වුවහොත් අවුරුදු 2.5 අවුරුදු 25 දක්වා වුවත් දික්විය හැක


ජවිපේ


අපේ රටේ ජනතාවට එතරම්ම පිස්සු නැත !




අනාගත නායකයින් ගැන කියන අතරේම වත්මන් ජනපති මහින්ද රාජපක්ෂ මහතාගේ පදවි ප්‍රාප්තියට සුභ පැතුම් එක් කරන්නටත් , එතුමාට නිරෝගී සුවය ප්‍රාර්ථනා කරන්නටත් බුවා කැමතිය . ඒ පැල සිටුවීම් හා සංදර්ශන වලට පමණක් සීමා නොවී අප රටේ අනාගතය යහපත් කිරීමටය . ඒ සඳහා පලමුවම කලයුත්තේ  ගතානුගතික මතවාද වලින් හා එවන් මතවාද දරන්නන්ගෙන් දුරස් වීම බවද පැවසීමට කැමතිය .

13 Comments

  1. එලම තමා..... එතකොට හැබෑටම who's next?

    ReplyDelete
  2. @chanaka Aruna එජාපයේම දිගටම හිටිය නම් සජිත්ට කලින් චාන්ස් එක ගන්න තිබුන . ජනාධිපති වෙන්නත් තිබුන. අනික කට පොඩ්ඩක් අවුල් උනාට මිනිහට හොඳ දැක්මක් තියනව වගෙත් පෙනුනා ..ඒත් දැන් නම් අවස්ථාවක් ලැබෙයි කියල හිතන්න අමාරුයි

    ReplyDelete
  3. මම හිතන්නේ චම්පික රණවක විය හැකියි කියලා..

    ReplyDelete
  4. බැසිල් රාජපක්ෂ තමා නියම සුදුස්සා.

    ReplyDelete
  5. මම හිතන්නෙ බැසිල්

    ReplyDelete
  6. @KAS and sagara - බැසිල්ට අවශ්‍ය කරන සුදුසු කම් තියනාවය කියන එකට මමත් එකඟයි
    @ඔස්කා - චම්පික උගතෙක් උනත් අන්තවාදියෙක් ඒ වගෙ කෙනෙක් රටක පාලනයට ගැලපෙන්නේ නැහැ

    ReplyDelete
  7. මොකා රජවුනත්‍‍....අපි පරාදයි යකො හැමදාම....

    ReplyDelete
  8. ජවිපේ


    අපේ රටේ ජනතාවට එතරම්ම පිස්සු නැත !

    dan rate janathawa (oba athulu siyalu dena)karala thiyenne pissu wadak newei da macho!!!!!
    padavi prapthiyata giyaii
    kotima 100k lu ban okkama wiyadama
    umbalage gedarata gena lunu kilo ekenuii sini kilo ekenui thamai gana piyawanna inne
    komada umbalage wada maru neda

    umba kiyanne lankawe minissunta dan pissu na kiyalada

    ReplyDelete
  9. ඔබට පිළිගනීමට අපහසු වුවද මතක තබා ගන්න.

    ශ්‍රී ලංකවේ මීලඟ ජනපති වන්නේ

    ජනරල් සරත් ෆොන්සේකා හෝ අනෝමා ෆොන්සේකා යන

    දෙදෙනාගෙන් එක් අයෙකු බව.

    ReplyDelete
  10. [ඔබට පිළිගනීමට අපහසු වුවද මතක තබා ගන්න.

    ශ්‍රී ලංකවේ මීලඟ ජනපති වන්නේ

    ජනරල් සරත් ෆොන්සේකා හෝ අනෝමා ෆොන්සේකා යන

    දෙදෙනාගෙන් එක් අයෙකු බව.]

    Mata nam ehema hithanda amaarui. mokada JVP ekka inna kal nagitinda amaarui...
    Sajith or Dayasiri pamineme sambawithaawa wadi. habai ithin ekath sure na.

    kauru kohoma awath ithin apita hulan kiyana eka nam hamadaama niyathayak...

    ReplyDelete
  11. ඇනෝ 1 - ජවිපෙත් එක්ක නම් ගොඩ යාමක් නැ පුතෝ

    ReplyDelete

Related Posts Plugin for WordPress, Blogger...
Back to Top