Skip to main content

බල්ලන් සහ මැක්කන්

ආචාර්ය සිල්වා ගේ ගෝලබාලයන් පිරිස ඔහුට එරෙහී වී ඇත . "අපිට ඒ ගැන ලැජ්ජයි" , "අපි ඒ දවස් වල කොන්දක් තිබුනේ නැ" වැනි දේශපාලකයෙකුගේ මුවින් කිසිලෙසකින් හෝ පිටවිය නොහැකි වැකි ඔවුන්ගෙන් පිට වනවා දක්නට ලැබිනි . ආචාර්ය සිල්වාගේ ගෝලයන් අහවල් පාට වැන් වලින් උස්සන් යෑම ඇතුලු රංගනයන් කිහිපයක් පසුගිය සමයේ දක්නට ලැබුනු අතර තිරය පිටුපසද ඊට වඩා සැහෙන කෙලියක් සිදුවී ඇති බවටද උපකල්පනය කල හැක . මන්ද බල්ලාගෙන්  යැපෙන මැක්කන් ලේසියෙන් බල්ලාට විරුද්ධ වන්නේ නැත . ආචාර්ය සිල්වා පැවැත්වූ  මාධ්‍ය හමුවේදී සුපුරුදු පරිදි තම ගොන්කම ප්‍රදර්ශනය කරමින් පැවැසුවේද බල්ලන් හා මැක්කන් ගැනය . ඔහු  කියන්නේ බල්ලන් සමඟ නිදියන්නට ගොස් මැක්කන් සමඟ නැගිටීමට තමන්ට සිදුවී ඇති බවකි . බල්ලන් හෝ බල්ලන් සමඟ ලගින්නන් තුරුලට ගත්විට සිදුවන්නේ කුමක්ද යන්න  ආචාර්ය  නොවන සිල්වා අපුරුවට පෙන්වා ඇති වටපිටාවක බල්ලන් සහ බල්ලන් සමඟ ලගින උන් ගැන බරපතල ලෙස සිතීමට ලොකු තැනට සිදුවනු නියතය . මන්ද බල්ලන්ගේ පමණක් නොව මැක්කන්ගේ කෙරුවාවෙන්ද කෙලවෙන්නේ එතුමානණ්ටය , තංගල්ලේදී එයද අපුරුවට රඟදක්වා ඇත . බල්ලන් පිලිබඳ නිසි පියවර ගතහොත් මැක්කන්ගේද කෙරුවාවද අවසන් වනු ඇත . පසුගිය දිනක යාපා (ජුනියර් ) අමාත්‍ය තුමාද අවධාරනය කලේ බල්ලන්ගේ කෙරුවාවන් ගැන ය .රජතුමනි මේ බල්ලන් පිලිබඳ සෙවීමට කාලයයි !

සැ,යූ - මෙහි බල්ලා යනුවෙන් අදහස් කර ඇත්තේ කකුල් හතරේ ක්ෂිරපායි සතෙකු වූ මිනිසාගේ හොඳම මිතුරා නොවේ , සිහල ජන වහරේ එන අනික් 'බල්ලා' ය

------------------------------------------------------------------------------------

සිනමාවට සංගීතයට ආදරය කරන ඔබවෙනුවෙන් සැකසුන ආලකමන්දාව ගැන වැඩිවිස්තර දැනගන්න පහත සබැඳිය භාවිතා කරන්න  , 



http://buwagesithuvili.blogspot.com/2012/01/blog-post.html

Comments

  1. මම ළඟදී මරු නාට්ටියක් බැලුවා. බල්ලොත් එක්ක බෑ. බලන්න ඉන්නේ අන්දරේලා..

    ReplyDelete
  2. බල්ලො ලංකරගැනීමෙන් අත්වන සුළු වාසියට වඩා අවාසිය ලොකුයි කියල ලොක්කට තේරෙනකම් "බල්ලට ගිය රට" ලේබලේ ගලවන්න බෑ. ඒ දිනේ වැඩි ඈතක නොවේවා කියල ප්‍රාර්තනා කරන්න විතරයි අපිවගේ හුදී ජනයට ඉඩ තියෙන්නෙ.

    ReplyDelete
  3. බල්ලා යනුවෙන් අදහස් කර ඇත්තේ කකුල් හතරේ ක්ෂිරපායි සතෙකු වූ මිනිසාගේ හොඳම මිතුරා නොවේ යැයි ඔබ විශේෂයෙන් සදහන් කර ඇති හෙයින් "බල්ලන්ට" අපහස කිරීම සම්බන්ධයෙන් ඔබට‍ දොස් නොනගා සිටින්නෙමි.

    ReplyDelete
  4. මම නම් කියන්නෙ බල්ලොත් එක්ක බෑ කියලා :)

    ReplyDelete
  5. මෙහෙමයි මැක්කන් ඇති කර ගත්තෙත්, දඩාවතේ යන බල්ලන් අහවල් එක අස්සේ ගහ ගත්තෙත් උන්මයි. දැන් ඒ බල්ලන් කන්න පටන්ගෙන. ඉස්සෙල්ලම උන් කන්නේත් උන්ගේ උන්මයි. තිස්ස පැත්තේ අය දන්නවා කාලෙකට කලින් අවුරුදු 30 - 35 විතර කලින් මේ බල්ලො හිටියේ කොහෙද කියලා. අනේ බල්ලන්ට ගිය කල, එහෙමත් නැත්නම් රට.

    ReplyDelete
  6. පිට කොන්ද දුන්නේ කව්ද? දත් දොස්තරද?

    ReplyDelete
  7. මැක්කා හුදෙක්ම බල්ලාගෙන් පෝෂණය වන්නෙකි..අහේතුවට මේ බල්ලන් මැක්කන්ට පෝෂණ ශිෂ්‍යත්ව ලබාදී පෝෂණය කරයි..!!

    ReplyDelete
  8. @මාතලන් - ඒක් හරි බල්ලොත් එක්ක නම් කොහොමටවත් බැ

    @රාජ් - එච්චර තමයි අපිට පුලුවන්

    කේසී - ඒක තමයි පලි යක් දැම්මේ අහිංසක සත්තුන්ට අපහාස කරන්න හොඳ නැනේ

    මාත් කියන්නෙ ඒකම තමයි

    මහ වෙදනා - හා හා පරිස්සමෙන් ඕව කියන්නේ

    ජයශ්‍රි - අනේ මන්ද , කවුරු දුන්න පිට කොන්දක්ද කියල

    චමින්ද ගුණරත්න - මසුරං කථාව

    ReplyDelete
  9. ෂෙහ්... ඔය බල්ලොයි මැක්කොයි එක සැරේ ම නැති කරන්න පුලුවන් බලු වෑන් එකක් ආවා නම්, ඒත් දැන් බලු වෑන් කෙසේ වෙතත් සුදු වෑන් එන හැඩයි!

    ReplyDelete
  10. මැක්කො කොහොමත් පරපෝෂිතයෝ

    ReplyDelete
  11. බල්ලොත් එක්ක බෑ!

    ReplyDelete
  12. ඇයි ඕවා තේරුම් යන්න කල්ගියේ මෙච්චර...

    ReplyDelete

Post a Comment

Popular posts from this blog

නායකත්ව ලක්ෂණ , සැබෑ නායකයින් , පාසලේ කාර්යභාරය සමඟින් රටේ නායකයින් !

නායකයින් හා නායකත්ව ලක්ෂණ පිලිබඳ අන් කවරදාකවත් නොවු  තරමෙ අවධානයක්  මේ වන විට සමාජය තුල පවතී. එයට මූලික හේතුව වී ඇත්තේ විශ්ව විද්‍යාල සිසුන් අරඹයා රජය විසින් ක්‍රියාත්මක කෙරෙන නායකත්ව පුහුණු වැටසටහනයි . මේ ලිපියෙ අරමුණ මේ වන පට්ට ගසා පිලුන් වී ඇති එම පුහුණුව පිලිබඳ  කථාබහ කිරීම නොව  සැබැ නායකයා හා නායක්ත්ව ලක්ෂන පිලිබඳ සාකච්ඡාවක යෙදීමයි නායකයා කණ්ඩායමක් වශෙයන් සිදු කරනා යම් කාර්යයක් වේද නායකයාගේ භූමිකාව ඒ තුල අන්තර්ගත වේ . කණ්ඩායම යනු දෙදෙනාගෙ සිට සිය දහස් හෝ ලක්ෂ කෝටි ගණනක් දෙනා විය හැක . කාර්යය  සරුංගලයක් සැකසීම, පාරක ගල් ඇතිරීම , ක්‍රිඩා තරඟයක් හෝ රටක් , රාජ්‍යයක් පාලනය කිරීම විය හැක . මේ කුමන කණ්ඩායමක, කුමන කාර්යය වුවත් සාර්ථක වීමේ  කෙරෙහි බලපාන ප්‍රධානතම සාධකය නායකයා හා ඔහුගේ නායකත්ව ගුණාංගයි .කණ්ඩායමේ ස්වාභාවය , කාර්යයේ ස්වාභාවය ,අදාල නිශ්චිත අවස්ථාව හෝ භාහිර සාධක නිසා එක් නායකයෙකුගේ කාර්ය භාරය හා ඔහු සතු විය යුතුගුණාංග තවත් කෙනෙකුගෙන් වෙනස් විය හැකි වුවත් පොදුවේ දැරිය යුතු  නායකත්ව ගුණාංගයන් රැසක් ද හඳුනාගත හැක   . නායකත්ව ලක්ෂණ ...

xxx xxxx මහතාගේ ඝාතනය පිලිබඳ දැක්වූ අදහස්

Mr .ලොකු තැන - ------------------------------------------{නිහැඬියාවක් පමණි } Mr . පැරකුම් - අපිට රටේ ප්‍රජාතන්ත්‍රවාදය ස්ථාපිත කරන්න වෙලා තියනවා . ලැටිමර් හවුස් ප්‍රතිපත්ති ක්‍රියාත්මක කරලා , රටේ ජනතාවගේ ප්‍රජාතන්ත්‍රවාදය ස්ථාපිත කරන්න කියලා අපි ******** ගේ රජයට කියනවා . ලබන සිංහල අවුරුද්ද වෙනකන් විතරයි  අපි කල් දෙන්නේ . ප්‍රජාතන්ත්‍රවාදය ස්ථාපිත නොවුනොත් අපි මැයි මාසෙදි පාරට බැහැල 2014 දී ආණ්ඩුව ගෙදර යවනවා Mr. කලවැද්දා - අද රටේ නීතියක් නෑ , බල්ලො බලල්ලු වගේ මිනිස්සු මරනවා . මේක ඒකාධිපති පාලනයක් .සමහර බංකොලොත් දේශපාලන නායකයොත් මේ ඒකාධිපති පාලනයට කඩේ යනවා . එන්න මාත් එක්ක එකතු වෙලා මේවට විරුද්ධව සටන් කරන්න . ජයවේවා Mr.වෙනුර- ඕක තමයි මම කිව්වේ මාලු කඩේ කියලා .ඔය වැඩේ කරවපු  හොටු ගැමුණු උන්නැහේ මාලු කඩේ සමාජිකයෙක් . මාලු කඩවල උන් නෙවෙයිද ඔය වගේ ජරා වැඩ කරන්නේ Mr. බුරුවංශ - මේක තනිකරම බටහිර අධිරාජ්‍ය වාදි වලවේග වල කුමන්ත්‍රණයක් . යුද්ධෙන් පස්සේ අපි යන ගමන මේ අයට ඉවසගන්න බෑ මොකක් හරි බාල්දියක් පෙරලනවා . මාර්තුවල ජිනිවා සමුලුව ඉලක්ක කරගෙන කරන වැඩ මේවා . ලංකාවේ මන්ත්‍රි කෙනෙක...

මුස්ලිම් අන්තවාදය මගේ මතය සහ යොජිත විසඳුම් - සිරාගේ කාමරයට පිලිතුරක්

ඉස්ලාම් අන්තවාදය පිලිබඳ අන්තර්ජාල කතිකාව බොහොම තදබල විදිහට සිදුවෙන බවක් මේ වෙනකොට දකින්න තියනවා . අන්තර්ජාලයෙන් බැහැර සමාජය තුලටත් මේ මතවාදයන් කාන්දු වෙන්න පටන් අරන් බොදු බලසේනා වගේ සංවිධාන වල බිහිවීමත් එක්ක . මේ සම්බන්ධව අන්තර්ජාලය තුල මතුවු නොයෙක් කතිකාවන් වලදි අදහස් දක්වලා තිබුනත් ඒවා අදාල ලිපියේ සමස්ථ අදහසත් එක්ක බැඳෙන නිසා  බ්ලොග් කරුවෙකු වශයෙන්  මගේ ස්ථාවරය පැහැදිලි කලයුතුයි කියල හිතෙනවා . මේ ලිපිය සිරාගේ කාමරය බ්ලොග් අඩවියේ පලවු පහත සඳහන් ලිපිය  වෙනුවෙන් මගේ ප්‍රතිචාරය විදිහටත් සලකන්න පුලුවන් http://siragekamare.blogspot.com/2012/12/blog-post_12.html සංවාදයක් ආකාරයෙන් පහත මතු කරල තියෙන්නේ ඒ පිලිබඳ මගේ සම්පූර්‍න ස්ථාවරය මුස්ලිමුන් අන්තවාදියිද - මේ පිලිබඳ මූලික සාකච්ඡාවක් කලින් ලිපියක සඳහන් කරලා තියනවා . මුස්ලිම් ජාතිකයින් කුරානය හෝ ඉස්ලාම් ධර්මය ආගමික අන්තාවාදයට රුකුල් නොදෙන බවට තර්කයන් ගෙනාඅවත් , කුරානයේ සඳහන් ඇතැම් වාක්‍ය ආගමික අන්තාවාදීන්ට අවශ්‍ය ආකාරයෙන් විග්‍රහ කරගත හැකිවීමට තියන සම්භාවිතාව පිලිබඳ සාර්ථක පිලිතුරක් ගොනුවෙන්නේ නෑ . ඒ වගේම මුස්ලිම් බහුතරය...