අවසන් තරඟයට කලින් !! - කලින් ලිපියේ ඌණ පූර්නය

ලෝක කුසලාන අවසාන තරඟ්ය ගැන ඊයේ ලියපු ලිපියට ඌණ පුරනයක් කරන්න සිද්ධ වෙලා තියනව , ඒ අද දවස තුල ප්‍රකාශයට පත්වුන තත්වයන් එක්ක. ඒ තොරතුරු වලට  අනුව ඇන්ජලෝ මැතිව්ස් වෙනුවට ක්‍රිඩා කරන්නෙ සුරාජ් රන්දිව් නමුත් මුරලි  බොහෝ දුරට ක්‍රිඩා කරන්න ඉඩ තියනව , මෙන්න මේ තත්වයත් එක්ක අපේ කණ්ඩායමේ සංයුතිය මොන වගේ වෙවිද කියන ගැටලුව පැන නගිනව. ඇන්ජලෝ වෙනුවට දඟ පන්දු යවන්නෙක් ආදේශ කිරීමත් එක්ක රංගන හේරත් වෙනුවට තිසර පෙරේරා කණ්ඩායමට එකතු වෙන්න ඉඩ තියනව , මොකද තිසර ඉන්දියාව හමුවේ ඉතා හොඳින් පන්දු යවල තියනව කලින් අවස්ථාවල  . තිසර පැමිනීමෙන් ඇන්ජලෝටත් වඩා පන්දුවෙන් දස්කම් කණ්ඩායමට එකතු උනත් පිතිකරනය පැත්තෙන්  නම් බරපතල ගැටලුවක් පැන නගිනව , මුලින් පන්දුවට පහර දුන්නොත් නම් තිසර හා රන්දිව් ගේ එකතුව යම් තරමකට හෝ ඇන්ජලෝ ගෙ අඩුව පුරවාවි ඒත් දෙවෙනියට පහර දුන්නොත් , විශාල ලකුණු ප්‍රමාණයක් හඹායන පීඩන කාරි අවස්ථාවක් උනොත් නම් ඇන්ජලෝගේ අඩුව තදින්ම දැනෙයි . සුපිරි ක්‍රිඩක මුරලි ක්‍රිඩා කරන එක නම් කණ්ඩයමට වඩාත් වැදගත් වේවි නමුත් ඔහු තවමත් අසනීප තත්වයෙන් නම් සුපුරුදු රිද්මයට එන්න බැරිවේවි . ඉන්දියාව පැත්තෙනුත් ඔවුන්ට නේරාව අහිමිවී තියනව , මම ඊයේ අශ්වින් ගැන කතා කලත් දෝනි වඩාත් කැමති වේග පන්දු යවන්නන් 3 දෙනෙක් එක්ක ක්‍රිඩා කිරීමට බව තමයි පෙන්න තියෙන්නේ. ඔහු තාමත් වේගපන්දු යවන ශ්‍රි සාන්ත් හා අශ්වින් අතර දෝලනය වෙමින් ඉන්නෙ . මට හිතෙන විදිහට ලංකාව පැත්තෙන් නම් ශ්‍රි සාන්ත් ක්‍රිඩා කිරීම අපිට වාසි සහගතයි ,

මේ විවේචනයට මොහොත නොවුනත් තුන් ඉරියව් ක්‍රිඩක ඇන්ජ්ලෝ වෙනුවට දඟපන්දු යවන ක්‍රිඩකයෙක් අදේශ කරන්න පුලුවන් නම් ඒ සඳහා වඩාත් සුදුසුම සනත් ජයසූරිය නම් කලේ නැත්තෙ ඇයි කියන  එක නම් බරපතල ප්‍රශ්නයක් කියල කියන්න වෙනව ,බැටින් පවර් ප්ලේ එක නිර්මානය වෙන්න මූලික උන , අත්දැකීම් බහුල ක්‍රිඩකයව පසුපෙල ක්‍රිඩකයෙක් විදිහට යොදාගන්න බැරි ඇයි??????

කොහොම උනත් හරි හෝ වැරදි මේ ගත්තු තීරන ඔක්කොම අපේ කොල්ලන්ගේ ජයග්‍රහනයටම හේතු වේවා කියල මම ප්‍රාර්ථානා කරනව