සරත් ෆොන්සේකා මහතාට නිදහස ලබාදීම සඳහා කැබිනට් මණ්ඩල අනුමැතිය හිමිවී ඇතැයි මාධ්‍ය වාර්ථා පලවී ඇත . ෆොන්සේකා මහත්මිය සහ ටිරාන් අලස් මන්ත්‍රිවරයාට අනුව ඒ සඳහා කිසිදු කොන්දේසියක් රජය පාර්ශවයෙන් ඉදිරිපත්වී ද නොමැත . ෆොන්සේකා මහතාගේ දේශපාලනය සමඟින් එකඟතාවයක් නොමැති එහෙත් රටට මහඟු සේවයක් කල මිනිසෙක් සිර දඬුවම් විඳීම පිලිබඳව කණගාටුවෙන් පසුවූවන් පවා ෆොන්සේකා මහතාගේ දේශපාලනික අනුගාමිකයින් තරමටම සතුටු වනවා නිසැකය . සොරුන් මිනිමරුවන් දූෂකයින් නිදහසේ සැරිසරනා සමාජ වටපිටාවක ෆොන්සේකා පමණක් සිරගත කොට තැබීමෙ අසාධරණය අවසන් වීම නිමිත්තෙන් සතුට පලකීරිමක් ලෙස මෙසේ කෙටියෙන් හෝ යමක් සටහන් කල යුතුව ඇත ෆොන්සේකා මහතා නිදහස කිරීම පිටුපස ක්‍රියාත්මක වන දේශපාලනික ක්‍රියාදාමයන් පිලිබඳ නොයෙක් ආකාරයේ විවිරණ ඇතත් මේ මොහොතේ ඒ පිලිබඳ අදහස් දක්වීමට වඩා නිහඬ නිරීක්ෂනය වඩා උචිතය . එනිසා ෆොන්සේකා නිදහස් කිරීම එහි දේශපාලනික වටපිටාවෙන් ස්වායක්තව සලකා ජනපතිවරයාට හා ටිරාන් අලස් මන්ත්‍රිවරයාට ස්තුතියක් පුද කිරීමේ හැකියාවක්ද නැතුවා නොවේ !